僕之拉麵 (已結業)

之前真係好少出街食，開始報復式出街食，今日就去咗旺角一間拉麵舖頭，價錢唔算特別平，但係質素都幾好。叫咗兩個拉麵，一個係特選拉麵，都要$135 㗎，另一個就係人氣拉麵，兩個餸都係差唔多，但係個湯底就揀咗唔同嘅湯底。豚骨濃湯 特選拉麵 (Special Ramen)入面有叉燒1.5倍，炙叉燒，紫菜，味荀，雞蛋我鍾意飲佢個豚骨濃湯，又未去到沾麵個種好咸，但同時又幾籠豬骨湯味，而且我叫咗拉麵質地偏硬，咬落去質感比較好。我係唔鍾意食蔥嘅，所以我都特登走蔥，如果大家鍾意食葱，就唔好以為依間拉麵舖頭冇葱😂😂😂而佢嘅叉燒都唔算話好肥，咬落去有口感，隻燒叉燒都燒得幾香。人氣拉麵 (Popular Ramen)叉燒，紫菜，粟米，味筍＋鷄蛋醬油湯其實佢個拉麵同叉燒都差唔多，我就覺得佢個醬油湯幾好食。最緊要就係食完覺得唔頸渴！

今時今日係香港想食返碗似樣既拉麵都唔係咁容易搵得到，但經過我地一番堅持，俾我地發掘到位於旺角既樸之拉麵，一坐底打開餐牌發現拉麵有5款，但係最出圍又吸晴應該係呢碗肉愛食者拉麵，係日本又名「豚肉浪花」，豚肉掛滿碗邊實在太過份啦，係香港都食到真係令人更加掛住鄉下！同行友人去到就揀選特選拉麵，有大1.5倍既豚肉，肥瘦適中，味道唔太咸，鐘意食肥肉既朋友絕對係必食之選，每碗拉麵都有1隻糖心蛋開邊，唔使特別追加，而且仲有2款湯底選擇，濃湯原味及清湯原味，食拉麵根據日本傳統為左尊重個廚師一定要清哂d湯，鑒於之前食過好幾間拉麵飲完湯相隔半小時內就會好口渴要瘋狂「啤」水。但今次試完樸之拉麵居然一d都唔口渴，後來同行友人發現鋪頭內有使用還原水機，有用開還原水機既朋友都了解到鹼性水煮湯係會特別濃味，從而解開我的迷團，亦感受到這間拉麵鋪絕對唔係「揸流攤」係用心去經營，下次路過旺角會試試期間限定拉麵。

僕之拉麵 (旺角) @boku_no_ramen 位於旺角嘅一間人氣拉麵店，經常都有人推介佢哋嘅特色叉燒拉麵，平日七點左右已經滿座🫣呢期仲有新出嘅期間限定拉麵同小食🌟特選拉麵 $135有👉🏻叉燒1.5倍＋炙叉燒＋紫菜2枚＋葱+味荀+味付雞蛋可以揀濃湯原味或者清湯原味，我哋揀咗濃湯，湯底比較杰身同好濃郁，但唔會好鹹。炙叉燒就長過個碗😎半肥瘦超正，食肉獸一定要試吓🌟海老愛食者拉麵 $148呢款係新出，期間限定嘅拉麵款式。每日限定15碗🤩有👉🏻叉燒＋赤蝦＋櫻花蝦＋葱＋味筍+味付雞蛋（半）有七隻赤蝦圍住個碗邊，賣相超IGable📸 赤蝦有火炙過，味道更香呢款嘅湯底冇濃湯咁杰，但味道都係好濃郁。如果同時想食叉燒同蝦嘅話，呢款會比較啱 🌟炸雞四件 $38外脆內滑，粒粒都好厚肉，好食🌟牛肉可樂餅 $36呢款小食都係期間限定，即叫即炸好酥脆🌟Peach soda $24🌟Melon soda $24食完叉燒有啲膩，飲啖梳打refresh下就最啱📍 僕之拉麵 (旺角)旺角豉油街74號地舖

僕之拉麵好有日本feel, 牆邊有好多日本的擺設同壁畫，好似去左旅行咁☺️拉麵款式有幾款，可以選擇嘅只有湯底係清湯定係濃湯。清湯由慢火煮豬骨熬製而成；濃湯則用大火煮豬骨泡製而成。兩種湯底令拉麵味道略有不同。肉愛食者拉麵如果係肉食愛好者既你會鍾意呢個拉麵，拉麵碗上面圍住12塊豚肉，基本上可以每一啖都配一塊肉黎食。呢個拉麵當然唔係咁簡單，配料仲有粒粒燒叉燒，包你啖啖肉。基本拉麵想品嚐傳統配料既拉麵就可以點基本拉麵黎食，配料有叉燒，糖心蛋，木耳條。因為配料比較少，所以就配搭濃湯湯底增加味道，整體味道亦都唔錯。炸餃子炸出嚟嘅餃子為外皮增加左口質，咬感爽脆，亦可以配搭沙律醬一齊食，味道都唔錯。唐揚炸雞 炸皮好薄，一咬到肉，肉質口感都唔錯，亦可以點沙津醬一齊食。桃味梳打充滿桃味嘅梳打水，甜甜地。柚子汽水飲落似柚子酒味但無酒精，柚子味較濃。

黎旺角行街，呢間拉麵係一間醫肚既好選擇，拉麵質素好，店員又友善。特選拉麵配清湯 : 有正常份量1.5倍既义燒 同一大塊灸义燒，仲有紫菜、蔥、味荀同味付雞蛋。呢碗拉麵好啱鍾意食肉既朋友，塊灸义燒味道簡直一流，灸燒過肉味特別香濃，脂肪部份更非常香脆惹味。人氣拉麵配濃湯 : 特濃湯底豬骨味濃厚澎湃，配料有义燒、粟米、紫菜、蔥、味荀同味付雞蛋，份量一啲都唔少，CP值高。唐揚炸章魚 : 章魚彈牙，食得出好新鮮，炸到鬆脆啱啱好。章魚燒 : 上枱時粒粒都脹卜卜，章魚燒上面既柴魚片郁下郁下極吸引，入口仲熱辣辣非常美味。

呢間開係旺角嘅拉麵鋪，未到7點就開始滿座，餐廳內位置都幾多🦐海老愛食者拉麵 $148-特濃蝦湯底 鮮蝦味道出眾-湯底內有櫻花蝦 蔥花 味荀-鮮蝦以浸溫泉方式懸掛在碗邊 相當新鮮-拉麵底硬度正常 味玉流心嫩滑🐖特選拉麵 $135-豚骨濃湯熬煮12小時 非常濃郁惹味-除咗有薄片嫩口叉燒 仲有一條長長嘅炙叉燒 炙燒味幾香而不膩-份量都好足夠🐙炸章魚 $30-炸粉唔算厚 章魚有一定粗度-幾彈牙 唔錯🦀蟹肉可樂餅 $36-蟹肉可樂餅內有重重的忌廉及奶香-小食嚟講都幾飽肚🍑桃梳打 $24 + 🍐柚子梳打 $24-梳打好夠氣 原支上-味道不會太甜 剛好總括而言，拉麵味道會令人留下唔錯嘅印象，值得一試😋😋

今日喺旺角放工，隨便搵間嘢食，見到呢間拉麵店好似幾有誠意，同同事快快手食完返屋企。入到去裝修都幾得意，仲有啲figure, 細個嘅集體回憶飛天少女豬事丁店員介紹時間尚早，仲有每日限量15碗嘅海老愛食者拉麵，雖然價錢唔平，但係份量極大，每一隻蝦都係火炙，原本以為係熟晒，但原來係火炙水晶蝦，新鮮滑口，拉麵湯底加咗好多櫻花蝦，味道十足另外叫咗呢個招牌肉愛食者拉麵，對於無肉不歡嘅我真係好足夠，叉燒三倍，而且仲有豚肉粒，雖然百幾蚊，但係份量十足，感覺值回票價。湯底揀咗清湯，第一啖面識落覺得比較淡口，食到咁上下就知道啱啱好，平時啲拉麵店味精重，唔敢飲湯，呢度有得揀湯，清清地，就可以拉麵連埋啲湯一齊食仲可以揀唔同小食，章魚丸啱啱炸好，脆皮好薄，入面軟綿綿，章魚都算大粒仲有炸雞都係恰到好處，比較juicy最後不得不提汽水，應該唔係度度有得賣？柚子同埋桃味汽水都有得揀，食完拉麵飲番啖，感覺幾好

嘩 第一眼就已經衝擊左眼球幾咁震撼澎湃又係肉食者嘅盛宴😍依碗連名都唔修飾直接叫 肉愛食者拉麵有三倍量嘅叉燒 再加角切叉燒真係淨食肉都飽加埋味筍 蔥 糖心蛋嘅配合十分完美湯底揀咗濃湯濃厚嘅豬骨湯配上秘製醬油每口湯都十分厚重但又會想不停咁飲落去而且唔會油膩 味道彷彿真係去咗日本嘅拉麵店咁叉燒又軟又嫩帶淡淡肉香角切叉燒就肉味香濃並帶有焦香拉麵係比較粗身彈牙 但都好掛湯 依碗拉麵無論色香味都可以比滿分之前佐敦店已經去過現在旺角開分店就更加方便

旺角豉油街原來新開咗一間日式拉麵店【 僕之拉麵】🥳 門面主要是木系日式裝潢，有不少達摩擺設，也有掛著燈籠🏮內部的裝潢都係差唔多風格，仲有不少日本特色的掛畫，面譜等。呢道嘅拉麵好有份量！雖然個碗比普通拉麵碗細，但堆滿食材，超豐盛！💯🍜 #肉愛食者拉麵 💲120「叉燒3倍+角切叉燒＋葱+ 味筍 +味付雞蛋」叉燒掛碗望到都覺得好澎湃！然後碗入面有好多角切叉燒，食肉獸最岩😎 湯底選擇咗豚骨濃湯，入口超濃郁。叉燒肉質好滑嫩。拉麵口感爽滑彈牙，掛湯好好味！🦐 #海老愛食者拉麵 💲148「叉燒＋赤蝦＋櫻花蝦＋葱＋味筍＋味付雞蛋」每日限定十五碗，好彩我中午食，仲有得叫。碗邊掛咗一排赤蝦，赤蝦用火輕輕炙過，到半生熟，有甜味，亦有炙燒香氣。湯底用咗蝦頭煲，超香濃，啖啖精華！加咗不少櫻花蝦，添加鹹香同香脆口感。🍢 #炸章魚丸 💲30迷你尺寸的章魚丸，入面有粒粒章魚肉，加上照燒汁同沙律醬，好香甜。🍤 #炸章魚 💲30炸香的章魚外脆內彈牙，有嚼口。可以加少少檸檬汁減膩。🧊 #柚子汽水 💲24富士山柚子汽水🗻。湯底濃郁，飲啖汽水中和返，好爽！📍 #僕之拉麵 #旺角豉油街74號地舖

位於旺角豉油街嘅呢間人氣拉麵店，裝潢充滿日本風格，牆上掛上不同日本風情掛畫，座位闊落，坐得幾舒服～🔸炸章魚🐙新鮮熱辣炸出嚟，章魚彈牙，加檸檬汁食好開胃！🔸炸餃子🥟好香脆，餡料足，口感豐富🔸叉燒拉麵🍜叉燒份量超級多，又大片，鋪滿成碗拉麵，出手超闊綽！食肉獸啱晒，肉質軟淋，而拉麵係曲麵，更易掛湯！麵質爽口彈牙～超讚！其他配料仲有糖心蛋、味筍同紫菜！糖心蛋好驚喜，醬油味濃之餘流心效果一流，好滿足！🔸特選拉麵🍜俾片炙燒叉燒吸引左，超巨大，炙燒味好香，夾雜住油脂味超惹味！叉燒份量同樣超多，配料同樣有糖心蛋同筍，仲有兩片大紫菜，真係好抵食！🔸桃梳打 + 柚子汽水完全俾佢地賣相吸引左，來自日本嘅汽水，桃味香甜，柚子開胃，值得一試

自從有返晚市，我就急不及待約朋友見吓面，今日就約咗朋友去僕之拉麵食個麵兼見個面。拉麵店通常嘅招牌菜式就係佢哋嘅湯底，呢度主打豬骨湯，亦有分濃湯同清湯。另外仲有唔同嘅小食可供選擇。我一向比較貪心，所以就揀咗份量最多嘅特選拉麵，而呢碗拉麵就選擇咗配以清湯原味。估唔到清湯嘅味道都咁豐富，非常鮮味，絕對係多飲無妨。而我揀特選拉麵嘅原因，就係俾呢條炙叉燒吸引住。炙叉燒有炭燒嘅味道，半肥瘦嘅豬肉燒得夠甘香而且又不太油膩。味付雞蛋做到蛋黃呈半熟，非常好味！兩塊紫菜浸落清湯享用，更加是絕配。朋友就揀咗簡單啲嘅叉燒拉麵配以濃湯原味。講到明係兩倍叉燒，所以叉燒嘅份量多到可以圍滿整個碗邊。豬骨濃湯嘅油脂比較豐富，飲起上嚟較有質感，配合拉麵味道亦唔錯。嚟到冇理由只係食拉麵，一於叫多兩份小食開心share。炸雞上枱熱辣辣，因為用上雞髀肉，所以口感特別嫩滑。炸章魚亦係我嘅至愛，口感彈牙，加埋包圍住嘅炸漿，真係可以食唔停口！

琴日同朋友去豉油街食晏，試咗呢間僕之拉麵，整體用餐體驗幾好。🍴人氣拉麵 $98每一款嘅拉麵都可以揀濃湯或者清湯，而清湯都仲可以揀豉油或者鹽味，呢個拉麵嘅配菜有埋粟米幾特別，拉麵麵質好彈牙。🍴叉燒拉麵 $98佢有兩倍嘅叉燒🙈，好似夾極都仲有咁，另外我自己加咗紫菜，不得不提佢嘅味付雞蛋非常之好食，蛋黃好吸引，賣相滿分。🍴炸章魚 $30食拉麵點可以唔加個小食，味道唔錯。🥤柚子梳打&桃梳打 $24,24呢個飲品個樣好日本好靚，兩隻嘅梳打都超好飲。

-僕之拉麵🍽-特選拉麵 $135湯底就揀左豚骨濃湯🍜望落個湯好似好稠但其實唔算好濃但都ok唔會太油膩😉配料有叉燒同炙叉燒份量超多😍叉燒好林又juicy😌小編鐘意炙叉燒因為佢成條豚肉咁黎炙燒完勁香😋麵質亦好掛湯👍-肉食愛好者 $120如果想食爆多肉可以揀呢個🤣D叉燒鋪滿成個碗邊非常壯觀😍足足有8塊叉燒再加角切叉燒真係麵如其名😋湯底揀左豚骨清湯鹽味雖然個色水就比較清但比豚骨濃湯更有味有d驚喜😉-炸雞 $38炸雞佢就唔係用炸粉個隻所以食落唔會好脆但冇咁熱氣🤣雞肉就好嫩滑但如果冇咁多肥膏就好😉-炸章魚 $30呢個大推😍章魚🐙勁彈牙加d檸檬汁超開胃😋😋-蜜瓜汽水/柚子汽水 $24蜜瓜味小編認為唔係人人接受到因為可能會覺得係藥水味😂但柚子係好fresh再加有汽超gur😌-🌟評分:🏅🏅🏅🏅📍地址: 旺角豉油街74號地舖

終於有返晚市堂食 我哋急不及待食返碗熱辣辣嘅拉麵先🍜 去咗旺角一間裝修頗有日式風格嘅拉麵店 特別想試佢哋嘅炙叉燒🥰今次試左特選拉麵同肉愛食者拉麵🍜 前者選擇左清湯鹽味湯底 選用咗西班牙優質豚肉慢火熬製 湯底清澈唔膩 係我哋鍾意嘅湯底口味😍 炙叉燒果然冇令我哋失望 炙燒到表面非常香 用上半肥瘦叉燒 油脂香味爆發👅 普通叉燒口感亦都好滑👍🏻 半熟蛋係用蘭王靚蛋 時間掌握得啱啱好😋肉愛食者拉麵有成3倍叉燒份量😱 非常壯觀 而且仲有角切叉燒 炙燒過好香🤩 呢個湯底揀咗濃湯 加咗秘製醬汁 口味濃厚比較容易掛係麵條上👅 拉麵可以加配嘅配料亦都比平時多 仲有好特別嘅鵪鶉蛋可以加🥰 我哋加咗一份有六粒 好過癮🤣一共有四款小食 我哋今次就試咗炸餃子同埋章魚丸🐙 新鮮做起熱辣辣 兩款點沙律醬一流😋飲品亦有特色日本飲品 我哋揀咗柚子汽水同埋白桃梳打😍 玻璃樽身有富士山圖案非常靚🤩 味道清新 配搭拉麵非常合適🌟

環境：裝修好日系好似真係去咗日本嘅拉麵店🥺 牆壁有好多日本掛畫同小擺設增添個性，另外作為拉麵店，呢間小店張椅夠大，坐得幾舒服特色：肉愛食者拉麵同特選拉麵都係打卡拉麵。前者肉肉量真係好誇張，叉燒掛滿湯碗有成8大塊，仲有海量角切叉燒☺️食肉食得勁滿足。另外配料仲有蔥、味荀、味付雞蛋😚 大堆頭男士都食得飽。 而呢碗拉麵唔係得個樣，叉燒軟嫩又唔太肥，味付雞蛋係糖心😍超正！而特選拉麵雖然肉肉量無前者咁多，但特色係有炙燒叉燒，微焦外脆內軟口感必具另一番風味，而且炙燒叉燒直徑有成一隻碗咁長😆都非常值得打卡人均消費：$140評分：4.5/5分