僕之拉麵 (已結業)

湯底麻麻地，完全唔熱，一上台就已經有層厚油浮面叉燒一d味都冇！！！！牛肉可樂餅裡面全部係薯蓉，得極少量牛肉碎，加埋d汁味道好奇怪。。。。成餐飯最正常係罐可樂甘多好評都中伏，絕對冇下次

聽說旺角有一家拉麵好出名，叉燒海量而且彭湃，圍住成個碗土，去到旺角心血來潮想食。餐廳走日本風，放著各式各樣的和風擺設，但光線充足，跟一般拉麵店不一樣。 肉愛食者拉麵 ($120)叉燒3倍，角切叉燒，葱，味筍，味付雞蛋成6片叉燒圍住碟邊，叉燒嫩滑不鞋口，仲有好多粒燒過嘅角切叉燒，口感彈牙，啱哂肉食愛好者，而且豚骨拉麵湯底非常濃，拉麵掛到好多湯汁，又唔會太咸 人氣拉麵($98)叉燒，紫菜4枚，粟米，葱，味筍，味付雞蛋選了跟肉愛食者拉麵一樣的湯底，沒有海量叉燒但有4塊紫菜都夠哂正 炸餃子 4隻 ($30)餃子新鮮炸起，好脆呀，椰菜餡料，附上蛋黃醬更添滋味 柚子梳打/ 蜜桃梳打($24)最喜歡飲呢隻梳打，味道唔會有伏，無論水蜜桃味同柚子味都好好

最近好多人都返咗鄉下🇯🇵 暫時仲係香港嘅我就食住日本菜解解鄉愁🤣 今日約咗位同樣係日本控嘅朋友去僕之拉麵挑戰下呢度主打嘅特大號拉麵🍜！平時對於拉麵店嘅認知一向都係啲枱排得好密 食客一多就會好擠擁但呢度完全顛覆我嘅認知😮枱與枱之間空間感十足 傾計都傾得舒服啲☺️自問食量一流嘅我哋本身想試下期間限定、每日只供應15碗嘅 海老🦐愛食者拉麵（$148）可惜來遲一步 唯有轉target 挑戰另外2款同樣係加大版嘅拉麵啦！已經好肚餓嘅我 毫不猶豫就揀咗肉愛食者拉麵 （$120）啲叉燒好似晾衫👕咁晾咗喺碗邊吸睛之餘 叉燒嘅量係比一般拉麵多3倍！碗入面仲有角切叉燒 啱晒食肉獸們！鍾意食味荀嘅我 亦加$10 追加多啲味荀湯底方面 我就揀咗豚骨清湯感覺可以平衡肉嘅飽滯感而湯底嘅味道亦出乎意料地好好飲😋朋友就食咗👇🏻 特選拉麵🍜（$135）呢款麵嘅叉燒亦比一般拉麵多1.5倍 仲有大大塊炙燒叉燒 朋友就揀豚骨濃湯 湯非常濃稠 味道一流

晚餐時間又黎到旺角，因為唔太想食飯既我，最後同朋友揀左去食拉麵。黎到旺角依間拉麵店，店入面既布置裝飾跟掛畫，就算再次黎食，都是覺得很不錯呢😁兩個人，都是選了特選拉麵，都比佢既炙燒叉燒吸引住。湯底方面，我的是濃湯湯底，濃郁既湯底，另一個是清湯的，跟濃湯味道差不多，一樣的好味。兩款搭配拉麵一起都不錯。拉麵既配料好豐富，其中半熟蛋跟兩款的叉燒，都很不錯，特別是炙燒的那款，焦香味跟油脂既香味👍🏻😋

湯底都係濃湯原味最好食，😍佢有埋濃厚豬骨湯底，😙加上秘製醬油熬製而成，一定係人氣之選。加上鵪鶉蛋口感cute cute彈牙，🥚而且粒粒好滑，❤自己勁中意。🥔蟹肉忌廉可樂餅，期間限定，🦀香滑蟹肉，滑溜忌廉，🔥可樂餅外層更有脆口嘅麵包糠，鬆化可口。3倍叉燒超級吸引，🐷而且都有特別口感嘅角切叉燒，🥬誘人香蔥同味荷，軟嫩味付雞蛋，非常入味。好在早啲到場食，🍜dinner出店門見到人氣都好高！

拉麵愛好者旺角新地頭!之前已經聽過朋友講僕之拉麵幾好味, 價位又相宜, 今日終於試到啦~叉燒拉麵 (有2倍叉燒!)叫左豚骨清湯，加多左味付雞蛋，所以2大隻，擺盤勁靚~味付雞蛋真係大讚，流既程度剛好唔會太水，又唔會太熟，醬汁好入味!麵叫左軟身，都好好味特選拉麵 (1.5倍叉燒、炙叉燒，紫菜)炙叉燒好有特色，脂肪半溶又香，普通叉燒就薄薄地清清地，兩樣都好味~叫左豚肉濃湯，加左辛味醬，簡直食到停唔到口，好濃郁惹味!章魚小丸子燒得幾好味，食得出饀料都唔輕手，啖啖肉!MENU~!

絕對對唔住尼個價錢 特登唔食早餐去食 都覺得一D都唔好食 ⋯好嬲溏心蛋冇驚喜 食落有酒味 要左豬骨濃湯 係我飲過最難飲的拉麵湯 拉麵普通叉燒好似紙咁薄（可能係特色）味道OK果條長既叉燒 也都係沒咩特別 食落唔夠肉香 尼間嘢想食好耐 所以十分失望 出面$60幾蚊分分鐘好食過佢

特選拉麵豚骨清湯湯底分別有清湯、濃湯麵質揀咗正常，口感爽彈唔會太腍身，掛湯力唔錯錯炙叉燒勁大條！肥瘦適中，火炙之後更加香口惹味，雖然燒過但係唔會乾身，肉香同油香都好出！好食！人氣拉麵 呢碗平啲，叉燒相對較少但絕對夠食！粟米同筍都好多🤣唔係食肉獸叫呢碗就啱曬嚟到嗰陣海老拉麵賣晒，好可惜！下次一定要早啲嚟試吓！睇相又係勁震撼🤣好期待！呢度啲拉麵又高質又唔貴，仲要一定食得飽🤣🤣未食過嘅一定要試吓！

朋友仔話要食拉麵🍜，搵下搵下就搵到呢個僕之拉麵，好彩唔洗等位，一到就有得入去食，位置又唔算太窄，坐得幾舒服。係門口已經見到播緊片介紹緊佢嘅超多肉拉麵，依家仲做緊期間限定海老愛食者拉麵，賣相好吸引，但一到落單店員就話已經售罄，好可惜，只好下次早啲嚟試吓。我就係咁咦叫咗個最基本嘅叉燒拉麵試下，叉燒有4塊，肉質好嫩滑而且唔肥，溏心蛋賣相好靚得嚟又好味。仲有佢有清湯濃湯俾大家選擇，我就叫咗鹽味清湯，加埋蒜蓉同胡椒粉，成個湯好惹味，而且麵質彈牙，好快就啜曬成個拉麵，清爽而不膩👍🏻👍🏻👍🏻

旺角其實都開左好多間拉麵店 而其中僕之拉麵 出名肉嘅份量多 一於去睇下每碗到底有幾多肉啦🤤 今次就搵埋個男囝friend一齊去食🤣🍀肉愛食者拉麵一眼已經望到係滿滿嘅肉🥳 除左有好多塊大大塊嘅叉燒鋪滿係碗嘅周邊 仲有好多粒角切叉燒係拉麵嘅表面🤩 叉燒咪味道好香濃好入味 食落有嚼勁😜 仲有味付雞蛋 蛋黃色澤好靚 好有流心嘅效果🥚🍀特選拉麵有1.5倍叉燒 另外有塊大大塊嘅炙叉燒🐷 炙叉燒好香 味道好濃郁 有咬口得黎算幾淋身😍 拉麵同樣有得簡軟硬度 可以睇返個人喜好🍜🍀炸雞大大塊炸雞 好易咬開 而且入面充滿肉汁 作為小食一流🍗 🍀炸章魚章魚好彈牙 但吾會好難咬爛 點埋沙律醬更加好食🐙

當我看到foodies們分享僕之拉麵的照片，就決定一定要帶男友來。無他，因為我倆都是食肉獸！餐牌的圖片一看就覺得吸引。肉愛食者拉麵？是在說我們吧！湯底分了濃湯及清湯，一人點一款就全都吃得到。炸章魚 $30原本想點章魚丸但看到炸章魚立即轉軑。橙黃色的炸漿層不算厚，一碟有八件左右，30元真的好抵食。剛剛炸起的章魚外層香口酥脆，中心則是章魚鬚或其他身體部分，全部都十分爽口彈牙，擠點檸檬汁再沾蛋黃醬，微酸的味道使我倆吃得更滋味。肉愛食者拉麵 $120雖然看過不少照片，但真實在我眼前上菜仍是震撼。由頂望下去就只有肉、肉和肉。切得薄的叉燒片完整圍住及佈滿碗邊，還有角切叉燒粒在旁，食肉獸表示歡樂。當然還有味付雞蛋，溫泉蛋的蛋黃呈亮橙色漿狀，加上柔滑蛋白都充滿蛋香，是優質日本蛋。奶白色的湯底為濃湯原味，質感頗為稠身，是用了西班牙豚骨、秘製醬油及其他食材煮超過十二小時而成的精華，味道當然非常濃郁帶黏。角切叉燒有烤過，只帶一點脂肪夠爽口之餘還帶焦香，正。薄切叉燒每片都大大片，脂肪量不多又分佈平均，入口啖啖肉卻清爽，多吃幾片都不會膩。麵煮得剛剛好，頗為彈牙又帶麥香，掛上濃厚的豚骨濃湯是一種享受。小拉麵 $6

前排同朋友出開旺角，晚飯時間又諗唔到食乜，就去豉油街搵食。經過一間裝修好有日本風情ge拉麵店，門口有個疑似阿童木掛住塊木塊寫住：「在這世間裹，我們唯一做不到的事，就係令你失望」。哇！見佢甘招積，我地諗都冇諗就入去睇下佢d拉麵有幾勁。 店鋪裡面都有唔少位，有bar檯同普通檯，裝修就以木系為主，墻上有唔少木牌，我地張檯附近張木牌好有日本牛郎Roland feel，寫住“拉麵來説有兩種   僕之拉麵和其他拉麵”，串得黎又幾盞鬼。 我地揀左肉愛食者拉麵同人氣拉麵，再加蟹肉可樂餅同炸章魚。 肉愛食者拉麵 $120我揀左豚骨濃湯配軟面，呢款拉麵材料非常豐富，佢一上檯就十分衝擊，D肉肉掛滿個碗。叉燒足足係普通拉麵ge 3倍，加上角切叉燒，肉質嫩軟又有適當油脂，同湯頭非常match，味道好好！，仲有一隻溏心蛋， 都只係$120，店長真係好佛心！  人氣拉麵 $98朋友叫左個人氣拉麵配濃湯，雖然佢唔係肉食者，但都唔係善男信女佢竟然追加6粒鵪鶉蛋，佢比我試左粒，又幾好味嫰滑，同拉麵幾match，重點係6粒鵪鶉蛋都只係$15咋！ 炸章魚$30一碟都好多舊章魚，舊舊都好大件，口感彈牙 蟹肉可樂餅 $36一碟有

天氣涼涼地，最適合食碗暖笠笠既拉麵😊.湯同麵軟硬度同配料都多選擇.特選拉麵 $135有1.5倍叉燒、炙叉燒、紫菜、蔥同一隻糖心蛋。個炙叉燒燒得好好，油脂好豐富，但燒既關係，焦焦地唔會覺得好油膩肉愛食者拉麵 $120 呢個平過上面嗰個，但肉係3倍之餘，仲有角切叉燒；相對上無咁多脂肪😆 所以真係可以食得晒啲肉。個人鐘意角切叉燒，可能一粒粒關係，較吸湯汁，且唔肥之餘又唔柴.最後就叫多左個炸章魚💕 炸到側邊脆脆的，加埋沙律醬，完美

🐳冇得出發去日本旅行，唯有食多啲日本嘢代替！呢一間位於旺角的僕之拉麵就係好選擇！🐳裝修日本風適合打卡。因為座位不多，所以坐得好闊落。店員都親切友善，加埋播住90後必定識嘅日文歌，坐低都幾有日本街頭小店嘅溫馨感覺。🐳店內拉麵以叉燒為主要食材。💰90🐽B 肉愛食者拉麵叉燒用上西班牙梅肉，加上低溫烹調，食得出保留到叉燒的原味，唔會過咸。🐳一上台已被掛碗的大量叉燒震懾。最欣賞足料角切叉燒，唔會太肥，但亦有少少脂肪，唔會太乾身。而糖心蛋亦都做得非常出色，唔單止睇落好靚，而且味道入味得剛剛好。🐳至於湯底，經店員介紹之後，我選擇左濃湯原味。的確無推介錯，食落稠度味道夠，配埋硬身拉麵，好夾！🐳💰30🦑炸章魚即叫即炸，所以好新鮮！如果。章魚非常張牙，而且好大條，嚼口感十足。加埋新鮮檸檬點綴，配沙律醬食，中和油炸感，讚！🔍旺角豉油街74號地舖

人氣拉麵叉燒＋紫菜4枚+粟米+蔥+味筍＋味付鷄蛋我朋友就叫左個人氣拉面，仲加左背脂等個湯底更加濃，每一啖拉麵都幾好入味，配料亦非常多，差唔多每啖都可以夾埋小小配料一齊食，性價比高。小拉麵濃湯 叉燒+蔥+味筍+木耳再加左 蟹棒+海帶+櫻花蝦我就晏晝食得有啲多，夜晚又怕食得太over，就叫左呢個小拉麵黎試下。其實佢係平時拉麵既縮小版。再加上唔同配料，蟹棒又大又長，吸埋湯好入味，海帶櫻花蝦增加口感，味道更有層次。蟹肉忌廉可樂餅本店限定，外超脆內軟，剛剛炸起，入面熱辣辣，食既時候要小心啲。蜜瓜梳打，柚子梳打日版梳打係其他餐廳好少有，密瓜味甜啲，柚子就無咁甜，兩款梳打都好夠氣。