傷心酸辣粉 (裕景坊)

营业中

休息中

星期五放工後去咗食傷心酸辣粉，點了😽酥香脆豬腩傷心酸辣粉$68 跟白桃烏龍冷泡茶其實我係傷心酸辣粉的常客，最愛吃這裏彈牙又粗身的紅薯粉，吸收咗酸辣湯底很是惹味。酥香脆豬腩炸得乾身脆口，跟甜酸醬很搭配。跟餐的白桃烏龍冷泡茶茶味清香，冷泡沒有冰但也很清涼，感覺很健康！😽海蜇手撕雞$42挺大碟，夏天吃涼拌小食很開胃。😽炸三鮮餃子$20廿蚊五大隻超抵食，口感香脆。😽貢菜皮蛋$30滑溜溜的皮蛋口感，蛋黃仲有啲流心！酸酸辣辣的調味配以大量芫茜、蔥、蒜，口感層次豐富！😽香酥軟骨$38香脆可口的雞軟骨配甜酸醬很開胃！😽特盛米線$43配蔬菜炸蝦餅跟熱檸茶$2材料豐富，有肥牛、雙丸、魚腐、雲耳、金菇，清湯也不會太淡，米線也爽口。跟餐的蔬菜炸蝦餅炸得金黃鬆脆，可以見到有一隻大蝦在中間，各種蔬菜味道也很夾！

麻辣之選 - 傷心酸辣粉呢兩日咁岩天氣轉涼，即刻試下呢個傷心酸辣粉外賣套餐。重慶烤魚抗疫外賣套餐 $169整個外賣套餐有3大盒嘅份量，十分之足料！烤魚超大條，外表烤到金黃香脆，仲好入味，完全冇魚腥味，配上重慶麻辣湯底，簡直係絕配因為唔係好食得辣嘅關係，所以今次揀左小辣。另外，火鍋配料有兩人份量，包括薯粉、肥牛、腸仔、雲耳、牛丸等⋯份量十足，完全足夠2-3人食用。今日天氣凍凍地，食下麻辣火鍋真係成個人都暖曬總結：性價比高，份量十足，火鍋套餐選擇眾多！

傷心酸辣粉推出同心抗疫外賣火鍋套餐，價錢親民，今次就食咗呢個烤魚套餐。老壇酸菜烤魚 $169成個套餐嘅主角就係條烤魚，成條烤魚既長度仲長過我兩個手掌加埋，放滿我成個火鍋煲，份量十足。烤魚十分出色，外皮烤到十分之脆，無烤燶，肉質厚實，估唔到食魚都可以啖啖肉咁食，完全唔腥，簡直食過返尋味。湯底有好多酸菜，酸度還好，唔會話太酸，因為我唔食得辣所以嗌咗唔辣，如果嗌返少少辣應該會更加好味。成個餐會附有兩人份量嘅火鍋配料，有腸仔、蟹柳、花之丸、肥牛、薯粉、牛丸、雲耳，另外包兩包飲品。除左酸菜烤魚，佢仲有麻辣雞煲、胡椒豬肚雞煲、香辣烤魚可供選擇，最平嘅套餐只需$99，晚餐諗唔到食咩，不妨考慮下火鍋套餐。

重口味嘅我平時好鍾意食呢間嘅口水雞同酸辣粉今次見到佢哋竟然做埋外賣火鍋套餐就即刻試試佢😋套餐做緊優惠價錢只係$169😱試左一個老檀酸菜烤魚火鍋套餐分量超多絕對足夠兩至三個人食條烤魚超大條真係成個煲咁大條😂魚身好肥美又少骨🐟食落係啖啖肉而且魚皮魚頭同魚尾都烤得好香仲相當入味而湯底配有好多酸菜係好濃郁好惹味味道好豐富至於火鍋配料方面亦相當豐富有肥牛、生菜、牛丸、花枝丸、香腸、蟹柳、雲耳同薯粉我兩個人完全食唔晒仲留起咗啲第二日食😎重要野要講多次‼️以上食物再包埋兩盒紙包飲品都只係$169🤣呢個套餐性價比真係超高除咗老壇酸菜魚烤魚外佢仲有以下三款套餐可以選擇：- 胡椒豬肚雞煲- 重慶麻辣雞煲- 重慶香辣烤魚大家不妨可以試試！

呢幾日好凍 正煩緊晚餐食咩好🙄碌下Ig拎靈感的時候 見到傷心酸辣粉做緊抗疫優惠 🤤又烤魚又打邊爐 仲有薯粉….最重要唔使我洗菜準備😆 外賣自取$169 就試下啦無法抗拒酸辣口味 就揀左老檀酸菜烤魚🥰 經whatapps 落單 按時拎外賣就得👍🏻 好彩叫埋大帝出去補糧 呢個外賣份量十足 都幾重手下😆（小插曲 姐姐勁有禮貌又會同你對單 發現比小左辣椒 即刻補返 服務態度好好👍🏻）內容有一大盒湯 一大條巴沙魚 仲有盒打邊爐材料 包埋2盒紙包飲品👍🏻呢個湯底夠晒酸 配小辣 對我黎講夠哂上頭😂😂 愈滾得耐就必然辣啲😜最後食到有啲流淚😂大帝好滿意 湯底入面仲有好多原粒蒜頭 話好正👍🏻👍🏻 食魚都食左半個鐘 下半場就當然要打邊爐 雖然唔係啲咩貴價食材 但肥牛同薯粉份量都唔少😌 肥牛牛味都幾濃👍🏻生菜索哂酸辣湯底 好正！ 雲耳都係🤤🤤2個人食到勁飽😋 如細食者 我覺得3個人食都得 頂多自己再配返啲菜或丸😍 我覺得都算幾抵食 有機會都希望試埋胡椒豬肚雞煲！

經過見到好平一百幾蚊就可以食到酸菜魚放題。於是就入去試下。二人份量放題，可以有一條魚。我哋叫咗唔辣嘅，所以非常之唔好食，酸菜魚一定要食辣嘅。否則就好似清水加少少酸菜。於是額外叫咗辣椒加入去，勉勉強強都可以繼續食。魚有油煎過再拎出嚟煲，但魚肉一般般唔嫩。有肥牛，丸子，蔬菜之類可以任食。呢個價錢係好抵，但係質素整體而言就真係一般般。

最近見到傷心酸辣粉推出外賣雞煲！所以外賣了一份重慶麻辣雞煲-大份 $139套餐包咗肥牛、腸仔、花枝丸和牛丸（各兩粒）、雲耳、生菜、薯粉及紙包飲品 2包。雞煲份量好足料加埋附送的配料，這個份量夠3個成年人食！外賣返屋企，自行加咗一棵生菜、半磅丸和半磅肥牛，已經夠5位成人食飽飽！雞煲麻味充足！雞件大小切得正常，不會太過細件，食到好香花椒味！食完雞煲用湯底烚菜和肥牛好夠味，而且仲有我最愛嘅薯粉做結尾，好滿足！

📍 傷心酸辣粉 (裕景坊)一路食，一路出post😝之前我呀媽催我帶佢去食酸菜魚催左好多日，今日行過元朗竟然比我見到一張發光嘅Menu召喚緊我🤩行近啲睇原來係傷心酸辣粉新出嘅外賣套餐😱 拎外賣嘅返屋企嘅時候淨係有幾種諗法😆1️⃣3個外賣盒，點解可以咁重？2️⃣香到搭車捧住都聞到3️⃣希望快啲返屋企首先，3個大盒，好重好重好重！打開左之後我冇諗過條魚可以咁巨形，個鍋細啲都裝唔到🤣仲有包裝得好好👍🏻一大盒湯竟然冇打瀉，原來佢地好貼心咁包埋保鮮紙，等我平平安安返到屋企😚🔸老壇酸菜魚 $169除左一條巨魚之外，已經包左一堆火鍋配料:有肥牛、花枝丸、腸仔、蟹柳、牛丸、雪耳、生菜同薯粉😋仲有2包野飲😚店舖已經將條巨魚已經煎到金黃色，脆卜卜，入口爽脆鮮甜，冇咩細骨仔😝我自己首先就放條魚比湯滾一滾先，之後熄左火先以免煮到老晒。整到一半再開火到湯打邊爐🍲 個湯底好好味，酸菜完全唔吝嗇🤭薯粉份量都幾多，同啲生菜一樣吸哂啲湯。牛丸咬落去仲有汁😍木耳細細粒，一口可以好多粒😌岩哂貪心嘅我🤣想話比大家知😂2個人都食唔哂🙃我諗呢個餐可以2-3人食，我已經留起左一碟比我呀爸收工返黎食🤣評分時間❣️ (最多五顆星，如不推薦會打交叉）食

📍「傷心酸辣粉」- 元朗（外賣自取🛍）冬天凍冰冰❄️最岩就係打邊爐🍲食完個人即刻暖粒粒🔥☺️近排疫情嚴重，大家都冇得出去食晚餐🥲唔緊要😌外賣火鍋套餐返屋企食都一樣得‼️😎見到傷心酸辣粉近排搞咗個「同心抗疫外賣火鍋套餐」，👧🏻又好耐無食過酸菜魚，所以決定試試呢間嘅「老檀酸菜烤魚」🤩🍴老檀酸菜烤魚+火鍋配料（肥牛、花枝丸、腸仔、蟹柳、牛丸、雲耳、生茶、薯粉）+紙包飲品2️⃣盒💰HK$169✨推薦指數：8/10嘩‼️呢個套餐真係好大份呀🤩🤩🤩拎外賣既時候就已經覺得好重手，隔住個袋同個盒都feel到餐廳岩岩整好熱辣辣😍餐廳事先將條魚🐟煎好左，仲將條魚同個湯分開放，唔驚條魚浸到淋哂😇留意返‼️佢嘅魚同平時食開嘅唔同架，係成條魚咁俾，唔係平時既魚片，好大條😍魚身仲煎到金黃色好靚好香🤩食落條魚外皮仲係脆脆哋，😚魚肉爽口唔霉好新鮮💯不過要小心有骨呀🐟 🦴打開個酸菜湯既時候就已經聞到好勁既酸菜味，飲落個湯好夠味，非常好飲😋但係由於條魚分開左，所以唔係好吸到個湯既味道，可能堂食會好啲🤗除左有大大條魚之外，仲有好多配料，有齊肥牛、花枝丸、牛丸、蟹柳、腸仔、雲耳、生菜、薯粉，一定唔驚食唔飽🤣整體嚟講，呢個酸菜魚好食，價錢又

#meloin @sourspicynoodle💫胡椒豬肚湯雞煲放題$99/位最近天氣凍咗好多，今日晚上同媽咪嚟到元朗，好想食啲暖笠笠的食物❤️❤️竟然比我哋搵到每人唔使$100就可以打邊爐🐽🐽胡椒豬肚湯雞煲胡椒味濃郁，越煲越濃，雞件大概有半隻雞份量，不太油膩，湯底一流🥬火鍋配料任君選擇，款式選擇多，丸類當中以白魚蛋取勝，彈牙好食😋還有芝士丸、公園、牛丸、龍蝦丸等😄🌽蔬菜類有山菜、黃芽白菜、雞髀菇、蓮藕、芋頭等等，芋頭越煮越淋，好味🫖飲品包羅萬有，蜂蜜綠茶、金橘、烏龍茶、汽水啤酒任飲🥣醬料部份以簡單為主，有芫荽、蔥、辣椒和蒜蓉，當然配以醬油基本上兩個鐘可以試到不同的款式，好味飽肚回家🐰🐰📍 傷心酸辣粉 (裕景坊) (元朗)元朗裕景坊16號祥發大廈地下5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

傷心酸辣粉個午市打邊爐平通街都唔使介紹啦，元朗店79蚊任飲任食仲要有啤酒，唔使加一添，咁平點搞呀。平時都係食雞煲，今日試下新野食肉骨茶，好後悔都係雞煲好食啲。首先個肉骨茶等成廿分鐘先上枱，雖然店方有補返時間，但等咁耐真無引。第二個肉骨茶唔好食，係好足料但無葯材味，肉唔夠淋，成煲野好咸又好油，呢但煲無下次。火鍋料雖然款式唔多，但全部都入得口無野呀，一般凍肉舖貨仔啦，店家不停refill唔使搶，總知一個字，抵！

出得嚟食，預咗都有d基本服務，入到黎招呼都冇打！自己嚟！唔講以為去咗快餐店！有位坐低啦！餐牌又無，難聽啲講係伯母（百無）連自己想食咩都唔知！要人問佢先比到我！連水都要自己拎OMG 算啦點餐啦！叫咗兩個薯粉！有口水雞、有豬耳、另外叫咗個皮蛋！上菜速度正常！上到台，d野比以前細碟咗唔少！豬耳配左啲青瓜！放出來賣相一般啦有啲豬耳就放來！食落去個口感就普普通通冇乜特別！另外雞嗰度！啲雞好鞋！得個辣字！失敗！而且雞都幾瘦，咬兩啖就已經係骨！個薯粉就！個湯底！無味，有啲似倒熱水落去咁！跟住加啲味精！環境就普普通通！而且都頗為擠迫！服務態度真係差！

今日與上轉節氣「霜降」當然要去搵食暖下身我哋去咗食放題嘅酸菜烤魚🐟大大條嘅沙巴魚上面鋪滿酸菜沙巴魚係無細魚骨所以一邊食魚一邊好放心加其他配料落去煮自助火鍋配料仲有：新鮮雞件、肥牛、豬肉片、蝦、芝士丸、芝士腸、蟹柳、年糕、雞髀菇、娃娃菜、西生菜、蓮藕片、雲耳、淮山麵、寬薯粉等等啤酒汽水任飲🍻另外加咗香油海蜇 💰3️⃣2️⃣海蜇好彈牙仲幾大碟添6點前都係💰7️⃣9️⃣ 任食90分鐘6點後 💰9️⃣9️⃣ 任食兩個鐘放題2位起有雞煲、烤魚4選1仲免加一都真係幾抵食🎈傷心酸辣粉 (裕景坊)🎈元朗裕景坊16號祥發大廈地下

$79烤魚放題，任飲任食90分鐘，除左烤魚，雞煲、肉骨茶都係一個價錢🙀🙀🙀朋友食辣BB班，要左個BB辣麻辣烤魚。大大條魚擺在眼前嘅時候，我地先發現BB辣嘅定義實在太廣🤣紅卜卜好多辣椒🌶️。我覺得辣度啱啱好，唔算太麻（利申食開譚仔3小）；朋友就要時不時飲野解辣喇。所以唔食辣嘅朋友條可以揀番唔辣，或者食酸菜烤魚。烤魚份量十足，炸過幾香口，煮一陣已經入晒味。肉質有口感唔嚡，啖啖肉。芫茜任加🤤食完條魚都飽左7成，所以只係攞左1次野食打邊爐😌凍櫃望落乾淨整齊，有平時食開嘅芝士魚腐，肥牛、豬腩肉都靚仔冇咩肥膏。加左幾個小食轉下口味，拍青瓜同涼拌茄子都幾好，唔係用同一款汁。椒鹽粟米就小小失準，炸得有啲過火。飲品方面選擇唔算太多，但志在食魚就無咩所謂。嚟緊天氣凍加上呢個爆抵價錢，實有得番兜☺️

今日屎忽痕同朋友久違去元朗國，見到傷心酸辣粉門口寫住午市任飲任食$79蚊/位，抵到喊所以忍唔住排下隊😂。入面坐位唔多，等左半個鐘左右，等得比較餓就叫左幾個小食先😝，食完啲小食個雞煲就差唔多食得。🔅紅油脆耳 ($36)豬耳好爽脆，叫左bb辣唔會好辣，不過食到底會越食越辣好正😍。份量都幾多幾開胃，唔錯🤤。🔅麻辣無骨鳳爪 ($28)鳳爪好入味，麻辣得黎仲頂得住🤣，最鐘意佢無骨食得好方便👍🏻。🔅黃金花枝丸(6粒) ($18)6粒花枝丸先$18好抵！炸到熱辣辣，花枝丸好彈牙，都幾大粒，推薦！🔅胡椒豬肚雞煲 ($79/位)因為朋友鐘意食豬肚所以就叫左呢個😝，真係好多豬肚！忽走左啲油既話個湯都可以就咁飲😝。雞件都幾多，唔夠可以出去拎，質素都唔錯，唔會好鞋，大大舊😋。自助區既料都係大路野，唔好以為咁平就無咩揀😂，佢選擇都唔算少，牛、雞、腸仔、丸、餃子、菜、風琴豆腐、仲有薯粉etc。配料都仲要幾新鮮。飲品方面都幾多選擇，冬蜜青檸又夠fresh，烏龍茶仲要係無糖😎，食飽消滯最啱🤣。💬午市$79任飲任食雞煲/烤魚真係超抵，之前見人都要$108，唔知係咪分店唔同😱。6點後都係$99，cp值極高！叫埋小食每人都