傷心酸辣粉 (裕景坊)

营业中

休息中

好耐無食辣野，見xber eat 有新戶減一百優惠xber eat 係元朗得傷心酸辣粉有水煮魚食二人set $278有兩碗粉，水煮魚，兩個小食 同兩杯野飲扣完coupon $198 連運費份量好多下，我地都食剩左酸辣粉仲分埋湯裝，幾貼心兩碗都走左蔥架，幼面同米線既話，米線會好食dd, 但米線都唔算好彈牙有口感個種，偏淋身dd一碗小辣一碗bb 辣，太耐無食辣，小辣都有d 頂唔順， 唯有將兩碗溝埋，味道又唔錯土豆絲正，夠幼身，但略嫌唔夠辣左dd, 下次可以叫辣多一級香酥骨入面有軟骨好有咬口，可惜外賣通病就係焗到淋左dd, 但都可以接受，如果醬可以另上更好最後係重頭戲既水煮魚份量勁大兜，魚類無得揀，龍利柳就係唔夠滑同無乜魚味，但水煮底係做得唔錯都係叫左bb 辣，辣度岩岩好，入面有大量芽菜，仲有青瓜同寬粉，真係好夠食野飲包刑甘真係好貼心，一黎唔驚倒瀉，二黎唔驚偷飲

話說戒口左一排，忍唔住同同事嚟食傷心酸辣粉。我哋兩個叫咗兩個午餐套餐，辣度叫咗BB辣（最低級），但係同事食到眼泛淚光，真係會食到喊㗎 ！（主要係佢唔食得辣）口水雞配米線原隻雞脾，可惜肥咗少少，皮下脂肪含量彼多🤦‍♀️但雞肉嫩滑，配上口水雞汁，十分野味👍🏻米線就索晒湯汁既味道，相對辣一啲。滷水拼盤配薯粉拼盤有雞翼，豬大腸，雞腎同半隻滷水蛋， 10分入味，而且豬大腸一啲羶味都冇，唔錯👍🏻而且薯粉煙煙靭靭，十分有嚼口🥰整體黎講算唔錯，但略嫌環境衞生爭啲啲🙈

今日lunch time 試咗呢個手撕雞冷麵，佢係lunch set來的，呢個餐仲配埋個可樂俾你的，我覺得食呢啲麻辣，配可樂係最Perfect match。相咁熱嘅天氣食啲凍嘢就啱晒啦！有時一定想食壽司刺身嘅～～食冷麵都係一個唔錯嘅選擇。

食完這碗麵真的很傷心，原來晚上9時後全單8折，可惜我點完餐才見到，而我點餐的時間剛好是8:55，只差5分鐘，怎麼可以不傷心﹗店員也沒有提醒，下次來記得9時後才點餐。手撕雞冷麵(送可樂)天氣太熱也不想吃熱食，所以點了這款招牌熱賣的手撕雞冷麵，而且有可樂送，冷麵的麵團上碟時是一卷卷的，共有5卷，份量也不少，上面放滿手撕雞、青瓜絲、花生、蔥粒、莞茜，對於這店舖來說賣相算精緻，手撕雞肉嫩滑，醬汁帶微辣，非常開胃，非常適合夏天吃。

今日落雨又自己一個食，近近地去左食酸辣粉。一入到去全場啲枱都滿，得番張四人枱，我見冇人serve我就直接坐低。個呀姨見到我坐低左先過黎問我幾多個，之後幫我掉枱同人疊，咁呢啲都冇乜野。叫左個口水雞酸辣粉，突登叫個呀姨走莞茜。口水雞黎到，我見佢紅紅地我以為辣椒油，咁就由佢，等埋碗粉先。碗粉到左，冇同我走莞茜，我同個呀姨講，我唔知係咪佢見到我後生易恰，所以佢叫我自己「不」走啲莞茜，我心諗，咁我一開始做乜要叫你幫我走，啲莞茜浸左落湯會有味，口水雞上面果啲乾嘅我可以就咁整走，呢碗湯，濕左嘅唔得，將所有莞茜「不」走亦有難度。轉頭我叫過另一個呀姨同佢講，佢幫我話換過碗，然後攞左入廚房，唔夠一分鐘第番岩岩果碗比我，應該幫我就咁用大嘅匙羹整走就算，我都由佢啦。到我食食下碗粉開始食口水雞先知拿野，原來啲紅色唔係油，係個雞唔熟，我仲特登影相問我啲朋友，係味真係唔熟，定我自作多情，佢地都話真係唔熟，叫我唔好食，我仲逐舊睇，睇下有邊舊我可以食，有邊舊係熟嘅。唉，嗌個餐差唔多60蚊，淨係將碗粉食左落肚。唔會有下次啦真係，啲人做野真係好求其。碗粉正常，係食完喉嚨一定唔舒服。口水雞唔辣。

本身同爸爸2個人去食下午茶 但爸爸唔想食酸辣粉 最後分開食 所以得一個人去食因為假日無下午茶餐 就求其叫左一個酸辣粉加豬耳 叫左小辣多酸 個辣係可以接受 酸都可以 不過最酸啲我都ok！麵就唔係好彈口 變得有啲膠膠地 豬耳都幾爽口 比麵更辣 食埋底個啲青瓜仲辣！呢碟係辣過個麵好多架！！！ 最後食到流晒鼻水！仲要食到食唔晒 個麵好似食極都食唔晒咁！真係好重口味！食完個肚真係好熱呀！$54 但又無連野飲 飲野都要加$3-5 就不了 又唔係唔好食但係又太勁 要休息一排先再黎食！

今日天氣好熱，咩都唔想食，同媽咪走去傷心酸辣粉食咗最基本的傷心酸辣粉&豬骨湯米線。薯粉口感彈牙，米線幼身，軟硬適中，好味不過豬骨湯底唔算好濃，無乜特別。反而隔離檯食水煮魚好似幾吸引，下次會想試下～簡簡單單又一餐，開心😃

今日收工一行4人黎食入到去冇咩招呼 我地自己簡左個位坐底侍應放底左一本Menu同一張下午茶加晚飯既餐牌男朋友問侍應拎多一本Menu侍應吾知係誤會左定咩放底左4張下午茶加晚飯既餐牌我地同佢講係另一本 侍應冇理到 走左去😨我同男朋友嗌左個$138 2人套餐簡左口水雞(BB辣) 酸辣土豆絲(走酸) 海蜇脆耳妹妹同男朋友就嗌左 口水雞米線 (小辣)之前食過薯粉(好韌 要好有牙力先咬得斷)，今次就叫左BB辣既米線，對於吾食得辣既我，依個辣度就岩岩好。⭐️海蜇脆耳豬耳同海蜇好入味，爽口。♥️酸辣土豆絲大愛😍😍😍土豆絲吸滿辣汁，爽口好吃♥️口水雞 (餓得濟冇影相) 跟餐加$30可以轉例牌碟口水雞黎到，好似俾人食左啲咁，件數小 有啲部位吾見左，叫左經理黎問，經理睇左睇發現吾見左隻雞脾，即刻幫我拎入廚房加返。口水雞香味俱全，咸辣平均，肉質滑。必試之選👍🏻👍🏻👍🏻

四點幾餓餓地， 於是走入去呢間試下這裏環境尚算ok，座位也不算太逼狹， 價錢幾親民喎， 差唔多有20款揀， 加埋嘢飲才不過30 幾蚊 都算唔錯 但係可能人手比較短缺， 坐咗六分零鐘 至有人落單 由落單至 啲嘢食 分別完全上枱也 需時 差不多 20分鐘 ，都幾耐吓 今次揀咗食薯粉同小食墨魚丸 配魚皮餃薯粉墨魚丸 都幾彈牙 ，還有 粒粒墨魚 呢個唔錯， 魚皮餃食唔出佢應有嘅 味道就麻麻喇 ，湯頭也算 甘甜可口 因為本人鍾意食墨魚， 所以小食也是 墨魚炸墨魚餅彈牙 、有墨魚粒粒， 配個野味酸辣汁

一直以黎都唔係傷心酸辣粉嘅fana,因為覺得佢地menu種類太少，尤其對於唔食得辣人。但機緣巧合下，今日經過見到原來menu有更新，更加合大眾口味，於是就想試一試。米飯達人嘅我最終選擇左食水煮魚飯（麻辣湯/酸菜湯）。等左無耐就上菜喇，雖然話就話小辣，但椒麻勁都幾强，味覺上係幾過引，可惜辣味層次不大。配菜有大量芽菜，魚份量都唔少，最驚喜係魚塊全部冇骨，怕麻煩嘅男仔都岩食。最後注意到該分店人手非常不足，見有食客多次要求下先拎到杯水，希望可以改善下喱個問題就好喇

6點幾去到已經坐左8成客人，相信尼間分店都幾受歡迎。鹵水拼盤酸辣粉(小辣)配黃金花枝丸+可樂($75)成碗湯都超紅，第一啖食超辣。今次既薯粉略嫌腍左d，薯粉硬返少少會更有口感，有趙口會仲好食。鹵水拼盤有：2隻鹵水雞翼、4件豬大腸、3件雞腎同半隻鹵水蛋。鹵水雞翼乾身，無乜鹵水味；豬大腸太多肥膏，又肥又UN；雞腎太柴太硬，無口感，唔好食；鹵水蛋太乾。唔會再點鹵水拼盤(可能旺角分店ok?)。(個人口味: 2.8/5)黃金花枝丸(個人口味: 3+4/10)皇牌口水雞(小辣)酸辣粉(BB辣)配黃金芝士豆腐+凍檸茶($73)口水雞有雞翼雞胸雞脾位，都之前一樣，口感嫩滑，但肉較少。酸辣粉幾好食。(個人口味: 3/5)黃金芝士豆腐(個人口味: 3+4/10)上菜速度比旺角分店快。旺角分店既芝士豆腐比花枝丸好食，元朗分店既芝士豆腐同花枝丸質素差唔多，都唔錯。

今次叫外賣當時全店無乜人幫襯我落完單之後坐左係門口位置等一等再等但要等勁耐。個場明明就無人。如果多人仲得了！？之後我就拎住外賣返屋企返到去打開盒野。無俾餸我今次係我第一次幫襯亦係最後一次

呢碗我覺得好難食，酸辣冬粉，只有酸味，我好鐘意吃酸辣面的，呢碗50幾60元，食完晤好味，覺得好貴。希望可以改善一吓員工質素，有一，二個幾好，有一個態度叫佢扮看不到。

今日全日都留喺元朗吃吃喝喝，晚餐揀左傷心酸辣粉，冇計，都係鐘意食辣野，無辣不歡嘛。好早食左午飯，所以五點零六點鐘就餓喇，決定最少少來到，係正確的，因為入座人唔多，但到七點鐘已經爆滿，週末唔想等位，都是得早點食飯毫無疑問，揀烤魚套餐，見咁抵食無理由唔試下。258蚊一條魚，再加3款配料，飯/麵，飲品加錢，平均每人都係百五蚊內，超抵啦店員好快就送上烤爐，gas爐比較方便。烤魚材料超豐富除左一條魚，可以眼見仲有好多配料，所以不妨可以睇下夠唔夠食先再追加。有金菇有木耳有蓮藕、芽菜有豆卜、百頁烤魚大大一條，叫左少辣咋，第一次食唔敢太獅子開大口魚肉中間一條主骨，其餘細骨唔多，食得幾安心。呢度辣度幾高，叫少辣都咁足，啱哂！係好香濃嘅麻辣味，少少麻，正魚肉唔叫滑，但完全唔老，兩個人食得好滋味！配料點左生菜、魚片頭、香腸：白飯唔鐘意食飯，可配薯粉/米線/小寬麵~因為見小食好吸引，所以追加左兩款芝士豆腐：簡單煎，但好鬼好食，有少少似魚蛋，裡面好軟熟，又有芝士味。麻香雞翼：一份四隻，配酸辣醬，雞翼炸得幾香，帶少少麻，不過雞肉有點過火。

講真 如果你地咁唔夠人咪請人囉 成間舖頭得嗰3個人做樓面 又唔汁嘢 等咗9個字連碗粉都未到 係咪亂黎㗎大佬又話電腦壞 重新入過 大佬 人地食完都走我地都未齊哂食 問你又話做緊餐 點知講講下就話漏單 咁即係呃我地啦 你估我想吹單？好聲好氣又唔理 離哂譜