影片
更多
2021-10-22
104 浏览
$79烤魚放題，任飲任食90分鐘，除左烤魚，雞煲、肉骨茶都係一個價錢🙀🙀🙀朋友食辣BB班，要左個BB辣麻辣烤魚。大大條魚擺在眼前嘅時候，我地先發現BB辣嘅定義實在太廣🤣紅卜卜好多辣椒🌶️。我覺得辣度啱啱好，唔算太麻（利申食開譚仔3小）；朋友就要時不時飲野解辣喇。所以唔食辣嘅朋友條可以揀番唔辣，或者食酸菜烤魚。烤魚份量十足，炸過幾香口，煮一陣已經入晒味。肉質有口感唔嚡，啖啖肉。芫茜任加🤤食完條魚都飽左7成，所以只係攞左1次野食打邊爐😌凍櫃望落乾淨整齊，有平時食開嘅芝士魚腐，肥牛、豬腩肉都靚仔冇咩肥膏。加左幾個小食轉下口味，拍青瓜同涼拌茄子都幾好，唔係用同一款汁。椒鹽粟米就小小失準，炸得有啲過火。飲品方面選擇唔算太多，但志在食魚就無咩所謂。嚟緊天氣凍加上呢個爆抵價錢，實有得番兜☺️
$79烤魚放題，任飲任食90分鐘，除左烤魚，雞煲、肉骨茶都係一個價錢🙀🙀🙀
朋友食辣BB班，要左個BB辣麻辣烤魚。大大條魚擺在眼前嘅時候，我地先發現BB辣嘅定義實在太廣🤣紅卜卜好多辣椒🌶️。我覺得辣度啱啱好，唔算太麻（利申食開譚仔3小）；朋友就要時不時飲野解辣喇。所以唔食辣嘅朋友條可以揀番唔辣，或者食酸菜烤魚。
烤魚份量十足，炸過幾香口，煮一陣已經入晒味。肉質有口感唔嚡，啖啖肉。芫茜任加🤤食完條魚都飽左7成，所以只係攞左1次野食打邊爐😌凍櫃望落乾淨整齊，有平時食開嘅芝士魚腐，肥牛、豬腩肉都靚仔冇咩肥膏。
加左幾個小食轉下口味，拍青瓜同涼拌茄子都幾好，唔係用同一款汁。椒鹽粟米就小小失準，炸得有啲過火。
飲品方面選擇唔算太多，但志在食魚就無咩所謂。嚟緊天氣凍加上呢個爆抵價錢，實有得番兜☺️
张贴
