傷心酸辣粉 (裕景坊)

营业中

休息中

臨近新年又要開始準備辦年貨，成出格價就一定要，今日仲同埋家姐入左元朗買乾貨買得高高興興，一不心就6點，當然係食埋先返歸行左一陣見到有間面口幾熟既餐廳，行近一睇原來係阿囡最愛之一的傷心酸辣粉，一場來到就走左入去坐底後睇吓又主望吓，款式選擇都幾多，就連雞煲都有，天寒地冬梗要食熱野暖暖身，因此我地就點左雞煲同其他食物另外服務態度更是滿分，全部服務員都超有禮貌，同好勤力，又無漏單，未食已覺得好滿意好快熱辣辣的麻辣雞煲就已經送到我地2條友叫左半隻雞，份量足夠，夠晒味亦唔會過咸，麻香撲鼻，唔會過麻，雞件仲好嫩滑，好好食食得雞煲就當然要加埋其他配料入煲再煮煮來食，我地揀左花枝丸、腐皮、蓮藕片、薯粉，都係吸醬汁食物花枝丸幾彈牙，蓮藕片好爽口，切得又厚薄適中，腐皮亦好有豆香，真係唔錯！本身屬大食既我地，淨食雞煲係唔會夠的，所以就多叫左幾個小食酸辣土豆絲都係我地最愛，爽口又微酸，甚是開胃鹵水拼盤則份量十足，又雞翼又鹵蛋又鴨腎豬耳，夠入味，唔會得過死咸做得出色，無論單食還是用來送白飯食都是超讚！香酥軟骨就炸得好香口，唔會油，一口一粒，好好味而紅油蒜蓉小黃瓜就爆爽口，少少辣味道調得很好，很有川味食到咁上下，我

《傷心酸辣粉》🔹酸辣湯紅薯粉 豆卜 生菜 大腸 送凍檸茶 $51唔知點解食傷心酸辣粉都係食呢d車仔麵餸但呢d咁基本嘅野都咁難食 都唔洗再試其他-衛生情況極差 餐紙有漬照比人坐近廚房位 見到有隻老鼠🐭係店面跑左入廚房佢地當無事發生🤷🏻‍♀️🤷🏻‍♀️ 可能都見慣食食下野又有飛飛周圍飛 感覺好差衛生搞成咁都唔洗再講d食物🤷🏻‍♀️-都講下d野食 大腸硬到咬唔到 更加唔洗講味道豆卜都係好硬 有無煮過到底？薯粉都係好硬 其實煮耐少少係咪咁難？ 另外其實仲有個口水雞走辣 得芝麻味同油味都真係不值一提 又話王牌食品🤦🏻‍♀️-食物：1/10衛生：-10/10抵食：1/10整體：-5/10#食在元朗#hkig#相機食先

係香港地要搵個好食嘅酸辣粉真係唔容易，首選一定係深水埗文記車仔麵，其次我會揀傷心酸辣粉，因為佢夠多分店，我屋企附近就有兩間。原本都想嚟食酸辣粉，黎到竟然見到有烤魚同雞煲， 仲有羊腩煲，即刻試下新嘢先！今晚先試二人套餐，我哋揀咗酸菜烤魚238蚊， 唔辣嘅， 仲跟埋火鍋配料a至d各選一款。火鍋配料我哋揀咗肥牛，芝士腸，小闊麵 同埋大豆芽，因為烤魚一定要有大量大豆芽先至係最夾。烤魚係用咗加州鱸魚炸左後放湯，魚肉份量足夠兩個人，本身跟鍋嘅配料都唔少，最正係面頭嘅大量芫茜同埋酸菜， 湯底就比較清， 個人認為酸多小小會更好。凍柑桔話梅雪碧加10蚊， 鹹鹹甜甜幾正又下火。

今年聖誕節無論是與朋友還是家人度過，都選在元朗，因為方便嘛，又不想出遠門。聖誕夜我們全家在傷心酸辣粉度過熱辣辣的晚上，不用吃昂貴的聖誕大餐都能滿足。滷水拼盤是我家最想點的，拼盤非常豐富，有雞翼，雞腎，大腸與滷水蛋，所有都滷得入味。雞腎富嚼勁，雞翼肉質軟嫩，吃時幾乎骨肉分離，不用費勁啃骨，大腸則處理乾淨，沒有多餘的油脂，能無負擔的吃。手撕雞冷麵卷成一團團，麵團上再灑上手撕雞，花生，芫茜，芝麻，未吃前已有視覺享受。最期待的就是把爽彈的冷麵攪拌勻，冷麵和手撕雞融合鹹鹹辣辣的醬汁，讓人開胃極了。媽媽最近都飯不離口，就連皇牌口水雞套餐也轉成飯，真是我的天啊。另外選白飯的話，也會附送時菜一碟。脆嫩的口水雞淋上香辣醬汁加上脆脆的芝麻及芫茜，香辣又清爽，口味不會偏重，吃起來卻非常過癮，媽媽快速吃了半碗飯。炸醬滷肉蛋麵的配菜幾乎鋪得密不透麵，多麼豐盛的一碗麵。彈力十足的麵條搭上肉燥的香氣，看似樸實卻不簡單，滷肉肥瘦相間，絕無讓人覺得很膩味，反而肉質嫩滑，愈咬愈香。全晚最高讚賞的酸菜烤魚霸氣的上桌，湯頭酸香四溢，酸度也恰到好處，媽媽又用湯頭拌飯吃。烤魚集烤，燒，燜煮多種烹調方法，魚皮烤得微微酥脆，魚肉鮮嫩

冬天吃些辣的食物，都會有保暖作用，早前行開元朗，經過 店舖，見到好似幾吸引，而且亦從未食過的酸辣湯粉，那就測試一下自己吃辣的程度啦 ~店內以平實的裝修設計，明亮整潔。餐牌裡有bb程度辣的酸辣粉、套餐、多款小菜、小食及飲品等，選擇種類多。我們點了二人套餐 : 包括正宗重慶麻辣雞煲、自選 3 款火鍋配料及粉麵，另叫了海蜇牛𦟌、香脆豬肉卷、貢菜皮蛋、重慶炸醬涼麵和紅油蒜茸青瓜。二人套餐 - 正宗重慶麻辣雞煲   $188 (半隻)熱辣辣的雞煲，加上麻辣香，雞肉嫩滑彈牙，鮮味可口，醬料香濃，有洋蔥、芫茜等作配菜，這雞煲味道不是很辣，連我平時不太吃辣也可接受，是我喜歡吃的，非常美味。套餐裡選了肥牛、腐皮、生菜和薯粉作火鍋配料。肥牛香氣濃郁，嫩滑可口 ; 豆味香濃的腐皮，大大片 ; 生菜爽口新鮮，薯粉煙煙靭靭，有咬口，放入雞煲沾滿湯汁一起吃，特別惹味。海蜇牛𦟌     $50爽爽的海蜇，香軟濃濃的牛𦟌，味道少少辣，越食越惹味，香氣四溢。香脆豬肉卷     $38炸得脆脆的豬肉卷，沾上酸辣醬，更惹味可口。貢菜皮蛋     $35之前在其他店食過的皮蛋是黑色，但這碟賣相很吸引，晶瑩剔透的皮蛋，溶溶黏

今日去到元朗，試左附近一家新開嘅茶飲店之後，排左一輪隊，已經不知不覺到左晚飯時間，天氣涼涼地，當然係最適合食雞煲/烤魚呢啲熱辣辣，暖粒粒嘅野，近近地揀左傷心酸辣粉，平時都係食lunch多，印象中食過一次晚餐，不過果次冇點烤魚。餐廳位置唔算好多，我地入座時間尚早，唔算好多人，但坐左無耐之後，都爆場，話哂星期六，客人多啲都好合理，我就暗至歡喜，好在早一步入座。講明傷心酸辣粉，當然係食啲酸辣野，佢地餐牌都幾豐富，不過我都係俾門口易拉架嘅套餐吸引入黎。二人套餐有雞煲/烤魚，配埋幾款火鍋配料都係$188/$238，本來當然係眼闊肚窄，仲擔心會唔會唔夠食，我地點左烤魚，飽到上心口呀，啲配料都食唔哂，好抵食，三個人都足夠。此外，仲有涼拌、小食、粉麵等套餐，價錢都唔貴，鐘意食辣嘅一定啱食香辣烤魚套餐 $238/2人首先有原條烤魚，然後喺A-D火鍋配料各選一款，例如A有肥牛、豬肉卷、花枝丸等；B有腸仔、芝士腸、豬紅等；C有生菜、金菇、雲耳等；D主要係麵食，可以揀薯粉、米線、小寬麵或者飯。單點烤魚價錢係$188，其實套餐都抵嘅，加左50蚊就可以揀埋配料，而且跟餐加飲品都有優惠價啦。所以一定係揀套餐烤魚一上

成日都同d fd食傷心，不過無一次係係元朗～～ 今日終於食到元朗傷心啦！一行三人，叫咗兩個套餐，三個小食，三杯飲品。第一個一定要叫的是口水雞（bb辣）+酸辣粉（bb辣）。唔食得太辣的媽媽表示，完來佢可以再食辣啲🤣🤣第二個叫左個蒜泥白肉（小辣）+酸辣粉（小辣去酸）。正！ 好惹味啲肉又唔會太肥。2碗酸辣粉都好好咬口！very good!另外叫係一個小食，叫黃金花枝丸，同海蜇手撕雞（小辣）個黃金花枝丸是即叫即炸，正到爆～超辣口🤤🤤海蜇手絲食粉量適中，海蜇很爽口🤤佢仲有個脆味3寶，但我地已經叫左好多野食，下次先食佢，個promotion唔好咁快完呀🤣還叫了3個飲品，以迫辣到噴火時救火🤣🤣有凍檸樂，椰汁，凍檸茶總結：今天食了個開心好味的傷心酸辣粉👅

同朋又去元朗行街，到晚餐時間早已經講咗食傷心所以肚餓就過左黎食，基本上係冇乜客人係到既平時食開朗豪坊隔離果間 依間第二次食叫左二個口水雞雞餐 一個小辣 一個中辣 口水雞睇落份量少 同埋喲雞唔太靚 （我本人中意食雞胸肉，佢比我果喲應該係其他唔知咩部分既肉所以見到都唔想食啦我都冇乜期待佢會好食 但估唔到又幾好食 我食小辣但對我黎講都係辣 不過我覺得岩我口味 雞肉唔會太「鞋」仲好滑粉我要薯粉既 我平時食傷心既粉好少會食得曬 但依間我食得曬 唔知係份量少定點 不過得食落個湯底好似唔會太濃咪 所以得覺得好食先食得曬掛飲品 我叫左杯凍奶茶 嗯 依杯飲品係我唯一唔中意既 因為飲品偏甜 飲左半杯就冇再飲見到有款新小食 椒唔知咩生腸 我想食架 但朋友話怕除左生腸會夾雜左粉腸 佢唔食 同驚好細碟所以冇叫到（以上係個人意見）

去到元朗，唔知食咩好, 突然又想食重口味, 於是就又再食傷心酸辣粉了~午市有得叫套餐, 有一碗酸辣粉加一個餸~ 我地睇左一陣~就叫左重口味孖寶, 蒜泥白肉同痳辣口水雞!!店員問我地想食咩辣, 由於上次去旺角叫小辣到辣到食唔落, 今次就要哂BB辣就算, 因為下午唔想咁辛苦..落完單好快就上菜了~有效率!口水雞夠入味, BB辣一D都冇負擔~好香好好食重點次次都係呢碟勁多蒜的蒜泥白肉，切得好薄, 大大片, 蒜多過肉~GARLIC LOVER一定超鍾意~酸辣粉BB辣好似差少少咁, 下次叫返小辣食食下覺得唔多夠飽, 即刻加碟熗炒土豆絲先~等左15分鐘左右到, 味道很好, 可惜OVERCOOK左..欠缺果份爽口...

上次吃完重慶小麵，感覺辣得意猶未盡。加上我和媽媽都是嗜辣如命，很想再回味回味四川口味，故此這天我們就選擇「傷心酸辣粉」作晚餐。這天我和母上大人食了$118皇牌二人套餐，套餐包括3款小菜加兩碗酸辣粉。首先要講的是酸辣粉，辣度可以選擇，平時我食得辣，食九宮格麻辣火鍋可以眼都唔眨，呢次酸辣粉我要小辣，但出事啦，辣又麻，食到我不斷飲水，最後實在食唔到就俾左我阿媽食。不過其實好味既，薯粉好滑好剔透，榨菜香而花生脆，酸度適中，下次我會醒少少叫返BB辣。另外我覺得可以唔落咁多油既，稍嫌太多油，食落口就Feel到肥。小菜之一既乾撈牛肚，牛肚好爽口，真係「乾撈」，唔會有咩汁水。每塊牛肚沾滿香料粉，味道十足。我最喜歡食口水雞，辛香料豐富，味道很有層次感，果真有讓人流「口水」的魔力。加上雞肉嫩滑不柴，食落口完全唔會起渣。美中不足的地方是雞皮範圍太多，肥了少少。呢味酸辣土豆絲色澤光亮，薯仔過完冷水去左澱粉，故此口感非常爽脆。酸辣可口，非常開胃。作為素菜，係d葷菜面前味道完全唔遜色。可惜都係油多左少少啦。事緣於碗酸辣粉實在太辣，我完全食唔到，於是我又叫左份BB辣既川北涼粉。涼粉以綠豆粉製成，口感軟滑Q彈，味道醇

OT到好夜先返到屋企，本想食譚x，但十點就收門，食唔切，老麥又食左好多晚，諗起傷心酸辣粉，上次好夜都有得食，上開飯睇睇，十一點先收門，啱哂，即刻行過去先。打個電話返屋企，原來母親大人都係叮左啲舊飯食，咁不如一齊去食下啦，星期五輕鬆一下。叫了皇牌二人餐，同舊年一樣無加價仲係($118)，抵食喎。睇一睇餐牌，都係揀番食開個幾味。涼拌海帶絲，海帶絲軟身爽口，無潺，辣中帶酸，很合口味。麻辣肚絲，肚絲有咬口，帶小小麻油香，下層放了少許青瓜絲，賣相靚啲外，青瓜絲青爽都好好味。口水雞，比上次食份量少了，無加價只好減份量？！雞依舊嫩滑，辣油，麻油，再加了別的調味料，味道複雜很好吃。傷心酸辣粉，例牌要食一碗，要了bb辣，呢個辣度夠了，湯底酸酸的，小小辣，很對胃。紅薯粉彈牙，看似很少，但越食越多，哈哈，好神奇的紅薯粉。加了$7要了椰汁，很香甜，解辣一流。不用加一。

早前在元朗逛街, 經過見到一間餐廳經常滿座，引起了我的好奇心, 看看名字是傷心酸辣, 立即吸引了我, 我是大愛口水雞的人, 以酸辣粉名命的餐廳, 想必是有出色的酸辣粉吃了。以為這裡只有吃? 這便錯了,除了酸辣粉外, 口水雞也是皇牌必食之選, 成功邀約食肉獸系的朋友, 一行四人來到元朗的傷心酸辣粉。傷心酸辣粉的口水雞。上檯之時，伙記不忘提醒，辣汁是很辣的，一吃之下，果然所言非虛，是真的又辣又麻，很不錯。雞肉嫩滑，雞件斬件後加上紅油、花椒粉等配料。紅油很辛辣，配合雞件相當惹味。這個辣醬汁，我們用來放在酸辣粉，吃得一滴不剩，也是推薦的一味。酸辣粉 番薯和木薯混成粉煮好，再加十多種配料的豬骨酸辣湯底。木薯粉夠彈牙，湯底酸辣並重，令味覺受盡刺激。

有時悶悶地都想食啲辣野刺激下，就係果種越食越辣，辣到漂哂眼淚流哂鼻涕既情況先過癮，傷心酸辣粉呢個名改得夠哂寫實，真係一路食就一路咁傷心。原來佢有個2人餐$118蚊有2碗粉，3個小食，都幾抵食下，碗粉超大碗，到最後都食唔哂。食佢個粉之餘，配料我都好喜愛，花生炸菜都好重要。今次點了小辣，又酸又麻又辣，食完好醒神，好似將啲唔開心既事跟住啲鼻涕呻哂出泥，爽呀！夫妻肺片叫左小辣都好似好辣下，入哂味之餘食完都唔會感到好咸，口質爽脆。正正麻辣肚絲，夠爽口，夾埋青瓜絲一齊食，感覺好清爽，又好咬口。食到最後已麻到無乜感覺，當然最好點番碟涼拌青瓜中和一下辣性，先可以搵番小小味覺。後記: 好欣賞每款小食都會有青瓜絲同埋花生跟埋，要咁既搭配先夠完美。

叫左碗豬骨湯紅薯粉配花枝丸，生菜，成碗都係油，紅薯粉咬唔斷嘅，仲要辣嘅。價錢貴得黎唔抵食，7蚊兩粒丸，5蚊3條菜。 湯底勁味精，試過一次完全唔會再黎，分店都唔會想試。

同朋友黎到元朗咁啱見到就試下 點知一難忘 一個字講哂:正!!由於本人唔係好食得辣 所以叫bb辣試下 一試果真係bb辣 有辣味但唔太辣 平時唔食辣的可以試下可以接受到的(((呢個認真要讚下 佢辣同酸分左好多層次 令人多左選擇 令我呢d怕辣的人唔洗驚明明叫左小辣 但都炎太辣)))間野唔係話貴 三十幾蚊 三個餸加杯野飲係抵食的 今次我叫左一個餸加紅薯粉 酸辣湯(bb辣) 味道一流 而且都只係20幾抵食!!唯一不太好的係人手好似唔太夠 店裏唔多客人 但服務員都係唔夠 真係要等好一陣先有人理我地 叫野食話要等陣 不過上菜時間夠快 所以整體上都OK