備長

营业中

休息中

之前試過旺角的一間串燒店，感覺十分良好。另外一個朋友告知銅鑼灣亦有一間不錯的串燒店，所以今天就來一試。這間店位於樓上舖，地點頗為隱蔽，好有隱世小店的感覺。此餐廳類似日本居酒屋，很適合三五知己和情侶到這裏聊天，輕鬆一下，把酒談歡。入座後已經見到枱上有三款醬料，分別是檸檬、鹽及味噌醬。店員在入座後便端上前菜條，有青瓜條、蘿蔔條及椰菜。若果怕熱氣的人仕先吃此前菜亦頗有清涼感覺。今次點了幾款串燒，炸物及烏冬：荔枝豬肉卷、豚之大腸、車厘茄煙肉卷、自家製免治雞肉跟溫泉蛋、明太子雞翼、燒雞皮、米茄子田樂、一口炸芝士及牛肉稻庭烏冬。首推必定是荔枝豬肉捲及車厘茄煙肉捲！ 超級好吃及有驚喜。荔枝豬肉捲的荔枝很清甜，質感有點似啫喱，入口一咬即溶化。荔枝的甜味亦與豬肉的鹹味很配合，十分有驚喜！而車厘茄煙肉卷貌似普通，但車厘茄很甜，煙肉有很香的煙燻味，不會過鹹亦不會過油膩，與車厘茄的香甜很配合，口感亦夾。燒雞皮及燒豬大腸處理不錯。雞皮香脆，豬大腸的肥膏已完全離去掉，只吃得出豬腸的油香但沒有油膩感，而外皮邊亦烤得香脆，不錯。招牌菜米茄子田樂亦值得推介，基本上是燒茄子而上邊則加了味增醬。味道鹹鹹香香， 有少少似魚香

放左工約左媽媽去銅鑼灣食個飯，本身想去揾餐廳個陣見到呢橦野樓下好多人排隊，所以就上網search下揾到呢間餐廳🙈呢度主要係食串燒既，叫左個安格斯牛柳，佢上面放左舊牛油，食落香口，唔會整得過熟😂見到有荔枝豬肉卷呢d咁特別既菜色我當然又試下喇😊佢係用豬肉包住荔枝去燒，食落都幾特別之後叫左個大蔥雞肉串，雞肉鮮嫩多汁，但可能雞肉要燒耐d,搞到d蔥有少少過左火，可能直接唔落蔥燒會好d😂最後叫左個和牛炒飯，炒到飯粒粒粒分明，上面放左芝麻同蔥花，都幾香😊最尾食左人均$180，日本串燒黎講唔算貴😊

相約同事放工後一起去吃晚餐。餐廳位於銅鑼灣站附近，交通方便。餐廳內部環境美觀，座位舒適。前菜28元，有新鮮椰菜、青瓜和紅蘿蔔，清甜爽脆。軟殼蟹意大利油醋沙律82元，軟殻蟹又香又脆，高質沙律菜配有黑醋和橄欖油，酸酸地很開胃。美國安格斯牛柳75元，肉汁多，牛味濃，有少少鹽味。蟹子燒蠔45元，芝士香，蟹子脆，生蠔汁多肉嫩，十分美味。海膽海鮮炒飯138元，份量多，海膽大件，炒飯乾身香口，配有蜆肉、魚肉和魷魚粒，味道層次豐富。總結：環境舒適，食物美味。

備長，聽著名字就知道是與同名的炭有關係。備長是間居酒屋形式的日式食肆，這天在銅鑼灣等男友收工，收工後便一起過來這裡晚餐。首先找個位置坐下，映入眼簾的是人們眼裡的廢物酒瓶推砌起來的裝飾，和玻璃窗後的夜幕互相映照，打造一個浪漫溫馨的餐廳氣氛，讓人即使不去高檔餐廳也能享受浪漫的氣氛。再點好餐的過程，先吃個沙律先。點上特製的味增醬，其渾然天成的鹹味令椰菜的鮮蔬味上昇了一個層次，甚為開胃。而等食的時間，好奇之下問了店員，餐廳名字確實來自於備長炭，但因香港申請炭爐牌照甚難，備長這裡用的是最接近炭爐溫度去燒的電子爐，呈現的食物的味道也會很接近真正炭爐燒製。那我就來嚐嚐這最接近炭爐烤出來的食物有多滋味。煙肉蠔卷這個季節很適合吃大閘蟹，其實秋風起，吹肥的何止螃蟹，還有生蠔呢！雖然這生蠔只是珍珠蠔尺寸，但個頭十分飽滿，一口咬下去，生蠔獨有的海水奶油味在舌尖上爆開，煙肉微微的鹹味更顯蠔鮮味。紐西蘭羊扒選自紐西蘭的羊扒，其肉質口感是相當純淨的，如果吃起來還有一絲羊羶味，那就是最地道的感覺了。無需介意這款羊扒的稍微羊羶味，正是因為這種風味才更能領略到紐西蘭的純天然滋味。雖然這根羊扒尺寸不大，約莫就半個手掌這樣，

在铜鑼湾澳門逸園中心上的小店，適合知已幾人小聚，亦勝在方便臨近地铁站旁。温泉蛋牛油果沙律（HKD68）習慣開餐先食沙律，温泉蛋半熟流香，沙律醬主要有芝蔴香味，两者配合沙律好好食。紐西蘭羊扒(HKD88)七成熟剛剛好，肉質嫩滑又無羊肉騷味, 加少少鹽及五香粉更是滋味十足,。海膽海鮮炒飯（HKD138）海瞻有两大件, 味較重，先.拌匀與炒飯同吃較佳。明太子雞翼（HKD32/隻）明太子醸滿雞翼內，煎香甘脆可口， 趁熱食最好， 送飯或送酒兩相宜。

日本嘢一向都特別吸引我。朋友帶咗我黎銅鑼灣澳門逸園中之26樓嘅備長食晏🤓 (係啊，中環人特登飛地鐵去銅鑼灣食個晏晝)銀鱈魚西京燒 ($178)。午市套餐系列！有前菜、沙律、湯、主菜、3款串燒同飲品。我就揀咗銀鱈魚西京燒，尼個係我嘅最愛嘅日本主食。幸好，備長份量不太細件，會飽架！師傅整得好香，表面微脆，魚肉鮮嫩！銀鱈魚油份充足，入口啖啖魚油香味，配合白飯，特別好味😋

銅鑼灣日式lunch set + 串燒又食聖誕午餐‼️多謝老闆‼️ 呢排食得太多肉，都係食魚會冇咁濟，最後都係食剩飯...睇嚟我要練多啲跑至得💪🏻 銀雪魚西京燒好滑，醬料香，燒得表面金黃，魚肉帶有淡淡白味噌嘅甘甜味😋1人有3串串燒，明太子雞翼極好味‼️少少辣🤤荔枝豬肉卷都係我愛點嘅嘢食，2樣嘢好夾，好開胃。茄子就燒得一般般lunch set 有沙律、前菜（中華沙律/螺肉）、味噌湯、飲品好滿意乳酸梳打😌

這間串燒店很久以前曾經食過，一直對這裡的串燒念念不忘，所以今晚相約友人來這裡再次品嚐!餐廳不算很大，有普通枱亦有bar枱，這次我們安排坐bar枱位置，能夠看到廚師在燒串燒。串燒的種類都有幾多，除了串燒也有其他食物!前菜，安座後店員會先送上蔬菜-椰菜、紅蘿蔔及青瓜，這些新鮮蔬菜點上味噌醬後，味道更鮮甜!牛舌厚切，牛舌非常juicy而且鬆軟，唔會因為厚度令牛舌變得好韌，有香濃的牛肉味!鹽燒雞翼，雞翼每次去串燒店都會揀選，這裡的雞翼燒得雞皮好脆口，鹽份都好夠，雞肉juicy又嫩滑!柚子芥末墨魚鬚，墨魚鬚爽口彈牙，因為上面有柚子芥末汁，酸酸辣辣，口感特別!清酒煮大蜆，蜆肉脹卜卜又多汁，清酒味道都好濃，而且蜆的份量都不少!米茄子田樂，這款日式燒茄子味道真的不錯，在茄子上塗滿味噌，而味噌又帶出了茄子的鮮甜味，令人非常回味呢!炸池魚仔，池魚仔外面炸得脆口，內裡魚肉都幾滑，這款如果用黎送啤酒絕對是一個不錯的選擇!炸味噌雞肉釀蕃茄，這款蕃茄暫時我只是在這裡吃過，而且覺得好好食，今次是第二次食了!蕃茄外面有層脆皮，但是蕃茄仍然好多汁，而蕃茄入面釀了雞肉碎，蕃茄連雞肉碎一齊食特別惹味!海膽海鮮炒飯，炒飯用上

今晚喺銅鑼灣覓食，之前都有聽過備長，今日終於嚟試一試。呢度地理位置方便，喺正SOGO隔離。入到餐廳，好有日本居酒屋feel，有吧枱，而且枱同枱之間，私隱度夠高，好啱幾個朋友傾計或者情侶拍拖食飯。前菜條$28食串燒之前食下菜，可以清清個口，同埋又可以清下熱氣OK。牛舌厚切$58我最愛嘅牛舌，燒得啱啱好，好香。入口唔會太韌得來又重牛味，口感彈牙，加少少檸檬汁，可以減下油膩感。自家製免治雞肉棒（溫泉蛋） $42略嫌細條左啲，不過好正，入面有啲雞軟骨，食入口口感好特別，配埋溫泉蛋點嚟食，perfect match!鵝肝多士 $63朋友唔食剛鵝肝，所以我自己嚟。油脂燒得勁香又剛剛好，入口即溶，好想encore!海膽炒飯$138有好多海膽，份量一啲都唔吝嗇，飯嘅份量都好多，有啲後悔嗌多咗個茶漬飯因為我哋食唔晒。炒飯粒粒分明， 夠香，海膽都好夠新鮮一啲腥味都冇，質地夠creamy，大滿足。茶漬飯（三文魚） $44冬天食暖笠笠，茶漬飯不嬲都咁好食，配三文魚味道都好夾。

來到銅鑼灣食串燒， 叫咗很多不同嘅食物。牛舌牛舌是餐廳之選，牛舌很厚，肉質肥而不膩，又滑，好好味。煙肉蠔卷蠔味本身得濃，有少少蓋過煙肉的味道， 不過隻蠔又大又juicy。鵝肝多士最吸引的鵝肝多士來了，本身是個鵝肝控，件鵝肝煎到剛剛好，好肥美，齒頰留香，配上碎卜卜的多士，口感一流，鵝肝值得再叫多一個。墨魚汁炒烏冬墨魚汁的關係，成個麵都烏黑黑。而烏冬則彈牙可口，配上芝麻味，很好味。 明太子茶漬飯有三文魚和明太子選擇， 本來覺得茶漬飯係比較適合三文魚，但係出面比較多三文魚茶漬飯，所以就選擇明太子。茶漬飯有很濃烈的紫菜味。炸味噌雞肉釀蕃茄呢道菜色比較特別，出邊的餐廳比較少見。上菜時見到一個波形狀的炸物土，切開中間係蕃茄，而蕃茄入面就係雞肉肉碎， 吃的時候感受到蕃茄的酸甜味，得開胃。

2人晚餐，訂位有折，坐在bar枱，輕鬆舒服。燒牛舌，好食，爽口彈牙。雞翼，一串有2隻雞翼，皮燒得好脆，燒雞皮，都可以，不是必食，燒蠔，可選不同味，我哋選左一隻味噌，一隻泰式，剛燒起就要食，有海水味，不會比醬汁完全蓋過，叫了一份鵝肝多士，一份2人分好夠，清酒煮蜆，份量2人分都夠，大約每人都食到10隻，最後叫了海膽炒飯，比想像中大，先試少少海膽再撈勻食，好味。

收工經過銅鑼灣，和同事一同去了這個有水準的日式串燒店，有別於一般的居酒屋，這家主打日式串燒。前菜條椰菜、甘筍條、青瓜條，新鮮、清新爽口。自家制免治雞肉棒將雞肉混合雞軟骨和洋蔥粒，配上燒汁再蘸一蘸生雞蛋汁，口感嫩滑。蒲燒鰻魚用味醂、日式豉油和糖煮成蒲燒醬，燒烤鰻魚表皮，焦香撲鼻、香脆內軟，啖啖肉。大蔥雞肉串雞肉當然嫩滑，但主角不是雞肉，而是經過醬燒的大蔥，不單去除了原來的辛辣，而且帶出甜蔥味的，超好吃！雞軟骨串鹽燒，香脆彈牙的軟骨與軟骨上鮮嫩的雞肉越嚼越香，讓人停不下來。豚之大腸這家串燒店出色之處，在於除了一般肉類串燒，亦照顧喜愛內臟串燒的朋友。燒大腸爽口彈牙，外層薄薄一層蜜糖。雞腎肉質彈牙有口感 ，嫩滑多汁 。 最適合用作燒烤 ，配上秘製燒汁，帶一點點辣。

位於銅鑼灣非常方便易到的居酒屋-備長，一入門口已經聞到香噴噴的串燒味，師傳即叫即整。座位有卡位及bar台，地方不算很大，但勝在氣氛很好！鵝肝多士-鵝肝煎得非常香脆，鵝油溢出，配上脆脆的多士，簡直是人間美味燒鵪鶉蛋- 一串有三粒，配上特製醬汁，yummy!燒鴨舌-面頭灑上椒鹽，鴨舌表皮香脆，內里淋身三文魚茶漬飯-食前落一點芥末，將整個味道升華，三文魚有點咸度，跟湯飯一起吃，很暖身牛肉烏冬海膽炒飯-海膽份量挺多的，炒飯非常乾身燒飯團-飯面脆卜卜，很有炭燒味

是日放工約左女朋友食飯兼睇戲，睇戲前就要食飽飽先所以就去左銅鑼灣搵野食，見到有間串燒評語好似唔錯咁而且地方又好易搵地鐵站一出行一分鐘就到係門口已經好大陣炭燒香味衝出黎，餐廳入面非常整潔乾淨餐牌選擇有好多，全部都係似串燒為主，黎到我地梗係叫主打串燒上菜前先有一碟前菜，好新鮮爽甜!!我地叫左米茄子田樂，西京銀雪魚，鹽燒雞翼，海膽海鮮炒飯以為日本小甜薯~~~米茄子田樂，好大隻燒茄子塗上一層味噌係上面，新鮮熱辣燒茄子加上濃濃味噌~~~兩者味道出奇地夾而且味道十分複雜，完全刺激到味蕾，濃濃味噌香配搭茄子清清的口味，非常好食!!鹽燒雞翼，雞翼燒到外脆內軟，雞皮脆口，雞肉嫩滑，仲有肉汁嗌出，加上少少鹽既咸香，好出色!!日本小甜薯，好甜好好食而且一啖一粒岩岩好~~~西京銀雪魚，肉質好幼嫩，味道甜甜地帶上少少燒既焦香感，食出師父功架十足，時間恰到好處!!讚!!海膽海鮮炒飯，一上枱有少少驚訝，海膽份量唔少而且係用左幾款唔好種既海膽，諴意度十足~~至於味道都非常好飯粒乾身每粒都食到少少焦香味加埋蛋味，再加上少唔同海鮮例如尤魚...蝦..等等...每一啖都有唔好口感，再配上高貴海膽令整個炒飯層次提升，十常出色

今次去咗銅鑼灣一間位於樓上舖嘅日本餐廳，唔算大但夠靜適合同朋友傾計。食物叫咗小甜薯、明太子雞翼同牛舌，牛舌唔會太乾，保留到肉汁，雞翼有少少燶不過都好食嘅，仲叫咗鵝肝多士，夠大舊，好好食！咬落去多士吸收晒鵝肝嘅油，然後到清酒煮蜆，蜆肉好鮮甜，帶有少少酒味，份量都好足夠。最後就係碳燒鯖魚同雜錦天婦羅，燒魚份量好足，好夠食，可以配上醬油或者檸檬汁或者鹽食，都係好夠咸味嘅，天婦羅有三隻蝦，好抵食！仲有菇、洋蔥、蕃薯等其他天婦羅，食到咁多款，抵食！