備長

营业中

休息中

已經去過好幾回，還是覺得備長的串燒質素保持最好，上菜也不會等太久。最愛吃雞軟骨、燒雞皮和燒雞翼，半點雪藏味也沒有，坊間大多串燒店的雞軟骨和雞皮也有一股雪藏味，但備長真的沒有。雞軟骨不會燒得很硬，非常易嚼；雞皮燒得外脆內軟，完全沒有肥膩感，而且燒得很香。來備長必點燒白鱔，肉厚多汁，沒有細骨刺，皮燒得也很脆，一點都不腥。牛肋骨跟牛舌心也十分推薦，肉質細嫩，鮮美多汁。燒雞腎也燒得非常不錯，可惜忘記拍照。每次想吃串燒一定會聯想到備長，這麼多年食物質素也保持水準！

備長呢個名成日都聽，一直無機會試。終於，男友見我咁想試，就預先訂枱帶我黎試下！餐廳燈光比較暗，情侶食都幾浪漫！我最欣賞既地方係佢既枱幾大張，唔怕無位擺野食，而且中間既枱與枱之間會有個屏風隔住，感覺私隱度高啲！我當日見到有一大班人食飯，大概有十幾個，餐廳可以安排大枱，同可以有敞門分隔！一坐低，就送上前菜條: 椰菜、紅蘿蔔同青瓜，清新一下味蕾呢個前菜條$28, 價錢都合理調味料有幼盬、檸檬同味噌醬辛辣炸雞$48炸雞外皮係好似脆片咁！好脆卜卜！唔算太辣，反而係幾香！因為用上雞扒，所以都幾嫩，無骨的。大蔥雞肉串$25正常水準，雞肉調味可以重手少少，不過有調味醬，所以可以按個人喜好自己加添都得！牛舌厚切$58好鐘意食牛舌，每次去串燒店都會食！呢個牛舌係厚切！咬落去好有口感，燒得好香好juicy ，唔怕乾，無腥味！煙肉蠔卷$42煙肉蠔卷$42我平時好少食燒煙肉，因為好怕燒過頭，成塊煙肉就會好硬好乾！不過見到呢到係包住我愛既蠔，就試下！煙肉燒得唔錯，雖然燒到金黃，但一啲都唔乾硬！唔知呢個係因為技術好定係食材好？！不過對我來說，好食最重要！蠔！係另一個欣賞點！蠔仲係嫩滑！原來撘配煙肉一齊食，口感幾特別

一個從未試過很差的體驗，真的不吐不快，並要跟大家食貨分享。昨天book了位已經約好了朋友時間，今天餐廳卻打電話來說沒坐位！這算什麼食市？是讓座給其它熟客嗎？完全不尊重客人！我也不知道你是怎樣經營的。我要提醒一下食客，如果你要訂座時要小心啦，此店可隨意將你的booking Cancel,原來唔咪你朋友放你飛機唔嚟，係呢間食店放你飛機唔比你來，突然要你再找地方又再約過人，那就把你害慘了！😡😡😡👎🏻👎🏻

日前和同事去食生日飯，由於只能做一轉午飯生意，所以座位都排得很逼，另外以開放式廚房做串燒，令空氣灕漫著煙熏味。我點了銀鱈魚套餐，但廚房先處理了遲來客人嘅order，才弄我個餐，結果等了一陣才有，而且第一次食到銀鱈魚入邊有魚骨，差點哽骨。叫了三個串燒，分別為荔枝豬肉巻、蘑菇、明太子雞翼，結果明太子雞翼要分開上，同埋係辣嘅，結果我因為不吃辣，所以浪費了。最後，沒有送甜品，盛惠$178另加10%服務費，確實不抵食，下次不會再去。

被安排坐在吧枱位置，可以欣賞到師傅即製串燒入座後先奉上前菜，可沾上適量味增，輕怡健康餐牌款式選擇眾多， 先來幾串串燒過過口癮串燒一定要飲喝梳打飲料，點了一杯巨蜂梳打，很大一杯，相當抵飲燒雞腎能保持爽口感，柚子芥末墨魚鬚，柚子芥末醬跟墨魚鬚好爽。和牛有入口即溶感，頗驚喜。明太子雞翼是新鮮即炸的， 大大隻脹卜卜，釀入滿滿的明太子，香口惹味。鹽燒雞翼亦同樣出色，外皮香脆，不錯。居酒屋必點的雞軟骨及蘆筍豬肉卷，雞軟骨香脆可口，加點七味粉更滋味。炒野菜鑊氣很足！燒明太子飯團，外層全是飯焦，入邊釀滿明太子

門口有點神秘，裡面的環境卻很親密。服務幾好，店員好親切有笑容，2人都安排4人枱，又為我地加茶。前菜條最殺食就係個麵豉醬，任何一條蘿蔔青瓜點麵豉醬都係一樣咁清新開胃又惹味。由左至右分別:鹽燒雞翼簡簡單單用鹽已經可以帶出雞翼的肉味。日本小甜薯不用說這個是甜甜地，又唔會太乾。柚子芥末墨魚鬚通常都係配醬油味，但係呢一個配柚子芥末，感覺好清新，更加強咗墨魚鬚的鮮味。荔枝豬肉卷一咬開覺得好特別，荔枝味好濃，但亦都冇蓋過豬肉的味道。黑白胡麻油炸多春魚一咬開，黑白芝麻唔會即刻散開，同多春魚融在一起，多咗份芝麻香味。軟殼蟹沙律沙律醬不需太多，因為軟殼蟹已經幾好食。鹽燒鴨舌都係第一次試，分量矜貴。枝豆食曬都唔會覺得胃脹，有啲鹹鹹的味道。燒銀鱈魚乾好脆口又有啲香，用嚟送酒最啱。

好耐冇食過日本串燒啦！今晚約友人去銅鑼灣食餐飽。餐廳地點好便利，地鐡站ㄧ出五分鐘便到。我地訂咗位7:00，不用等便可以直接入座，侍應好快奉上熱茶和一碟涼菜，另外還有ㄧ碟調味料，分别有海鹽、檸檬、味噌，用來增加串燒味道。餐牌內都好多選擇，等我快D㸃來試下先。首選當然是串燒啦！我地揀咗幾款來試。鹽燒雞翼外皮燒得好香好乾身，但雞肉仍然又多汁又嫩，👍!牛舌厚切真係好厚身，燒起來不但沒變韌，還補留住肉汁。荔枝豬肉卷是初嚐試，真係有驚喜，事關外層薄薄的豬肉片卷著ㄧ粒荔枝來燒，荔枝汁領到豬肉片食落不會乾和有爆汁的感覺，不用加任何調味料都極好食💯😋。食串燒當然離不開飲兩杯🍻啦! 剛巧做緊麒麟啤酒promotion買一送一，我哋異口同聲都話要一杯，冰涼清爽嘅感覺即刻返曬嚟😎。接住就係ㄧ個比較少見的，炸味噌雞肉釀蕃茄。用免治雞肉釀入完個蕃茄再舖麵包糠攞去炸。切開食用時，淡淡味噌加上清甜的蕃茄，口感清爽濕潤，味道配合得恰到好處😍。汁燒魷魚筒，好大隻，烹調火候適中，好入味，肉身又腍又滑。海膽海鮮炒飯上檯時，已見三大片海膽舖在飯面好吸引，炒飯好足料有蝦、蜆、八爪魚、洋蔥和紅蘿蔔，炒得好香好乾身，再混入海膽來食，

銅鑼灣質素高的食肆一直很多,今次去朋友介紹的一間主打串燒食肆試試,結果真的不負我所望!先來海膽海鮮溫泉蛋,海膽很容易會不好吃,但這個非常鮮甜,加上溫泉蛋真的太過美味,想過立即多叫一客,但我跟友人食量都不大,還是忍了胃口,試試其他款式,但真的毫無疑問是必點之選!然後來一些串燒,黑松露帶子,很香口的黑松露在香港已很普遍,加上鮮甜帶子厚度十足,著實不錯!牛舌厚切,口感一流,又很香,喜歡牛的朋友不妨一試.鵝肝多士,很多朋友都怕鵝肝會太油會太膩,但這個絕對不會!真的太香太香太香!是我吃過的鵝肝之中最好吃的,到現在那個香味我還可以想得起來呢!!小甜薯跟冬菇,甜甜的日本小薯,和多汁的冬菇,是吃串燒不可缺的食品!鹽燒鴨舌,通常都是吃鹵水的,但這個鹽燒的風味也不錯,香口得來口感也完全不同.最後來一個炒飯作結,和牛切得比較碎,整個飯也充滿和牛味道,份量也不少,飯也炒得挺香的,是這餐的一個完美終結!因為友人有點不舒服,這裏有很多酒類飲品都沒有試到,下次再來再嘗嘗吧!總括來說環境,食物品質都一流,讚!

一個月前訂定檯食晚飯 點知被安排座bar 枱 落左order,坐左10分鐘開始勁大油煙仲開始對眼唔舒服詢問可否調枱。。。但沒有枱一路食一路吸油煙味 唔洗問食完成身臭食物 是可以的 牛舌,豬頸肉串燒 好食其他正常 埋單1000蚊 但食得唔舒服 又一身味 唔值!其實要諗諗抽風系統點解決

今晚約了朋友來到銅鑼灣澳門逸園中心26樓的備長日本居酒屋晚膳，此處交通方便，出了地鐵站，兩分鐘已抵店鋪。來到居酒屋，首先來杯冰凍啤酒，看過餐牌，發覺頗多選擇，先來胡麻豆腐沙律，沙律的蔬菜非常新鮮爽脆，豆腐嫩滑，加上胡麻醬汁，十分醒胃。隨之而來的是燒厚切牛舌，鰻魚和兩客大蔥雞肉串，牛舌肉質鮮美嫩滑，鰻魚皮脆肉香。吃過燒物還有鵝肝多士，海膽伴溫泉蛋和海膽海鮮炒飯，鵝肝煎得香脆嫩滑，新鮮海膽配香滑溫泉蛋，簡直絕配，海膽炒飯是我的至愛，今次廚師的功架更令我喜出望外，隨了海膽新鮮，飯炒得很到家，軟硬適中不肥膩，配以美味的海鮮粒，高水準之作。

最近成日都落雨，搵野食都要近啲港鐵站備長location好好，完全唔洗帶遮都黎到早到早享受，可以慢慢揀下嘢食前菜配廚師自家調配嘅醬料每一個燒物都好高質，厚切牛舌（左）朋友好喜歡佢夠彈牙，又多汁而講到最最最喜歡一定係明太子雞翼（右）一定要先咬開一口，就會見到入面脹卜卜、塞滿晒明太子，每一啖明太子都多過雞肉有少少辣，好惹味紐西蘭羊扒（7成熟）：讚！連好怕羊羶味的我都覺得唔羶，只有香香的燒肉味。表面煎到脆，入面封好肉汁，肉質鮮嫩。鹽燒日本鯖魚：啖啖肉，完全無骨，魚皮燒至脆身，魚肉好嫩滑。唔需要加特別醬汁，鹽已經帶出鮮味燒茄子：茄子燒完後唔乾，仲保留到水份在內，加埋木魚，真係好有去左日本既感覺呀燒雞軟骨墨魚汁炒烏冬：本身墨魚汁只有少少海水味道，但廚師加入了墨魚肉及豚肉片，炒起黎更香。烏冬是讚岐烏冬，粗身有口感。哈哈，避免不了黑嘴巴，但換黎好味一餐😋CP值高的一餐，食材新鮮，物有所值！

喺中央圖書館溫完書，行左過黎銅鑼灣食晚餐。呢間日式居酒屋開6:00pm，可能時間尚早嘅關係，安排左張4人檯俾我地坐。環境都算寬敞，每張檯都用屏風隔住。檯上已經準備好醬料，檸檬，鹽，用黎點配串燒。每2位都會收前菜$28，青瓜加紅蘿蔔條，幾開胃。我地點左幾款備長推介，去得居酒屋，當然要有串燒同啤酒，每款串燒最少要點2串。胡麻豆腐沙律 $62 胡麻醬配上蕃茄仔，豆腐，沙律菜，好新鮮，絕配。柚子芥末墨魚鬚 $36/串 柚子味清新，芥末味刺激，墨魚鬚爽口。牛舌厚切 $58/串 牛舌真係好厚，完全無overcook，點鹽食幾惹味。明太子雞翼 $32/隻 雞翼燒得都香口，明太子釀入雞翼內，啖啖肉，還有少許辣。海膽海鮮炒飯 $138 滿滿一層海膽喺炒飯上，好鮮味，完全唔腥，入口即溶。炒飯有帶子粒，墨魚粒，蜆，飯炒得乾身。今晚麒麟生啤 $50 (買一送一）超抵，串燒怎能無啤酒。

聽過備長好耐一直好評如潮但未有機會試今日終於食到喇我同朋友鐘意食既野差唔多叫左好多款式呀田樂茄子燒荔枝豬肉卷厚切牛舌明太子雞翼柚子芥末墨魚鬚多春魚田樂茄子燒賣相好靚熱辣辣茄子一絲絲茄子肉撕出黎香軟又入味好正明太子雞翼必食漲卜卜明太子釀雞翼好夠辛辣！雞肉皮燒到好香脆柚子芥末墨魚鬚好特別既味道清新既配搭柚子味同芥末味好夾又彈牙荔枝豬肉卷荔枝好甜岩岩好中和左肉類既油膩感好夾總括黎講串燒款式多高質數非常值得黎

到過日本一定會對日式串燒店念念不忘，今次和朋友兩個人來到銅鑼灣，回味一下日式串燒～😋 牛舌👍👍 ｜外表看上去平平無奇，但食落好彈口，又爽，不會太鹹。係今次叫嘅野食入面最好食的！芝士年糕 |年糕表面煎得有點微燶，口感香脆又煙韌。建議大家一定要襯熱食，芝士濃郁，不會只得很少份量，而且做到拉絲的感覺，推介！☺ 芝麻多春魚 |黑白芝麻鋪滿炸香咗的多春魚，令佢更加脆口。而且入面好多卵，所以幾香～明太子雞翼 ｜釀咗明太子嘅雞翼漲卜卜，明太子鹹香加上雞肉滑嫩，而雞皮都好似滷水雞翼個種咁有啲彈口，好食～燒飯團🍙｜表面燒得香脆可口，而且係醬燒會較濃味叫左明太子同吞拿魚做餡，兩個都不錯～當然唔少得刺身啦，三文魚腩挺厚身而且味道甘香～

同女友拍拖2週年，我地決定黎備長食日本串燒慶祝。之前黎過食lunch叫set，夜晚就係散叫ge豬頸肉串燒好多地方都有，不過要燒到juicy就無唔係個個都做到（8/10）燒羊架同樣juicy (8/10)上圖ge燒白鱔燒到外脆內裡嫩滑，香得黎又唔會好油，ichiban（9/10）至於八爪魚就比下去了（6/10）燒魚鮫好香好食 （8.5/10）最後食鵝肝多士完結（9/10）總結：夜晚黎講e間算唔平，但質素絕對deliver到。至於非串燒類就唔推薦，建議skip飯麵