傅師傅甜品小食

营业中

休息中

今日因為聽到同事講起呢間甜品店D焦糖燉蛋同芒果世界好好食..仲有酒店師傅坐鎮...所以就黎試下...黎到叫左個熱既法式焦糖燉蛋, 繽紛世界同凍渣咋外賣...3樣野味道都普普通通啦...個繽紛世界唧係大菜糕上面有D奶, 雜果同芒果醬...不過唔夠奶同醬~好似大菜糕還大菜糕, 雜果還雜果錦...下次要叫佢落多D先得!!至於其餘個兩個甜品同湯水就無乜特別...總括黎講..埋單都係$38~都算抵deal啦

昨晚去左食牛橋食完又行經呢間糖水鋪好多人下而且又好似有D新派甜品的感覺就同埋D FRIEND入去試下我叫左個繽紛世界(因為係餐牌中的晝好大下,應該係一D類似招牌DESSERT)我D FRIENF就叫左個千層酥同咋喳上菜都算快了咁多人我第一眼見到我個碗時........都係一般啦食個時....冇曬MOOD佢係什果黎既不過切到好差...個芒果同西瓜切到爛爛地而且D 大粉圓.......隔過夜嫁......完全無左個種煙韌,係淋到無曬咬口的感覺整體個DESSERT都太乾係個大菜糕底OK D不過我D FRD話佢地個個好食呢點解我叫個個招牌咁屎嫁????????????????

　　今晚男朋友特登做外賣仔，外賣甜品俾我全家食，佢唔忙嗰陣，都幾得人"錫"嘅^^　　一家人食咗四款甜品，每樣都試咗少少，好滿足呀！2個法式焦糖焗蛋、鮮果千層酥、凍芒果雙皮奶、凍芒果梳乎厘。　　總括而言，樣樣都幾好食，而且都叫做有少少特色，唔會度度都有得食咁，同上次堂食味道差唔多咁啦！下次都會再食！　　　　　　

大家自己去真係有d難, 因為交通唔太方便, 最好有車/ 有熟路既人帶你去環境是街坊式的, 但係由於老闆是酒店甜品師傅, 水準確實有驚喜, 真係比x記在各大商場o既分店來得有特色, 同埋最緊要是“人冇你有”, 而我們三人主要是跟貼在牆上的雜誌介紹來叫野:-炸雪糕($25) : 泡芙內包住三色雪糕, 雪糕味道唔好要求太高, 主要是食個特色同賣相, 都唔錯-黑白配($15) : 芝麻糊+ vanilla 雪糕, 芝麻糊幾滑, 只是覺得出面都食到類似既野, 例如石磨坊, 因此唔需要突登叫-焦糖焗蛋($12) : 侍應話蛋白那款賣完, 只有蛋黃那款, 我想大家去可以試蛋白然後post 上來告知好唔好食, 應該好受歡迎卦~ d蛋唔老, 同埋唔太甜, 都幾好, 因此想吃甜d既人可能唔o岩食總結是以超平的價錢來食有酒店水準同埋好有特色既野, 交通&環境就要將就d, 開到1am架

<img:"http://i25.photobucket.com/albums/c54/agnesc111/06-02-25_23-18.jpg">原本諗住食下法式蛋,不過我和男朋友三心兩意,最終叫左黑白配(芝麻糊加雪糕)同招牌千層酥.個黑白配就麻麻地, 唔夠味,加上係凍食的, 唔係好得,另外個千層酥外表唔錯,d水果都okla~不過個酥皮就簿d,厚返d就最好la~我地都會再去試個法式蛋先!!!

大佬介紹，話間野專食甜品，於是把心一試。招牌菜賣相討好，食落脆皮，總共有三層，中間夾生果，價值十八塊，都幾經濟。鋪面細少少，但幾旺，且好多人叫招牌菜。食甜品可以揀佢！

夜晚無地方落腳，見到有烏冬..仲要豬骨湯底，雖然唔好似似豬骨，但好香.........配釀雞翼！好好味！而配豬扒就唔得！$20.....一面，一送！環境唔係太得，有好多野飛來飛去

今日行開搵朋友，聽佢講呢講甜品屋好好味又抵食，梗要試下甜品款式花多眼亂，諗左好耐，決定試招牌菜"鮮千層酥"，我朋友叫左個"凍芒果雙皮奶"個芒果雙皮奶好好味，芒果夠甜夠新鮮，雙皮奶好重奶味同好滑，唔知係咪落左忌廉呢。鮮千層酥好酥脆，吉士忌廉好好味，不過略嫌鮮款式不夠多，只有西瓜粒和木瓜粒。個度仲有炸雪糕，homemade tiramisu，個tiramisu唔同出面街個d搵魚膠粉整，下次決定要試埋佢，個度價錢好抵，最十零廿蚊就可以食到酒店級甜，一定要推介

同教會o既朋友黎食個快飯，見佢有個鯊魚骨湯底o既拉麵套餐，連是日糖水都只係20元，就即管試下。叫左個釀雞中翼拉麵，要左鯊魚骨湯底﹝重有加辣同咖哩兩個選擇﹞，糖水就要左綠豆沙。個拉麵好似幼上海麵，質地麻麻，但又未到難食；雞中翼中間釀o既係綠色蔬菜茸，都幾特別，由於係番炸兼浸左湯，味道略打折扣，但算係唔錯的。綠豆沙黎到，原以為冇特別聲明就即係要熱o既，原來未必，今次係凍o既─朋友話一定要講明要凍定熱，否則唔知佢俾咩你架！講番個綠豆沙，雖然唔係好起沙，但好香臭草味，亦食倒絲絲海帶都唔錯，如果係熱o既應該更好。朋友叫o既腐竹糖水就仍見片片腐竹，似乎麻麻地。不過20大元食到飽一飽，重想點？由於主廚係做開酒店，我估佢D西式甜品會好味些。朋友話佢o既焗蛋白布甸幾好喎，下次有機會都會一試。

拉麵淋到死，好難食。豬扒包勁大件，又好食，可當主食。甜品正死，食左個千層酥，一試難忘，勁多吉士醬，又唔會太甜。價錢唔貴，兩個人食到嘔，每人都係二三十蚊，勁抵。

本來諗住黎大圍去甜藝館o既，但係o係附近搵左好耐都冇位泊車，後來終於搵到位，不過行過去途中發現呢間傅師傅甜品，見佢門口都貼滿左雜誌同報紙o既介紹，女友話不如試試，咁就去試下啦！店舖於屬村屋範圍，但o係路邊唔難搵，小型店舖大概廿零個位，除了甜品外還有小食及粉麵。甜品唔只有一般o既西米撈同涼粉撈，仲有o的精美少少o既，好似Tiramisu 同梳乎厘等。我同女友叫左一個雜果世界($13)，一個芒果班戟($10)同一杯西瓜汁($12)。雜果世界有大菜糕、o者哩粒、明珠粒同鮮雜果，再淋上芒果漿。食落生果都幾新鮮，不過o的生果只係普通。大菜糕係白色o既，可能加左奶，不過口感偏削。芒果班戟麻麻，細件同芒果唔靚。西瓜汁係加冰即榨，非常凍！以呢個價錢黎講質素算唔錯，以後去大圍可以有多個選擇！