傅師傅甜品小食

营业中

休息中

去過兩次﹐質數都令人失望。叫了凍的糖水(紫米)﹐來了一個唔凍唔熱的﹐伙記話“人多﹐所以雪唔夠時間”。大老呀﹐唔夠時間雪就唔好賣住啦﹐仲好似好應份咁﹐要求換另外一種糖水﹐好不願意才換給我。

芒果拿破崙, 真係唔掂, 個酥皮得個薄, 比我感覺好慳皮, 仲要係唔似人地果d咁酥皮, 似一塊好平面既薄薄薄餅乾, 真少少求其朱古力心太軟, 呢個唔錯, 28蚊, 可以接受, 雪糕上到枱都未溶, 可以一試

這裡已經幫襯好幾趟，千層酥、芒果Pancake、雜果涼粉及另外掛頭牌的朱古力心太軟，今次就來說一下這個心太軟。是即場焗制，故人客多的時候都要等成十數分鐘，心太軟焗制得宜，令外層朱古力皮甘香鬆化，裡面的朱古力漿熱辣溫潤，濃濃的朱古力味，配上一球雪糕、雜果及吉士，冷熱相沖，味道很不錯！

記得在這裡看過此點, 覺得好吸引. 但我連店名與地址都唔記得, 只記得在大圍...於是在大圍小街內與男友左走右走, 去到另一間出名的甜品店, 但看來與大埔的rainbow和長沙灣的松記差不多, 不太吸引...於是再多走幾圈, 終於發現此店!在menu上看見很多圖片都很吸引. 我和男友各選了"火焰雪山"和"芒果疏乎里". 芒果有點酸, 但算新鮮. 疏乎里的味道我們覺得一般, 可能不太合我們的口味, 而火焰雪山很好味, 外暖內冷的感覺很好.難得吃到這樣的甜品, 很開心. 平時這些甜品都不容易吃到, 可以在這平民化的甜品店品嚐得到, 真是很驚喜. 尤其是火焰雪山, 去酒店食buffet都只是食到一角, 怎想到一座山就在你面前! 我們就覺得價錢很合理, 始終這些不易做, 而且外面比較少機會吃, 雖然地方偏僻一點, 但能吃到這樣的甜品很開心~!!!一定會返去再試其他~

估唔到冇去2, 3個月, 已經擴充了。芒果雙皮奶, 凍食, 口感好rich, 好重奶味! 但芒果就黎熟到爛...睇見d芒果有啡色的斑斑....不過都會再幫親, 希望會改善一下!

農曆新年後去幫襯過一次，那次要了二碗紅荳沙，水凖依然好，但付款的時候才知道已加了價，以前是八元的現在已加至十元，加幅多達百分之二十五，都幾重手，雖然經濟市道有好轉，但是否重手了點。甜藝館已經重新開業，並沒有獨市生意了。以及那位在半島做總廚的師傅，請多點創新一些甜品吧，只是一兩款特色甜品係吾足夠的。

食完正餐，又點可以ｍｉｓｓ　ｏ左ｄｅｓｓｅｒｔ　ｏ尼．．．ｓｏ，去大圍行左１０ｍｉｎｓ　ｏ既路，終於到目的地：傅師傅甜品小食ＹＥＡＨ！兩個人ｏ黎就可以試晒ｄ招牌甜品：芒果梳乎里﹑鮮果千層酥﹑火焰雪山同特色炸雪糕芒果梳乎里．．．ａ　ｂｉｔ　ｄｉｓａｐｐｏｉｎｔｅｄ，全是蛋白打出ｏ黎，好像好鬆ｏ既塑膠或海綿，感覺空洞洞，食ｏ左等於冇食ｏ甘．．．ｍｉｘ　ｗｉｔｈ　ｍａｎｇｏｅｓ．．．ｍａｎａｇｏｅｓ　ａｒｅ　ｑｕｉｔｅ　ｆｒｅｓｈ　ａｎｄ　ｓｗｅｅｔ　ｇｅｉ　ｔｈｏｕｇｈ炸雪糕！炸雪糕！係必食之選！三粒分別有ｖａｎｉｌｌａ，ｃｈｏｃｏｌａｔｅ　＆　ｓｔｒａｗｂｅｒｒｙ　ｏ既ｆｌａｖｏｕｒ，不單外貌圓碌碌，十分趣至，重美味又有創意．．．　ｉｃｅ－ｃｒｅａｍ味道係比較普通，但勝在有熱熱辣辣﹑香香脆脆﹑充滿蛋香ｏ既泡芺外皮包住．．．．．冷與熱ｏ既ｃｈｅｍｉｓｔｒｙ．．．一咬之下，蛋味同雪糕充斥著整個口腔，慢慢溶化．．．個千層酥應該係我見個最大ｏ既．．．我同細佬ｒ晒頭ｏ吾知點分，因為一叉就會散晒．．．．　ｈｍｍ．．．算了，要同美貌講再見ｄ　　酥皮ｏ吾夠實，太少太薄，成張紙ｏ甘，食ｏ吾到應有ｏ既香味．

叫左碗楊枝金露$20,西柚同芒果都係好酸,芒果汁芒果味唔濃,算係難食

見大年初二，就來個甜品食評平衡一下油膩的送菜吧！上次來這裡，品嘗到一份相當不錯的千層酥，今次過來，十五十六Recall好啊還是試另外的好，最終結果是Talk Away份千層酥而堂食什果Pancake。什果Pancake的份量比較小，另跟千層酥做法差不多，只是外皮是脆皮及煎軟餅之分，而旁邊仍是淋上不小吉士醬增添美味。什果Pancake賣相挺好，但食味又不是相當，因Pancake不是暖身及裡面什果及鮮打忌廉又不夠冰凍，吃不出又冷又熱的感覺，跟上次吃到冰冷的千層酥不能雙提並論。Talk Away份千層酥回到家後吃起來始終打了點折扣，因外皮酥皮不夠脆身，失色了，都是堂食穩陣。

琴日放工..同班fd係大圍唔知食咩好~甜藝館又唔好食去左傅師傅食甜品~～叫左個1.炸雪糕~好正牙~ 有3隻味道~$252.凍芒果梳乎里..ok啵味道唔錯~~唔太漏$價錢貴左小小喇~$253.法式蕉糖燉蛋~叫左個熱既...唔太甜~~女士就岩食la~$12 又經濟實惠4.招牌千層酥..酥皮夠脆,加埋吉士醬...好食.又抵至抵食$185.心太軟..1切落去..朱古力醬留晒出黎~~好好feel..不過平番小小會好d $286.西米栗米布甸..用栗子做布甸..味道唔錯..整體黎講不錯~布甸夠香又平$ 157.火焰雪山...夠晒大個又好食.好正ar..外面熱,裡面雪糕超夠凍加埋生果~~正~~$38 ..唔係好貴~又好食總括黎講...叫左7樣野食...埋單都係$150到~~食到7樣甜品...好滿足la~~每人埋單$30...計番條數平過食甜藝館...又好食過甜藝館... 經濟又超值~~抵食

迫低架單車,先去傅師傅食野...五點幾,路經椰林閣,好多人食...呢度,一間小店,全店滿坐,不過因為自己得一個人,搵位都容易d,但坐得都幾迫下...一坐低,呀姐即刻走過黎,問我食乜...此動作同甜藝館的一模一樣...自己又係果句:「我睇下先。」見到周圍的人大部份都係食麵,不過唔太肚餓,就叫左個鮮果千層酥...三層酥皮,兩層鮮果,加上忌廉,吉士...先講鮮果,鮮果層好多忌廉同吉士,鮮果有密瓜,西瓜,哈密瓜,芒果,夠新鮮,瓜係夠甜的,不過芒果係酸的...至於上面的士多啤梨就,都係唔甜的...自己好耐都冇食過甜的士多啤梨了...酥皮層則夠脆,加上吉士,食落係甜,不過唔'漏'...見到糖水都幾平...至於麵都一樣抵食,$15-$20,仲有糖水/飲品送,而且都幾大碗...至於環境就麻麻了...因為係村屋地下舖位,所以比較細,坐得迫,都冇乜裝潢,加上鄰近投注站,會有d賭博人士黎睇馬經,講馬...不過都會有下次,可能會試下d粉麵...

幫襯完坤記，沒有五十步路程已經站在這店的門口。這裡仍是大圍舊墟，獨立的村屋而成的店舖，舖前有一細細的平台，放了不小塑膠檯椅準備晚上之用。來幫襯時全店只有筆者光顧堂食，反而外賣訂單就相當之多。店裡主打甜品，但亦有小吃及車仔麵，而標明是鯊魚骨湯底都幾吸引。先前只知有這出名的甜品店但沒有了解有什麼主打，故坐下後才開始思前想後，最穩陣當然以自已招牌作主打的菜式，就要了掛頭牌的招牌千層酥。千層酥賣相相當之好，看到三層酥皮夾著中間兩層的生果跟忌廉，外面再淋上吉士，相當引誘，但奈用了一個不稱職的塑膠快餐用碟，真的是半島甜品賣相，玉葉的裝潢。論食味，酥皮、新鮮生果、忌廉、吉士都能想象得到，但師傅的手勢及味道真的意想不到；酥皮雖然是薄薄三層，但油皮及水皮的比例及做法了得，焗製後相當脆口及有蛋香，混合其他食材香味簡直驚訝；忌廉是鮮打之餘又雪得夠冰涷；吉士味道相當好，蛋香四溢，甜味說真是稍甜但放在這裡整體變得平衡；蜜瓜西瓜士多啤梨都很鮮甜，但唯獨芒果不合時宜而較酸；但總結這個牌招千層酥是絕對可以。食店牆身貼滿老板的報章訪問，什麼多間酒店甜品總廚的排頭；但不管這的，這份甜點已經合格；這裡裝修佈置都不行，環境沒

一行四人去食甜品,去到見佢地舖仔細細同埋幾多人食,我地都要等左一陣先有位!我地四個人叫了八樣o野!1. 鮮果千層酥- 好味!酥皮夠鬆脆,加埋d吉林醬,個味好夾.2. 火焰雪山($38) - 最好味一款!都算幾大個,外面熱,裡面雪糕超夠凍,個雪糕味道好香,中間有層蛋糕,夾埋一齊食簡直係超正.3. 心太軟- OK,裡面朱古力醬略甜左少少.4. 西米栗米布甸- 用栗子做布甸幾特別,出奇地個味道真係幾好,布甸夠香.5. 喳咋- 唔掂!好稀,得個甜字!6. 芒果梳乎里- 麻麻地,用芒果碎撈係蛋白裡面,可能全個都係蛋白,覺得有D漏.7. 法式蕉糖燉蛋- OK,無乜特別.8. 地獄豬扒拉麵- $20碗真係幾抵,湯底都幾濃,夠辣!拉麵係用幼麵條,但豬扒略為"鞋"!價錢唔貴,每款只係十幾廿元,以咁o既價錢可以食到咁特式o既甜品真係好抵!我地叫左八樣o野,埋單都只係百幾元,真係超晒正!

話說呢間甜品店嘅師傅做過半島嘅總廚，所以我對佢整嘅西式甜品都抱有啲期望。我同阿K叫咗繽紛世界同芒果千層酥。繽紛世界賣相麻麻地，不過生果幾新鮮，大菜糕係用椰汁做嘅，唔係我地嗰杯茶，整體嚟講合格有餘。鎮店之寶芒果千層酥賣相頗討好，可惜太多忌廉，搶哂啲味，好膩；千層酥皮整得麻麻地，吉士太稀，完全唔似係大酒店大師傅嘅級數，令我有啲失望。埋單三十三蚊，也可算是經濟實惠。可能其他甜品會較出色，要再考察一吓。

話說呢間甜品店嘅師傅做過半島嘅總廚，所以我對佢整嘅西式甜品都抱有啲期望。我同阿K叫咗繽紛世界同芒果千層酥。繽紛世界賣相麻麻地，不過生果幾新鮮，大菜糕係用椰汁做嘅，唔係我地嗰杯茶，整體嚟講合格有餘。鎮店之寶芒果千層酥賣相頗討好，可惜太多忌廉，搶哂啲味，好膩；千層酥皮整得麻麻地，吉士太稀，完全唔似係大酒店大師傅嘅級數，令我有啲失望。埋單三十三蚊，也可算是經濟實惠。可能其他甜品會較出色，要再考察一吓。