傅師傅甜品小食

营业中

休息中

今日試左個士多啤梨奶酪布甸..可自選雪糕口味..估唔到士多啤梨奶酪布甸好驚喜..好好味..個布甸底仲有少少啫哩..口味好新鮮..不過美中不足係雪糕面有D溶..不過整體都好正..係必食之選

同朋友一行八人食完雞粥過左黎呢度食甜品點左心太軟、芒果酥、炸雪糕、蘋果袋(唔係好記得個名)、梳乎厘、火焰雪山頭四樣幾好，心太軟唔漏，芒果酥同蘋果酥都幾脆，不過梳乎厘偏甜，火焰雪山更加甜，總括食物都算幾好，如果甜度降低d會更加好

同妹妹去附近睇醫生...順便同佢去食d野選左呢度....間鋪有個阿姐全程黑口黑面咁「招呼」你 好似爭佢錢咁(服務如果可以比0分...呢度算0分)同妹妹點左鮮果千層酥同芒果世界 鮮果千層酥: 酥皮好薄同脆, 生果有蜜瓜,哈蜜瓜,西瓜,芒果...中間有d cream同吉士整體不算太甜...生果似乎太大粒...我地食個時要酥皮同生果分開食...怪怪地 芒果世界: 呢個有一半整好既大菜糕係底...唔知係咪椰汁..因為食唔出咩味仲有jelly,明珠,芒果同勁小小小芒果汁同正常分量既椰汁 芒果係酸既...明珠即係大西米..好淋好淋..好似就化開...唔好食咁既食物質素同服務... 不再來了。

前日考完試, 終於都畢業了, 哈哈, 回家途中就買點糖水獎勵下自己先...買咗什果西米露 ($16)真係好普通, 但什果睇得出好吾新鮮, 同埋d 西米露係無味d, 又吾夠凍..差點可以叫難食...幸好的是花奶不是太多...以前覺得呢度既糖水吾錯, 但是次後就真係覺得好一般lu...最後,要多謝openrice送給我的ticket..

３月幾去食個陣,,要左個杧果紫糯米,仲諗住個買相幾好,,應該好好味,,杧果都ok多既,,但係就勁酸,,,,花奶又唔係好夠,,個汁唔夠甜既

今日一個人去開大圍，食完無野做，走左去食最愛嘅甜品！呢一間之前夜晚去過，好鬼多人，今次４點幾去都唔少人架，不過一個人唔洗等囉！佢除左甜品重有ｄ麵餐，特餐之類都見到有人食，不過我淨係幫襯佢ｄ甜品見到餐牌，心大心細，最終選擇左 "心太軟"等左約十分鐘，一個熱呼呼嘅心太軟出場，佢又熱又香好開心呀！（中午去應該係即整）食完好滿足，佢真係好好好味呀～　我一定會再黎！不過下次我想試火焰雪山。埋單：$28

食完潮菜後，當然要食甜品來作完美結局，由於下午茶的經典心太軟，要令我們吃另一間甜品屋來作個比併。經KC搜尋過後，確定有心太軟，大家就朝著目標出發。由於一行12人，唯有分兩各自要其喜好。心太軟當然是必然之選，一個好完整的心太軟，切開後有著糊狀的流心，其味道還可以，但大家還是回味中午的蒲師傅的「正宗」心太軟。creme brulee-外層焦甜一點不脆，蛋味也欠缺，質地更不滑，差差差!香蕉船-普通的三色雪糕再加一條香蕉，只不過賣$20擺了，真是無可要求。炸雪糕-一客大大的三球，以為內裡是很豐滿的雪糕球，原來雪糕只佔少部份，而被炸到厚厚的外皮，咬了一口，已令我放棄了。雜果酥皮-單看已知不是鬆化的酥皮， KC說是酥皮應是來貨，而夾雜著的雜果，切到大大粒，不知讚它抵食，還是彈它做法求其。Cheap兄點名的元肉雪耳燉雪梨，那雪梨還是爽爽的，不是應該是燉到腍軟入味。第二台食友叫了疏乎厘，那賣相非常堅挺，不是一般像風吹已塌下的軟軟疏乎厘，至於味道就不得而知。還有上枱時已息滅的火燄雪山，已缺乏"火燄"的特別了。各種甜品一個共同點，就是必有西瓜作伴碟，甚至連小食雞中翼也有西瓜作為伴菜。同意以下食友所言，其

以下為小弟早昨日一行7人光顧時所聽到店員的對話。人物: 廚房中的略胖女店員「A」、舖面女店員「B」及廚房中的四眼男店員「C」我等一行7人甫進店內，A不屑地對C說：「嘿，煮7個麵，今次仲唔煮死你？」 ......一干人等坐下並點菜。中午套餐包括粉麵及甜品各一客，可選米粉、米線、烏東、一丁或日本拉麵。朋友問甚麼是日本拉麵，B答道：「日本拉麵即是上海麵。」 ......點選粉麵完畢，選甜品，是日甜品為紅豆沙及豆漿，以往冷熱任君選擇。3位朋友選熱紅豆沙，B如實向廚房匯報，C大聲晦氣地回答：「熱咩呀熱？仲要3個？冇呀！要凍啦！」 ......朋友吃完粉麵才再嘗試點甜品。吃畢粉麵，朋友再次點熱紅豆沙，B如實向廚房匯報，C再次大聲晦氣地回答：「冇熱喎，微波爐叮架咋喎，咁要唔要吖？」 ......朋友堅持點熱紅豆沙。數分鐘後，一碗碗紅豆沙遭使勁地狠狠擲在廚房前上菜的吧檯上。朋友事後表示，當時C正穿著一隻沾滿洗潔精水的膠手套，其中更有手指「插」在紅豆沙中。再次重申，一直多次光顧此店，套餐甜品都是冷熱供應。B一直都殷勤服務顧客，惟C多次簡接向顧客惡言相向。食物方面，經微波爐翻熱後的紅豆沙「水豆分明」，朋友

因為唔想食飯 所以就再一次黎呢度 諗住食甜品食到飽 連埋fd兩個人order左 $28心太軟 $38火焰雪山 &聽講好味既$20吉列豬排 一見到個心太軟..心諗細左d喎...好在食落幾好 好香朱古力味 入口都好creamy 好滑 不過d拌碟生果 真係好求其...大部份都係無味既...火焰雪山...一擺上黎都聞到蛋白既腥味...夾硬食埋落去..中間有蛋糕同提子乾既雪糕..都係普通only 而且偏甜..大件不過唔好食 都係waste gas...豬排 唔係唔好食既 不過就唔值得推介囉..順帶一提...當晚去已經唔算多人, 因為見過更多 排哂隊等位等外賣的..但係都係無服務可言..由其係貌似老闆娘嗰個...經常見佢黑面..

九月八日(星期一)昨日下午無事做,特地泥搵傅師傅,聽聞有返o甘上下水準就諗住泥試睇佢個menu都有啲野想食,但最後想order芒果紫糯米算,點知無曬紫糯米,有都要等到八點幾成九點-,-o甘就揀左芒果西米,唉,可能我泥得唔係時候,個師傅落場?!對碗野真係無乜好感....西米的份量算多,不過我覺得實在太甜,連芒果都''恰''我,酸酸的,或者,我應該揀啲招牌菜泥食...

今日第一次黎呢間甜品屋係d friends帶我黎既行好遠lor到左之後...即時叫野食$22碗..有雞翼..吉豬果d粉麵食..吉豬好油仲有是日甜品(豆漿/紅豆沙)味道都ok作為學生22蚊可以接受

身水身汗, 諗住搵間茶記坐0下飲杯0野, 行行0下竟然見到呢度門口大大隻字寫住「甜品」, 0拿0拿臨入0黎坐低. 天氣熱成咁, 唔食心太軟了, 0係好奇心驅使下, 叫了一客「師傅推介」的凍芒果疏乎里 ($28).正 R 緊頭點為之「凍」疏乎里時, 碟 presentation 麻麻的「巨物」就出現了0係我面前. 「疏乎里」混了粒粒芒果肉, 質感都幾鬆泡, 同平日食開的比, 呢舊0野除0左唔係熱0既之外, 密度較高, 質感亦較實淨, 食落味道十足雪凍了的燒棉花糖 (!); 亦唔係一陣風的感覺, 口感有 d 似棉花糖又有 d 似濕版 sponge cake, 都唔知似乜, 但就一定唔似疏乎里, 幾騎呢, 亦幾唔好食. 伴碟的有一塊塊的芒果肉, 又甜又多汁, 還不錯; 但芒果 sauce 就勁酸, 朱古力 sauce 就勁假又勁甜, 難吃. 一碟咁0既0野收 $28, 早知唔叫!呢度格局同招呼似茶餐廳多過似甜品屋 / 糖水鋪, 不過既然係街坊店, 都可以理解的.放低 $28, 速閃, 亦唔會再來了.

尋晚四個人去食，見到好多人，舖出面仲放左唔少檯，我地坐左裡面搭檯，其實好迫。叫左楊枝柑露，芒果雙皮奶，繽紛世界同藍梅錢袋。講真食物質素唔可以用好黎形容，只係一般，D芒果仲有D係酸既，個錢袋等好耐都未黎，佢話因為要焗所以要等，其他三樣都食晒先黎。味道又唔係真係好好，最離譜係地方窄成日比D阿姐撞到，但無一個人同你講SORRY，服務態度差，我諗以後都冇再黎既必要，食甜品始終係去松記，無計。

之前係大圍讀書放學成日圍威喂走黎食糖水我最愛是炸雪糕 心太軟 法式燉蛋 同埋戈個咩世界 @_@哈哈哈今日特登走去大圍食晚飯食完又特登走黎食炸雪糕味道沒變 一樣好吃 *v*另外也叫了一個芒果椰汁黑糯米炸雪糕的炸粉做得好 剛做出來 脆扑扑 咬入去好似蛋糕咁 最入面就係雪糕了口感豐富 也有層次十分好味芒果椰汁黑糯米也不錯整碗糖水不會太甜加上芒果夠凍又夠甜..不會酸~配上椰汁..very good不過呢..建議炸雪糕最好先切晒一半同埋食先如果唔係慢慢食..最後切開個舊會溶咁一半而且不夠凍 就會影響口感個人認為炸雪糕最好味係士多啤梨味有時會狂得叫佢要晒三個都係士多啤梨味ga 呵呵

昨天端午, 去了扒龍舟。最終不幸包尾收場，不過因為有朋友特登來打氣，所以都很開心，就同了朋友去大圍食晏，食完就到了傅師傅食甜品了。原來傅師傅在中午12點開門(至凌晨1點)，反正都11點九了...沒所謂...轉頭才回來。幸好今天天氣不穩，時間又早，沒咩人^^我和朋友叫了一個鮮果千層穌($22)和心太軟($28)。正呀！鮮果千層穌：個千層皮好脆，0的吉士很好味，配慕士和水果很好。心太軟：因為即焗，要等十分鐘。好好，不會覺得太甜太膩喎，這個甜品很多地方都有, 但通常都弄得太甜，最怕的了。佢又焗得剛好，唔會話太乾。很滿足呢~下次試其他的。