傅師傅甜品小食

营业中

休息中

我1個月會同frd食3,4次.推介湯粉面,係大圍區唔錯既選擇!$22/碗,有吉豬,肥牛,煎豬,煎雞等等款式,而且每日12:00pm-6:30pm去食粉面,仲有免費既是日糖水送,水準亦都係一樣. GOOD! 我自己就最鍾意食吉豬粉面.因為鍾意佢塊吉豬分開上,炸得好好味!.22蚊o係大圍黎講算係平. 可惜鋪頭仔細細,如果人多既等位就比較煩,好在有外賣.另一缺點就係難搵,如果你唔熟悉大圍區,你都要花d時間先會搵到佢.因為佢係o係圍村既村屋樓下.

一個人食完lunch, 蕩下蕩下戚起條筋搭0左火車去大圍~遊下遊下又俾我見到呢度有甜品食...食完lunch, 就來個甜品為上午作個總結, 為下午來個開始吧!因為時間關係, 唔要焗0野要凍0野, 就來個凍芒果梳乎厘, 梳乎厘熱0既就食過0者, 凍0既?? 一於就睇佢有幾梳乎!上檯那刻, 被佢0既賣相嚇了一嚇...@_@咦? 硬膠碟?左一pat choco, 右一pat mango還有冰鮮芒果做圍邊1/4粒的士多啤梨做點綴...成件事, 好無美感...= ="食落去, 都ok 0既~~我嫌佢太甜. 不過佢個蛋白又真係發得幾puffy!! 唔錯喎!!d芒果好香甜~夠晒冰凍tim~如果佢賣平d, 就好d喇~眼見好多學生同OL 0黎食麵...嗯...唔吸引的麵...下次再來, 或者試試其他的甜品再下定論?

依1次係第2次黎食...依次帶男朋友黎試...未食晏就呀ma,,咁咪食左個冬菇烏冬囉..點知係超難食..D湯係豬骨湯..但D味好淡..D麵又好普普通通咁...我自己煮仲好食過佢呀..仲要俾我發現到有D蚊係到..好污糟!!!但最衰飽飽地...攪到食得唔多甜品..之前食過1次個炸雪糕...都幾好味..出面個皮唔算好熱..入口仲有D雪糕..幾特別!!!!之前食過個錢袋蘋果批..個名好似係咁...都幾好味..有機會會再食..但1定唔會食佢D麵!!!好難食..衛生情況有待改善

7 Mar晚去左大圍間港興食客家菜超失望，全部都唔得囉！攪到我同屋企人若有所失咁，咪要食甜品補數。細路話佢同D同學仔食過超推介，一於即刻行去呢間食甜品，見到好幾枱都食傳統3色雪糕的香蕉船，不過我鍾意食D要功夫的甜品多D，決定叫3款SHARE - 焦糖燉蛋- 叫左個熱啲，焦糖唔會太甜，好有蛋香(7分)芝士蛋糕- 個人比較好creamy的cheese cake，佢的cheese唔係好濃，但都OK好味，唔會太甜(6分)雜果千層酥- custard汁好好味，什果新鮮，酥皮又薄又脆，三個爭住食，最快清哂啲甜品(8分)價錢合理，服務仲好細心，見我地SHARE食即刻比我地3隻叉同3隻匙，令到嗰晚DINNER先滿足番，開心番哂！

香蕉船$20雪糕-好軟香蕉-有小小硬朱古力+士多啤梨+vanilla撈埋好好味!!豬骨湯麵$22好好味喎!!d 湯好濃好好飲,,整體上唔錯幾抵食!

雜果千層酥d吉士汁好好味, d酥皮好薄, 脆脆地, 好特別其他糖水甜品都唔錯, 推介食d出面少有既, especially雜果千層酥d noodles 普通啦, 但賣點都唔係佢地...What is the most important is that these hotel-like food cost u a 大排檔price only!!

以為好好味,真係無乜特別lor,d樓面講粗口既,我地落order佢又唔專心聽,年紀大就唔好一心二用la,d 麵我煮重好食過佢,千層酥都唔係好好食,又唔夠凍

order左呢個繽紛世界.actually係雜果+啫喱+大菜糕.個汁either係芒果汁or椰汁(呢個唔係好sure).初時個芒果汁勁少,request再fill d..fill完終於似返個甜品.個大菜糕唔知點解係白色.但係又唔覺有椰味.

食過好多次,次次食親甜品都秲登揸車黎.差唔多每次都會叫雜果千層SO,一定要多吉士汁..好好味,聽人講心太軟都好好味,,下次我一定要試下,,其實咁多次黎,糖水我未食過,,唔知得唔得.

今日係返學既第二日, 所以今日特登同d同學仔一齊返番去好耐都未食過既傳師傅la. 今日我仲特登叫返我最鍾意食既心太軟, 又香又滑, 而且又多朱古力汁~~最鍾意ar! 其他同學仔佢地就叫左招牌貨既鮮果千層酥,酥皮又溥又脆,配上香濃既吉士汁,正呀!而且生果又多又新鮮,抵食,叫多個都值啦~ 之後我地又叫多左個炸雪糕同火焰雪山~大大個!! 最驚訝既係炸雪糕內有凍既雪糕~但外面仲係熱辣辣既脆皮~~有成三個tim~~夠晒我地分啦~~都係廿幾蚊ja~ 而火焰雪山又夠晒大個~~滑滑既蛋白包住左凍入心既雪糕~一時熱一時冷~有趣!!!!

有次放工7:00 買外賣糖水回家，唔知係唔係o個個鐘數冇人la返到屋企d湯丸生的(又再煮)，d糖水冇味的，好似清水咁，可能冇預到咁早有人賣冇煮到糖水la不過如果冇咪話冇lor~ 第一次食冇糖水的湯丸...勁難食唔會再去

有次放工7:00 買外賣糖水回家，唔知係唔係o個個鐘數冇人la返到屋企d湯丸生的(又再煮)，d糖水冇味的，好似清水咁，可能冇預到咁早有人賣冇煮到糖水la不過如果冇咪話冇lor~ 第一次食冇糖水的湯丸...勁難食唔會再去

今天lunch經過買了1個椰汁栗子西米布甸外賣。呈圓球形,暗綠色的布甸,混有細粒西米同栗子粒。旁邊圍住椰漿和4件生果粒(果,西瓜,哈密瓜,密瓜)食時還暖,布甸滑而栗子粒(切得唔細)就好香栗子味,腍(但無over),與布甸同吃甚有層次。不過d生果粒就唔甜

前兩日3點幾同班同學仔去食...我地有好多人...所以就分左兩張台坐啦!!!我地個台全部都嗌左湯麵wor!!餐牌上面寫住"奉送豆漿或甜品"果個侍應姐姐話甜品得返紅豆沙同喳渣!!我地個個都唔想要甜品所以就話要豆漿!點知個個侍應上左d豆漿之後係我地張單度寫左6個"+5"!!!我地就問佢點解啦!!佢就解釋話唔可以再送豆漿...只會送甜品!!個陣我地個個都O哂咀囉!!!就同佢理論....之後佢仲好唔願意咁叫埋廚房個男人出黎解釋...仲要講"佢地唔明我講乜呀....你黎解佢地聽啦!"個陣真係好差囉d 態度!!!=0=個男人出到黎...又同佢理論啦!!點知佢講完一次又笑笑口入返廚房!!!好唔識做囉!!! 自已個餐牌寫到唔清唔楚.....d 客問到又唔想理咁!!!!!仲要我地嗌乜無乜...=0=真係以後都唔會幫襯呢間野!!!! (.\_/.)

我們2人叫了2個甜品, 一個心太軟, 另一個是炸雪糕, 但兩樣野都大失所望, 個炸雪糕皮太厚, 而心太軟, 所漏出來的朱古力有點苦, 麻麻地好食, 我食了2啖已唔想再吃, 全完唔覺係酒店級師傅整, 所以經此一行, 我們都唔會再幫襯.