健舍便當 (已結業)

上個月生日多咗出街食飯，個人漲咗勁多，宜家出街食飯都特登揀啲低脂健康嘅餐廳。喺OpenRice 見到人介紹健舍便當嘅餐單係由營養師設計，加上賣相好吸引，於是嚟試下。西京燒雞扒便當 $61唔好以為食得健康就一定係白烚無乜味道，呢份西京燒雞扒甜甜地，而且肉質嫩滑，絶對適合一般人口味。另外餐廳亦有慢煮雞胸，迎合返高階健康人士😌蒲燒鯛魚拼魚湯泡飯 $111鯛魚勁大塊厚肉，而且去咗骨，啖啖肉，食得好方便。奶白色嘅魚湯原汁原味，飲完都唔會口渴。

大時大節過後，都想食返啲簡單啲冇咁油膩嘅嘢🤰🏻今日就特登揀咗呢間健康便當，所有菜式都用咗特別健康嘅烹調手法，一樣都咁好味🥰🥰慢煮三文魚便當（ $96 ）🍣🥗色彩繽紛嘅畫面，健康嘅蔬菜佔咗一大半份量，慢煮三文魚四面香煎，每一啖都充滿左魚油香氣同埋肉汁😙😙另外跟餐嗌咗麵豉湯，估唔到係勁大碗呀，直頭可以幾個人share😝慢煮紐西蘭牛扒便當（ $96 ）🥩🍖見到啲牛扒粉紅色唔好以為佢好生，其實係用慢煮嘅方式🤓🤓最後只係加咗少少黑胡椒香煎，牛味勁濃，鹹鹹甜甜嘅醬汁配飯一流，呢個餐就叫咗巨峰梳打🍹🍹又係勁大杯超巨型😻

住得耐大西北，食慣咗附近嘅嘢食，偶爾都要去openrice搵吓有冇咩好嘢食識得去食，呢排行開養生路線，想食啲冇咁Heavy嘅便當：）-1.慢煮紐西蘭牛扒沙律$91+ 乳酸梳打及流心蛋$16🍳呢款沙律一半都係疏菜，超有營養呢！同埋佢啲菜都洗得好乾淨唔會有雜質，食落去都好爽脆，仲有幾粒薯仔作配搭，薯仔就有少少黑椒粒裝飾及調味，牛扒大概係5成熟左右，肉質意外地嫩滑，以為呢個價錢食落去嘅牛肉大多帶有筋狀，同埋仲有肉汁，超級加分～～-2.慢煮三文魚便當$96+乳酸梳打及流心蛋$16🍳講咗大家最鍾意食嘅三文魚，金黃狀的魚質，食落去都幾香脆，肉質都幾鮮甜，旁邊仲有啲椰菜絲以及青椒，營養均勻。仲有我最愛嘅流心蛋！飯粒粒分明，仲用咗紅麥米，冇白米咁肥，減肥人士必去～

Healthy and tasty. Got the slow cooked salmon bento, steak salad and the special fish soup to nourish the body. The sauces that were provided were quite refreshing to the palate, especially on a hot and humid day. The service was very friendly as well.

Weekend中午時間唔算多人但樓面只有一位店員 就算有位都要等入座後靜係等杯餐飲已經等左20分鐘今日叫左 紐西蘭慢煮牛扒沙律沙律個汁ok 🥗但牛排真係好一般如圖所見，超多筋加上牛扒睇落仲生過3成熟，上枱時仲有血水口感韌過橡筋，完全咬唔到未食過咁差既牛扒.. 好失望🫠🫠專程由屯門入黎試架😞問了店員係咪平時都係咁 咁生係咪正常佢話慢煮就係咁🫠🫠🫠真係以為姐姐我無食過慢煮牛🫠回頭率低，要黎既話千祈唔好揀牛 🥲

.今次去咗元朗呢間 健舍便當我哋星期六下晝兩點到去到要排隊 好多人去食 亦都好多人買外賣因為佢入邊位置唔算多 有吧枱、卡位大約得10個位佢哋嘅菜單係由一個專業營養師依據營養基礎理論學精心設計架 好受歡迎👏有牛、雞、豬、魚肉 任君選擇😋慢煮紐西蘭牛扒便當 ＄96佢地既飯係用紅白米架 紐西蘭牛扒係採用慢煮烹調有效鎖住肉質嘅原汁原味 肉質有咬口 佢既燒汁都有驚喜😌仲有佢地既雜菌野菜係非常好！係有烹調過 絕對全部都可以食晒🥳仲叫左鯛魚湯飯佢地係已經去左骨 啖啖肉 唔使食到就住就住蒲燒醬汁都好正 搞到我唔係成日食魚嘅人都係咁食係咁食🤪🤪同埋佢地既魚湯底 味道好濃厚 真係有人特登過嚟買碗湯飲入面仲有昆布、豆腐添😚台式鮮奶茶🥤、凍檸檬紅茶 超大杯！圖片可能睇唔到佢有幾大杯 不過大杯到真係飲唔晒🤣總括而言可以再去🥢健舍便當 (元朗)📍元朗馬田路20-30B號安寧大廈地下6號舖

好多人覺得健康食物味道較一般，但係小編絕對可以推介呢間餐廳俾大家，雖然選擇唔太多，但係個賣相已經滿分👍🏻西京燒雞扒拼魚湯泡飯一食已經愛上，首先雞扒嘅味道甜甜地有啲似平時嘅照燒雞扒，而且肉質好嫩口，湯飯好濃郁嘅魚湯，但係飯粒有少少偏硬，單單淨係睇吓旁邊嘅配菜，味道好夠，椰菜唔會好淡茂茂，都幾惹味😋另外嘅慢煮紐西蘭牛扒🥩便當，肉質粉粉嫩嫩，稍微有幾舊比較難咬口，醬汁係甜甜的燒烤汁，同牛扒好夾

平時每日食得咁油膩而家嘗試吓一星期選1日Green Day💚去咗元朗一間主打慢煮營養便當用上健康方法黎煮製作出低脂、又美味嘅set 環境都好舒服😌一邊播住MC嘅歌🤣慢煮紐西蘭牛扒沙律🥗 💚💚💚 💚 💚牛扒就啱晒補充蛋白質配埋個燒汁俾你自己調味擺盤擺得好靚 色彩繽紛好多沙律菜，仲有啲焗薯仔🥔本身已經跟一隻蛋係一個會飽肚嘅沙律餐慢煮三文魚配魚湯泡飯🍚💚💚💚 💚 三文魚肉質juicy 湯底魚味香濃 充滿鮮味亦有海帶同豆腐 偏淡口味仲加咗$19要咗隻糖心蛋同果汁🍎

#蒲燒鯛魚拼魚湯泡飯 ⭐️⭐️⭐️⭐️#慢煮紐西蘭牛扒便當 ⭐️⭐️⭐️⭐️⭐️#白桃梳打 ⭐️⭐️⭐️⭐️出街食飯多成日會驚多油多味精怕唔健康，點知發現原來市面上都有餐廳係主打健康，其中元朗有一間就係主打有機食材同埋高蛋白低脂，咁我都食得放心d⭕️以慢煮烹調嘅方式去保留食物本身嘅營養⭕️鯛魚啖啖肉完全冇骨可以放心食⭕️牛扒煮到岩岩好唔會好韌好柴皮⭕️欣賞佢菜同肉份量一致夠健康⭕️飯有加紅米撈埋魚湯好正⭕️環境好日式好木系⭕️唔個點解個便當好有家的感覺

元朗區出名多野食，今日同朋友行開b仔涼粉對面，見到間食便當既，入去睇下食咩先🤗間鋪雖然不大，但五臟俱全，仲有住家嘅感覺。主菜未到，先來個大大碗魚湯暖下個胃，呢個魚湯好有鮮味😳為咗癖走啲魚腥味，加咗啲黑椒落去，令到個湯冇咁腥，呢個湯叫套餐加$30就有㗎喇👍慢主紐西蘭牛扒便當—$96呢個便當估唔到咁好味🤩聽返啲店員講，原來用「慢煮」嘅方法去整嘅，所以所有美食都好入味😋先講紐西蘭牛扒，食落去好淋，好有牛味，完全唔使點汁都好夠味😳。另外個南瓜係成個餐最好味呀！強烈推介👍👍👍仲有啲配菜，菇🍄同菜都好好食😋再配埋個糙米飯真係又健康又好味凍蜂蜜綠茶—$17喺咁熱嘅天氣，飲番杯冰凍嘅蜂蜜綠茶真係透心涼🤤，又解渴。白桃梳打—$20淨係睇埋相都透心涼，成個富士山咁，桃味嘅Soda正👍店舖仲有煮豉油雞預訂，不過呢隻嫩滑多汁既豉油雞要兩日前預訂😉，大家都唔好錯過了。

前排聽人介紹做開gym既要試下呢間既慢煮雞胸，今日gym完咁岩見佢冇乜人，終於有機會試下，因為佢面積唔大，平時又幾full，所以冇機會試。味道方面，紅米飯夠健康，但唔熱，係呢樣失色左。雞胸夠大份，味道出色，食得出有調味，但又唔鹹，岩岩好，口感都好正，唔老，質感岩岩好，咬幾啖就可以吞到落肚🤣椒同菜份量都幾多，仲多過飯，岩哂啲想食多啲纖維少碳水既人，成餐感覺真係好健康。店員可以改善嘅地方係唔夠主動，不過都知得佢一個人手，客人都慢慢多，feel到佢可能經驗唔太夠。

今日嚟到元朗試下呢間主打健康慢煮餐廳，好少餐廳每個餐都有營養均衡配搭，網上好評都好多，2點嚟到都要等位，仲要勁多外賣，超人氣啊！🍴蒲燒鯛魚拼魚湯泡飯 $111 (8/10)個飯嘅份量好多，魚湯好香濃魚味，好清香，但係有少少黑椒嘅味道，好健康一滴油都冇，配埋健康嘅紅米飯，加埋湯一齊食，好好送飯，真係飽肚又好食呀！個鯛魚係鹹鹹地，個魚肉都幾香，嫩滑有肉味，唔會太乾身，椰菜都好爽口，真係好健康！🍴慢煮紐西蘭牛扒沙律 $91 (7.5/10)沙律好新鮮好爽口，用咗柚子汁好清新，薯仔都比較硬身少少但都有焗過，牛扒係慢煮，有調過味，肉質比較紮實，比較有口感，個汁係日式燒汁，鹹鹹甜甜，但呢個價錢都抵食！個蛋好糖心，幾香蛋味，用咗日式味霖同醬油去浸，都好有誠意。🍴乳酸梳打 +$19 連糖心蛋 (7.5/10)真係好大杯！酸酸甜甜，好有日本乳酸菌嘅味道，甜度剛好，解渴又清新。🍴凍無糖豆漿 +$19 連糖心蛋 (8.5/10)無糖豆漿豆味好香濃，豆味好出，濃到食緊豆腐，真心好飲！推薦指數: 7.8/10真心健康又好食，價錢又唔貴，經過都可以試下😆

出去搵餐廳食飯，有陣時自己一個都想食得簡單啲，今次喺元朗搵到呢一間健舍便當，就試吓食得健康啲。🏃🏻‍♀️入到去呢間餐廳環境都唔錯，日系嘅裝修都俾人一種好舒服嘅感覺。🏠慢煮雞胸沙律 $61🐥🥗呢一個慢煮雞胸沙律嘅雞胸肉質好嫩滑，今次食嘅係孜然味雞胸，味道都足夠，沙律菜都幾新鮮，但我覺得如果沙律菜再多啲會更加好。另外，糖心蛋🥚都做得幾好。再加埋有幾舊薯仔🥔，都夠飽肚。😋😋😋下次去我決定要試吓佢其他款式嘅食物！

這樣的價格還不錯，慢煮雞胸好吃，浦燒鯛魚普通，但是米飯好像有點硬，魚湯一般般唔抵。同時買了隔壁的J大大鰻魚蛋包飯，覺得更好吃，蛋滑，米飯好吃，大大條鰻魚，汁香，性價比高。

天氣熱到有成36度, 除左涼冷氣可以消暑輕食或者食清淡D都可以令到個人無咁熱朋友提議今日去食健舍便當裝修以木系為主, 除左木既餐台一D小裝飾, 例如台既擺設, 牆上既掛畫都有木既元素係裡面餐廳主張用有機食品同慢煮烹調除左一般既沙津, 仲有飯底同湯飯揀巨峰提子提子味同梳打混合後味道適中慢煮紐西蘭牛扒便當牛肉肉質鮮嫩好滑同埋個顏色真係好靚.無煎牛扒咁油膩 便當會跟左紅米飯, 紅米富含花青素可以防腦退化青椒同炒菜, 蔬菜都係有調味又健康又好食