倫哥尊尚火鍋私房菜 (已結業)

今次去到佐敦食，知道倫哥搬咗位，地方更加大，所以就膽粗粗冇bk枱都過去望吓有冇得食🥴🥴最後都成功walk-in入到😚😚一如既往，喺食雞煲之前，都有唔少前菜食，今次有花膠扣鮑魚😍，刺身拼盤☺同粉絲蒜蓉象拔蚌👍🏻，每樣都大概預每人有一至兩隻，每款都唔係啲hea野，都有佢應有既味道，用料都非常新鮮🥴咁食到咁上下，咁個雞煲就到了，今次呢我哋就叫咗bb辣，雞煲就要每兩分鐘炒一次，總共四次，最後一次就可以落埋啲魷魚豬皮落去，不過呢間舖頭人手都足夠，可以放心坐喺度等食🤪，一開蓋，啲香味已經爆發出嚟，啲雞同佢啲汁完美咁合二為一🤤🤤，而且啖啖肉，唔會嚿嚿都係骨咁😆另外啲豬皮同魷魚都好好食，而且啲份量都唔少，不過根據以往經驗，都係唔加雞好啲，如果兩個人食😂😂跟著就換煲打邊爐，叫咗個蕃茄濃湯底，個湯比得上海底撈嗰個味，濃濃既蕃茄味🍅🍅的而且確令到我地胃口都大增👅，佢一次嚟好多配料，有海鮮拼盤🤩，牛頸脊😍，墨魚&蝦滑等等等，牛頭脊雖然唔可以添加，但份量絕對唔少，油份同囗感都非常恰到好處，最後都清到大部分食材，呢次係我食得最多既一次，個蕃茄湯底都幫咗唔少，之後食完個椰汁官燕就快快樂樂回家了🥳🥳P.S 呢到$10

終於搵到機會去試呢間好出名嘅火鍋店，但我一直都唔明點解佢個名叫私房菜haha。提一提大家，嚟呢度食嘢一定要預約好。因為如果冇預約嘅好大機會無位，係連等嘅機會都無。首先未食雞煲之前會食咗刺身先，刺身質素好好。仲有唔同選擇有牡丹蝦，三文魚，北寄貝同帶子等等。唔講以為自己食緊日本放題咁😂驚喜一浪接一浪咁嚟，之後食嘅係鮑魚汁炆鮑魚同埋花膠。估唔到咁平嘅價錢都會有啲咁矜貴嘅食材。而且質素仲要唔錯，鮑魚同花膠都幾大舊。同時食埋蒜蓉蒸扇貝，呢個扇貝好新鮮而且連埋蒜蓉粉絲一齊超級好食。個扇貝好大粒同好彈牙，連埋粉絲一齊食啱啱好🤤之後第一個主角終於出場啦，麻辣雞煲入邊有分幾種唔同辣。今次我哋叫咗個中辣，但係食落都還可以唔會太辣。雞煲嘅香料味好重，啲味道落晒d雞件到好正。如果熟咗嗰陣時連埋啲洋蔥一齊食都唔錯，因為洋蔥煮到林晒變到好好味道。食完雞煲之後就可以加湯打邊爐，有別於其他唔同嘅雞煲店。呢度食完雞煲係會拎第二個鍋出嚟打邊爐唔係直接加水咁就算。咁所以餐廳係呢一方面真係要讚一讚。連埋個火鍋上左呢一個牛脊肉，特別一讚嘅係呢一個牛脊肉好重牛味。而且10分新鮮。加落個湯底度滾一滾就可以食得。呢兩個墨魚滑同埋蝦滑

這天晚上想吃得豐盛一點，不期然就想起之前跟朋友聚會時吃過高質素的倫哥來到倫哥，一雞煲一火鍋是常識吧主菜來到之前，首先上菜的有蠔皇扣花膠鮑魚，花膠炆煮得軟腍，鮑魚有口感而入味。粉絲蒸蚌仔蒜香十足，挺有風味的新鮮蚌仔刺身拼盤有三文魚、帆立貝、大蝦、北寄貝等，每樣海鮮都十分新鮮美味然後，就到熱騰騰的雞煲上場了！細心的店員哥哥會提示我們要煮多久，如何調教火候或多久要攪拌一次而達到最佳的味道果然跟着他們的提示煮好後，雞肉的熟透程度剛好。雞肉吸收了雞煲的醬汁，相當惹味，肉質也十分嫩滑！吃過雞煲後，找到另一主角，火鍋出場了，我們選的是濃豬骨湯底我們都愛吃牛，所以自然特別留意牛肉的質素。果然不負所望，牛肉的脂肪分布，切的厚薄也是十分出色即使不小心煮久了一點也不會韌！豐富的海鮮拼盤，有青口、鮮蝦、生魚片，鮮味非常 當然，丸類、雲吞、炸魚皮、響鈴等火鍋必備食材，自然也少不得這次再訪倫哥，食物質素依然高企值得一題的是每位侍應哥哥的服務態度也相當好，十分殷勤，值得嘉許一下啊

呢間倫哥私房菜有好多唔同嘅分店成日都聽朋友讚呢度嘅雞煲今日終於都有機會嚟試下啦嚐鮮十二式 $338話明嘗鮮12式足足有12款嘢食嚟到就嗌咗個雞煲先嗌咗bb辣 唔係好辣不過都幾惹味有勁多洋蔥 香菜同唔同嘅調味料鋪喺面煮完真係勁香勁惹味仲有啲魷魚豬皮可以放埋落去一齊煮個雞煲好大份我諗足足有一隻雞兩個人食真係食唔曬前菜四小碟胡麻豆腐 木耳等 辣辣地咁好開胃刺身拼盤有三文魚 八爪魚 北寄貝 帶子同埋大蝦仲要款款都好新鮮清蒸海上鮮今日嘅蒸海鮮係元貝最鍾意就係食粉絲蒸元貝仲要元貝勁大粒勁新鮮鮑你上位係鮑魚花膠 鮑魚炆得啱啱好好腍仲好有咬口花膠都好大件 好食又養顏湯底揀咗蕃茄湯環遊海鮮盤每日都有六至九種唔同嘅海鮮今日就有蟶子 海蝦 龍躉片 蟹等等好豐富呀真係仲可以加30蚊升級龍蝦無與倫比牛頸脊牛頸脊分量都好多雪花好靚 厚薄適中秘製手打墨魚滑鮮蝦滑仲見到完整嘅墨魚同埋鮮蝦真係好足料呀阿媽雲吞水餃有唔同嘅丸同埋水餃雲吞低鹽少油響鈴魚皮田園有機時蔬其實呢12款已經好豐富唔夠飽嘅話仲可以追加唔同嘅食物嘢飲汽水都係任飲㗎仲有健康嘅檸檬薏米水最後仲有個甜蜜約定黑糖冰粉

倫哥火鍋咁出名，今日放假決定book枱黎試一試！$338一位，有數唔盡嘅野食，仲包任飲！最估唔到，任食火鍋嘅海鮮竟然有龍𧄌肉同多款貝類！嚐鮮十二式，第一式！店員遞上一盤刺身，有三文魚腩、赤蝦、帶子、北寄貝、八爪魚🐙質素唔錯喎，幾鮮，好過放題店！蒜蓉蒸北寄貝好香好香，倫哥嘅海鮮質素好高，對於重質又重量嘅食客黎講，好滿意！花膠鮑魚鮑魚好大隻又厚肉，花膠爽口！食完開胃菜之後無耐雞煲就送到，二人份量嘅雞煲份量好洽當，雞肉嫩滑，香料濃郁惹味，不過略嫌多油左少少，有飯撈汁食就岩喇。👍🏻👍🏻👍🏻食飽雞煲之後就可以叫店員換上火鍋底，今次就叫左期間限定嘅蕃茄湯底。蕃茄湯好濃！比平時見到清湯加蕃茄肉嘅濃好多！即刻心心眼😍會揀蕃茄湯因爲無論蔬菜定肉類都會夾到，又唔會食到好油。🍅頭一Round靚海鮮拼盤🍤🐟有某啲比較靚嘅海鮮淨係頭一round先有，不過份量一啲都無手軟！鮑魚、象拔蚌等等，全部大件夾新鮮，比較少見嘅係龍躉肉仲可以無限添食，我地都叫左三四round 。火鍋配菜選擇多，當中想推薦嘅係佢地嘅低鹽炸魚皮同手打蝦膠墨魚膠。炸魚皮最緊要脆，哩款魚皮特別大塊，亦唔油膩，低鹽可以好放心食！手打蝦膠墨魚膠真係超級

通常香港的火鍋店給我印象深刻的就是人多，位置不舒適。但是這裡的位置都十分舒適，地方寬躺。服務員很好，也很細心。我們點了雞煲，然後我和我朋友一直聊天完全忘了這雞煲，店員給我們調了時間，計時器響起來就是我們能吃的時候了。下面是我對菜品的感覺「刺身」這刺身和我們平常在日本料理店吃到的一樣新鮮。「雞煲」因為我朋友不能吃辣的。我叫了小辣。很香雞味，而且雞身很滑。食材很新鮮，牛柏葉，豬皮，魷魚，洋蔥也很入味。「牛頸脊」這是我最喜歡的。暫時是我在香港吃過最有牛肉味的牛肉。彈牙 脂肪均勻，入口的感覺與牛肉不一樣。有口感又有牛肉味。

動漫電玩節最後一日去左玩Final Fantasy, 排隊買Marvel, 又排又企又等.... 攰🥺, 然後仲去埋Donki朝聖, 咁就天黑超肚餓, 一於行過佐敦*食雞煲*, 上到去地方超大, 卡位大枱包房都有, 最緊要係有得睇電視📺嘛. Li間火鍋特別之處係食材海鮮都特別高質豪華✨.>正! 前菜四小碟勁開胃, 先來兩大件鮑魚花膠, 粉絲清蒸象拔蚌, 大條過大姆指嘅蝦加多款剌身拼盤, 仲唔係已經值回票價🤩?>雞煲大中小辣.....仲有bb辣🌶會唔會太貼心🥰? 剛拎黎嘅雞煲係未熟gei, 有得動手炒炒下好玩, 隔2分鐘炒一次, 大概炒4次就掂哂食得! 二人份量都咁多雞件, 最鐘意係大量辣椒, 花椒, 大片洋䓤, 原粒蒜頭夾埋惹味到無得彈👍🏻, 原粒蒜頭食真心爽. 雞肉入哂味, bb辣真係非常mild老少咸宜, 大部份雞件都係無咩骨嫩嫩嘅.>雪櫃飲品選擇多, 特別有一jar jar檸檬🍋薏米水, 但老公鐘意罐裝冬瓜茶我唯有都飲罐裝.>醬吧除左一般葱蒜鼓油, 更有泰式辣醬, 花生醬, 桂林辣椒醬, 胡麻醬, 花生沙嗲醬, 黃燈籠辣椒醬...>食哂雞煲

我真係好鍾意打邊爐，成日會周圍去唔同食肆試，今次同媽媽谷聚會，就去高評價嘅倫哥試下，由於人數多所以一早訂左枱，職員好好，提議我預留極力推介嘅温泉雞湯底，我地當然唔會錯過啦一開波食個麻辣雞煲先，有唔同辣度，我地試左小辣同大辣都ok，唔算太辣，值得讚嘅係食完小辣再食大辣時，佢係上另一煲新，而唔係外加係上一煲，咁就唔會再煮時底果層燶晒。食雞煲時就上左一蒜茸蒸蟶子，不過不失，因為我沉醉係雞煲中，所以連相都唔記得影食完熟食就黎個刺身，本身係火鍋店對刺身唔會有咩期望，的確呢個刺身並唔高質，但事實又唔差，三文魚幾肥，蝦無雪味同埋唔腥，大家都有d意外食完刺身就開始打邊爐啦，呢個温泉雞湯底外型好得，估唔到內裡仲得，內裡有半隻雞殼淆湯，同埋無諗過裡面會有個冬瓜，飲啖湯仲有好香濃椰香味，完全超出我地預期。當個湯滾起時，得冬瓜裡面嘅湯會起泡，外圍係唔會，所以我明白點解叫「温泉雞湯」啦。侍應教我地易熟嘅食物就放外圍，難熟嘅就放冬瓜裡面相對麻辣湯底就比較遜息，而且咸左少少，所以後期無湯我地都叫侍應加水唔好加湯，但都仲係越食越咸呢碟牛真係無得彈，唔肥唔「鞋」，最可惜係無得任食呢個海鮮盤好豐富，而且都算新鮮唔錯，一開

食材，環境及服務都是一流水準，兩星期已吃了兩次，雞煲超正，三文魚及帶子刺身超生鮮，還有鮑魚吃添 汽水任飲，有意米水但有D甜 如果比現金，還有燕窩甜品，基本上吾須再加 野已足夠，下次返港，我會再黎

第一次試呢間野，好多野食。一開始就有刺身拼盤（有三文魚，帶子，油甘魚，玉子，北寄貝，虎蝦等等...）之後就黎左兩個雞煲，叫左一個bb辣一個小辣。個人覺得bb辣比較香同埋大家都岩食。雞煲是任食的，12個人大約食左5-6輪之後就開始打邊爐牛肉好食但價錢唔平，海鮮拼盤都系送既。帶子好好食，同埋啲蝦啲肉唔削仲系彈牙，個蟹得一隻唔夠喉因爲好鮮甜野飲仲有自家制既薏米水，因為飲汽水會太快飽又唔想飲罐裝既烏龍茶所以選擇飲薏米水，唔太甜幾好飲。

同屋企人慶祝生日 本身諗住星期六即日都好難book到位點知中午一whatsapp就成功訂到枱（食咗少少先記得影相😅)一入座先上前菜小食同雞煲店員好細心幫我地攪拌以防黐底雞煲叫咗bb辣 冇乜麻辣味但醬汁好香濃好惹味等齊人就上咗蒸象拔蚌仔、鮑魚花膠同刺身拼盤象拔蚌仔都算幾新鮮銅厚肉不過略嫌蒸過熟咗少少而鮑魚同花膠都炆到好入味 刺身款式多 亦夠新鮮食咗兩轉雞煲就叫湯底轉打邊爐今次揀咗蕃茄濃湯海鮮拼盤好豐富 款式好多質素都還可以仲有好多火鍋配料都係任食手打墨魚滑同蝦滑係必食之選口感好彈牙響鈴就唔夠脆 比較淋身最後仲有甜品如果用信用卡付款就會係黑糖冰粉現金付款就會係椰汁燉雪燕最後我哋揀咗黑糖冰粉冰粉口感滑捋捋 本身冇乜味但配上黑糖味道又幾夾埋單連加一$383/位以呢個價錢食到呢個分量同質素仲要係任飲任食 性價比都算幾高👍👍

我同先生都係倫哥私房菜嘅粉絲, 但並唔係次次諗起想食都可以即日預訂, 想食都要講少少運數, 咁都好合理嘅$300左右有雞煲, 燉湯, 冬菇鮑魚, 海鮮拼盤, 仲可以打埋邊爐, 夫復何求呢😁個人最欣賞佢嘅, 除咗係食材新鮮, 而且係任食邊爐雞煲之餘, 仲好有心咁準備燉湯同埋冬菇鮑魚做賣點, 而且質素並非求求其其😋而且店員大多都非常友善, 會主動問你仲有啲咩需要, 亦會提醒你食完個雞煲之後如果仲想添食, 可以主動同佢哋講, 連份量都有得選擇, 例如四個人食, 但淨係得你想食多少少, 你可以同佢講想加多一個人份量嘅雞, 服務非常抵讚👍🏻👍🏻👍🏻

今晚同一班舊同事一行8人去左倫哥打邊爐，主要係雞煲打邊爐。一開始食左個雞煲。雞煲份量適中，用料都夠，所以都好惹味好香。之後就開始打邊爐，有牛，有海洋，仲有好多其它配料，所以選擇都唔少。而每樣食材都算新鮮，十分好吃。飲品是任飲，不過啤酒要散叫，令人有啲未夠盡興。最後就送上一人一碗冰粉，帶來一種清新感覺。總括而言，食材用料唔差，但打邊爐沒啤酒任飲，可能會有點失望。

一直聽人講呢間野食水準不錯心血來潮想打邊爐 就book左倫哥入到去好快上左刺身拼盤 又送炆花膠 先上左個雞煲 應該有一隻雞 味覺唔錯 食左幾舊 就叫佢換打邊爐 叫左個北海道3.6牛乳豬骨鍋 打邊爐會有一份牛頸脊、海鮮拼盤、菜盤、魚皮響鈴、手打墨魚滑 飲品任飲 可以追加食物 個海鮮拼盤 海鮮絕對唔係馬虎 有龍蝦 蟶子 馬刀貝 大蜆呢一餐無論食材 份量 質素都係一洗 佢第一輪送上黎嘅野食已經好足夠 唔洗再追加野食建議叫多D朋友黎食 一開始個雞煲已經好大份 後尾個邊爐 兩個人會食唔晒

這家餐廳在佐敦，聽朋友說了很多遍好吃都沒來吃，最近終於跟男朋友來這家私房菜。這餐廳主打半任食海鮮火鍋，有一系列的食物是任吃的，也有一些不是任吃的。雖然有些不是任吃，但品質很高之餘其實也吃得很飽！一開始先選了自己之後火鍋想要的醬料然後就有木耳小吃，帶微酸很開胃吃完就有一盤刺身拼盤，帆立貝相當鮮甜，三文魚也很厚身呢然後有這碗很足料的湯，沒有味精貨真價實原隻蠔皇扣鮑魚！加熱一下就可以吃了，鮑魚很易咬而且入味。吃完一大堆的美味食物就開始任食的部分！這是雞煲，先等雞煲滾，然後每２分鐘攪一攪，一共４次，就可以吃了！雞肉很嫩，必吃裡面的洋蔥，很甜！然後再加牛栢葉、魷魚，吸收整個雞煲的精華，帶點微辣。吃完就準備吃火鍋了！先來一盤海鮮，各類海鮮都有：有魚、蠔、蚌、蝦、蟹、蜆、蟶子等蜆清洗得很乾淨完全沒有沙，而且帶有鹹香味，配上牛乳豬骨鍋很鮮還有油花分佈很平均的牛肉這個牛肉很不錯，牛味濃郁而且油脂味出，放在火鍋一會兒就可以吃！另外還點了手打蝦滑、墨魚滑這個吃起來很爽口，而且可以吃到一些墨魚跟蝦的小肉粒另外還點了火鍋必點的響鈴，直接把3.6牛乳吸收，濃濃的牛乳味還有脆鯇片，本來想點腩的但當天賣光了，所以只好