影片
更多
2019-08-13
77 浏览
終於搵到機會去試呢間好出名嘅火鍋店，但我一直都唔明點解佢個名叫私房菜haha。提一提大家，嚟呢度食嘢一定要預約好。因為如果冇預約嘅好大機會無位，係連等嘅機會都無。首先未食雞煲之前會食咗刺身先，刺身質素好好。仲有唔同選擇有牡丹蝦，三文魚，北寄貝同帶子等等。唔講以為自己食緊日本放題咁😂驚喜一浪接一浪咁嚟，之後食嘅係鮑魚汁炆鮑魚同埋花膠。估唔到咁平嘅價錢都會有啲咁矜貴嘅食材。而且質素仲要唔錯，鮑魚同花膠都幾大舊。同時食埋蒜蓉蒸扇貝，呢個扇貝好新鮮而且連埋蒜蓉粉絲一齊超級好食。個扇貝好大粒同好彈牙，連埋粉絲一齊食啱啱好🤤之後第一個主角終於出場啦，麻辣雞煲入邊有分幾種唔同辣。今次我哋叫咗個中辣，但係食落都還可以唔會太辣。雞煲嘅香料味好重，啲味道落晒d雞件到好正。如果熟咗嗰陣時連埋啲洋蔥一齊食都唔錯，因為洋蔥煮到林晒變到好好味道。食完雞煲之後就可以加湯打邊爐，有別於其他唔同嘅雞煲店。呢度食完雞煲係會拎第二個鍋出嚟打邊爐唔係直接加水咁就算。咁所以餐廳係呢一方面真係要讚一讚。連埋個火鍋上左呢一個牛脊肉，特別一讚嘅係呢一個牛脊肉好重牛味。而且10分新鮮。加落個湯底度滾一滾就可以食得。呢兩個墨魚滑同埋蝦滑
首先未食雞煲之前會食咗刺身先，刺身質素好好。仲有唔同選擇有牡丹蝦，三文魚，北寄貝同帶子等等。唔講以為自己食緊日本放題咁😂
驚喜一浪接一浪咁嚟，之後食嘅係鮑魚汁炆鮑魚同埋花膠。估唔到咁平嘅價錢都會有啲咁矜貴嘅食材。而且質素仲要唔錯，鮑魚同花膠都幾大舊。同時食埋蒜蓉蒸扇貝，呢個扇貝好新鮮而且連埋蒜蓉粉絲一齊超級好食。個扇貝好大粒同好彈牙，連埋粉絲一齊食啱啱好🤤
之後第一個主角終於出場啦，麻辣雞煲入邊有分幾種唔同辣。今次我哋叫咗個中辣，但係食落都還可以唔會太辣。雞煲嘅香料味好重，啲味道落晒d雞件到好正。如果熟咗嗰陣時連埋啲洋蔥一齊食都唔錯，因為洋蔥煮到林晒變到好好味道。
食完雞煲之後就可以加湯打邊爐，有別於其他唔同嘅雞煲店。呢度食完雞煲係會拎第二個鍋出嚟打邊爐唔係直接加水咁就算。咁所以餐廳係呢一方面真係要讚一讚。
連埋個火鍋上左呢一個牛脊肉，特別一讚嘅係呢一個牛脊肉好重牛味。而且10分新鮮。加落個湯底度滾一滾就可以食得。
呢兩個墨魚滑同埋蝦滑十分好食，侍應仲特別提醒我哋要盡快食咗佢。因為放內左會變得無咁好食。因為哩個係即日手打，我平時都比較少食呢一類食物，但係呢個真心停唔到手。
除此之外每一台仲送咗呢一個海鮮火鍋拼盤。入面有東升斑，青口，大蝦唔同嘅貝殼類水產。真係唔知食得邊樣，樣樣都咁好食。
係倫哥食嘢真係唔知道佢下一野黎係乜嘢。樣樣野都咁有水準同埋充滿驚喜。成餐飯太多重點都唔知介紹得邊樣！我係十分滿意嘅希望大家都嚟試吓都會覺得咁滿意🤤
张贴
