信州日本料理

营业中

休息中

作為堅城區居民，一直有留意這間日本餐廳，位於海傍附近，裝修帶有日本風，這晚和西環友一起去試試！七時半到達，大約坐滿8成，店員親切，向我們推介餐廳的特色食物！點了刺身拼盤，有5款刺身，分別是吞拿魚、油甘魚、赤蝦、三文魚和𩶘魚！全部都好新鮮，我最喜歡赤蝦，蝦頭還有鮮甜的膏，蝦肉爽彈！𩶘魚味道清新，肉質結實！三文魚也挺肥美！選擇困難之下驅使我們天婦羅也選拼盤，樣樣都有，幾吸引！有大蝦、魚、蕃薯、茄子、苦瓜、舞茸和南瓜！蝦很大隻，彈牙，粉漿不厚，鬆脆！苦瓜和舞茸天婦羅都是少見的！口感也很不錯！三文魚卷包得好好，不鬆散，裡面包住青瓜絲！另外點了一些燒物！推介豚肉露筍卷，薄薄的豚肉包住清新的露筍，惹味！博多雞心和博多雞肝都很有特色，來自日本，加了七味粉燒，外層有點脆身，雞肝粉粉的，好甘香！最後一人一碗蕃茄湯牛肉稻庭烏冬，喝得出蕃茄湯是用鮮蕃茄煮的，酸酸甜甜，健康！烏冬夠滑！

已經差唔多成個月無食日本野，行過屋企附近，見到間環境幾好既日本餐廳就決定同朋友試下。餐廳叫做信州日本料理，裝修都有d似日本d居酒屋，大台唔多，比較適合情侶同三兩知已小聚 。野食方面有刺身拼盤，包括有三文魚，𩶘魚，吞拿魚，油甘魚同赤蝦。刺身唔錯，由其是赤蝦會有驚喜卷物方邊有三文魚卷，不過不失。而豚肉露筍卷就比較特別，有種甘香既味道。當中最好食既係天婦羅，除左常見既大蝦、魚、蕃薯、茄子、南瓜之外，最好食既係苦瓜和舞茸菇，食完會想再食。至於燒物方邊就有博多雞心同博多雞肝，食落都有日本居酒屋水準最後既蕃茄湯牛肉稻庭烏冬有好濃郁蕃茄味，為呢頓豐富晚餐畫上完美句號信州日本料理食物水準中上，而且價錢合理。如果係情侶約會或者慶祝生日都會係一個唔錯既選擇。

話說呢兩年都係BB出世嘅旺季，探完之後就同左BB媽咪去咗佢屋企附近呢一間日本餐廳👍🏻識飲識食嘅媽媽介紹，應該都有啲信心保證🤣坐得舒服又唔迫😆兩個人最好就係叫一份二人餐！首先＂時令新鮮五款刺身＂每件刺身都係厚切，最令人回味嘅梗係日本帆立貝再配合綠色柚子皮，增添一份清新開胃嘅感覺！＂蟹膏鮑魚＂鮑魚完全吸收醬油同蟹膏濃郁嘅香味！好有咬口又唔會韌！係正！＂米牛薄燒＂係非常非常鍾意食😍💓將蒜蓉香蔥嘅配料配合肥瘦均勻嘅牛肉，每啖咬落去都好有油香！口感非常滿足最驚喜係連配菜入邊嘅冬菇同番薯都燒得好出色！食完少少油膩野有＂炸豆腐＂同＂海鮮紙鍋＂中和一下👍🏻造型最特別係佢入邊嗰張紙，值得一讚係湯底非常之清甜入邊嘅蔬菜亦都好新鮮個湯我仲全部飲晒🤣正當我哋有飽意之制，仲有最後一道＂碎蔥拿魚腩飯＂作完美ending😍媽媽果然冇介紹錯呢個二人餐絕對係抵食而且又食得飽！值得推介

除咗地道既廣東菜式外，我最喜愛的菜式就係日本料理，但有質素既日本料理要做得好食絕對唔係簡單，要有心思之餘同埋要有巧手既工藝，而且做日本料理食材新鮮嘅程度要比其他地方菜式更加講究更加新鮮。現有今日就去咗位於堅尼地城既信洲日本料理。由於今次我哋得兩人因此就叫左一個信州紙鍋二人晚餐。呢一個晚餐已經可以試到店裏面最招牌嘅菜式。首先第一味菜式就係精選刺身五點，咁啱我今日所食到嘅就係有甜蝦、三文魚、油金魚、同帶子等等。一個刺身都非常新鮮鮮甜肉質彈牙！食完刺身之後更加有用蟹糕釀製而成嘅鮑魚，鮑魚肉質彈牙爽口鮮甜，係我最喜愛的其中一個菜式。食完兩味海鮮之後，師傅嚟咗個熱食米牛薄紙，意思就係由美國安格斯牛包住洋蔥同一些蔬菜組成嘅一個牛餅，牛味濃郁！食完三味前菜後開始進入戲肉！先來一個比較地道嘅日式炸豆腐展開序幕，食完豆腐後就係一個淨係外表都已經非常吸引嘅海鮮紙鍋！海鮮紙鍋由蟹鉗、蝦、蘿蔔同金菇菜等等加上日本醬汁煮成，淨係聞到都已經垂涎三尺🤤！食咗咁多海鮮同肉類最後就由一個蔥花吞拿魚腩飯作結！每一道菜色都非常高品質令人10分滿足！

信州日本料理傳統遇上新穎的日本料理尖沙咀棉登徑向來都係多各國唔同美食嘅地方，有拉麵、中菜、英式菜等等⋯而我今日食既就係就係一直都想試好耐嘅日本菜上岸料理。上岸料理門面係一個非常傳統嘅日本餐廳，裏面更加係非常有日式嘅感覺，全以木為主要裝飾元素，感覺溫暖。黎得食日本菜我哋一定要試下唔同嘅漬物。而今日我哋就試咗蒜頭漬同牛蒡，蒜頭漬鮮甜爽脆味道香濃，而牛蒡亦口感爽脆。除咗兩個漬物之外前菜我哋亦都揀咗海蜇配青瓜，全都係一些比較清淡爽口嘅飯前菜，為晚飯做好準備！食完前菜之後我哋第一味食嘅就係凡立貝tar tar冷茄子配海膽醬，茄子味道冰冷鮮甜配上海膽醬味道濃郁食法新穎。食完冷茄子之後我地就食另一道冷盤日本水八爪魚吸管，呢一道菜係我今晚嘅最愛日本水八爪魚吸管食落口爽脆彈牙，可以話係我食過最爽口嘅八爪魚🐙！食完冷盤刺身之後我哋就食咗一個吞拿魚多士同埋芝士銅鑼燒年糕，食完清淡嘅刺身同埋冷盤之後，吞拿魚多士同芝士銅鑼燒年糕完全能夠挑起味蕾的刺激！加上香脆幾既多士完全係令人覺得一塊唔夠想食多幾塊！食完兩個二盤之後我哋仲食咗左口魚、三文魚、金木鯛、吞拿魚腩和帶子等火炙壽司五點，每一年到壽司經過火場後更能帶出其

六月廿一日 西環 精緻日本料理是日黎到西環碼頭附近既「信州日本料理」，距離西環站幾分鐘路程還算好找，沿著海風的方向走就對了。獲安排二人枱，坐椅及枱面寬敞，毫不焗促。選擇種類眾多，壽司、鍋物、燒物及丼物等琳瑯滿目，最後還是點了性價比挺不錯的二人晚餐。另外點了一瓶梅酒佐餐，先開開胃。店家推介的梅酒清澈微甜，淡淡梅香從酒杯散發。真澄梅酒信州紙鍋二人晚餐精選刺身五品刺身肉質豐盈富光澤，擺放有致。常見的三文魚跟甜蝦都絕不妥協，鮮甜有質感；深海池魚跟平政「鹿兒島」屬時令物，白身厚切，口感煙韌彈牙而不黏稠，魚香愈嚼愈見濃郁；油甘魚則油潤肥美，質感十足。蟹膏鮑魚切片的鮑魚跟松葉蟹膏拌均，口感驚豔，味度濃厚的解膏將鮑魚鮮味盡數帶出。米牛薄燒薄切的美國牛肉包著蔥蒜，外皮烤得香口，加上撒面的炸蒜及醬汁，惹味而富層次感。炸豆腐淡口的白豆腐炸成香口的金黃式，再輔以鮮甜的日式醬油襯托，外脆內香滑，簡約而不簡單。海鮮紙鍋清甜的醬油湯底盛載著各種海鮮，包括牡丹蝦、杋立貝及松葉蟹鉗，非常足料；而新鮮的蔬菜吸收湯底精華後更是甜美可口。碎蔥吞拿魚腩飯最後來的是丼物，油潤的拖羅配上肥美的海膽，鮮味滿瀉，與白蔥、山葵及微酸的醋

距離堅尼地城地鐵站幾分鐵路程，店舖門面以白色瓦片及整幅落地玻璃作外牆設計，頂掛藍色布簾，店牌以射燈照亮。店舖以木材作裝潢，開放式廚房主要料理無煙烹食。坐位闊落乾淨，環境舒服。信州紙鍋二人晚餐 HKD 788精選刺身五品三文魚：厚切大件，肉質柔軟，咬下重重魚香，鮮甜不腥甜蝦：蝦肉肉質彈牙柔順富膠質，香濃鮮甜深海池魚：肉質鮮嫩彈牙爽口平政「鹿兒島」: 成年鰤魚體長約一米，脂含量豐富，口感肥嫩，味道濃郁嫩滑，幾乎達到最完美的狀態油甘魚：肉質爽口，口感柔軟嫩滑，味道甘甜蟹膏鮑魚鮑魚切片，肉質鮮美富彈性，入口柔軟而爽口，咬下鮮甜，蟹膏香濃更惹味。米牛薄燒牛味香濃，肉質柔軟有彈性，脂肪分佈平均，入口香濃滲出肉汁，香濃而帶爆香香蔥味，炸蒜片香脆，多重口感，口感豐腴。炸豆腐豆腐質感濃厚，外皮脆身內里柔順，入口豆味極濃。香蔥木魚碎蓋面，配搭合適。海鮮紙鍋鍋里包括菌類、蔬菜、蝦、帶子、蟹鉗等，新鮮鮮甜，湯底清新。碎蔥吞拿魚腩飯海膽、三文魚籽及吞拿魚蓉蓋飯，海膽入口即化，鮮甜不腥，三文魚籽飽滿，皮脆內泛魚油香，吞拿魚蓉質感綿密油潤，入口油香。真澄梅酒 hkd 180梅酒冰凍清爽，入口梅香飄逸，梅香果味濃，酒

幾好食，點左個二人餐, 魚生好新鮮，二人餐份量岩岩好，如果加埋個甜品就perfect ^^ 待應們都好nice, 係咁加茶，星期日晚去到無咩人坐得勁舒服，黎到西環海旁可試試，推介

西環靠近海邊的環境優美，清靜，吸引好多人專登過黎覓食，酒吧，西餐廳都有。今晚同朋友過黎散步，順便食下呢間望落裝修好精緻的日本料理餐廳。餐廳位置舒適，座位寬落，很適合一家大小同朋友聚會過黎食。最吸引我地的係呢個二人前晚餐，有多款食物。先上精選刺身五品，最驚喜係煙燻伊左目同真鯛刺身，肉質晶瑩剔透，新鮮鮮甜到不得了，咬落十分彈牙，好有魚香味。油甘魚，三文魚都好肥美，肉質軟淋。蟹膏鮑魚，用味噌味醂浸， 再加蟹膏，好惹味，咬落彈牙。炸豆腐，處理得好好，外皮炸過好香脆之餘入面係好淋好線的，入口即溶，醬汁都值得一讚。海鮮紙鍋，下面的火石係原來係好猛火的，好快就滾，有兩隻大蝦，帶子，娃娃菜，菇等，好夠飽，湯底好鮮甜，愈煮愈入味。米牛薄燒，係用薄切牛肉片包住菠菜咁燒，完全吸收晒牛肉的香甜肉汁味，加上蒜片好香脆，食落味道好夾。食到好飽了，仲有個海膽碎蔥吞拿魚腩飯，海膽十分新鮮，無腥味的，加上很多份量的吞拿魚腩，肉質鮮甜，魚香味四溢。

喺西環行完海邊吹完海風, 行到盡頭果邊又肚餓了, 見到呢間信州日本料理就入去食lu由於二人同行, 見到佢有個二人前套餐價格尚算合理, 就叫呢個餐啦座位好寬敞, 好啱鍾意慢慢品嚐美食既朋友見到menu 有omakase都係留番下次食啦😂😂先黎盤5點刺身, 由最淡味既魚開始食, 先食右面既真鯛, 跟住就係上面既油甘魚, 然後就食下面既煙薰伊左目, 再食蝦最後食最濃味既三文魚, 可能呢間有做omakase, 所以食得出d 刺魚係勁新鮮勁香滑架然後就到食呢個蟹膏鮑魚, 香濃既蟹膏味配比較淡味既鮑魚正正係一個唔錯既配搭一濃一淡互相輝映😂😂雖然話係炸豆腐, 但其實一d 都唔油膩, 配埋淡淡既鰹魚汁, 口感香滑鮮味☺米牛薄燒, 入面充滿香蔥炸蒜片, 好香脆個紙鍋好特別, 個底一路燒住, 但唔會燒穿😂😂個湯底吸收左蝦同帶子既鮮味, 顯得更加甜最後食埋個碎蔥吞拿魚飯, 有海膽有魚子架, 真係估佢唔到, 好新鮮唔臭唔腥, 珍珠米都處理得好好, 唔會太黏太硬, 撈埋一齊食口感一流

自從香港島線擴展到堅尼地城，這個一般比較少去的地方也相對多人認識。西環碼頭更是文青的打卡熱點。前幾天晚上，特別和友人來到這間位於西環碼頭旁的日式料理吃晚餐。順便在這地區逛一逛，懷緬一下當年在香港大學讀書時的點點滴滴。這間餐廳位於爹核士街，從堅尼地城地鐵站出發大約十分鐘便到。比起以前還沒有港鐵的時代真的方便很多。這間餐廳的裝修簡單。除了一般座位外，還有吧檯，適合不同的食客 。食物選擇也挺多，有刺身壽司、沙律、燒物和居酒小食，多得令人花多眼亂。對於有選擇困難症的我，這個信州紙鍋二人晚餐便是一個好選擇。1) 精選刺身五品(⭐⭐⭐⭐⭐): 除了一般有多人認識的三文魚和海老，還有油金魚、深海真鯛和赤鮭。三文魚和油金魚肉質肥美，而且脂肪分佈平均。相對地，深海真鯛和赤鮭肉質爽口，不太油膩。值得一提的是廚師用了不同的花瓣作伴碟，十分浪漫。2) 蟹膏鮑魚(⭐⭐⭐⭐💢): 深海鮑魚配上松葉蟹膏，蟹膏味道十分濃郁，但卻沒有掩蓋鮑魚的鮮味。鮑魚也相當厚身，吃起來口感十足。3) 炸豆腐(⭐⭐⭐⭐💢): 天婦羅的炸粉十分薄身，吃起來外脆內滑。豆腐有陣陣的豆香，配上辣蘿蔔和木魚吃起來清淡，但絕不單調。4) 米牛薄燒

是晚和友人到西環進餐，我們選擇了試試這日本餐廳的二人套餐。套餐的食物品種繁多，刺身、料理、鍋物、丼飯，全都包含。價錢亦合理。餐廳位於海旁，人流較少，反而樂得清靜。座位有刺身吧枱、亦有普通卡位枱，任由選擇。先上五色刺身：三文魚、油甘魚都非常厚切；赤鮭被排列成可愛的心形；鯛魚一向的清甜彈牙；而海老蝦就啖啖鮮甜蝦肉。非常令人滿意的刺身盤，吃下已半飽了。蟹膏鮑魚料理手法相當出色，鮑魚薄片但非常清甜，再加上蟹膏的鮮濃味，令整道菜更入味，亦突顯了鮑魚本身的清甜。佐口豆腐，這裡的料理手法亦比其他地方突出。豆腐內軟外脆，入口即融，上面的配料和底層的紫菜令豆腐整體更出色！脆皮下的豆腐嫩滑非常。今晚主角紙火鍋！第一次吃這神奇的紙火鍋。是牛油紙，可能特製過才不燒著吧。傳熱很快，不一會兒湯便滾起。鍋物亦一點也不馬虎！帶子、松葉蟹、甜蝦、金菇、磨菇、蔥、娃娃菜，底層還有滑豆腐呢！鍋底係清湯，熬出海鮮既鮮甜味，清甜十足！牛肉薄燒配酸甜的芝麻汁。肥牛裹著蔥、洋蔥、蒜等，口感清香，絲毫不油膩。再加上酸甜的芝麻汁，口齒留香。海膽三文魚子吞拿魚腩蓉。小小一碗但味道一流。猶其是吞拿魚腩蓉，我平時不敢吃吞拿魚，因為怕腥。但這

情人節失望之旅，一早明白情人節食乜都貴，每人最低消費600.但真係無諗過可以失望到咁，將平時賣一二百嘅餐推高到780，如果食得飽都話丫，女友係細食之人都要去食宵夜,出門口第一件事就係搵邊度有野食喇，點解？因為只限套餐，唔可以加食物，一係叫多個餐兩份分lor所謂㕑師發辦，應該就係餸菜中出現過好多次的梅味啫喱喇，，總知貴夾唔飽啦，網上食評吹得太大了。好彩女友無炸型，下次真係要諗清諗楚先好幫襯喇，過時過節。

今晚走到西環吃晚飯，想吃日本菜，就到信州吧，都有一段時間沒有光顧過。這裡格局光鮮，坐得舒服，平日晚市的人流又未見很多。 最近推出的二人餐($788)，不用想，就吃這個吧！ 精選刺身五品： 金木叼：魚味香濃，有海水味，還帶有像炭燒的味道，小妹最喜歡這個深海池魚：口感爽滑，油甘味香濃油甘魚：油甘味最突出，有點像吃牛油的感覺牡丹蝦：大隻鮮甜味美，保持水準三文魚：尚未溶雪，這個略遜一點 炸荳腐，以超薄的天扶羅脆漿輕炸，外脆內軟，配以辣蘿蔔，木魚及酸甜的特製醬料，味道很不錯。 蟹膏鮑魚，以松葉蟹膏混入磯煮鮑魚，味道很豐富，卻又帶點復雜，小妹覺得單是磯煮鮑魚已經很好吃了。 海鮮紙鍋，有不同海鮮包括：牡丹蝦、松葉蟹、帶子及蔬菜，用料非常新鮮，當中有兩塊貌似楓葉的名為生麩，以糯米做成，口感像年糕，用它吸收鮮甜的湯底，味道一流。 米牛薄燒，以來自美國的牛肉，棬著䓤蒜再燒，十分惹味。 碎葱吞拿魚腩飯，飯以紅醋調味，酸度溫和，拖羅味道新鮮肥美，最讚的是置頂的海膽，小妹很少會讚香港吃到的海膽的，因為通常海膽都不能放久，但這裡的味道甚有驚喜，入口鮮甜無比，那種味道好比蛋黃牛油的甘香，好正！

今晚和老婆橕枱腳，想吃日本菜，又想不到到那裡，不如就來這裡吧，都有一陣子沒有來過了 。 店推出了二人前($788)，懶人系列又出動，無需用腦，就點這個吧！ 精選刺身五品包括：金木叼，香濃魚味，海水味濃；深海池魚：口感爽，油甘味重；油甘魚，油甘味最香濃，有點像吃牛油的感覺；牡丹蝦：鮮甜口感嫩；三文魚：有點冰感，相對未見突出。 炸荳腐，輕炸至外脆內軟，還配以辣蘿蔔，木魚及酸甜的特製醬料，出色的一道菜。 蟹膏鮑魚，以松葉蟹膏混入磯煮鮑魚，味道很香濃。 海鮮紙鍋，包括：牡丹蝦、松葉蟹、帶子及蔬菜，用料新鮮，湯底鮮甜。 米牛薄燒，以美國牛肉包著䓤蒜燒，惹味十足。 碎葱吞拿魚腩飯，拖羅味道新鮮肥美，海膽鮮甜無比，可媲美日本當地的質素，好得！