佳記甜品 (已搬遷) 新店位置

放假冇野做 最岩就係遊下車河聽女友講元朗B仔既小食 同 甜品 都好出名 咁我地就由將軍澳出發去到元朗喇...一黎到已經爆晒人 等左一陣就有位坐喇... 我地試左 雞翼尖 同 芒果班戟雞翼尖對我地黎講有點兒辣 隻辣味係慢慢咁散出黎 食到我地標晒汗但係又停唔到口 係咁食 好野味最後都頂唔順 叫左杯 西瓜冰 黎解辣總算挑戰成功而芒果班戟都好味 忌廉味唔會太重 同 好有芒果味最後最後 仲山長水遠叫左個 B仔涼粉由元朗拎番將軍澳好多生果 加埋涼粉一齊食又唔錯喎...份量多而已抵食順便一提：可能太忙喇佢地 服務態度都麻麻 要食好野就記住要沈住氣喇

夏日炎炎正好眠 至奇 我最鐘意就係食佳記嘅芒果西米撈 佢係西米露 再加凍冰冰既芒果溶喺上面 食嘅時候會俾飲管你 可以飲咗啲芒果汁先 再慢慢食✌🏼️之後再叫個雞尖 又凍又辣既感覺 正到呢 雞尖個種味真係令人欲罷不能 未試過就要快啲試下啦😂

B仔水準愈黎愈底，衛生程度都跟住下降，唔知系咪外藉人士同我地既衛生定義有差別呢？今次我叫左外賣腸粉唔辣魚旦加燒埋同埋豬皮反去食，記得叫腸粉同豬皮一定要分開，如果唔系個味真系錯綜複雜！今次叫個唔辣豬皮，佢d花椒八角味重，豬皮唔夠林，腸粉魚旦燒賣都系外面叫反黎，所以無特別！

大雜果涼粉 （B仔涼粉）💲75 @ 佳記甜品天時暑熱，成日都想食返d涼浸浸既野爽下。B仔涼粉上面鋪有大量生果，例如蜜瓜、木瓜、大樹菠蘿、西瓜等🍉🍍🍈，等k可以滋潤下😂（生果種類有時會有更改），下面就有滿滿既涼粉，雖然係簡單既雜果涼粉，但係加上花奶，係其中一項係夏天無得輸既甜品黎🌞。另外，建議2～3人開心share喔！👭👬

今次都唔知第幾次黎b仔，叫咗個蘿蔔、廚師腸，佢哋嘅蘿蔔配自家製醬汁好甜，味道好唔錯！廚師腸就冇咩特別，主要都係個醬汁好好味黎B仔一定要食嘅係呢個雞翼尖，雞翼尖煮得好淋，而且好入味！不過佢哋嘅辣度一時時，好唔穩定！建議唔食得辣嘅朋友可以叫杯鮮果汁飲，一邊飲一邊食都好爽

天時暑熱，一定要食番碗涼粉降降溫！店內十分逼，搭枱就預左，但係枱上好多雞翼尖骨，真係令人反胃，見店員用塊布係咁姨抹下，感覺唔係咁良好！叫左三樣野-紅毛丹涼粉、芒果河粉、蘿蔔腸仔！醬汁一般，並唔係特別惹味，蘿蔔以清湯煮，並無咖哩入到味！不過平平地過下口癮！大大碗涼粉令人眼前一亮，另附一碗大花奶，毫不慳皮😍涼粉結實有口感，有仙草香味，有冰粒保凍，甜度剛好，紅毛丹為罐頭貨，不過預左，好甜但好味芒果腸河粉份量亦足，河粉係椰汁啫哩，好爽滑，涼心涼，芒果好熟好甜，令人滿足！

每次入元朗，都一定會黎呢度食不過通常去總店多，第一次黎呢間新店龍眼西米露，呢個一食落口已經有好濃郁既椰汁味，喜歡椰子味既朋友一定會好喜歡，龍眼就唔新鮮，似加左糖水扮甜奇異果涼粉，$26超大碗，奇異果都新鮮同甜，涼粉就冇乜特別可以講腸粉夠滑，切得細條，唔會食到周圍都係，麻醬同甜醬感覺上同平時街邊食到既唔同，呢個好食好多魚蛋就真係有魚既成份，有腥味，但食落就唔會好霉，唔係煮左好耐果啲

身為甜品控,其實我都係為左個雞翼尖去,加埋個芒果西米撈,真係傾計hea下既好地方,不過我一般來都是下午,如果晚上就算外賣都會排長龍,不過最好食都食芒果腸粉,下次要再食再影

元朗最出名既糖水店就係B仔涼粉。入到B仔我最想試既始終唔係涼粉，而係小食：腸仔蘿白，同雞翼尖。秘製雞翼尖好重紹興酒既酒香，肉質煮得好林，辣辣地好惹味，蒜頭亦都煮得好林，我一粒一粒接住食，好快，咁就食哂喇，最後仲encore左多一碟雞翼尖添。B仔糖水就普普通通，無話咩特別，同雞翼尖相比，呢碗楊枝金露只不過係配角……

今日經過元朗，天氣又太熱，決定找一點甜品來吃。走過又新街，決定到十分出名的B仔涼粉一試。在門口等的時候，已經覺得店員態度不好。同佢講人數的時候扮聽唔到已經講咗好多次唔該，依然扮聾。平時見到其他食評說雞翼尖很好食，於是便點了一碟。 椰汁西米露比雞翼尖更快黎到，於是我先試食西米露，但覺得同出面其他糖水舖冇乜分別，可能係天氣熱的關係，食凍的糖水就特別舒服雞翼尖真係超級惹味，但係都幾辣下咸咸辣辣真係吾錯，但對於不能食辣的人來說，真的有點過辣了。食完嘴唇好似俾火燒。總括黎講，還可以拉但店員態度是時候改善下拉

住係西貢區既我，去元朗既車程對我來講已經可以返到大陸。難得今日放假去元朗，梗係要去B仔去試吓！平時聽身邊嘅人就聽得多元朗B仔，但係食就係第一次食，好想知道究竟呢度有咩吸引之處！可能係我晏晝嘅時間去， 大約四點左右所以唔使等位，仲好好彩叫到呢度嘅榴槤班戟， 因為平時聽朋友講榴槤班戟好快就會賣晒，好難有機會食到！榴槤班戟：size差唔多有成個拳頭咁大，好新鮮、榴槤肉偏多， 啖啖都食到榴槤肉，正！芒果河粉: 河粉椰汁味濃、有咬口，同埋佢都幾大碗，抵食！B仔雞翼尖: 雞翼尖好滑、味道夠辣， 但係個人認為辣得黎未夠香，唔夠濃，比想像中遜色。同埋發現到呢間鋪頭好多人鍾意食佢嘅小食多個甜品，例如咖喱魚蛋豬皮牛柏葉，如果下次再有機會去元朗我都會一試！

鮮雜果涼粉 ($58/4人份)西瓜球🍉、蜜瓜🍈、哈蜜瓜、木瓜、菠蘿🍍、大樹菠蘿、椰果、鮮海底椰、蘆薈粒、香蕉🍌、奇異果、芒果共十多種時令水果堆滿碗面，份量十足絕不欺場。大部分水果都有自然甜度而並非用糖水人工而成，唯獨奇異果片好飲有點不新鮮。配底下大大粒爽口涼粉，還有花奶和涼粉糖水，🍨非常消暑。份量真的夠四人分，還要水果多於涼粉，除開價錢便非常超值

講起元朗，除左老婆餅，一定會諗起B仔涼粉！但作為元朗人，B仔其實未算首選！但呢晚作為宵夜，B仔的腸粉魚蛋仍是「快靚正」 $7四條腸粉滑溜溜，配上芝麻、花生醬和甜醬，混醬加得毫不吝嗇。加多$7有8粒魚蛋，雖是最普通陳皮魚蛋，但正是那魚膠粉質感，己喚起兒時最簡單的幸福。PS：另一B仔夜宵磨小食推介一定係雞翼尖，愈食愈麻辣，但愈食愈滋味！

放假去完南生圍郊遊 出返黎元朗覓食。食完正餐 食返個街知巷聞既b仔涼粉聽就聽左好多年，不過都係初嚐。 大大份。有唔同既水果，椰果，涼粉。3個人食都食唔哂。見到隔離台 應該挑戰緊一人一碗 ，話食到一半已經話頂唔順。哈哈哈 。味道還可以啦 個人認為偏甜 叫返碟雞翼尖中和下甜味。又是一道有名氣既食物。辣得好過癮 愈食愈想食。個辣味令人想追住黎食

與美女胡髀旺角龍閣打完邊爐，坐西鐵入到元朗順道探探 B 仔啦，難得美女有興緻食甜品啊！依舊人山人海，依舊靚女四處可見，美女如雲！人頭湧湧水涉不通，有咩咁好食呀？莫非附近無甜品、無小食架咩？發現原來外賣小食要排另一個窗門呢。原本舒舒服服坐係室內有冷氣，誰知被迫遷到室外老遠邊皮位，連想落 order 搵侍應都非常困難。蒜辣雞翼尖，遠近馳名招牌菜，香噴噴掉入口讓舌尖朗一朗，滑嘟嘟散發著濃郁蒜頭味道，而且辣味突出，越辣我越喜歡呢！啜啜啜津津有味，損損損欲罷不能，刺激可口。餘韻散發著陣陣酒香，點停得口！花左一個鐘終於啜晒兩份蒜辣雞翼尖喇！如果每日讓舌頭跟雞翼尖搏鬥一個鐘，吸吸吸、啜啜啜，條脷一定好利害又靈活又結實，天下無敵啦。滷水雞中翼，都唔熱既？凍冰冰。肉質霉爛，滷水又咸又濁，out！滷雞腳，膠滑膠滑，咸咸重口味已滲透每一處。魚蛋，嚥韌的陳皮魚蛋，滲出豉油香氣，濃濃的咸蛋，沾點甜辣醬應該好一點。滷蛋，咸味保留在外層，大大啖咬讓淡味蛋白及甘香蛋黃融合，味道剛剛好。蜜瓜西米露，蜜瓜清甜，半腍半爽，撈上冰涼輕甜西米露，美味可口，西米粒粒嚥嚥韌棒，滿意。蘆薈大菜糕，幾特別喎，蘆薈健康有益，大菜糕童年回