佳記甜品 (已搬遷) 新店位置

聽B仔涼粉就聽得多,但就一直都覺得元朗太遠未嚟過,難得今日去大棠賞葉咁近元朗當然來試試啦行遠一輪山實在太肚餓,睇下有咩食先朋友超餓望兩眼就決定好,兩碟腸粉加兩份魚蛋,腸粉夠滑,魚蛋就一般,唔爽又無味我就叫左雞翼尖同B仔涼粉,眼見十檯有十檯都叫雞翼尖,我又試下先,平時我同朋友都唔食雞翼尖,但聽過其他朋友堆介加上現場所見,我都試試先,食落又真係幾好味,有蒜香,辣味又夠,完全入味,唔怪得檯檯都叫我嘅B仔涼粉出場啦,嘩洗唔洗咁大盤呀,超多生果,心諗兩個人點食得哂,食完肯定超飽,睇下有咩生果先,木瓜.西瓜.蜜瓜.哈蜜瓜.菠蘿.大樹菠蘿.荔枝,蕉.奇異果.桃......再加椰果,超勁。每樣生果都好新鮮多汁,個涼粉唔會苦,甘味好努力食食食都係食剩D,分量實在太足。食物很滿意,但食嘢中途,有個職員用清潔劑拖地,味道難聞,影響胃口,我知你要保持清潔,但味道真係唔得。

佳記不愧係元朗之標記之一，甜品小食都好抵食，下午茶或者飯後都岩哂。 雞翼尖 ($15)唔好睇雞翼尖好似冇咩肉咁，但係一食就會知道重點唔係肉。雞翼尖超林，好易就可以lun到啲骨。再加上香蒜辣椒好入味。作為下午茶小食唔會太飽肚，岩岩好。 芒果腸粉 ($36)點解香港既芒果一年三百六十五日都可以咁甜。芒果鮮甜香口，配上滑嘟嘟既腸粉。腸粉好軟滑，如果椰汁味更香濃會更好。底下配上芒果打成既沙冰汁，打得細碎，香甜又爽口。整體都幾清爽。

一場入到黎元朗，真係要食B仔涼粉先算圓滿我都係第一次見楊枝甘露既芒果同西柚係分開，唔係溝埋一齊除左好食之外仲多左重視覺享受鮮果馬蹄露甜左DDB仔生果盆，一大盤生果，下面底層就係涼粉份量十足，無4個人以上應該食唔晒吧糖不甩上舖滿花生碎，花生碎不會太濕，又脆又香，再配合埋湯圓，一啲都唔覺得膩

很久沒有逛元朗，雖知元朗現在已有很多甜品店，而且元朗人都不再吃B仔了。但非元朗人仍然會喜歡到B仔坐坐。我來不是為甜品，為的是辣辣雞亦尖與滑滑腸粉，味道keep 得住，沒有失望。雞亦尖那種蒜香與及香辣都是其他地方少找到的. 不過甜品店越開越多, 他的甜品已不再特別, 只勝在款式多而已

B仔涼粉 （$72）佳記最出名既甜品非b仔涼粉莫屬，水果絕對豐盛，有西瓜、蜜瓜、哈蜜瓜、香蕉、椰果、龍眼、荔枝、大樹菠蘿、木瓜等等，多到數唔晒😍雖然天氣涼左，但今日仲係好熱，熱辣辣食啲涼粉，人都開心晒。好多人話b仔涼粉麻麻，但其實司令又唔覺難食，因為本身水果涼粉呢樣野，啲味都係咁上下，但佢做到咁大兜都好抵姐！份量完全夠晒6個人都得！

B仔涼粉聽住新界的朋友說得多，但一直無緣一試，因為路途實在太遙遠了，就算再好食也不會為了食甜品而入元朗啊！！這天去探剛生BB的親戚，終於有時間過來一賞心願了！！雖然名氣很大，但是這裡的價格還是很相宜的，一大盤的幼滑腸粉、彈牙魚蛋才十多廿錢，真的很超值！！來這裡當然要試試最出名的涼粉了，就要了個淨涼粉加花奶，滿滿一大碗也很便宜，食進口就明白為何這么受歡迎了，涼粉清爽幼滑，齋食已有淡淡的甜味，再加上花奶更是滋味聽說這裡的雞翼尖也是出了名的，但這次跟家人不太能吃辣，唯有下次再來吃了

B仔其实已经吃佐n次n次了 但系成日都会想吃咯 但其实系因为距嘎小食咯 鸡尖真系好正试过就知 其他肠粉鱼蛋猪皮果点都好好味 反而甜品糖水冇小食好吃 对面泛后甜品嘎糖水比较正 反正每次宵夜唔知道吃咩就一定系来佳记甜品

平時好少入元朗的我，今日去試遠近馳名的佳記甜品，去元朗一定搵B仔，當天下雨亦是下午茶時間，仍然需要等候。係咪真係咁好食先？熱辣辣冰花燉蛋，不太甜亦非常滑。同朋友分享這個甜點非常好～甜品店另一主打。豬皮*魚蛋，微辣魚蛋配上惹味醬汁令人食指大動。豬皮加上辣汁，豬皮吸光辣汁精華，入味又惹味。期待已久·B仔雞翼尖！第一次吃有少少微辣，但愈食愈想食。它的醬汁應該有花椒八角紅椒等，令人胃口大開，怪不得很多人熱愛此道美食👍

B仔涼粉的名字久仰多時了, 但一直沒有機會試!由於有元朗朋友辦house warming party, 所以便特地order 一客, 打算與朋友一同分享!一直以為"B仔涼粉"是店鋪名字, 細問之下, 才知道原來"B仔涼粉"只是甜品名稱, 並非店名; 店名是"佳記甜品"才對! 真的是大鄉里出城 甜品份量非常多, 粗略估計, 應該最少要3-4個人才能吃完!而我們最後是7人合力才能吃完!上層鋪滿了各式各樣的生果, 包括西瓜、哈密瓜、木瓜, 奇異果、大樹菠蘿、桃等; 下層則是涼粉。雖然份量多, 但味道只屬一般, 有點失望!生果沒有新鮮多汁的感覺, 桃更是罐頭的...若改放芒果, 效果可能更好。而下層只有涼粉一款, 口感有點寡! 若能加上西米及珍珠, 整體口感必定會提升。這個甜品, 吃一次便夠了

B仔係元朗老字號，就算有劣評都好，啲生意都多到好似唔憂做咁，點解咁講，平時幫襯開都係晚飯後，今次諗住飯前食啲小食，噢，四點幾都係要排隊，舖入面坐滿晒人，不過好快有位，同友人點左：$15/份 雞翼尖好稔，入口即溶，辣得過癮熱薑汁燉蛋 $16 滑，不過啲薑汁略為爭小小辣豬皮 $15/份 辣魚旦 $8/份豬皮好入味，但魚旦就無咩特別其實B仔仲有腸粉都好出名，不過喺飯前就唔食咁多啦～另外要提一提，B仔啲員工個個都無咩表情，可能生意真係好到無得抖啦，不過去食野都係對住野食同友人，唔係重點

同貧友一行八人黎開元朗食食食食o係附近食完車仔麵就黎到哩度食第2站黎到14:00, 冇乜人大把位任坐雖然一直倒倒人話哩度個B仔生果盆份量雖多, 但質素一般反而雞翼尖有驚喜但見我地反正人多就各點了一碟B仔生果盆($75)果然好大盆, 唔食得都睇得有椰果, 桃, 芒果, 奇異果, 西瓜, 蜜瓜, 哈蜜瓜, 涼粉滿滿一盆即使我地8個人分每人仍倒一碗味道方面, 就真係一般罐頭貨叫做不過不失蒜蓉香辣雞翼尖($15)雞翼尖夠滑夠淋, 唔錯~食落辣辣地辣味刺激到鼻腔邊食邊流鼻水辣得都幾過癮雖然B仔涼粉真係普通不過試過夜晚黎元朗食完飯想搵地方食甜品好多糖水店因為店面細, 都大排長龍而B仔地方大, 就容易搵位好多如果只係志在搵個地方坐下繼續傾計B仔都算係一個唔錯o既地方

B仔涼粉的芒果涼粉～食完失望的田中後⋯為了撫平我受傷心靈&胃⋯食返個b仔做甜品先～～人太少不想食太大的b仔涼粉⋯榴槤班戟又賣曬😭只好點左芒果涼粉同芒果西米😂芒果涼粉真係好好味～～清涼有口感～芒果超甜❤️️但西米就有少許失望⋯太軟⋯又雪到有冰粒～感覺怪怪地⋯店家仲有支飲管可以吸芒果汁😁用湯匙又得⋯飲管吸又得～雙重食法❤️️So far 都算滿意既😁

同朋友係旺角的咖啡室用餐後，之後就開車來元朗食最有名的甜品店，一來人很多，之後人愈來愈少，我們還以為下班了，還叫了朋友的同事來一起食和聊天。我點了椰果涼粉，都好大碗，而且每一粒都好大粒，我個口比較細，要分2口來吃，我喜歡的是他可以自己決定去加奶，可控制個奶味、甜味，還有價錢都很合理。椰果好有嚼口，涼粉不冰涼，味道都有點香，加左奶真係好好味。

今日難得多一日假，去咗元朗郊遊一下。順道拜會傳說中嘅B仔涼粉地點好容易搵～店面算大，餐牌選擇非常多。不過專程嚟到～當然唔使揀，一定係B仔涼粉一「盆」涼粉好快送到面前，見到個份量～確實嚇咗一下！一大盆啊！好似食盆菜咁嘅涼粉，本身仲諗住再叫辣雞翼尖同腸粉，依家心諗：好彩冇叫講返個涼粉，上面鋪滿大量水果～種類繁多，應該有10種以上吧！水果本身都尚算新鮮～每樣都夠甜👍👍 涼粉就大大粒，味道都係一般涼粉😂總結：如果係追求抵食夾大件嘅朋友，一定非常滿足

今日同朋友行完青山, 落到嚟就試下食傳聞已久嘅B仔。講真無話特別好味, 啲小食味道偏淡, 汁無咩特出, 食物口感同係街邊掃街無咩分別。 雞翼尖啲朋友話嚟到一定要試, 但一試就知龍與鳳。 唔係想像中咁辣, 又唔夠入味, 但雞翼尖係夠好咬嘅, 質感唔錯。到於個B仔紅豆, 就普通水果紅豆盆, 78蚊係算大盆, 但我覺得食得好唔方便, 成日一"不"就跌水果, 好浪費。總括嚟講, 除左佢果啲唔休做差到爆嘅服務態度,,我覺得環境,食物,價錢都合理嘅