佳記甜品 (已搬遷) 新店位置

平常吃B仔都是吃小食多比較少都叫甜品吃, 因為價錢比較貴之外感覺上和其他的也沒兩樣 今次就特意叫了芒果涼粉來試一下上次試完了B仔涼粉, 我覺得芒果來配涼粉還是比較合適因為芒果的甜剛好和涼粉的微苦MIX在一起再加上練奶配合得比其他生果更好而且因為芒果涼粉有鋪了滿滿的芒果汁使得即使到最後芒果肉吃光了還有很多汁可以吃完整碗涼粉不過唯一一樣不滿的是不知是否店家想做到有很多芒果汁的樣子所以都裝得滿滿的以至每吃一口芒果汁都會流到周圍也是開頭都吃得幾狼狽如果他的碗能大一點就更好了不然看著他流走芒果汁有點不好的感覺

今日米仔話地鐵有優惠半價，就要有甘遠去甘遠，所以我就去到平時好少踏足的元朗喇！剛剛食完老牌冰室，就要去食返過 B仔，如果唔係點叫去過元朗喎~~~第二站B 仔涼粉今次恕我大鄉里出城，真係第一次食 B仔，見住個B仔涼粉，真係。真係好大份！但又覺得好抵食~~~ 生果多到呢~~包括有蜜瓜。西瓜。哈蜜瓜。菠蘿。奇異果。木瓜。大樹菠蘿。荔枝。香蕉。水蜜桃。海底椰。蘆薈。椰果。。。個底就係涼粉，不過生果就係多到呢。。我地三人行都食唔哂呀~~~ *不過唔係全部生果都係新鮮，有些生果係罐果生果，如果全部都係新鮮就會更吸引唷！

年三十晚行完花市同最愛食甜品，唔係第一次食（我好耐前已經食過佢的招牌甜品同小食）亦唔覺得好食，今次黎食純粹因為唔洗等位，同埋我想食腸粉。一埋位就叫個腸粉加魚蛋腸仔，腸粉好軟身、好綿、好薄，好食，不過個醬就一般啦，花生醬個味唔夠濃之後我的最愛點左紅豆沙，都多料，正常啦！其實紅豆沙咁易整好難會出事。最後，我點左杯木瓜奶，呢杯野真係出晒事，好重練奶味，我心諗咩料，嚴格黎講係木瓜練奶，少木瓜多練奶的野飲，我好唔鐘意，我飲過好多連鎖店甜品店的木瓜奶，都冇練奶味，如果佢唔係用練奶沖，用其他奶會好好多。基於我食左呢間野好多次的經驗，而且唔同甜品都食過晒，總結一句，就係如非必要，我唔會再食呢間，佢只係得名氣，但服務態度、味道、價錢，都唔值得我再去encore

買b仔涼粉外賣，收䬶阿姐唔肯落單，黑面走咗，等十分鐘先肯落，前後等咗二十分鐘。今天係星期一下午，但已經滿座。有時成功真係講運。好嘅糖水舖好多，但好多都被加租到做唔住。b仔好早已買舖，所以以今時今日嘅服務態度仍然日立不倒，成元朗地標b仔好食嘅，不過要食埋受氣。大慨係招牌上全港首創的意思

這天下班後約了友人去了佳記甜品，也就是常聽人家提到的B仔涼粉（其中一道甜品）。儘管在門外被店員呼喝說小巷直入呀，但難得來到也就不在意了。三人在幾道甜品中選擇，分別是B仔西米露、B仔黑糯米以及B仔杏仁豆腐。一頓包剪搥下來，便是決定了杏仁豆腐。餐牌一看，多種甜品任君選擇。這就是B仔杏仁豆腐。甫見這道甜品，多種水果盛得滿滿的，足見份量十足。水果種類繁多，數量平均。我們吃著吃著，大家較愛的椰果蘆薈龍眼肉像是吃極也吃不完，一直都有似的。至於杏仁豆腐，其實我是投黑糯米一票的，可見我對豆腐的喜歡還不是太大。豆腐略冷，一口咬下，絲絲杏仁味從豆腐冷冷的軟嫩中冒出。還是不錯吃的。雖然我還是對杏仁豆腐的味道不算太喜歡😂

難得地鐵半價入元朗，當然要順便探吓B仔，上次食，已經幾年前，今日下午五點嚟到，唔係化，要排隊等位，駛唔駛。蒜蓉香辣雞翼尖，彷彿呢道小食已經變為B仔的招牌菜，平均每枱都有碟，有啲仲一人一碟。今次再食，同幾年前的味道一樣，雞翼尖整得好入味，仲要好辣，一路飲水，一路食。雞翼尖煮到好稔，入口好輕易就皮肉同骨分開。B仔涼粉，學人話齋，B仔涼粉有乜特別？？好食？？還可以喇，不過不失，但最主要賣點係抵食夾大件，七十五蚊，五、六個人食，都夠分，平均每人十蚊多啲啲。涼粉面真係放咗爆多生果，有西瓜、哈蜜瓜、密瓜、香蕉、水蜜桃、海底椰、蘆薈、奇異果、大樹菠蘿，你話誇唔誇？？仲有半碗花奶伴上，方便大家不同的需要。

元朗B仔涼粉咁出名，行過元朗一定要試下。今次就嚟咗佳記甜品嘅新鋪。一入到舖頭，自己搵咗個位坐低，地方唔算乾淨，見到有啲食物殘渣喺地下。只係下晝4點幾，佳記甜品就已經坐滿人咁滯，門庭若市，睇嚟今次應該無嚟錯。菠蘿涼粉：好足料！！菠蘿裝到滿瀉咁滯，菠蘿好甜，唔酸，係呢一個菠蘿唔當造嘅季節，仍然可以食到咁嘅品質嘅水果係相當難得。附送嘅一碗花奶令到涼粉變得更滑，基本上唔洗點咬就可以吞落喉嚨。值得一讚嘅係涼粉唔會話落咗好多糖水，甜度適中。總括嚟講，呢碗涼粉係符合水準。芒果西米露：我朋友叫嘅，食咗一啖，椰汁味香濃，西米露粒粒分明，唔錯唔錯。蒜蓉香辣雞翼尖：聽朋友話呢度嘅雞翼尖好出名先至叫嘅。$16蚊咁大碟都算抵食。但係呢碟嘢嘅味道真係唔多掂。「蒜蓉」，雖然見到有好多蒜蓉，但係食唔出有蒜蓉味，所有蒜蓉味都比辣味掩蓋晒。「香辣」，一定夠晒辣，但係淨係食到辣味，冇乜底味好似咸味咁樣。雞翼尖煲得太腍，令到雞翼尖肉質偏霉，而雞皮亦唔嫩滑。總括而言，呢碟雞翼尖絕對係低於正常水準，得個辣字。

最近的周六日活動都好健康，今次就行呢排好hit的大峽谷！住港島區的我，晨甘早就出發了！因為入屯門真的需要一些時間呀！當天的大峽谷都有很多行山人士！就連小學生活動都揀在大峽谷！？但不得不說，大峽谷的山形並不適合小學生郊遊，因為太危險了。行完山，去到元朗，又點會不食「B仔」雞翼尖！試過一次之後，真是對它念念不忘！蒜蓉香辣雞翼尖 HKD 16.00就是這個了！就是這個名物！今次再食，完全沒有令我失望！保持水準！夠辣又夠入味，最重要是上檯時還是冒煙的！雞翼尖最主要吃的是那一層入味的皮！他們把雞翼尖煮得好稔，雞皮入口即化！滿口都是骨膠原的膠質！超級值得推薦的！美味魚蛋（8粒） HKD 8.00魚蛋是小小的小魚蛋，味道很好又夠辣，魚蛋雖然夠彈牙，但是比較實，我喜歡偏軟稔的。豬皮 HKD 16.00第一次食到這家的豬皮，原來也真的很不錯！豬皮煮得也很稔，入口又滿口醬汁，惹味！爽滑腸粉（四條） HKD 8.00原來腸粉也好好味！可能是我個人喜歡辣醬，見到他們有加辣醬就忍不住要讚了！腸粉很滑，配上辣醬跟醬油吃就好好味了！雖然吃了這麼多食物，仍是不夠飽，可能是行完山就想大吃四方吧！所以，我們又開始了下一場

B仔涼粉細細個就成日食，而家去食，依舊咁正！叫左西瓜涼粉，西瓜大大粒，涼粉爽口夠凍，糖水好夠甜，岩哂我無糖不歡既人另外亦加左個辣雞翼尖，我想講呢個辣味係會上引既，辣到我個嘴紅哂我都要繼續食...因為個味鹹中帶辣，又有蒜香，好岩送甜品!!真係咁多年都冇咩點變（包括價錢）!

💙💚❤️TVB個B呀，B仔個仔呀!第一次食B仔超興奮！本身我諗住B仔係一間好細間嘅糖水舖，但係估唔到一入到去都幾大間有好多同事嘅鋪頭。一坐低我已經心有所屬，就係食B仔涼粉同雞翼尖，一定走唔甩架啦！因為未試過好想試吓😛😛😛因為友人唔食涼粉， 所以我冇叫到B仔因為太大碗，我叫左蜜瓜涼粉＄28再加雞翼尖＄16。我兩份一到我已經覺得個份量好多喎， ＄28果然係比足料，問掛到好似最近返嚟我真係超鍾意！另外雞亦尖，有蒜蓉同辣辣地真係幾開胃嘅前菜！今次大發現見到有這雞中亦係入面！I'm so lucky ✌🏻️👐🏻,真係想買一打返屋企做外賣但係屋企人唔食辣所以最後都無買😛我係九龍人所以去到天水圍我覺得自己要買手信返屋企😂😂再去元朗嘅話我一定會去B仔。

講明先 個好評係俾翼尖 而唔係甜品佳記都可以話係元朗名物之一大到痴線既b仔涼粉其實話好好食又唔係 不過b仔都係岀名扺食生果好多 有西瓜 哈蜜瓜 密瓜 香蕉 水蜜桃等等重有椰果 蘆薈 同海底椰榴連布丁 呢個可以唔洗叫無乜榴連味 同埋舊榴連肉好苦翼尖 一字正有蒜香 辣辣地 好開胃真係一個人食幾碟都得

好耐冇食B仔涼粉，去到元朗，冇理由唔食啫！B仔涼粉大大份，涼粉面鋪滿不同的生果，有蜜瓜/西瓜/椰果/蘆薈/奇異果/大樹菠蘿/罐頭桃等.......，簡直like 爆不過唔知點解，款款生果都好甜；好似浸過糖水咁涼粉又切得好大粒，現在的B仔涼粉，同幾年前比，差了

轉眼又一年，又到了我們朋友間一年一度的盛事了，就是到朋友家吃「朱古力火鍋」！人漸大，則愈來愈懶！屋主本想我們買新鮮生果回來再切，但...對於我們這些懶人來說...未免真的是想太多了！最後我們很聰明的，走到B仔買了一個「B仔生果盤」！雖然外表看似是B仔涼粉，但這個生果盤是沒有涼粉的，滿滿一盤全部都是生果！生果種類非常多，也算新鮮，而且每樣生果也切得細細份，非常適合作朱古力火鍋配料！看我們的最終成品，是不是很吸引？另外有一點要注意的，將生果沾朱古力醬前，最好先用廚房紙印一印，要不然朱古力遇水後便會很快凝結，那就浪費整鍋朱古力醬了！

難得黎元朗 又點去吾食番個B仔必食蒜蓉辣椒雞翼尖👍🏻利伸吾算食得辣 微微都可接受本身食第一件都感覺良好🙂去到第二三件開始黎料 即刻買枝冰水解決🙊💦但好犯賤既係好辣但忍吾住好想食結果一路食一路伸利抖氣不過下次我再荔園我都一定要食架個蒜辣汁實在太令人回味P.s 落單個姨姨無咩禮貌 呼呼喝喝吾想做禁

脹卜卜既芒果班pancake真係令人想咬佢一口！比起滿記出品既芒果pancake，宜間既芒果pancake冇咁色澤冇咁黃！但反而我加喜歡，因為冇似色澤較自然，唔擔心會加左色素！值的一讚係芒果肉同cream既比例各估一半，唔會cream多過芒果！入口軟滑，芒果味突出，非常好食！