佳記甜品

营业中

休息中

d阿姐好巴之閉，又惡，有次我見到明明自己落錯單仲同d客人爭辯，好得人驚......有個阿姐長頭髮的，成日面黑黑，當d客人係仇人咁, 服務好差，你落單，佢當睇你唔到......都唔係做生意ga(情況發生在人少的時段)d價錢又貴，糖水又麻麻，腐竹白果糖水有半碗渣，以後唔使旨意我再去~~~~去完都想xyz@#$%^%#$^$^#@!

我係元朗人,以前我都好鍾意去b仔記食野ga,一班人坐下傾下計咁...但係佢就做下做下做到而家咁....大家都有眼見啦~竟然唔好ge仲多...我真唔明佢點解會做得咁耐.....佢ge野食...唔掂啦~都唔新鮮ge~有時仲係酸ga tim~價錢都唔係好抵~d阿姐仲巴閉過你咁~都唔明星期六,日晚都仲要有咁多人等住食~如果要特登入黎就唔好啦~皆因佢真係一d都唔值~

我以前有時都會跟阿爸去o下食啦, 不過次次d阿姐都會o係你坐落3秒後立即用無tone 的語氣問你:要咩? 大佬!睇o下先都得掛!? 見你未叫又係o甘棟o係你左右, 荒死你唔幫襯lor!仲有, 佢d ice cream 好難食, 又鞋又怪味!仲cheap 過xx 公司! 自從食過泛后就一定唔會再去lor!所以大家千萬唔好山長水遠waste $ 同時間入去食呀!

一直都很渴望食B仔涼粉，以為有什麼特別之處，今次終於有機會去好好品嚐一下了！去到後，覺得環境不是太好，在個大坑渠隔離，但都唔緊要了，至要好食就得呢！點之B仔涼粉一黎到，原來只是大堆頭，一大堆生果放在一大碗涼粉上面，再加些糖水，咁就叫B仔涼粉，味道唔駛講都知道係咩味呢！咁就40幾50蚊，一D都唔抵，仲好失望添！

講真，B仔(佳記)涼粉真係差唔多食o左十年(冇10年7,8年都一定有)。如果話唔好，就唔會食咁耐啦；如果唔好，就唔會永遠都咁多人啦。不過，如果話好好，就要睇你點睇喇。甜品哩d o野，依家通街都有人做，特色就好難先會有(因為有新o野都會俾人抄)。如果以為超級特別，要特意來，就可能會失望。但行開行埋食番次又次次都滿足到我。以我個人唻講，我鍾意B仔的魚蛋同腸粉多過佢d 甜品。次次去到都20蚊甜品+20蚊魚蛋腸粉。正！服務唔係高中餐廳果d，但唔會話差囉，環境就悄悄差o左少少。PS. To KC 如果我冇記錯，佢d醬本來就係落o係邊邊。

初四新春行大運﹝二﹞年初四的下晝在元朗，探完朋友是5 時許，口痕痕想食甜品，行左行右都無間似心水，不期然又來了這裡。而家呢度開到好大，檯是擺滿行人道同左右的舖位，更是坐滿客人，以一間賣甜品的舖頭來說，有此陣容都米話唔犀利﹝之後睇番食評，至知原來有幾多朋友都去過這裡，難怪咁多人啦﹞。因為晚上決定去吃韓烤，所以唔想食得太飽，只叫了蘆薈布甸同腸粉督算，又係因為人多，所以普通如腸粉都要等左一陣至有得食。蘆薈布甸是芒果布甸做底加上粒粒蘆薈，雖說不上特別，而20蚊亦有點貴，但味道都算不錯，起碼芒果都甜；一碟腸粉5蚊，都算蒸得透。四色醬加芝麻，沒有難吃的道理。難得的是落單時吩咐醬要落埋一邊，來的時候又真的做到。生意好，幾位阿姐忙得團團轉，又唔係好覺佢地服務唔好。又真係好多人食B仔涼粉，見佢出完又出，外賣又有堂食又有，就我地坐低果段時間都有過十個。埋單25蚊，唔算太貴啦！呢間舖頭劣評及喊面很多，但我食過咁多次，都唔覺有咩問題。當然專誠來吃是不必，更沒有任何神奇特別之處。但入開來，我諗我還是會再吃的。題外話：忽發奇想，如果主事人要追究番D 喊面食評，嘩！真係唔得掂囉！好在呢個世界上，唔講道理的人都不算很

早排因為有朋自九龍來, 話未食過B仔, 唔通帶D九龍香港FRIENDS燒完食買完老婆餅去食許留生咩,又去幫襯下希望有改進啦, 結果又係句, "元朗屯門人一定唔食B仔涼粉"!去呢到都冇話對SERVICE 或者ENVIRONMENT 有乜要求, 求其D好食都算. (因工作需要,經常D同事都買50几蚊一盤B仔涼粉外賣作宵夜,涼粉轉乜西米、粉圓等都試過,次次都好甜). 今次專登叫個'少甜'B仔涼粉都係咁甜,甜到要飲水, 其實佢D罐頭生果本食己經係甜,仲要加D糖水係底遮住D酸既忙果同唔甜既西瓜蜜瓜, 點頂! 50几蚊可以去X佳買好多新鮮生果,D生果唔靚都可以賣第二樣, 駛唔駛咁樣做生意呀!至於其他糖水甜品就普普通通, 勝在款多, 價錢都貴D, 不過'多人買去貨快, 食唔怕肚痛LAW....'

昨晚0係度食甜品,十點幾到,人已經多到坐哂出行人路,可能星期六晚的關係啦.但地方雖少,店主算醒目,擺定好多,人多就拍多幾張,所以再多人都有位坐.我地一行14人共坐0左3張圓,叫0左2個b仔涼粉,2個芒果涼粉,一個蜜瓜涼粉,一個榴槤布甸,一個芒果布甸,一個芒果糯米卷,一個芒果西米露,仲有熱0既綠豆沙湯丸同楊枝甘露.b仔涼粉的確好大盤,好多水果,水果新鮮,涼粉好爽口彈牙,難怪佢要賣到50几蚊一盤,賺到笑...榴槤布甸好食,榴槤味夠,同cream味好夾,好食~芒果0個款更不在話下~芒果涼粉上面0既芒果冰冰係我至愛~夏天食一流,但琴晚咁涼就差少少,食完好凍...芒果糯米卷我冇試到,芒果西米露普通少少,而熱0既綠豆沙都係一般,湯丸只係利川貨式,冇咩特別.楊枝甘露都好食0既,但同外面食的冇咩分別.呢度食甜品款式算多,份量齊夠,主打0個几款食品有水準,其他食品都ok,要打理咁多生意,品質keep 到咁都算ok,而且落單準,少出錯,上甜品又快,抵佢賺0既~

平時去到想食綠豆沙，一看個menu....每樣糖水加了2元，由10 加到12蚊一碗，我碗綠豆沙除了唔夠熱之外，海帶也極少，加上好甜，食不到應有的味道，而我朋友的芋頭西米+紅豆就…的芋頭重大舊個一曲奇咁大，今她食得好失儀，而且太過甜…唔得！連普通之糖水也咁差…大家咪去，其實元朗無好食的糖水店，如果同治堂在元朗開就好了…

芒果西米撈... 芒果超酸, 一點芒果味都沒有, 汁都是"淡荗荗" ! 我吃了不到半碗就投降... \－＿－/ 還有環境不好and Service 奇差! 我不明白為什麼會有人特登出來吃~! 根本不值~!

在千の寿前,肚子餓了..去b 仔涼粉買魚旦腸粉雞翼尖吃..肚餓吃甚麼很好吃, 特別是雞翼尖, 惹味十分, 即使在車上吃,我和友人們也很enjoy, 不過記住...先買飲品.否則辣死無命賠啊.

我開頭都以為B 仔既甜品真係咁正...但試過之後覺得不外如是....真係唔值得大家山長水遠走去試~!

我本身住天水圍既,都會去下元朗食B仔,但佢d阿姐就串到爆,個個黑面神咁,係d外籍庸工好少少!講返食物,我以前好鍾意食B仔系列既,因為覺得全部都係新鮮生果,好正,但依家就一d都唔好食,我依家去親都係叫魚蛋,佢既魚蛋好好食,連我平時唔食魚蛋既人都話好食,都真係唔錯!其次就係佢既芒果糯米卷,不過d芒果都唔係時時甜架,我食咁多次,都有八成係甜既!另外,都好鍾意佢既紅豆糕,好好食!最後,價錢方面,都唔係平架喎,成五十幾蚊一個B仔系列,一個字,貴!

服務態度超差, 當顧客唔係人,地方迫(晚上時間),而且都唔平,小吃就OK 啦

我自己係住元朗o既*我成日放學又經過..行街都有時會經過,,都會見到間野好多人!但我真係唔明點解會咁多人o係o個度食囉..有ｄ人仲有特登出黎元朗食Ｂ仔,,但我覺得冇乜咁o係必要囉!ｄ野唔係真係咁好食..ｄ生果好酸架～係ｄ腸粉魚蛋先好味少少架咋!ｄ服務態度唔係咁好..我個fｄ個阿媽係呢間野個老板娘黎架～好有錢架!ｓo ..我相信呢間野１日都賺唔少囉*