佳記甜品

营业中

休息中

我都係元朗人，曾經都係佢地ge常客，不過佢地果D暴發咀臉(尤其大渠總店收錢果位阿婆)，加上我有同事親眼見到佢地將D涼粉""循環再用""(讀者心領神會啦) 令我不再幫襯。

"大大兜但未見特別"真係好大兜﹐我唸5-6個人都夠。。。我就覺得麻麻地囉﹐都係prefer許留山果種多D。我去果日係星期六中午﹐服務未至於太差。不過問D阿姐會唔會抄牌﹐佢叫我自己睇實。。。幫下手都得卦。。。。。。。。。。。。。。香蕉+涼粉我覺得好奇怪。。。!

十幾人要了3兜B仔涼粉、西米露、杏仁豆腐，加士多啤利糯米卷，榴漣pancake，芒果黑糯米（其實係紫米）。。。B仔類就好大兜，多水果，但無乜話特別好食。對住條臭河坐係街邊，其實環境都幾差。。。。

今日去開元朗, 試下呢間出名的甜品店B仔涼粉原來成五十幾元, 太貴了..叫了個蜜瓜涼粉, 好大碗, 蜜瓜幾爽甜, 涼粉ok...$16, 算唔錯啦!!

呢間野既(B 仔涼粉)五十幾蚊兜,但唔凍又冇加冰加雪,都唔知有咩好食?而且員工服務態度又差,仲將檯凳擺哂成條街阻住居民出入,好似冇皇管咁。金輝徑果邊晚晚俾有關政府部門掃蕩,但唔知點解係佢由裕榮徑,擴展擺到去金輝徑都好,食環署同警察都冇人理咁?!唔通同傳聞已久傳說有關???多年前已經聽區內好多人講過,不論黑白朋友都透露過,警察中更收工十一點零,及返夜之前都會成日幫襯佢,所以呢間野好多時都會,暗中向有關部門人員打折扣。所以呢間野無論星期一至日都好,佢鍾意擺檯凳去到邊都得,更加唔會有人理,就算係要大洗太平地都好,有關部門人員,都會事先前往向店主告密,所以每次金輝徑大掃蕩都好,發告票同影相都冇佢份。以往,本人亦多次各食環署,向此店作出投訴,但次次接聽職員都諸多藉口推搪,永遠都唔會口頭接受本人阻街之投訴。所以...本人已經向區議會、立法局議員及元朗警署投訴,本人並會每晚監察阻街情況,如有再擴展檯凳街外,本人將立即致電報案中心投訴, 絕對唔會希望傳聞中不公的事,繼續發生下去。各受過呢間甜品店氣既食客,如果您地有人支持我既做法既話,請post食評並且希望文字上支持本人...謝謝!

好耐都無泥過呢度食甜品喇..當晚好多人呀..2個人叫左:芒果黑珍珠,d芒果好大粒丫...雪糕西米露,曲奇碎朱古力味,配塔新奇,椰汁底+大大粒西米,出奇地滿足到我丫...好大碗ga~芒果班戟(3件)分量好大件,芒果好厚,好多cream,好正丫..食左2件好飽肚!最後買左盒榴槤燸米x打包走,可以比呀媽試試!~當晚好多人都叫左B仔涼粉,分量好大丫,5,6個人share食都得丫..都係$53 ja!!4野甜品埋單$89...好飽好滿足!!

著名o既B 仔涼粉,其實唔係特別正,只係一味大堆頭.o係一個仍然非常熱的秋天下午,叫個西瓜涼粉.涼粉擺底,中間放左波形西瓜肉,加入西瓜汁,最後舖上一大堆西瓜沙冰,食落透心涼.但其實除左分量較大之外,同"許x山"等分別不大.

比起其他地方ＧE 甜品。Ｂ仔真係足料ｄ..不過果Ｄ咁ｇe服務態度真係想佢死．叫完都唔想食．元朗仲有好多好gｅ甜品店．又平又好態度‵Ｄ食物都幾好。真係唔好食ｂ仔。

上星期同朋友去完田中，跟住過黎食甜品。我叫了鮮什果黑珍珠($25)，原來仲有什果黑珍珠供應，不過我唔想食罐頭什果，所以揀了鮮什果黑珍珠。雖然叫鮮什果，其實只有芒果及士多啤梨，不過此兩種生果都係我最喜愛生果，啱啱好，份量都好大，最後當然食唔唒啦! 至於服務真係麻麻，洗手間只有一格，仲係男女共用添!

很多食舖原本水準相當高，但當出名後知名度高多人幫趁時，定必有唔憂做的心態，水準往往下降，服務奇差，這個好像是不變的定律，B仔涼粉又一例証。價錢貴、食物一般，服務差。招牌貨B仔涼粉價格就相當高，之唔係涼粉加罐頭什果囉。其他便是一些行貨無特別，最慘係重要比人呼呼喝喝，食到趕頭趕命！坐得又唔舒服！又何必山長水遠去受罪呢！

又話點出名, 又話點勁山長水遠走入元朗, 食完勁飽日本野之後就話去食甜品去到之後, 好多人喎, 諗住應該好食啦點知一0黎0的服務員勁串,坐低0左, 見0的野都唔平喎, 比同區食特貴,0的野0黎0左, 0車~~不外如是, 食完喇, 仲要俾0的阿姐"崔"埋單唉~~一肚氣呀~~

紅豆冰好唔掂，好淡、冇味。Ｂ仔涼粉好多糖水，不外如是。落單時個亞姐面無表情以為佢聽不到，再說一次時佢好無禮貌地啤您一下後說〝聽到喇〞，如果不是同朋友一齊，真係想即刻走。

d 紅豆沙唔夠沙!!!!!仲有d 水feel tim!!好唔掂!! 又有d 陳皮味, 好臭呀!! d 蓮子唔鬆化, d 百合又有d 怪味, >>> 我真係覺得唔好食lor!! <<<<

我最愛食鮮什果西米撈。叫外賣時D 亞姐亞叔勁無禮貌。奉勸各位不好山長水遠入黎食B仔，生果+糖水,度度都參唔多啦

佢"似"住自己出名呀~服務態度極差~我個次叫外賣又超耐~(元朗個間)d野又唔平~d野食都係麻麻呀~~唔係貪方便都唔去呀~見議你地真係唔好去呀~