佳記甜品

营业中

休息中

有時看到SOHO的食評，總會很羨慕：要是我也在附近住/返工就好了!　不過，其實住元朗也不錯，因為附近也實在有很多食肆，當中還不乏著名的食店，如佳記(B仔)。雖然B仔不是我的糖水首選，不過偶爾也會來，如吃完Riviera甜品未心足的夜。　入座人數由四人減至三人，點的食物卻不少：B仔船($30)-好處是悅目而且份量足，還附一球雪糕。味道嘛，明知用是的罐頭生果，都不會失望的楊枝甘露芝士脆餅($28兩件)-B仔自出了B仔涼粉，也有研究出其他新品，這款便是，當然都不似B仔涼粉出名。芝士味不濃，可取是消化餅底好味。貪新鮮可一試。魚蛋、蘿蔔、腸粉($15)-明明吃飽了，怎麼竟會點了這一大堆頭?無他，B仔的腸粉是幾好食的，不過是夜的辣魚蛋有點辣過頭，估不到!　捧著肚子離開。看到日大的胃腩，又是時間計劃一下如何減肥了...

因為間野係學校附近﹏因此都算成日食既﹏﹏﹏人唔係多啦lunch時間﹏d侍應態度十分差囉...!!!去到記住嗌雞翼尖﹏雖然我未食過...(唔食得辣)但我d fd去到都一定嗌佢﹏佢地話十分十分好味!!!10蚊都ok~其他個d我就覺得唔抵囉﹏雖然都好多野簡﹏...係呀係呀﹏聽講d野呢﹏唔係好光淨!!!其實我都有少少覺﹏﹏!!!

又到元朗, 當然必要到b仔食一轉是次點了冰花燉蛋, $12一碗十分便宜, 但可惜一吃便知道這一客燉蛋不是即日製, 好像雪了好幾天一般的, 硬硬地, 面層雪得有如一個雙皮奶一樣, 顏色充足, 但蛋味很淡, 完全不像一客燉蛋, 不合格……環境依舊是坐在污漕冷巷內, 食物已經退步了, 所以平, 不等於好

所謂既B仔涼粉,大部份都係罐頭水果,一味大堆頭, 味道只是一般.

b仔平時開到2:00a.m.所以大時大節,,eg. x"mas既夜晚會有好多人玩完黎食,,,住係天水圍既我平時都會黎食下既..b仔涼粉($5x)..係就係好大盆...,不過全部都係罐頭生果..其實唔值得喊!!只係普通貨色囉..我覺得反而最好食係雞翼尖($10碟),,辣辣地咁..次次去都必喊,,,;而魚旦腸粉都幾好嫁,,,魚旦幾好食!好多人都會喊黎食既,,小女子以前會喊士多啤梨涼粉黎食..貪佢strawberry夠多丫ma...e+胃口細左會食碗喳咋($10)..熱既比凍既好食...唔知係咪因為呢排天氣凍所以覺得好食d呢?!!..前幾日見男朋友喊碗mango河粉($3x)..因為我唔食得mango啦...所以只係試左d河粉...甜甜地..好滑...真係吾同出面果d河粉...我覺得幾好食嫁...=]可以一試服務就冇咩嫁la...衛生環境可以接受啦

很久很久以前吃過一次, 一天, 女朋友想到元朗走走, 順道經過就當然想試!我們叫了一個B仔杏仁豆腐, 因為我們喜歡杏仁豆腐過涼粉。一樣都是杏仁豆腐上舖滿生果, 的確很多, 有西瓜, 蜜瓜, 木瓜, 椰果, 香蕉, 大樹菠蘿等等, 有些我也不知道是什麼生果來的!!甜是甜, 但感覺上似是浸過糖水的甜, 不是清甜。豆腐軟硬適中, 一般來說杏仁豆腐相對較硬, 但不會太「死實實」!這裡的裝潢一般, 服務員的態度更是「麻麻」,坦白說, 若不是經過元朗, 也不用刻意去朝聖啊!

都有成7-8年冇食佳記了。以前係附近返工，好多時都會來咦度宵夜，因為人多，多數都係叫b仔涼粉/西米露，都好好食。環境係冇啦，不過d野好食，都唔錯。過左咁耐，佢地d甜品多左好多款，不過環境仍然係....唉。我以前食開d燉奶，燉蛋，今次重回舊地，緊唔少佢。叫左薑汁燉奶，熱既，好重薑汁味，正!當然唔好希望佢俾真既鮮奶同你整個甜品，$10咋，不過真係好食。仲有個芒果腸粉($28)，咦!唔錯喎，個粉皮唔會硬，好似真既腸粉一樣，d芒果緊係甜啦。下次得閒專登來食佢個b仔涼粉，又係好耐冇食既回憶，不過真係要好餓好餓先好食，否則真係食唔曬。

這次專誠包車入元朗作大旅行,聽聞有檔好出位甜品,所以當日大棚人冒雨都要試一試佢,點知原來雜果涼粉係用「罐頭雜果」,浸左N年ge超甜雜果,真係無咩胃口!反而淨食涼粉仲好味!好采無罐頭西瓜,所以其他野都OK 啦!至於服務亦算幾好,特別幫我地整張超長餐桌!

無可否認，佳記係元朗最出名既糖水鋪，論名氣，拍得住滿記，論食物種類，相信全香港所以糖水鋪黎講，佳記絕對係最多款式最多種類可以選擇。不過正如其他人所講，服務就真係麻麻啦，基本上叫一次就有人黎寫野已經好好運，有時住成五分鐘就未必有人落單，特別係坐樓上，簡單黎講，都係唔夠人啦。另一個問題就係水果，全用罐頭水果而唔係新鮮水果，如果無記錯，好耐好耐之前係用新解水果架~(當然年齡細，唔係好肯定啦~)以往去糖水鋪，都係食甜品糖水為主，不過我去佳記，通常都唔係為左佢既糖水，重點係會叫1) 雞翼尖2) 豬皮蘿蔔3) 腸粉魚旦，雞翼尖絕對係好食！一流，介紹過比好多人食，個個都話好食。豬皮通常都幾入味，蘿蔔就一時時啦，都要睇下個日多唔多人，如果閒日d 蘿蔔都會夠"淋"同味，如果假日多人既話，d 蘿蔔可以整得唔夠耐而絛咁好味。腸粉魚旦勁多醬，唔似其他地方叫佢落多d 都肯咁。其實整體而言，都算唔錯。

上兩個星期六晚成班人食完飯去佐舊B仔食糖水, 我同流沙包叫佐個B仔船, 有香蕉, 西瓜, 哈蜜瓜, 大樹菠蘿, 椰果, 桃, 同埋雪糕球. 無咩特別, 出面既糖水越黎越出色, 變相B仔就已經無咩特別啦~ 以前都仲會聽講有人專登揸車入黎食B仔, 我諗而家應該唔會架啦? 比我有車我調番轉出松記好過~~

同老婆行完街就去B仔食甜品，上次同老婆o係又新街B仔食過，所以今次試總店。9點幾好多人，搭檯之下我地叫了:1. 薑汁燉奶- 好味呀!薑汁好香，奶又滑。2. 西瓜西米撈- 份量好多，d西瓜刨冰多到瀉，味道ok，因為西瓜都好難話唔好食既，食完好凍。最後打包左包翼尖返屋企，B仔翼尖太好味啦!! 服務唔講啦，因為好多人都罵過，心照了。

食完shanghai cusine,行左陣,再向甜品出發，都唔知點解今日可以咁多人，平日來架bor！本身諗住近近地去許留山ge，點知門口係勁多人囉！所以冇辦法之下就去左ｂ仔啦！點知去到都勁多人呀，上層同下面都坐滿人！差ｄ就冇位架啦，咁岩有人走！不過ｄ位好逼-_-|||要左個ｂ仔涼粉+芒果糯米卷。依然好大兜，我仲記得我第１次既時候係我小學果陣，爸爸帶我去食，果時３個人食一兜，完全食唔曬囉：）不過果時真係好開心，因為有爸爸，宜家，唔會再有了。罐頭生果預左架啦，算啦，佢都算多料，ｄ生果都幾"甜"，過得去，解到渴！：）因為我唔食芒果既關係，所以就冇食到芒果糯米卷，唔知道味道呀！服務真係麻麻，叫極都冇人serve...算啦!

昨午與親戚去了幫趁，叫了楊枝甘露、芒果西米露、芒果涼粉。後兩者都OK，有很多芒果，d涼粉都算爽，味道不太甜。但楊枝甘露就因為加了芒果醬，杰達達，很糊口。聽說現在有些罐頭芒果醬及芒果，不知佳記是否也用上了。但個人來講則喜歡深水步的松記楊枝甘露，無咁杰，有新鮮水果味！

16 August 2006 (Wed) - 甜品去完流浮山食海鮮，梗要黎呢度嘆甜品，反正黎開咁遠嘛！我同舊同事叫咗個鮮什果河粉share 食，見佢要$38蚊，應該會好大兜，所以share，另外個同事則叫咗個蜜瓜西米露，當然好普通，不過佢想食！至於我哋叫嗰個什果河粉，什果有Strawberry，mango，蜜瓜同火龍果，strawberry同mango都較酸，河粉真係唔知係咩黎，我哋食極都食唔出．．．好淡，冇味既，一定要溝埋啲芒果汁一齊食至好味，有啲似芝麻卷既質地咁，但係又唔係咁彈牙，諗咗好耐都估唔到係乜，放棄再諗啦～～只係一般，不過價錢算合理！最唔好既真係喺條臭河隔離，行過都臭到唔想食．．．

佳記我由佢開鋪幫襯到而家,但近年佢態度勁差我已經冇幫襯喇!佢最初係有賣豆腐花,但就係N年前事啦,如果果個侍應咁同我講...我實鏟到佢飛起都似,佢都係睇妳同妳男朋友斯文恰!佳記老闆都識我,如果我鏟佢伙記,包佢一定唔敢多聲氣仲好客氣添!不過點都好,佳記伙記係幫唔落,態度越越差的確係事實...鬼叫佢出名咩!吹脹~~~