佳記甜品

营业中

休息中

今天又要到元朗做Do野,見很久無幫親,走入去整返碗先.叫了西瓜大菜糕同腸粉加滷蛋.有小杯花奶跟西瓜大菜糕同上,任你加唔加,食大菜糕梗係要成杯花奶倒哂落去啦,但係D西瓜完全唔凍,D大菜糕味道偏淡,完全唔似一碗甜品.腸粉淨要豉油同花生醬,味道唔錯,腸粉吸哂D豉油同花生醬食落又滑又彈,隻滷蛋都幾入味,唔會太乾.呢兩樣o野反而食得過.但o黎呢度梗係食甜啦,但今次食鹹o野反而開心D.....

我間中都會食下呢間野，勝在多選擇，唔洗點諗去邊食~~而且佢d新甜品種類真係好多，比起上年多左三分一。不是好食就一dd啦~睇下你好唔好彩。我最鍾意就係同一兩個fd每人搵一款甜品再配一客雞翼尖，呢度d雞翼尖得dd辣，唔食得辣既人都可以食到，加上d汁好好咪，十蚊有好大碟，值得一試!仲有d腸粉好滑，醬料好多，d腸粉唔會黏埋一舊。不過建議少人唔好食b仔系列，一來份量多，二來又唔好食，加上而家越來越偷工減料，d野越來越少又唔新鮮!一般去開既人都唔會食。服務態度就有待改善了，d人成日都黑口黑面=.=

之前出街到夜晚,朋友話想食糖水,於是就去左B仔la有好多人食,所以等左一陣位,最慘係響條坑渠隔離,好臭,環境自然唔好,而且果個阿姐都唔理人,唔問佢都唔主動比位我地.之後終於坐低左,又叫極都冇人理,叫左好耐終於落單,我叫左碗西瓜西米露,d西米露係唔差既,不過d西瓜口感就怪怪地.總結:服務真係好差,食物一般,以後都唔會去.

對上一次入元朗已經係成年前既事，還記得當時是專程約朋友入來吃日本野。是次入元朗是另有目的，不過怎樣都好，入得元朗都一起要拜訪一下B仔涼粉。就整個B仔涼粉，$55，好大份。生果種類實在多，七彩繽紛，賣相十分吸引。生果有新鮮的，亦有罐頭的，反正就是大堆頭。西瓜、蜜瓜、木瓜、大樹菠蘿、桃、奇異果、龍眼等伴著涼粉，理應是一流的...可惜，糖漿太多了，涼粉全是甜味，而甜味更蓋過了生果的鮮味，十分浪費。同時，由於甜味太重，不吃幾口涼粉已覺得非常"漏"，令可口的糖水反而變成了負累。本想再吃其他，不過實在太漏了，下次入元朗再吃擺！

b仔實在太出名，所以有得入元朗梗係要試下啦點知個b仔涼粉要五十幾蚊，我見到人地叫食，係就係好大盤，但點解一定要焗人食咁大盤先，點解唔整細盤d但賣平d呢?最後我叫左一個b仔船，以為係b仔涼粉既細版，點知原來入面係雜果盤，一粒涼粉都冇，只得罐頭離果，再響上面加一pat雪糕。咁就盛惠$30，真係唔抵食。

食左B仔好多年雞亦尖無以前噤好食~B仔涼粉50幾蚊真係好唔抵D涼粉超少...好多生果我平時去會食MANGO西米撈~不過好大份次次都食唔晒~

放工後肚餓，去了B仔，點了魚旦和菠蘿黑珍珠，五蚊十粒魚旦，好美味，而用菠蘿做甜品比較少見，雖然只是罐頭菠蘿，黑珍珠與其他地方沒有分別。

聽人講元朗B仔好好食, 上星期專程駕車入去試下, 入到去見好多人, 好似真係好正咁, 找到位坐下來便叫左個招牌B仔涼汾, 一來到見到好大呀...好似好正咁...但一食入口立即後悔呀, D生果和涼汾是"暖"的, D生生果更是酸的, 旁邊條河又間唔中傳來震震異味, 直程想吐出來呀, 那天仲要有36度的高溫, 間直留多陣都想死, 果個招牌涼汾仲要收$55, 所以想提下大家去之前要三思呀...如果唔係就好似我咁連油錢都浪費呀...

我相信住係元朗大部份既人都唔會幫襯"佳記".呢間野出矖名好吋同好唔清潔,係d區外人先黎食...

繼之前食評承諾,我已向報章及有關政府機構,作出此食肆阻街及擅用花莆之投訴。其中最近一則投訴,在蘋果日報刊登如下↓蘋果日報2007年7月5日【要聞港聞】,最底下之港民版投訴專欄↓http://appledaily.atnext.com/template/apple/art_main.cfm?iss_id=20070705&sec_id=4104&subsec_id=2753&art_id=7287148

自己住元朗，食甜品就唔會去呢間!因為覺得呢間野都幾污糟。不過．．．呢度既小食真係要試下la~雞翼尖:夠辣，名香，又有少少甜甜地，試下你就會食上癮，想飲哂d汁佢，而且份量夠多。(最少$10)o加o厘魚蛋x腸粉:腸粉夠滑，醬又多，o加o厘魚蛋都辣辣地ga，係細細粒果種。(腸粉&魚蛋最少$5)

我平時一路都幫襯開腸粉,覺得佢魚蛋公價$1元兩粒,比起附近由細幫襯到大【肥仔記】平,因我上次幫襯【肥仔記】,魚蛋係$3元四粒,比一般其他都貴。上兩個星期我到教育路鋪,買過$7元腸粉+$5元魚蛋=共$12元,買外賣返屋企食。今日行過諗住買$7元腸粉+$5元魚蛋,但兩名外藉女員工,說腸粉只有$5元之【X 】倍數賣,即$10...$15...$20如此類推。我說上兩星期先買過,究竟係咪近來先改咁規矩?但兩個外藉女員工就話,一向都係咁喎!我見佢將腸粉拎出,但我就嬲嬲地即刻話唔要算啦!佳記真係莫非唔憂做,生意好成咁?$5元腸粉我唔夠食,$10元又嫌多過頭,點解係都要逼人食咁多呢?好多賣腸粉都係半條腸粉都有得計啦!好...既然佢唔憂做,我由今日開始,會努力為元朗街坊服務,寫信及打電話,去政府有關機構,投訴佢鋪外擴充擺賣,及將花莆擅改作私人收銀處,毀壞自然花草~

d人成日話b仔好食..食親糖水、甜品都諗起b仔...但係事實上b仔退化左好多..又多賓賓..我唔知關唔關佢事啦..但係食糖水..硬係覺得佢地整出尼好似唔多岩口味!! 個白果'負'竹糖水..白果5粒以下..數都數到..蕙米又係..得幾粒..'負'竹'火闌'哂..一片完整既都搵唔到!! 西米露可以唔凍既.. 腸粉又有陣唔知咩味..唔同其他既腸粉....服務態度其差...成日望望望..都唔知望乜!! 我同朋友都覺得食都寧願去食''泛後x品''...唔會再去b仔!!

黎親都唔會叫b仔涼粉食, 要食罐頭雜果既自己買罐番屋企食得la!值得食既係佢地既小食, 腸粉魚旦雞亦尖等等都好好味!糖水既話我最中意食佢既涼粉撈係生果沙冰舖晌涼粉上面,好大碗可以兩個人share!夏天食一流

以前不是住在元朗，都會心思思想吃B仔涼粉，後來搬來元朗後，突然覺得其實店鋪的所在位置其實在大坑旁，又點臭，不太乾淨，又不便宜，還有，他們的甜品又不是非常有特色的，只是一大盤涼粉送來，感覺有點特別而已。