佳記甜品

营业中

休息中

鮮雜果西米露-生果半凍半熱都唔知想點燉奶-唔夠滑反而腸粉仲好食過d糖水..d賓賓同港人伙計d服務態度唔多好..都唔敢叫佢行過黎幫我落單..成日都等等等等d生果同碗周圍放,唔多衛生雖然住得近,但都唔會去食野囉

之前知道b仔涼粉好出名，但唔知道係d咩今日初次見面，先知道先來係雜果涼粉.只係好大盆雜果甘解後來，朋友拍板叫左b仔紅豆西米露嗯.來到時真係好大碟四個人食都食左好耐但後來實在甜到頂唔順，叫左魚蛋食反而碟魚蛋仲好食過b仔西米今次試過就算了.要突登入去食就無謂啦~

來過多次，不明白為何這麼多喊面呢？如果怕近坑渠，建議大家坐２樓，環境不錯。最重要的是，炎炎夏日，冷氣足夠，哈！今次吃了──士多啤梨糯米卷（＄２８）：士多啤梨有點酸是意料中事，吃原味總比浸過糖水好吧。欣賞的是糯米卷依然保持水準，軟硬度和甜味都適中呢！腸粉（＄５／４條）：幼幼的夠滑，醬又夠多！三色冰（＄１５）：奇怪的配搭，又酸又甜！與其他甜品店比較，我覺得價錢好合理！憑不時推出的創意甜品，我感到這間店的誠意丫！

D侍應態度係超極差!!!

我差唔多次次去都係食mango撈,份量大,我次次都食唔晒~好甜...雖然有加糖水~但同朋友傾計,佢\真係一個幾好既選擇

元朗一日遊, 來到b仔涼粉, 見咁多人, 就試吓啦~叫了一碗b仔涼粉, 三個人share, 坐在店外, 等吓等吓, 聞到一股臭味, 應該是大坑渠飄過來的陣陣渠味啦, 心中有些後悔, 但見隔離的客人個個食得興高采烈, 真奇怪.....等咗成15分鐘, 涼粉到了, 臭味卻愈來愈強烈, 唔通係隔離枱的榴槤班戟?? 嘩......原來係店鋪旁爆屎渠, 有好多金黃漿糊流出來, 終於有兩枱客雞飛狗走, 包括我搬去遠一點的枱, 但依然好難受, 咩mood 都無晒......說回涼粉, 實在有7成的生果都係罐頭來的, 無fresh 的口感, 一味大堆頭, 太甜好難食, 仲要一手用紙巾掩鼻一邊食, 如果佢唔係55蚊咁貴我一早走了........如果佢唔係爆渠, 只係係條大坑渠旁食都唔掂啦, 點解仲有人去食呢???? 去食許留山好過~~~~~

好奇怪。好多年前已經冇興趣食B仔。有時陪friend嚟都只係叫五蚊腸粉食就算..今次都唔例外...味道依舊普通到極...

B仔涼粉喺大家心日中應該好出名，因為當我啲喺廿幾年前怕九七而移左民嘅親戚返嚟探我都話想去試吓!好啦!一部七人車兜哂佢哋入元朗!叫左B仔涼粉，豬皮，咖喱魚蛋，腸粉，榴蓮卷同芒果卷..我舅父食完腸粉之後覺得好懷念，於是叫多一碟落齊醬嘅，魚蛋就細粒左d，爭d唔記得仲叫左辣鷄亦尖..鷄亦尖係我最欣賞嘅，因為真係好入味，舅父們食唔到辣有d可惜，佢哋認為d食物好美味，因為外國食唔到，我白己就覺得d小食除左鷄亦尖外都普通，點都好啦!最緊要係俾到佢哋一餐開心嘅甜品，一家團聚嘛!講番B仔涼粉，其實呢樣食物真係唔錯，所以出名都幾有道理!d凉粉好滑，但最重要係d生果好豐富，有隻白色好似欖核型狀嘅野幾煙靭，不過唔知叫乜，印象中好似喺泰式餐廳d珍多冰見過,榴蓮卷同芒果卷都幾好食，似乎嚟B仔都係甜品為先，(鷄亦尖除外)^_^

好耐以前黎過一次, 今日去完尖鼻咀行左個鐘就搾車走黎試下!今次老公叫左個椰汁黑糯米, $11, 無咩特別, ok la! 我就叫左個蘆薈涼粉(行完好熱), $17, 又食凍野, 幾大碗下, 夠凍, ok la! 兩人無食下午, 就多叫了一個腸粉, $5/4條, 好多醬, 但我覺得唔夠熱! 仲有一個蘿蔔, $5, 夠熱, 不過唔夠腍! 隔離既女仔見我地叫聞到都叫左碟, 不過, 亞姐驚我地食唔哂, 叫我地叫住$5, 無同佢地講, 佢叫左$10, 黎到好大碟, 好在亞姐好人, 我又唔覺服務態度唔好, 野遲左黎都sorry 前sorry 後! 特登黎又唔駛, 不過, 如果你夏天熱辣辣, 剛巧經過, 叫一碟- B仔雜果涼粉, $5x, 又真係食到你滿足為止! 笑臉係俾亞姐既!PS 八卦..聽到隔離叫左個咩麥提莎xxx, 唔好食wor!

阿媽成日都話想食B仔涼粉，貪佢夠大堆頭，但一定要三個人或以上先食得晒。今次我地連午餐都係度食埋，所以叫左好多野，有：1.B仔杏仁豆腐(其實可以配涼粉、西米、大菜糕、紫米...我地揀咗杏仁豆腐因為冇咁飽，生果有好多，豆腐都OK，仲有花奶俾我哋)2.豬皮(好焾，味道唔錯）3.腸粉(都係咁，冇乜特別)4.咖喱魚蛋(幾辣，質感同旺角果啲差唔多)5.卥水雞翼和蛋(出奇地好味，個卥水汁應該係自製鮋 ，好香，雞翼好入味)6.芝士腸(一樣無論點煮都好食鮋 野，好難會唔好食)7.麥提莎紫米糍(幾有新意，個皮係朱古力，但略嫌太苦。裡面包住紫米，可能雪得太耐，有啲硬。最特別係中間果粒真係麥提莎。味道嚟講冇我想像中咁好)8.三色冰(唔係一般越南餐廳食到果啲，試過就知架喇)我哋呢次坐閣仔，所以基本上係冇人招呼，而且送食物嚟既都係菲傭?唔會幫你落單，所以係有啲麻煩。不過值得一讚係叫佢俾水我哋都好合作。一年嚟食三兩次都冇所謂，見到咁大碗甜品係會開心啲鮋 ，當係一種視覺享受啦！

只係一間得個名既糖水店，大所失望

終於去o左N咁遠的B仔涼粉度食la, d涼粉咁出名, 唔係唔食ar ma.但真係冇咩特別lor, 好多生果同好多涼粉lor, 重話咩首創wor, 我都做到la, 好大碗, 6個女仔share剛剛好, 如果有人o黎到唔知, 一人一碗就好笑la. 不過佢o個麥堤莎紫米糍搶番d分, 好特別, 係個小錫紙碗度, 有平時甜品o個d紫米, 上面有巧克力脆皮, 中間一粒麥堤莎, 好味ar~不過真係唔特別, 未至於要專程入o黎食.

D侍應態度係超極差!!!一叫D$10到既甜品...態度就完全變曬!!D甜品唔好食...罐頭野!!完全冇人黎收$!!衛生唔係幾好...好多汁係台面,冇人抹,(但係D人係好得閒~)簡直就係差!!

真係唔知呢間野點解咁出名!上次同個朋友去試一試!叫左一個6粒既芒果糯米磁!一啖咬落去覺得有d怪怪地!望下裡面舊芒果已經黑黑地咪叫人黎換左去囉!點知有個女人行埋黎同我講無得換,d芒果係咁家,再換都係一樣!佢地D芒果已經係全元朗最靚!無得換!我真係嬲到不得了!我叫佢取消左佢,對方話唔得!因為我地已經食左一粒啦!我地嘈左好耐好耐,而同行既朋友又善良所以叫佢計返一粒既價錢!但係個個女人仲好似死唔斷氣咁企係我地身邊係咁嘈!我問佢係咪負責人佢話唔係,但係佢同我嘈咁耐都無其他人行過埋黎,佢一定係負責人!只不過佢唔敢認即!黑店!今時今日咁既服務點得家!

以前確係幾好味，但近呢幾年都好少去食，因為D甜品唔係好得，不過D腸粉同滷水o野還可以。