佳記甜品

营业中

休息中

星期日到左著名既b仔涼粉食佢既招牌什果涼粉,嘩,好大碗,仲有好多生果,不過d生果甜得嚟好似浸過糖水,真係好甜,又有奇異果,又有椰果,又有荔枝,本來我都唔鍾意食生果,都忍唔住食左好多,佢地既涼粉都好滑,仲幾好食,夏天呢碗涼粉食左簡直係透心涼喇!另外仲有一d小食可以選擇,結果叫左個雞翼尖,個汁比較辣,但係味道都ok,雖然我地去到既時候無排隊,但係店內人數都幾多,都係一間幾受歡迎既甜品店!

嘩…超巨大B仔涼粉$55大''盆''到暈…真係up得出既生果都有，兩個人食完都幾難，勁飽！哈藍梅芝士脆脆餅$28無咩特別！

明明說了大家要食少d，但每次見面都總會食個不停。入到黎元朗，幾乎每次都不可不來B仔。今次當然要試下未食過而又個個都讚既雞翼尖啦，雖然之前已經係海皇食過腸粉，但都係忍唔住再叫多個$5腸粉。雞翼尖大大隻勁惹味，難怪次次黎都見到大半數既檯面都有一大堆雞骨啦。不過唔食得辣既就小心辣到狂流鼻水呀。至於腸粉，依舊無得頂，食完想再食。

2人叫了-辣魚旦$5 : 個辣汁唔好味-蒜蓉辣雞尖$10 : ok幾惹味-士多啤梨杏仁豆付$2x : ok, 有好多strawberry但不甜的-桂花馬蹄露$1x : ok不錯-紅酒提子芝士旦糕$29 : 味道一般. 同紅酒亦唔知有什麼關係 -西瓜汁$16 : 加糖加到離哂譜! 甜到飲唔一半放棄

呢間b仔涼粉好出名~~ 所以同bb同grandma一齊黎食, 因為grandma太飽~ 所以叫左個b仔船~~~~~~ 嘩...... 一黎到, 個size大到呢... =o= 上面有雪糕, 桃, 大樹菠蘿, 苟蒻, 香蕉, 西瓜同蜜瓜~~ 係冇涼粉ga!!個雪糕好正呀, 好好味, 好重奶味!!!!不過d生果多到呢... 好飽呀~~ 生果都係生果味, 冇乜特別, 下次應該多人d先食~我地叫侍應幫我同bb同grandma影左張相呢~~ 我grandma實好開心啦見到個孫有人要heheehee, 佢成晚幾hyper呀!不過呢度好多人講野, 好噪, 冇返咁大聲都唔好黎呀~ 電話都要行出街講先聽到架!!或者呢個係元朗既特色掛!! bb食得好飽, 希望佢覺得感覺新鮮啦!^^~

有Babies大讚此雞翼尖，剛好在附近吃晚飯，便來買雞翼尖加料！雞翼尖($10)，份量不少，應該有20隻，配上頗辣但惹味的汁，的確唔錯...但是，雞翼尖本身沒有味，只靠汁來提味又未免太Hea了...

對上一次黎食已經係幾年前既事喇今日叫左個B仔o堵喱+大菜榚D生果好唔夠凍呀唯一一讚既係大菜榚係食到蛋味架

個日食完飯買b仔大菜糕拎走要60蚊 勁貴 又加價 58蚊 再加2蚊外賣$ 返到屋企仲要發覺少左生果款 加價但材料少左 好過份

今日同左D朋友係元朗燒野食之後去食住記B仔涼粉.西瓜西米等等既甜品!!D人話佳記好好食,咁咪試下囉!點知甜品平平無奇,唔特別之餘...仲覺得好差!B仔涼粉既生果大部份都係罐頭生果,普通糖加水做個BASE汁都算,最普通既西瓜竟然係"叔"咁咪同個職員講囉,個職員話個西瓜今日開,無理由壞既,但係我地幾個試個真係有問題先出聲,成個西瓜西米無得食,好無奈,解釋之餘完全無幫我地換個既意思,覺得我地好似屈佢咁....好嬲.....咁唯有試其他啦.....味道唔特出得個甜....唔明點解咁出名....之後埋單個FD同個收銀講...個收銀無反應仲要啤住我個FD.....激死亡!!

食完大雞大既滑雞扒之後，去左半邊天食Dinner，但OpenRice冇半邊天既餐廳資料，所以唔做食評喇。食完半邊天之後，行左一陣，就去佳記食招牌既B仔涼粉。四個人食，平均每人$14.25，都抵食啦。個阿姐一捧盤涼粉黎，我地全台人即刻O左咀…嘩，呢兜究竟係果盤，定係涼粉黎？有椰果，西瓜，蜜瓜，香蕉，木瓜，蜜桃，荔枝，大樹菠蘿，奇異果同埋海底椰望落顏色係靚，但一D都唔好食。椰果：包裝貨色，食到好明顯既荔枝糖水味。西瓜：OK啦，可能我本身就西瓜冇乜研究/興趣。蜜瓜：一D都唔甜，好難食。香蕉：好甜，唔錯。木瓜：我冇食到，唔清楚。蜜桃：罐頭貨色，唔好味先奇。荔枝：應該都係罐頭貨，味道都唔錯。大樹菠蘿：得三舊，我地四個人唔夠分 都算幾甜，唔錯。奇異果：離哂譜，個奇異果生既，食落超爽口，酸到盲公都識開眼海底椰：唔知點解，食落有陣怪味，同涼粉根本九唔搭八。雖然真係幾抵食，但味道真係好差下但見佢D生果都排得算有心思，俾個OK佢啦。

一盒三件的芒果pancake.用叉拮開吃第一啖時,腦海立即浮現,'唉..又是那些多cream,少餡,皮厚的傢伙!'可是再吃多一啖,以上所形容的都要收回,原因是那芒果很大,很甜,很夠熟!!!cream不太多,芒果佔了全件的8/10,絶不覺肥膩!那個皮是較為遜色,因為味道淡淡的,不太薄...不過總括來說,如果雪得温度剛好,這是一件不錯的芒果pancake呢!!

元朗B仔甜品其實好內之前都有食過，可能次前物價無現在咁高，用既材料好d做出黎既甜品都好味d。但係上星期六(5月10日)去左食，個感覺覺得已經無之前咁好食，同又貴左雞翼其實都係老水味道唔好差所以係抵食，雞翼尖佢keep到水準，依然都係辣到飛起，實在野味，不過都係太油啦，要改善下。至於甜品本人覺得已經無之前咁好食同特別，今次就食左個芒果糯米卷成$29，都唔知點解要咁貴，芒果酸到爆又唔凍，出水既~唉....唔通靚芒果真係比許X山買曬???

估唔到濕地公園咁多野睇，好少接觸大自然既我當然唔想走，無奈佢5點就關門...只好依依不捨離開。因為朝早打波晏奏又行濕地公園，成身痴黏黏，我地竟然決定走去運動場沖一沖身。沖完再出返元朗既時間已經6點半。我開始肚仔餓，但朋友仔仲未，加上我又掛住B仔腸粉，所以一於黎呢度。要左腸粉同芒果pancake。腸粉極之滑溜，就好似平時d化妝廣告女主角既皮膚咁。可惜今次蒸既時間耐左少少，所以拮下都好易爛。其實我覺得呢度既腸粉同深水埗某店有得揮，之但係朋友仔就唔同意我..至於芒果pancake其實我初時麻麻想試，不過一上檯就非常誘人，每個都好飽滿。入面雖然多cream，不過芒果都係一大塊，唔會話食落好膩。假若芒果再香d甜d就perfect喇~另外，某個帥奶侍應服務勁差，朋友仔見佢拎腸粉過黎既時候已經伸拎走放係檯上既menu，佢竟然仲成碟扔過黎，剛剛好壓住menu!!明明佢係見到朋友仔，而且佢又唔係忙。真差勁!題外話，似乎而家D人黎B仔唔係食甜品，因為檯檯都一定叫腸粉/雞翼尖/魚蛋。

五月一日假期與太太由家裏出發，行山到元朗大棠。路經山中看到野生山稔菓已開始長出花蕾或綻開紫色的漂亮花朵，使我立即提起相機把它的美貌拍下來。到了元朗經已用去兩個多小時的氣力。故當時已很肚餓，便趕快去找東西吃。很快我們便到達元朗市中心佳記甜品，點些很快可以吃得的東西：1.魚蛋腸粉----汁醬很多及夠味，使到沒有特別的行貨齋腸變為美食。2.忙菓西米露----很新鮮。3.蓮子紅荳沙----平平無奇。4.士多啤梨菓汁----新鮮即炸，極濃士多啤梨味，好飲。

今晚朋友專登駕車去元朗B仔涼粉,嘩11點都坐滿人6人要了兩個B仔涼粉.......上面堆滿生果,見到好開心.點知,睇真...勁多是"罐頭生果", 包括波蘿,荔枝,椰果,水蜜桃..非罐頭的是蜜瓜,西瓜無味又"林",今時今日, 都幾難買到咁難食的生果結果係...6個人停晒口,仲食淨野...離開時,我特登望其他人食乜, 好多人係食腸粉,果汁......無人食佢既招牌B仔涼粉, 仲賣57 蚊碗, 真搵笨