佳記甜品

营业中

休息中

品貭差、服務态度更差、未試過有一間 食肆态度咁差的。。。令到客人未食已經咁唔開心。唔知'以為差佢钱，又或者係得罪咗'佢，無原無顾去話我，將上手客人既推在我身上，我来消費未食已經要受氣，你地做人係咁做咩……如果繼續係咁经型落去一定越来越差。

佳記甜品 俗稱b仔涼粉 講起元朗大家一定會提起呢個名 因為係元朗嘅一個特色同埋身為元朗人應該都有份回憶 所以今日同小學同學聚會真係揀咗你懷緬回憶嘅呢個地方啦 咁多年嚟嘅夜晚每日都會好多人 今日都唔例外 雖然唔洗等位 但係枱枱櫈櫈都係迫到密密麻麻 好好生意 今日突然想食擂沙湯圓$23 所以就嗌咗份 23蚊分量又六粒上面嘅芝麻椰絲糖 堆咗個小山丘 淋落湯圓到好煙靭又有脆卜卜嘅口感 芝麻餡流緊出嚟 好味係兒時嘅味道 傳統嘅糖水唔太貴都係二十幾蚊而生果糖水 就20至30蚊生果好新鮮大大舊 雖然好多人都話唔衛生但係近呢幾年已經改進咗好多都係會去食

放工食完晚飯就同朋友入咗元朗食糖水，一如以往地好多人...b仔雞翼尖成日黎食，有時唔夠辣，好彩今日食既好入味好食到停唔到...所以即刻叫左兩份雞翼尖雖然冇乜肉食，但係細味佢嘅汁已經好夠，有少少酸酸甜甜，仲有好輕微嘅酒味～另外，叫咗份B仔涼粉，涼粉好爽口，夏天食好清涼舒服，但係啲生果全部罐頭而且超級甜，食到好滯佢另外仲有好多唔同嘅小食同埋甜品，當中佢哋嘅果汁係最合我心水，因為唔會溝水溝到好希但係價錢來講就唔算平。

人人都話要入黎食B仔既雞翼尖，今日同朋友入到黎元朗，臨走之前去食糖水，試下個b仔既雞翼尖。食物價錢都合理，就算咁出名既雞翼尖都係$17一份咋。我揀咗個榴槤班戟，朋友揀咗個西瓜涼粉撈，另外叫$7舊芒果西米糕兩舊。點知榴槤班戟已經賣晒😞，無晒榴槤，所以我就轉咗食芒果糯米卷。朋友個西瓜涼粉撈好大份呀，大到好似掂一掂就冧咁，味道無乜特別，勝在大份夾抵食👍🏻我個芒果糯米卷都幾好味，皮軟芒果又甜👍🏻芒果西米糕都幾好食👍🏻雞翼尖一般般，不過係有蒜茸又辣幾惹味

每次入元朗都一定要食b仔，今次就係行完山黎食。招牌雞翼尖冇得輸！勁多蒜蓉，勁多辣椒，雞翼尖炆到超林，超香，好食到連啲蒜蓉都清埋，一粒都冇淨（辣椒就清唔到啦😂🙈）食完好似上左癮咁，好想再食多碟食完辣野又點少得食番啲凍野中和下，芒果西米撈，大大碗，又甜又冰涼，好似食緊芒果沙冰咁正。河粉都算滑，又係凍冰冰，本身冇咩味，撈埋芒果汁食就啱哂。不過環境真係唔掂，對住條大坑渠，衛生認真麻麻，又多人食坐得好逼。

夏日炎炎，去到元朗覓食，行到一頭大汗，熱到無哂胃口，本想吃過正餐，但實在太熱了，一於吃啲小吃當正餐。中午時份去到，很多人，要等位，但幸好的是二人很容易搭枱。芒果涼粉（$30）涼粉很爽滑冰涼，最適合大熱天時食用，芒果很甜很大舊，份量都很多，還附有花奶可自行添加。腸粉（$9）腸粉$9 有4條，腸粉比起一般坊間吃的比較幼身，大量芝麻加上豉油、甜醬、麻醬和辣醬。最重要是腸粉夠熱，很美味。豬皮蘿蔔（$34）豬皮很入味，而且很爽彈，值得推介。但蘿蔔則比較失色，有點硬和唔夠入味。

一講起元朗食乜，相信大家一定第1時間會諗起B仔涼粉，早已經系元朗享負盛名，後來更開左新舖，而舊舖都依然不減人氣，今次終於有機會黎潮聖。為何深夜總是餓食既時候已經系宵夜，店內既位置滿左，唯有坐出面既圓櫈，食番碗涼粉醫肚先，由於食涼粉前已經食左正餐，所以飽到麻麻地想食招牌B仔涼粉⋯食第2啲涼粉也不錯。食完得出一個結論就系發覺呢家好多出名既食店都系勝在份量夠多 ，但味道確實冇想像中咁好，叫左個蒟蒻涼粉，啲蒟蒻多到跌曬出黎😳不過話明涼粉又竟然系得少少凍，系囧既，同埋啲涼粉太碎喇，搞到冇乜咬口⋯ 另外叫戈個系水蜜桃涼粉，質素比蒟蒻涼粉好，不過又系吾系好凍，水蜜桃大大舊幾清甜，涼粉亦吾會好碎，吾明點解兩碗都系涼粉，一會系好碎一碗就吾系好碎？

入開元朗，第一時間就係諗到B仔涼粉， 好似入到去就要食到佢先有這意義甘因為佢嘅雞翼尖令人回味無窮！今次去開決定要去總店食下， 完全冇失望我同朋友兩個人叫咗好多小食， 有雞翼尖，腸粉，芝士腸，滷水雞翼！仲有叫咗一個甜品！腸粉好滑，啲醬汁好正完全唔會太過鹹！滷水雞翼好入味，而且勁大隻勁多肉！比起一般買嘅更加大隻， 所以點都要叫返一碟食下！芝士腸就普通，但如果鍾意食都可以叫黎試吓！最值得一提嘅就係雞翼尖，呢個係你到必食既！佢有蒜香味，辣得好過癮！一個人係可以食兩碟嘅，而且雞翼尖好大隻好多肉呢個西瓜西米撈， 超級超級好食， 有得飲又有得食仲有超多西瓜肉，仲要係好甜好好飲！食到最後可以當西米露咁食期待下次再去

我地只係為左個雞翼尖去食b仔 但個雞翼尖水準冇以前咁高 份量一般 今次食覺得唔夠辣 以前食係惹味好多 但依加唔辣蒜味都唔出 反面甜味就多左 可能唔係咁多人食到咁辣 但雞翼尖唔夠辣一凍左就唔好食 另外d雞毛仲痴哂係到 有幾條仲勁大條 完全冇哂食慾 希望下次b仔整個陣可以辣返d

十二點幾先收工，同事話想去飲杯野，我又想食d野，所以就唸起B 仔涼粉啦😜有甜有鹹有凍有熱，緊有一款啱😄已經不知第幾次加價了😭西瓜汁，夠凍不過肯定加咗糖水😓今次碟蘿蔔失敗咗，以前食好林又甜，但今次食有渣😩😩馳名雞亦尖，水準無變過，一樣又辣又惹味👍🏻腸粉，夠滑好食三個人食咗$118做宵夜，價錢可以接受啦😝

每次來到元朗，定必幫襯大馬路的「B 仔涼粉」，可能因為由細細個食到大大個，這就是我們的集體回憶。星期六晚帶同小女生駕到，要等了一會才有有坐位，地方的確較狹窄，但為了吃也沒所謂吧！我們當然點一個招牌「B仔 涼粉」，雖然只是水果加涼粉，但就是喜歡它的份量夠大，未吃也先興奮吧！基本上除了大樹菠蘿外，其他的生果我都很喜歡，生果也頗新鮮，還有涼粉和生果，再加上花奶，永遠都是最佳的配搭。口癢癢，還叫了雞翼尖和魚蛋，雞翼尖很辣，但很惹味，停不到口。喜歡這種實實的魚蛋，十分彈牙和有口感。

We all know what B jai is famous for. And this night, I came here with friends and ordered their signatures as late-night snacks: b jai Leung fun and wing tips.B jai Leung fun is humongous. I feel like we can never finish it no matter how many ppl we have. As expected, we could not finish it, such a waste of food. However, the quality of b jai Leung fun is just so-so. Fruits were not so fresh; some of them were quite sour. Maybe that was one of the reasons why we couldn't finish it: it was not g

B仔雞翼尖一向都好出名ge, 仲有魚蛋同涼粉, 有好多人都係因為鍾意食雞翼尖而幫襯!!! 每次夜晚去到都預左要排隊ar!!! 我地今晚當然都有食雞翼尖la, 好食程度係連唔食得辣ge 我都忍唔住會要食~~但唔知係唔係我錯覺la, 覺得佢地將雞翼尖整得愈來愈辣......但有涼粉配搭都尚可接受. 但都希望佢地可以維持返佢地之前既水準la!!! 雖然佢地食物ok, 但如果你係對食物同環境有要求既, 就未必啱你la~~

是日叫了一客芒果涼粉撈，一客芒果西米撈。證實到，此店又名B仔涼粉，是有原因的... 西米質地一pat pat, 不是一粒粒，有點似漿糊，口感很差，食剩很多西米，因為實在很難吃。以後都係叫番涼粉可靠些。

今晚突然想食雞翼尖，就諗起 元朗佳記甜品(B仔)，可能今日係星期五晚，故不用等候就可以內進西瓜汁，每次到來都會飲一杯，清甜涼快主角B仔雞翼尖，我 ge 摯愛，少少辣味，越食越想食咁多年，價錢唔係加得太多，通脹程度可接受