佳記甜品

营业中

休息中

星期六晚去左元朗，順便去左食b 仔涼粉，夜晚 9點幾黎到，門口已經好多人，即刻去左排隊，兩個人的話都仲有空位可以即刻坐底，不過我地三個人所以都排左一陣，五分鐘左右。用餐環境都還可以嘅，簡簡單單嘅佈局，而且點餐同上食物嘅速度好快。呢到一個must 點嘅就係雞翼尖 😚😎😎😎 ，我真係勁鐘意食，蒜蓉微辣味道十分突出，好味! 雖然一碟嘅份量唔少，但係好快唔覺唔覺就會食哂。另外，當然都有點糖水，優勢在於選擇多，基本上咩水果配搭嘅糖水都有，配涼粉、西米、黑珍珠等

六月十五日去了元朗探朋友，我說聼人家講這𥚃有間賣B仔涼粉的舖很有名、於是他帶我去一試，我們分別點了紅豆茜米露和芒果涼粉紅豆茜米露芒果涼粉紅豆茜米露賣相欠佳，紅豆有些不夠淋而且是一粒粒硬的芒果茜米露，最好吃還是上面的芒果，涼粉就不好吃。最后兩碗食品沒吃完就埋單走了！

好似每次到元朗都會去吃😂但每次可能去得太晏所以有一些甜品總係賣光有兩樣野我成日想吃芒果腸粉 ！真係好正！但好似只好彩地吃過一次🤦🏻‍♀️每次無芒果腸粉，我都會叫芒果河粉😂😂當住先啦～味道係吾差但芒果腸粉仲好食😭😭而第二樣一定係雞翼尖🤤🤤🤤🤤🤤真係超正啊呢個但係有點辣食吾到辣既人就注意一下啦！🤔🤔🤔每次來都係必點，相對係果出名既b仔涼粉雖然好大碗好抵食甘但味道個人覺得麻麻反而其他細細碗甜品仲好食🤤

好多年前b仔係元朗已經好出名，好多人渣車都要入去食，好多報導，我同朋友們都食過唔小次。小食係近年先比較多款式，吸引左我地再去，我最鐘意既係雞翼尖，辣辣地，又入味，好多朋友都話想再食，有朋友想學點整都整唔到，唔知用咩調味料既呢。多數會叫埋b仔涼粉幾個朋友食，生果多又有我最愛既耶果，其實都幾新鮮，食物都唔錯，但可能發展得快，成本高，質素好似差左小小，但仍然係聚舊好地方，希望b仔愈來愈好，整多d好味小食比大家。

今日我們同好朋友一日遊同食完晚飯之後，我們話想一齊食埋B仔涼粉先走，所以我們就去咗教育路大坑渠側嘅「佳記甜品」食甜品！我們叫咗芒果糯米卷嘅外皮沾滿椰絲，質感好煙韌軟綿，包著大大件嘅芒果肉，真係好正呀！B仔涼粉差唔多係每檯都必叫㗎，因同以前一樣都係咁大盆同都係用多款水果西瓜、哈蜜瓜、蜜瓜、木瓜、荔枝、龍眼、蜜桃、奇異果、香蕉、椰果、蘆薈等等等等⋯⋯堆砌而成，所以賣相非常色彩繽紛吸引，仲有最底層嘅就係涼粉，再加埋啲花奶，食落真係透心涼，最啱而家炎炎夏日嘅天氣食！芒果西米撈嘅表面除咗有啲芒果冰之外，仲有好大「嚿」嘅芒果肉！紅毛丹冰有好多粒香甜大大粒嘅紅毛丹，再加埋香濃嘅椰汁，味道相當夾！木瓜鮮奶嘅木瓜非常香甜，奶味超濃郁，而且有齒頰留香嘅感覺！芒果冰最初落單嗰陣唔知道芒果西米露表面都係有芒果冰，所以變咗好似有啲重複咗咁，但都係一樣好好味！

話說我一直都想食B仔好耐，聽好多人講喱間野都唔錯～所以我就同朋友一齊試下啦～～我叫咗配芒果河粉～河粉好多好彈牙！而且加埋芒果冰真心好食！芒果冰好甜仲要有大大隻芒果～夏天食真心好爽呀！之後我同朋友仲叫咗招牌必食嘅雞翼尖😛第一口食果然必食！好辣但好惹味！本身自己唔太食得辣但我都接受到個隻辣哦！之後仲叫咗一碟滷水雞翼！雞翼好入味好食！不過就$18一碟～同雞翼尖一樣價錢～～～整體我覺得都唔錯～店員都好有禮貌的，上菜時間都好快！會再幫襯

所有有少少名氣嘅店，好快就會退步， B仔都唔例外。同朋友喺元朗食完飯，就順便去食埋甜品，諗起好耐冇食B仔啦，就去食啦。今日係平日唔使等位，你都梗係要食雞翼尖啦。點知啲雞翼尖一嚟到就已經呆左，煮到勁淋，而且仲要冇味，以前食落去有香辣味，今次淨係食到水同鹹味。心血來潮想食凍嘅紅豆沙，但係紅豆沙嚟到我就唔覺得係紅豆沙，只係一碗紅豆湯。佢啲紅豆完全都冇煮溶，大大粒一粒一粒，加上又唔夠甜，口感真係好難頂。跟住到我朋友叫嘅西瓜涼粉，啲西瓜同涼粉都係唔凍架！ ！一嚟到啲冰其實已經溶晒，一食落去西瓜唔凍，仲要賣相爛爛地！咁兩份都係唔使講啦，又係唔凍。。完全冇食慾，最後三樣嘢都只係食咗少少就放棄！

之前都黎食過，其實b仔涼粉就係大型水果拼盤加涼粉，但而家d水果內容愈黎愈難食，有罐果蘆薈，海底椰都好難食。酸到爆的奇異果。唯有正常有哈蜜瓜同西瓜。夏天消暑食都ok,但寧願散叫三款好過叫兜咁大。

奶奶話好耐未去過元朗，一去到元朗已經指定話要食B 仔涼粉午飯都未食，所以係B 仔到叫埋，腸粉，魚蛋，燒賣，豬皮，蘿白，叫左一份辣，一份唔辣，豬皮，蘿蔔索晒辣汁，勁正，但比較辣。魚蛋有淡淡既陳皮味，燒賣腸粉都好好食我地另叫左一碗B仔涼粉，勁大兜，相當低食，我地四個都食唔晒，賣相好吸引，色彩繽紛，入面有椰果，大樹菠蘿，海底椰，香蕉，蜜瓜，哈蜜瓜，木瓜，奇異果，西瓜，香蕉，蘆薈，龍眼，荔枝，水蜜桃，生果底係涼粉，配埋花奶，凍冰冰，簡直消暑一流。

本人都不是生得高大，但樓上閣樓雅座頂頭侷促，仲要求搭檯，超細迷您圓檯，貼牆圓檯已無左 3 份 1 空間，仲要坐 5 個成年人！我即時黑面問：您試下坐唔坐到？肥嬸答剛才都係坐兩個。剛剛兩個身材細粒，都坐得免強又辛苦，您有無腦架？肥嬸話知您，攞出一臉食就坐唔食就過主態度，掉頭走左去。比面朋友我照坐，坐到離檯成呎！寄人籬下，我息事寧人，算數！剛食完晚飯仲要飲果汁食生果及小食，會唔會太過份呀！食兩啖又要我清晒去，我都好飽食唔晒喇，盡晒力最後剩返涼粉，埋單又 $100 蚊，浪費食物、浪費金錢！蜜瓜奶，人家想飲豐胸木瓜鮮奶，但連木瓜都無，勁失望。甜甜的蜜瓜幸好不太膩滯，算清爽的。西瓜汁，不愛甜食的我走到甜品屋果汁係唯一出路。西瓜味清爽不太甜也不錯，但一啖飲左大半剩返少少囉。鮮雜果涼粉，吃不消太大兜，除左份量超多外，完全唔覺有什麼特別，有什麼好食呢。我地兩個都食唔晒，好浪費。有火龍果、西瓜、哈蜜瓜、木瓜、芒果、蘆薈、波霸珍珠、涼粉，平平無其，單調乏味，唔識欣賞。美味魚蛋，陳皮古法魚蛋喎，有兒時的味道，有魚味及咸香，嚥韌質地，不過不失。蒜蓉香辣雞翼尖，遠近馳名，個個爭相仿效，連朋友們都知道秘方了。總店

去元朗玩活動，咁遠水路去到都會想吃B仔涼粉，這都算很有歷史的本地美食了，看過食評最近的評語都比較差，又話服務差，又話地方污糟，但都想探訪一下。餐牌實在太多款式，可惜圖片較少唔知乜樣，但我主打B仔涼粉，點咗都唔駛叫其他野食啦!今次去總店，以前去又新街店，總店的鋪位較細，地方不算污糟，店員態度也正常茶餐廳服務，食物一貫大大碗，仍然高興。家人不愛吃大樹菠蘿，但這水果真是較少吃，難得有得食，其他蘆薈，椰果，罐頭荔枝內入了菠蘿，保持脹滿，其實都算有心機，不同的水果真係好健康咁,可惜奇異果太生，唔甜。問下阿女這雜果涼粉仲可以加乜野，士多啤梨，火龍果，芒果，提子，會唔會有B女涼粉，主打粉紅色？會唔會有爸B涼粉？因為香港人始終喜歡新意，B仔涼粉固然好，有埋B女和爸B加盟應該會更有趣，有實力的店加上新意，會唔會又有一股B仔旋風？諗諗下，享受下B仔，下次食又係幾年後了。

每次係元朗食完飯都會想食返個B仔涼粉先走，雖然已經冇得同昔日嘅比，但係都係有大件夾抵食嘅風味，今次點咗芒果糯米卷、b仔雞尖、芒果沙冰。芒果糯米卷夾住啲椰絲同原粒芒果肉，芒果肉都尚算甜，個皮都煙煙韌韌，整體唔會太甜，但又食到芒果味。B仔雞尖就每次都必叫，個種多蒜多辣，口嚨都充斥著陣辣味，雞尖嫩滑，蒜係多到口都臭。芒果沙冰每次食完雞尖解辣一流，芒果真係好睇個日好唔好彩，如果飲到酸都幾慘，不過好彩我次次都食到甜。

今晚喺元朗食完飯好飽好滿足啦，行過隔離見到B仔涼粉，又好想食喎🙊🙊🙊但其實已經飽到冇位可以再食，但係一場黎到冇理由唔食架喎！？點好呢？好！唯有買走食啦😍😍😍依家一碗B仔涼粉已經要＄88啦，記得第一次食嘅時候係60幾蚊🤷🏻‍♀️🤷🏻‍♀️🤷🏻‍♀️🤷🏻‍♀️不過呢度既B仔涼粉真心份量大，三個人食都食唔晒嚕！其實B仔涼粉係一啲好普通嘅組合而成，涼粉同埋好多唔同款嘅生果，但係咁普通嘅組合每次都可以成功吸引左我去食🤫🤫🤫🤫

身邊好多朋友話入元朗食飯，飽到反肚都要食B仔食埋碗糖水。唔知係我唔識食定因爲佢以前嘅新聞對佢有保留，overall都食過幾次，真係咁必食....咩?今晚一行九大一小齊齊排隊，唔算等好耐就上左樓上，坐埋兩張摺枱，環境光猛，衛生感覺良好。先落個生果盤，再加芒果西米撈、楊枝甘露、西瓜杏仁豆腐，仲有必食雞翼尖、腸粉、魚蛋。黎左個生果盤，其中一個朋友想食涼粉所以又無睇價錢咁叫左個B仔涼粉。問題黎喇，B仔涼粉同生果盤嘅分別係？只係多左涼粉，我會覺得點解職員唔提一下我地已經有一個生果盤都仲食緊呢？結果完全食唔晒要打包。我地顧客係有責任，但呢度員工會比較清晰，如果我地唔打包，分分鐘又浪費食物。味道方面，一致認為奇異果同芒果都非常酸，而杏仁豆腐味道正常，很不錯。

閒日去食，朋友坐緊車來，我見無人排隊又得幾個人就入去坐住先，同個阿姐講左三個，等左10分鐘都無，跟住有人入距就係甘叫人坐我隔離，我就話有人，距串我話，都未到，唔通為等你朋友唔洗做生意，明明兩張空台係度，仲要大大聲話無得留台，真係激氣，我都知無得留台但明明有空台我又唔係擺住好耐，點解要甘，食過幾次食物質素無改善態度反而越來越差