佳記甜品

营业中

休息中

因為夜晚的時間也很多人，爆滿了整間b仔。今次店員安排了我們坐在坑渠旁， 坑渠的臭味陣陣傳到我們的鼻中。等了好一段時間，我們的b仔涼粉來了。它的份量還真的很多， 比我的手還要大和高! 味道是好味的，不過店員的態度和環境讓我們受不了！ 這裏的職員都十分沒禮貌，會 呼喝客人，有其他顧客對某些甜品有疑問，店員給我的感覺是有種看不起的眼神。我們一班人，想要多數隻碗分享甜品，也被店員沒禮貌地拒絕。最後差點要我們自己去拿。 即使再忙，也不應該這麼沒禮貌呢！

.佳記雞翼尖 $16.和友伴行過菠蘿山後，尾站來到元朗覓食，友人多次介紹遠近馳名的雞翼尖，因為種種原因未能夠一嘗，今次難得有時間來到元朗，不能再錯過初嘗的滋味。.從小不愛好雞翼尖，覺得既無味又多脂肪，今次初嘗試，雞翼尖非常惹味，頭一兩口還可以，對我來說也算可以接受的辣度，友人則愈吃愈辣，若能配上大大杯的啤酒就最好不過。.7/10.佳記甜品 (元朗)元朗又新街置富中心7號舖元朗教育路大坑渠側#explosion元朗#explosion新界區

琴晚去元朗食晚飯未夠鐘，好衰唔衰肚餓之際經過B仔，雞翼尖控當然忍唔到口啦。雖然有好多住元朗嘅人都唔會食B仔，但我就偏愛雞翼尖，唔會食佢地嘅甜品，所以唔好問我B仔涼粉好冇食，我主要係食小食！7點幾鐘呢啲食飯時間，唔會好似平時咁人山人海。我都有一段時間冇黎食，原來已經加左價喇…加價都要食啦，我真係好鐘意佢地嘅雞翼尖。不過講真，係以前真係算賣得平，出面食親雞翼都廿幾蚊兜，份量差唔多。蒜蓉香辣雞翼尖 $17堂食同外賣爭好遠，有時外賣拎到番屋企，陣油鯨鬼哂，好趕客。堂食熱辣辣，好食好多。蒜蓉香，又夠辣，食完一碟都忍唔住encore多碟爽滑腸粉 $9/4條；魚蛋 $9/8粒講真，我覺得佢地嘅腸粉其實幾滑溜，偏幼身，唔會有粉感。魚蛋非常普通，過下口癮。食完辣野鹹野，點都會口渴，純粹為解渴，我地會點西瓜冰。西瓜冰 $25唔會好甜好假，接受。餐牌：

每次去元朗， 「佳記甜品」都是我們必到的景點。😏 而蒜茸香辣雞翼尖都是我們必點的！ 蒜茸香辣雞翼尖（$17） 小編每次食親雞全翼，逢雞翼尖都必棄～🙈 因為雞翼尖無肉多骨，只得雞皮， 唔鐘意食雞皮的我又點會鐘意呢？🙊 但「佳記甜品」的雞翼尖倒是令我破戒，甚至戀上了！❤️ 直到現在，我也只吃「佳記甜品」的雞翼尖。😳 究竟雞翼尖有咩咁吸引？ 就是其秘製的蒜茸香辣醬汁，惹味得令人停不了口！😋 微辣惹味，蒜香十足～食幾多次都唔會厭！ 不過雞翼尖始終無乜肉， 所以對食肉獸的我來說， 如果有蒜茸香辣雞翼便更好了！🙈😆 芒果糯米卷（$38） 一客有6件， 份量和價格相比起許留山都比較少和有點兒貴。😟 糯米卷混合了芒果汁，呈現美麗的金黃色， 顏色做得很相似，可惜沒有半點兒芒果味， 只有灑在上面的椰絲味， 幸好糯米卷厚薄適中，而芒果肉都算厚肉， 都算不錯！ 不過芒果糯米卷只屬普通水準， 索價$38有點不值呢。🙊

因為家住港島, 故一直只知多年前, B仔涼粉已經很出名, 但唔識去.早前, 終於約到一個住在元朗的舊朋友相聚,食完飯, 她更帶我去 -- B仔涼粉繼續傾談.( 佢話來元朗, 唔試過B仔涼粉, 便不算來過元朗了! )去到發覺原來一間B仔涼粉已經發展到成 3 ,4個舖位,而且, 不只甜品, 就連雞翼尖, 魚蛋之餘, 很多選擇, 她叫了一個鮮雜果河粉 $45上面西瓜和白色甜甜地的河粉,下面原來有哈蜜瓜, 芒果, 奇異果.好大碗, 食唔晒!芒果西米撈 -- $34上面是滿到流出來的(將芒果肉雪到變冰, 然後打拌為冰沙的芒果冰沙),下面有一舊舊的芒果肉和西米.可惜芒果好酸, 又係多到食唔曬!

去到佳記當然一定要食B仔雞翼尖唔止煮得入味，雞翼尖又夠淋身。蒜蓉夠多夠香，而且夠辣夠刺激。食落重有少少酒香，令到食感更加有層次！B仔雞翼尖基本上係必食，紅到連好多其他小食店都有翻版賣！另外就係佢個魚蛋其實都唔錯，雖然唔係好大粒嗰啲魚蛋，但勝在夠實淨魚香味濃，絕對唔係粉多魚肉小果種！所以入開元朗，就算唔餓都一定叫外賣拎走～微波爐整返熱之後依然咁好食

以前讀嶺南喺屯門成日都可以搭小巴過嚟元朗食B仔所以好多甜品都已經試過但最鍾意食同喺出邊食唔到嘅甜品就一定係，b仔熱嘅芋頭西米露！出面嘅芋頭西米露芋頭還芋頭，西米還西米，椰汁還椰汁通常仲要係好甜呢度成個西米露偏杰身，芋頭煮到溶晒入椰汁入邊當然依然會有大大件芋頭，好粉好淋好好食仲要加左馬蹄，口感由豐富左~好正熟就剛剛好，如果食凍就變咗會唔夠甜，而且會令到芋頭實啲，冇咁好食架所以，識食一定要叫熱芋西

唔知有幾多人黎B仔係淨係為左食雞翼尖呢？曾幾何時我都沉迷，成日都想食，收工有時專登入黎買番屋企當宵夜。我知，有好多人或者網上都已經有教學嘛，咁我又咁嘅時間自己整…同埋有好多人話，佢個雞翼尖冇以前咁好食，我就覺得而家太辣，好似想焗你買野飲或者叫埋糖水咁…B仔雞翼尖 $17尤其是買外賣…以前可能買到番屋企即時食，就唔係好覺。咁啱上次外賣完，番到去冇即刻食，啲雞翼尖一來凍左冇咁好食啦，二來啲油「鯨」哂，成pat野咁…唔知點解突然唔係好開胃我下次都係堂食算了。

星期六下晝同屋企人揸車入左元朗去到元朗 不得不食既 一定係B仔涼粉!食唔到我係唔會離開元朗既😂星期六下晝 人又多車又多 搵個位泊車都難所以決定黎左呢間 附近多d車位去到已經見到人山人海 等位都等左好耐因為有老人家唔方便行樓梯呢度必叫既一定有雞翼尖 哈哈😂雖然勁辣 但試過一定會上癮 真係好好味 食到嘴脣腫都抵 哈哈另外豬皮魚蛋都OK 反而個腸粉估佢唔到夠晒熱同好滑! 係好滑好味!重點黎啦 B仔涼粉😎屋企老人家未食過 見到好興奮 哈哈上面都係例牌個堆新鮮生果加罐頭生果全部都好甜同熟透既食到下面 加花奶 食涼粉 滿足!

元朗馳名的B仔涼粉，之前食過芒果涼粉撈、芒果腸粉、其他涼粉都幾好食，當時芒果腸粉賣哂，又多年來都無試過「B仔涼粉」，於是決心一試，這是好足料的涼粉，大大粒的涼粉和水果，水包括木瓜、香蕉、奇異果、大樹菠蘿、龍眼、菠蘿、哈密瓜、密瓜、西瓜、罐頭水密桃和荔枝肉、椰果，的確很豐富，但水果質素極差奇異果、哈密瓜、密瓜未熟透的，罐頭大樹菠蘿好難食，過份的甜，平時好少食到d咁難食既生果，估唔到這個B仔涼粉個名咁響，竟然用咁低質素的水果，實在很差要Blacklist!其實除左B仔涼粉之外，其他甜品都ok

元朗佳記甜品好多人都識，最出名嘅B仔涼粉好多人食過，評語好壞參半。原來佢哋嘅馬豆糕做得好出色，又唔知係咪咁多人知道呢！佳記嘅馬豆糕好滑，又唔算太甜，椰奶味香濃，馬豆大大粒而且好多，係小妹食過最好味嘅馬豆糕！所以在此推介俾大家！佢嘅馬豆糕都幾貴下，＄6一小舊，不過食得出佢落咗唔少鮮奶，絕對對得起呢個價錢㗎👍🏻另外，佢哋嘅芒果糯米糍都做得唔錯，芒果肉大大嚿，糯米皮厚薄適中，沾上滿滿的椰絲，口感一流！

從來冇寫過食評，今次不吐不快。同女友坐樓上，點咗b仔涼粉、魚蛋、腸粉、雞翼尖。長話短說，好事有1點，壞事有4點:好事: 雞翼尖好食，cp值唔錯，8/10壞事1: 魚蛋＆腸粉，非常普通，而且魚蛋細到得手指公隻指甲，3/10壞事2: 涼粉份量大，但重量不重質，生果一啲都唔新鮮，$7X一個算好貴，2/10壞事3: 服務態度極差(尤其係戴眼鏡冇咁老嘅肥胖女侍應)，眼見每位客人都好禮貌咁向佢落單，但佢嘅說話/回覆極度冇家教，問一句都好似割咗佢忽肉咁。壞事4: 個冷氣開到大一大。想做多啲生意turnover高啲我諗每人都可以理解，但個冷氣係完全會吹到頭痛果種，隔離枱2個女仔好禮貌咁問個侍應可唔可以調位，佢就理都唔想理咁講: 「唔得」...真係冇見過一個人係可以咁冇同理心。總括而言，除咗雞翼尖冇咩值得幫襯，因為好幾位侍應都擺出一副唔想做你生意嘅態度，完全唔覺得係用個心同以客為本去經營，最重要係其他野食真係好一般甚至係差，名過其實。*題外話，雞翼尖雖然唔錯食得過，但都有好多激素，建議間唔中過下口癮就算

That day we finished an activity in yuen long so we went somewhere to eat and chat. It was tea time.We ordered "b"s ship" （b 仔 船). As you can sea from the photo, the ship is a plate containing many different types of fruits (including canned peach, canned coconut, water melon, melons) and a scope of ice cream contain separately in a bowl. Actually it is a fruits and ice cream ship and I cannot see any cooking skills are involved. Mango pancake is just average. 雞翼尖 is spicy so I don't like but a

看完朋友的舞蹈比賽，便三五成群地吃個下午茶。b仔雞翼尖是我們的首選小食，它有著一種神奇的魔法，雖然辣得讓人頭皮發麻，但又令人不斷一隻接一隻地吃下去。魚蛋腸仔是另一好選擇，吃得太辣時，可以吃粒魚蛋舒緩下。B仔果然是新界人聚腳的選擇。

今日第一次黎元朗實地考察新屋，經過b仔就諗住試下，見到成日鋪都係人，心諗應該冇死點知叫左個份腸粉魚蛋同招牌b仔涼粉，腸粉魚蛋雖然叫左辣，但都唔辣，咖哩好似加椰漿咁腸粉都算ok,至少皮薄唔鞋~最後最期待既b仔涼粉上場啦！超大份，可以俾4-5個人食，但同男朋友2個人想挑戰下。點知食左2啖已經知中伏雖然有多生果，大樹菠蘿蜜瓜哈蜜瓜龍眼奇異果西瓜木瓜...但d生果真係唔夠新鮮，仲好似浸左糖水咁，食完真係成年唔洗食生果....呢個所謂既招牌甜品，只係size巨型d,其餘真係冇咩可取之處!!仲要食完之後，個口勁淡貿貿咁😫