佳記甜品

营业中

休息中

呢到元朗當然要食下享譽盛名的b仔涼粉但此行我們沒有食生果涼粉 反而我們叫了 芝麻糊 薑撞奶 燒賣豬皮 雞翼尖等等的小食芝麻糊粉的甜品水準錯。值得一讚的是雞翼尖~十多元就有一碟蒜香雞翼尖食落有啲微辣，會令人上癮，食完一隻又一隻

朋友由外國來，我地都盡地主之誼招呼，朋友話想食b 仔涼粉，原來好多旅遊書都有介紹，所以我地都陪佢去一去元朗，就試試有幾好食。點左榴連 pancake 同 b 仔涼粉。榴連 pancake 其實幾正，因為榴連本身好香，而個 cream 就好滑，兩者加埋真係好好的 combination! 正! 我個人覺得榴連同 pancake 夾啲，而芒果就同腸粉夾啲。仲叫左個 b 仔涼粉，原來係勁勁勁大份，真係起碼三四個人先好叫，否則一定食唔曬，食完已經勁飽。。。。不過無咩特別，其實只係好多涼粉、水果切粒，放埋一齊再加淡奶。唯一佢竟然加左大樹菠蘿，真係好耐無食過，見過大樹菠蘿了，都算是童年回憶吧。

難得你元朗一日遊🥳🥳總結夜晚最後梗係要食埋糖水啦😌😌因為周圍都好滿好多人😂所以就嚟咗呢一間枱比較多嘅B仔涼粉🤔🤔🤔於是我哋叫咗一個綠豆沙、紫米露、腸粉、魚蛋、蘿蔔同埋腸仔開心分享一齊食😳☝🏻👥👥紫米露都幾夠熱👀，而且紫米嘅量都好多👀絕對唔會係水多個紫米嘅糖水🥳👍🏻👍🏻，綠豆沙就係凍嘅，都非常之下火清熱氣☺️☝🏻價格來講佢哋嘅糖水算係中等，上糖水既速度好快，都算幾大碗，腸粉夠晒滑，而且仲有舊式嘅陳皮魚蛋幾好食，反而覺得佢哋嘅小食仲出色過佢哋嘅湯水😆😆☝🏻

b仔元朗好出名黎到無理由唔試下佢！雞翼尖聞名不如見面，上枱後，勁強ge蒜味見到d辣椒都好吸引即刻試下先，非常入味，辣味非常。岩哂喜歡食辣ge人食得太辣，再食個芒果紫米露，芒果甜甜酸酸，再加d黑糯米，味蕾的衝擊

久違既b仔涼粉...回憶中既名物...原來都只係好多糖既糖水 童年回憶徹底幻滅 反而雞亦尖有驚喜，偏辣但蒜蓉辣椒非常入味。魚蛋羅白普通，相信有更好的選擇。環境迫夾，衛生普通，食完絕對會想即時離開既感覺。*實際用餐日期忘記了，只記得絕沒必要山長水遠到訪*

去元朗當然唔少得食佳記甜品😋今次去細間啲舖#B仔雞翼尖熱騰騰既雞翼尖，好淋好入味，再辣啲仲正！🌶但今次份量比上一次少。#芒果西米撈好足料既芒果🥭，有好大舊同好多，大部分都好甜。🥰芒果控必叫！🧡好正既沙冰，配搭住細細粒既西米，但西米痴埋一舊，唔係粒粒分明。但整體黎講都好正，非常中意👍👍👍

佳記甜品有兩間，呢一間係元朗雞地附近，人稱新B仔店內環境衛生不太理想，不過勝在嘢食黎得夠快！人多的話可以試下嗌出名嘅b仔涼粉 幾個人share一大碗涼粉，上面鋪滿左多款水果，下圖成盆水果就係了，另外我都鍾意嗌佳記嘅雞翼尖同埋魚蛋豬皮，啲雞翼尖辣辣地好鬼正！嗰度啲糖水好多款可以揀我係常客，我會試唔同嘅嘢🤣我近排食左兩日，有一日食左紅毛丹黑珍珠，個個朋友都覺得好奇怪食呢款糖水通常幾個人食埋單都係40蚊度，唔算好貴！

B仔涼粉~好多人入元朗都話必食~亦都係元朗人食完飯,仲想繼續聚一聚,傾計必去嘅地方~皆因佳記絕對唔會趕人走~坐幾耐都得~B仔類~大大碗,又多生果~又真係幾抵食既嘅~我係元朗人~好鐘意食B仔~不過我次次去都唔係食B仔類~而係必食其他配角~芒果西米糕~細細舊~味道雖然唔係咩特別味~但食唔停口~每食完一舊,都想再食多舊~用竹籤食特別有風味~混醬腸粉魚蛋腸仔~腸粉夠滑~魚蛋係用陳皮魚蛋~正~腸仔唔會太咸~混醬一齊食，再加上勁多芝麻~好味道~B仔雞翼尖~必食之選~味道小小辣~好惹味~一碟有好多隻~好食又抵死~我平時去B仔就係食呢啲，大家都試吓B仔唔係只係涼粉好食架~

經過元朗順道食下b仔涼粉，揀左腸粉燒賣，特登加左腸仔，，已經無左廚司腸lu。。另外叫左例牌雞翼尖，好辣兼好惹味，又夠大碟，值得一提係佢個辣醬好好味！阿姐落醬又一d都唔輕手，超讚！！！

同男朋友去完元朗大球場睇波之後，覺得點都要去食下傳說中嘅B仔，於是就叫左個蜜瓜哈蜜瓜西瓜涼粉，仲要配花奶，天氣熱熱地，消暑一流！我地仲叫左西米露，B仔雞翼尖，魚蛋！超正呀個雞翼尖煮到勁腍勁入味，辣辣地愈食愈想食！魚蛋係偏細粒果種，勝在冇乜粉，全部都係魚肉所以好彈牙。魚蛋同雞翼尖嘅辣汁好過癮，辣辣下又會好想食糖水解辣！不過座位就又有啲迫嘅，要好快食完，同埋可能太多客所以比較難嗌侍應姐姐落單。好彩嘅係唔使等位就可以入去食！

係香港住左咁多年，成日聽日講b仔涼粉同雞翼尖，但咁多年都冇食過。主要係因為元朗呢個地方對於我黎講太遠，咁我男朋友就住天水圍，佢就帶我黎食。諗都唔洗諗就叫個招牌b仔涼粉同埋雞翼粉黎食，男朋友叫左個椰汁西米露加曲奇雪糕。雞翼尖好辣好好味，夠林，蒜味又夠好重，好彩我地兩個都好食得辣。食完辣野就食冰凍既甜品，b仔涼品。我地兩個都好鐘意食甜野，覺得個涼粉又唔夠甜又唔夠淡奶，就問佢拎多碗糖水同奶，都等左佢一陣先拎到比我地。我覺得個涼粉真係冇咩特別，間間糖水鋪都整到，唔洗特登入黎元朗食。加上呢度環境一般，人太多要坐係室外食總括而言，咩都有第一次，試下無妨，但咁遠就未必有下次。。。。

講起食糖水，相信每個元朗人都知道B仔涼粉，不過今時今日，已經不服當年勇，無論是因爲人為，世道，還是環境所迫，此情不再已經係事實，出名了之後我也多年沒光顧了。位於元朗大坑渠旁邊。價錢都慢慢加左上去，今次就點左榴槤班戟，雞翼尖，成明之作B仔涼粉。榴連班戟，一份兩份，榴槤味濃郁忌廉多咗少少，沒以前份量多。雞翼尖，辣味剛剛好，不會太難入口，"選"骨頭至愛，為獨味噌重手左啲。B仔涼粉，出明新鮮水果和份量多，但食進口相信不是新鮮貨，很多用罐頭代替，其他水果還好，大樹菠蘿食落口有渣，一般出明後後遺症，已經沒以前用心。有渣的大樹菠蘿，已被分隔離。整體已不復當年，成名後後遺症，相信元朗人很少會再去，都到時慕名而來的。

飯後甜品就走唔甩㗎啦! 呢一間係每一次入嚟都會去的甜品店。 即使有兩次食佢嗰個招牌甜品，入面的芒果變成咗蜜桃 (氣憤)， 但係我哋依然一次又一次去返佢呢度食甜品， 可能係冇更好的選擇啦!芒果班戟，入邊係有一嚿好大的芒果， 但係芒果唔新鮮，又有好多忌廉，而個皮亦都唔得軟滑。芒果西米露同楊枝甘露賣相其實冇乜分別，感覺上好似楊枝金露比芒果西米露多咗上面的一團西柚。但口感上， 楊之金露撈埋曬西柚之後會變咗金黃色，而且每一口都會有西米同埋西柚， 但芒果西米露點撈都只得大量的奶。西瓜冰入面有一粒粒的西瓜腸粉好味道，而且好滑雞翼尖係必要的食品，但係太辣，分量又太少。

咁難得入黎元朗一次，梗係要食B仔涼粉。今次除左食雞翼尖之外，仲試左佢好出名既腸粉。唔係第一次食雞翼尖啦，覺得今次既雞翼尖比上次食既更入味，味道有D飄忽。另外，魚蛋估唔到係陳皮魚蛋，一食落去有陣甘味，好好食。而腸粉熱辣辣，好新鮮。最好就係襯熱食。醬比得一D都唔手軟，食腸粉最緊要多醬!什果黑糯米望落去好大碗，但實質 黑糯米唔係好多，係好稀既黑糯米。可能加左好多水果掛，溝稀左。但水果就好豐富，好大粒。臨走當然要打包一份雞翼尖番屋企慢慢嘆啦。

今日約左朋友去探朋友既bb, 其實朋友家住天水圍,不過難得黎開附近,就特登係元朗落一落車買雞翼尖再搭去天水圍一個二個聽到我買雞翼尖就即刻搭單,最後我買左5份...人地可能以為我需要大量膽固醇XD早一日上openrice望過開12:30, 大概一點去到,已經坐滿左8成@@ 好誇張,間鋪本身都唔算細,不過見好多人係叫小食,唔係食甜品外賣雞翼尖可以直接排隊買,唔洗落單,見到一大煲雞翼尖 伙記筆得好隨意,所以有d多有d少