佬麻雀 · 鮮湘菜

营业中

休息中

新開這食店有午市套餐，於是試一試。魚肉都幾滑，酸辣適中，湯好味。蒸飯略嫌硬咗少少。最好味竟然係菜心，又淋又甜。份量適中偏細但大胃王可能會唔多夠飽套餐盛為$78雖然要加$5 一位茶但佢係茉莉花茶茶味清新好唔錯味道唔錯但整體又唔係太抵食勝在唔使等位侍應招呼都好殷切但可能係午市要4個唔識既人搭埋一張卡位有啲太親密幸好坐位都夠濶但室內溫度偏高暫時還可以接受遲啲盛夏就咪搞紙巾係要收錢2蚊包我落單後聽到經理對下屬講中午時段紙巾係唔收錢但侍應話佢已經下單了其實落咗單係可以取消既😆不過2蚊唔同佢計較侍應全程都係講普通話微訊自助下單令你有返咗大陸既感覺總結：不妨一試

【灣仔新開湘菜王】佬麻雀兩層霸氣登場！🌶️ 灣仔終於有間高質湘菜館！新開嘅「佬麻雀」兩層超寬敞，裝修帶湖南風情，座位舒服，仲有VIP房，啱晒一大班朋友聚餐！ 必試招牌「老壇剁椒魚頭」🐟，魚肉鮮嫩冇腥味，鋪滿湖南直送辣椒，酸辣過癮！「豆漿一鍋鮮」湯底濃郁帶豆香，魚片滑溜，仲有貝類同豆腐，鮮到飲晒成鍋！「梅菜扣肉拼夾饃」肥而不膩，入口即溶，夾埋奶香饃餅食，絕配！ 新張期間有88折，人均$200-300，份量超大，夠晒抵食！灣仔站行4分鐘就到，湘菜迷快啲約腳試吓啦～ 📍佬麻雀 灣仔軒尼詩道41-49號（灣仔站B1出口）

今天中午在這裏點了一份鹽焗雞套餐，跟侍應說可否加錢轉雞髀，她說不可以，只能在備注上寫上要求，落單後亦聽到侍應打電話給廚房告知客人想要雞髀，之後上桌發現一件雞髀也沒有🤭 唯有想可能廚房聽錯客人不要雞髀吧，此次亦是生平第一次吃雞飯附送雞頭及雞頸兩件，還有肥美雞皮，雞骨量亦不小，更附上雞亦尖，真固種類繁多，而雞胸部份亦見十分堅固緊緻，跟牠激戰數分鐘後亦只能放棄😓，唯獨飯量較少，只有一小平砵，相信細食女士應該勉強足夠！埋單102大元相比起貴價餐廳亦不算太貴⋯⋯眼見中午座無虛席，未知是否这些特別美食吸引到一衆顧客呢？

話說經過灣仔，見到呢間酒店樓下嘅餐廳，新裝修，幾企理咁，門口餐牌show 午市套餐，包有小菜一份、飯🍚、蔬菜🥬、湯🥣。價錢正常。見有酸菜魚🐠，所以試吓佢。服務1)呢度QR Code 點菜，用一般相機功能scan 極冇反應。之後問職員先知要用微信App scan。咁LadyB 再用微信App scan, 入到餐廳版面但撳極都係冇反應。最後都係要職員幫手用佢嘅電話點菜（sign…….)2) 酸菜魚也是湯？午餐上菜時係用個木托盤上枱，賣相企理、唔錯咁。後來發現沒有上隨餐的湯，所以同侍應小姐講。侍應小姐話：午餐沒有湯，而且你的酸菜魚也是湯。我可以俾杯水你。 既然你咁講，我都無話可說，冇再糾纏。離開餐廳時，LadyB 再睇下門口嘅餐牌，明明寫住午餐有包湯。酸菜魚係套餐中屬於小菜。🦋感性之言：LadyB 並唔係為咗碗湯睇唔看。個侍應睇落似係新黎嘅，唔知餐廳的情況。LadyB只係希望呢種唔清楚情況、求其講啲嘢搪塞過去、胡混過關、得過且過、貪方便嘅態度/作風/文化/mentality 唔好散播開去，唔好成為呢個城市嘅新常態。其實唔明，咪問下人，都唔係好難姐😮‍💨🐠食物🥬🥬炒菜LadyB 研究咗好耐：點

今日同朋友去灣仔軒尼詩道佬麻雀食晚飯，品嚐美味嘅鮮湘菜，餐廳地方寬敞整潔，裝修得舒適溫馨，枱凳擺放整齊，令人坐得舒服，店員服務態度又好，我哋坐低時店員即刻拿出大廳茉莉花茶俾我哋飲住先，之後我哋睇餐牌選食品，餐牌嘅食物款式都不少，我哋分別選咗梅菜扣肉拼夾饃、蒜蓉粉絲焗大明蝦、碧玉絲瓜。這間餐廳是新開的，現在是試營業期間，有優惠8.8折，仲有其他優惠，會員可以免費加入，數碼便可註冊，數碼註冊後有4個優惠，1.可以有$500卷包，2.會員生日可免費發放菜金卷，銀卡贈$68金卡贈$88，3.積分當錢花一百分等如$50，4.儲值有贈送10%等於$2000贈送$200，優惠真係唔錯，來這裏食真開心。🥩梅菜扣肉拼夾饃份量不少，梅菜扣肉嘅肉質是五花肉經長時間蒸製，肥肉部分入口即化，瘦肉酥爛不柴，油脂與梅菜鹹香融合，梅菜鹹甜交織，發酵香氣濃郁，略帶嚼勁，吸收肉汁後更顯油潤，夾饃的白饃外皮微韌，內裡蓬鬆柔軟，中和肉的油膩感，增添香味。 🍤蒜蓉粉絲焗大明蝦份量亦不少，蝦肉新鮮彈牙，焗烤後表層微焦脆，內裡鮮甜多汁，蒜香滲入蝦肉纖維，粉絲吸飽蝦汁與蒜蓉油脂，滑溜順口，底部略帶焦香脆感，蒜蓉醬金黃酥香，辛辣

睇住由裝修到開張～行過見到門面大大張剁椒魚頭相已經好想試。店面座位坐得舒適，服務員態度很好，有一剎那覺得人在深圳😆因為在坐有人唔食得太辣，所以無叫招牌菜～老壇剁椒魚頭，但在場好多人都有叫，下次要再黎試下💪豆漿一鍋鮮～湯頭鮮甜有淡淡豆香，魚片滑嫩，同豆味好夾梅菜扣肉拼夾饃～看似全肥肉，但真係做到入口即溶又無膩感，仲要唔過咸但有梅菜香，夾饃亦有小小奶香，兩者夾埋天衣無縫👍因為呢度菜，特登叫白飯😆白飯好好食，有日本米既煙韌，又有中國粒既粿粒感，好神奇👍👍👍👍

星期一晚與友人於灣仔試咗間新食肆，位於酒店地下及一樓，開業應該沒有一個月，其實，一星期前經過已收到傳單介紹，起初以為所有食物都辛辣的，因為一聽個舖頭名就知道不是廣東菜，是湘菜館，但看到傳單後發覺也不盡是辣，便即管去試吓。約7:30pm到，客人不多，只得2-3枱細枱，但食吓食吓竟然坐滿；菜式方面幾特別，我們點了一前菜+兩主食，味道偏濃，份量十足，價錢也不算貴，服務也不俗，但全程微訊QR code下單，新張食品有88折，入會仲有coupon，當然不可同時使用，整體來說可以一試，多個選擇，但唔可以日日食，始終重口味😜

雖然是試業、但完全是大混亂、午市拿號沒有跟客人說下面大廳吃套餐、上面2樓吃小菜、到了坐下來、才發現門口寫的十幾個套餐、都有8成賣光、只剩3-4個套餐、重點是安排客人入座時沒說、再來問有沒有2樓菜單可看、想下次來吃小菜、服務員說沒有、到埋單時、明明就有菜單放在收銀處、大廳2位服務員大姐常常互相對罵幾句、令用餐途中、十分難受。到最後的就是試業都沒問客人今日用餐如何、咁試業完又如何改善？重有上菜速度極其慢。

新開一間湖南菜，睇住佢裝修，試業期間88折，分開兩層廳面，晚市目測大約過半食客，二樓有三間房有客，應該訂左圍餐，上的菜式和大聽的菜式吾一樣，抱住試菜心態，起初點了兩個餸，好食的話再點，點知，等到天荒地老都未上菜，後來上左酸菜魚，食完好耐都未上第二道一鍋鮮，再三催促。包房頻頻上菜，感覺只招呼房客。講講味道：酸菜魚 分量正常 魚肉好滑 但完全無魚味，裡面含粉絲，够酸微辣。一鍋鮮 豆漿滾湯 裡面有魚肉 貝類 丸子 豆腐 竹笙等材料，幾好飲。環境：藍色格調裝修，感覺幾好，兩人枱非常細，坐得吾舒服，其實吾爆滿客人的情況可以安排我們兩坐闊落的坐位，不停有播平靜心靈的歌曲又有麻雀聲，但等餸等到我心情煩躁吾識欣賞，食完，飲品還未上，我們就埋單走了。試業期間，咁嘅安排，人手唔夠，廚師又唔夠，真係認真麻麻。