何賢記甜品世家 (已結業)

依家好難揾好食嘅中式糖水。呢間好近我屋企，所以成日嚟。佢啲糖水唔算難食，有時都幾好食，但係水準唔係好穩定。好似芝麻糊咁有時食覺得太甜太杰，有時覺得啱啱好。燉奶食咗幾次，多數都OK，但係又係間中會好鞋唔滑。希望佢哋可以改善下食物嘅水準再做得好啲。我會推介試吓芝麻糊合桃糊燉奶，桑寄生蓮子茶同埋燉蛋就好難食。

啱啱買咗佢嘅腐竹白果糖水同埋桑寄生蓮子茶真係堅好食喎所以唔知點解啲人會話中伏？ i really dont get it? 我覺得係西環裏面我食過最好食嘅一間。 因我真係好鍾意食嘢同埋香港真係好難搵到一間好食 地道 嘅糖水舖 仲要喺西環 所以 加油呀！ 我會繼續幫襯你哋

終於等到西環尾開糖水鋪，仲要近地鐵站，裝修簡潔感覺不錯，再加上中式啱我胃口，仲有我至愛嘅芋圓，特登留肚拉阿sir去試，點知全軍覆沒，兩款糖水都超唔掂👎🏻，寧願食返麻麻嘅荷蘭糖水始創金銀燉鮮奶 $30🥢🥢鮮奶香滑，但最敗筆都係響鮮奶度，面微熱但內裡凍，奇奇怪怪唔知咩玩法，而咸蛋又實又乾，我寧願食返大良燉奶芋圓蕃薯糖水(熱) $25🥢蕃薯多得誇張，可惜無嚿腍同綿，迫我全部放棄！芋圓唔夠q兼實的的，味道又淡同唔甜，係糖水夠薑叫有一樣合格二人共消費：$55

堅尼地城發現到新嘅甜品舖 😀 主打唔同中式糖水 — 芋圓、西米露、紅綠豆沙、芝麻/腰果/合桃糊、燉奶同埋其他傳統糖水樣樣齊 😙 見到人哋影相望落糖水嘅 consistency 好似幾好，但似乎唔系每款糖水都一樣有水準合桃糊燉鮮奶 ❤️ ($28)評分：8/10.呢個大力推介!!! 😆😆 一碗糖水包咗兩款甜品，燉奶夠嫩滑，完全冇皺紋同氣泡，甜度啱啱好～😍 合桃糊非常厚 👍 而且咁樣整法真係少見，最估唔到嘅係兩者都幾夾，毫無違和感 😌 照咁睇，糊裡似乎食得過 😎 見到其他糖水都有啲係走混合路線，啱晒三心兩意嘅顧客芋圓椰汁西米露 ❤️ ($27)評分：5/10.最簡單基本嘅凍食糖水非西米露莫屬 😐 但呢到嘅西米露唔合格 😥 我同朋友一致認為，實在太稀，好水，椰汁味道亦好淡 😪 芋圓波波有咬口，口感正常但味道始終都係比較淡

食完飯，見好多人食。所以入去試試。一試便中伏！！薑汁燉蛋好鞋，一啲都唔滑同唔好食。食一半已經放棄。桑寄生茶好淡無味，不過蓮子都大粒同甜。可能區內無乜糖水店，所以多人。但水準之下！不會再來！

We came all the way for desserts at around 11 something at night. It was so late yet there were so many people waiting! Was it because it was Valentines' Day?I ordered 桑寄生紅棗蛋茶 and bean curd sheet sweet soup, and black sesame rice balls in ginger sweet soup as takeaway. 桑寄生紅棗蛋茶 was ok with nothing special.Bean curd sheet sweet soup ($24) with 2 black sesame rice balls ($8) was below average because it was worse than even my home-made sweet soup when all the bean curd sheet had dissolved into the

少有出街食到咁高質的綠豆沙👍🏿要讚一讚佢。中女叫左個芋圓綠豆沙$25。CP值高。綠豆沙好香好豐富，唔係平時出街食好漿果隻，真材實料，好香, 有陣陳皮同臭草味，仲食到好多海帶同百合！芋圓都有好多粒，口感唔夠咬口。因為綠豆沙太好食，所以食唔到好出既芋頭味。

今次係我第二次幫襯呢間甜品店，呢間甜品店開張左冇幾耐，次次夜晚去親都超級多人等，堂食同外賣都一樣咁多人。如果唔想去到選擇得返幾樣，就早啲買啦。之前，我試過佢嘅桑寄生紅棗茶，個人覺得超好飲，飲得出係自己煲嘅，而且唔係好甜，好飲過西營盤某間老字號。我亦都試過佢嘅芋圓綠豆沙，呢個就一般啦。綠豆沙入面有海帶，個人覺得有啲偏甜，芋圓有啲淋，亦都冇乜芋圓應有嘅番薯、芋頭味。今次我試咗佢嘅熱芝麻糊燉奶，燉奶幾滑，芝麻糊佢就應該係中間挖空左少少燉奶，跟住到啲芝麻糊入去。燉奶幾滑，個人覺得燉奶太甜，芝麻糊唔算好甜，算滑，但係食咗半碗就已經有啲滯啦。重視左佢嘅芝麻糊合桃糊雙拼，都幾滑，可以減甜，佢好嘅地方係唔似出面咁用勁多粉溝水整杰佢，佢似加咗米漿去整杰。