何賢記甜品世家 (已結業)

今次係我第二次幫襯呢間甜品店，呢間甜品店開張左冇幾耐，次次夜晚去親都超級多人等，堂食同外賣都一樣咁多人。如果唔想去到選擇得返幾樣，就早啲買啦。之前，我試過佢嘅桑寄生紅棗茶，個人覺得超好飲，飲得出係自己煲嘅，而且唔係好甜，好飲過西營盤某間老字號。我亦都試過佢嘅芋圓綠豆沙，呢個就一般啦。綠豆沙入面有海帶，個人覺得有啲偏甜，芋圓有啲淋，亦都冇乜芋圓應有嘅番薯、芋頭味。今次我試咗佢嘅熱芝麻糊燉奶，燉奶幾滑，芝麻糊佢就應該係中間挖空左少少燉奶，跟住到啲芝麻糊入去。燉奶幾滑，個人覺得燉奶太甜，芝麻糊唔算好甜，算滑，但係食咗半碗就已經有啲滯啦。重視左佢嘅芝麻糊合桃糊雙拼，都幾滑，可以減甜，佢好嘅地方係唔似出面咁用勁多粉溝水整杰佢，佢似加咗米漿去整杰。