何賢記甜品世家 (已結業)

好耐冇食個糖水了，今日來個飯後一點甜，食完飯再嚟屋企附近嘅糖水舖外賣糖水返屋企~呢間糖水舖其實有好多唔同款式，有最出名嘅燉奶、傳統糖水例如紅豆沙綠豆沙，還有新式糖水，一定有一款啱你食！我哋揀咗始創金銀燉鮮奶、芝麻糊湯圓同埋蛋白杏仁茶金銀燉鮮奶，係喺燉鮮奶加入流心蛋黃，食落去奶味十足之餘，更加幼滑芝麻糊芝麻香氣十足，非常濃厚順滑，一定唔係開出嚟嘅，養顏聖品蛋白杏仁茶，杏仁味到十足，配上絲絲蛋白，非常有口感，鍾意食杏仁嘅不要錯過！

喺社交平台見到有好多人介紹呢一間甜品店，於是今日放假嘅時候都走咗過去呢一度食嘢啦！叫咗一份好正嘅桃膠椰汁雪燕！咁足料嘅甜品糖水都只係$33 ，真係好吸引！而且真係滿滿嘅骨膠原感覺，食住一啲好易似啫喱口感嘅桃膠！口感真係好正！而且呢一度嘅椰汁香味十足！

After we have finished our early dinner, we planned to have desserts quickly before 6pm so that we could dine in. Ho Yin Kee Desserts was located at Davis Street, couple of minutes walk from Kennedy Town MTR.Their menu was very comprehensive, offering a wide range of traditional desserts and western desserts, with some traditional desserts seldom seen nowadays. Walnut soup with walnut bits - This was one of their signature desserts, with generous serving of walnut bits on top of it. Walnut bits

西環站📍何賢記甜品世家-傳統糖水其實都幾吸引，今次去到西環嘅何賢記甜品世家😜合桃糊燉鮮奶、芝麻糊燉鮮奶（$31）鮮奶好鬼滑！面頭有一點合桃糊，內裡原來都有好多合桃糊😜好香甜😋芝麻糊都係一樣，食得出唔係粉沖，好濃好正😆美顏牛奶浴（$37）一上台已經好大碗！材料有蛋白燉鮮奶、桃膠、雪燕、芋圓同椰汁🥥，後加黃糖。食落口感好豐富！芋圓好彈力，桃膠同雪燕份量多到爆，底層燉鮮奶好香滑☺️養顏驅寒黑桃（$39）喂！咁大碗係咪痴線😹材料有薑汁燉鮮奶、桃膠、珍珠同小丸子，後加黑糖。小丸子同珍珠好彈牙😋我就加左超多黑糖！正～薑汁燉奶好夠薑味✌🏻呢間甜水鋪都幾多街坊幫襯，性價比好高！食一碗糖水都已經好飽😆

何賢記甜品世家 地址: 西環堅尼地城爹核士街11號地下4號舖電話: 23681380傳統架糖水舖，在香港地越來越小，後生仔女會afternoon tea 食蛋糕飲coffee ,我呢個中老還是愛冬天食碗糖水，滋補一下廿幾蚊起有交易，夠曬平民貼地$33 桃膠椰汁雪燕是女生最愛，collagen 滿滿好足料，一絲絲雪燕同桃膠好彈似jelly 口感，椰汁香甜 黑芝麻綠豆養生，好香芝麻味，食左希望小d白頭髮台式糖水都有，叫左碗$36 仙草桃膠三寶配黑糖，黑糖甘甜，配料好足，口感利落。$29薑汁燉奶，暖暖胃，冷熱同價，有奶香仲好滑添，薑味突出。$33 金銀燉奶係佢地自創，點都要試翻碗。中心是流心蛋液，本身燉奶超香甜滑。燉蛋系列必食，好味香滑抵食

大時大節想落去買碗糖水甜下，點知遇着間咁唔用心整野嘅糖水舖。材料又少，我特登問過係咪有芋頭點知碗野得幾粒細過手指甲嘅芋頭加一啲稀到好似水咁嘅椰汁，完全係冇味嘅，同埋一啲食到成個口都係渣嘅芓圓，一食就知係啲cheap野全部材料都係垃圾，又冇心煮又冇技巧煮！幾十蚊特登行到過去買碗垃圾，諗住放假甜下食碗甜品，點知食到成肚火第一次嬲到要即刻寫食評冇心做就唔該執笠啦仲要我特登打去，諗住去到唔駛等點知我去到話攞，佢先開始落單整

熱豆腐花攞到返屋企，只係溫溫地，而且味道係酸嘅😢😨，唔知係唔係放得太耐壞左。嘗試打電話俾店鋪反映，無人聽，留左言又無人覆🧐 其他糖水，熱核桃糊同腐竹薏米就正正常常啦😶

早個月吃過深水埗的仙草芋圓，念念不忘，但是，住港島為了吃仙草芋圓去深水埗實在太遠太瘋狂吧！這天在西環食完可可，見到隔壁的糖水舖「何賢記」有涼粉芋圓，便試吓啦⋯⋯在店外見𥚃面滿座了，在門外等候，店員從沒有意識出來招呼一下，直至有其他客人取外賣，我說二位，店員才拋下一句：要等喎⋯⋯好彩等了2分鐘左右便有位了。我們二人點了芒果涼粉芋圓西米露，蛋白杏仁茶。滿心期待，先說蛋白杏仁茶，一般是香濃杏仁味吧，但這兒卻是充滿苦苦甘甘的味道朋友只堅持吃了一半終於要放棄。我的芒果涼粉芋圓西米露呢，芒果份量少(算啦)，涼粉硬(唔係呀？！)，芋圓也是硬實實(有冇搞錯呀)，糖水⋯⋯也是苦的(痴線，中曬伏)。我們到糖水舖吃糖水，不是到涼茶鋪吃龜苓膏，飲苦茶啊，兩碗糖水都抄，有冇搞錯呀！最後埋單，那個店員一句多謝都無，真係貼錢買難受呀！最最後，都係要回到隔壁的可可店，外賣了一個芝麻糊孝敬媽媽⋯⋯最最最後，為洩心頭之苦，第二日，再次到深水埗「康x」吃仙草芋圓。

份糖水好細碗，買左7碗成200幾蚊，30蚊碗咁掣。蕃薯糖水，裡面得4舊番薯... 芝麻糊好水，不推薦。撞奶ok，腐竹糖水都ok。芋圓相關嘅糖水不錯。但好彩自取速度都快，但下次唔會再買。size咁細，唔抵。

首次來這餐廳食甜品，餐廳入面光猛及清潔，廚房入面只有一個職員，樓面清潔及收錢也只是一人，感覺她們做得很燥，在客人面前不斷嗌交及爆粗兩款甜品幾好食：金銀燉奶及腰果露燉奶。可惜等候時間太長。

西環真係好少食糖水嘅舖頭呢一間呢仲係做傳統嘅糖水 真係好開心 我最鍾意係芝麻糊同埋燉奶 裏面有好多位坐裝修好乾淨舒服 上菜嘅速度又好快啲材料好足又唔係好貴 感覺好乾淨 每次行過都會幫襯

之前食過已經好失望 隔左一排見佢近近地，心軟試多次 ，點知又中招 …打電話去叫定外賣自取 明明叫左熱燉蛋拎到上黎係凍既扮熱 應該係叮左野 但又唔夠熱果種 個面完全唔熱 裏面dd咁微溫 打去問佢點解係凍既，先話無晒熱 問佢幾時有話要等4個字 火都滾拎返碗凍既落去退返錢 個收銀明顯知咩事但完全無反應 無禮貌 少少覺得唔好意思都無 繼續係度玩電話 問多句先話退返錢比我 如果大家真係想受氣既歡迎大家去幫襯 味道差都算 服務極差！

常常路過這間中式甜品店，總覺得十分光猛，很寬敞。今天終於試試！1）芝麻糊很香很滑，不會太稠，食到最後仍有芝麻香味，不錯！2）始創金銀燉鮮奶鮮奶很滑，中間有驚喜，原來有蛋黃，感覺似西式的吉士醬，是飽肚的甜品。

何賢記主打中式糖水，價錢實惠，廿幾元就有碗，這晚我就試了他們其中一味招牌糖水，就是始創金銀燉鮮奶。起初不太明「金銀」的意思，食落覺得燉奶很滑，很好味。食到落底，才發現「金蛋」，原來有個蛋黃在燉蛋底。這個蛋黃半生熟，恰到好處，十分驚喜

天氣轉涼時總想食一點熱野落肚，雖然內心總掙扎晚上食甜野會易胖，但是身體卻很誠實地走向附近的食店，亦無意見到一間裝修光鮮的甜品鋪。一進去看見餐牌都是走中式糖水路線，眼見有腰果露感覺十分罕有，更是星期六日限定，便想一試，怎料叫的時侯發現已賣晒，唯有等下星期六日。最後分別叫了始創金銀燉鮮奶（熱）以及芋圓椰汁雪燕（熱），燉鮮奶原來食到中間會有一粒甜甜的糖心雞蛋，口感特別。而另外的椰汁雪燕內的芋圓亦有淡淡芋頭味，於甜品內都有7~8 粒。 進食途中亦見不少食客點合桃糊或芝麻糊，下次可再來一嚐。