住家菜 (柯士甸道)

营业中

休息中

原本諗住簡簡單單搵間大牌檔食吓小菜，輕輕鬆鬆吹吓水，老友記就推介哩間位於尖沙咀嘅住家菜，話試過，覺得唔錯，又抵食，不防試一試我地叫咗六餸一例湯：鮮果千島蝦球最正，蝦夠大隻，又夠彈牙，鮮果有火龍果，菠蘿及提子，配上千島醬簡直就係一碟中式大蝦沙律；阿嫲雞嘅雞肉夠滑，但味道唔覺太特出；柱貝魚湯雜菜煲就無特別；柚子西檸雞嘅雞皮炸得夠脆口，柚子中和咗檸檬嘅酸，恰到好處；鐵板蒜爆牛柳粒用鐵板上熱哄哄，牛柳粒保持到腍身嘅咬口，可惜無牛味，而蒜味不太濃；咸魚蒸肉餅感覺特別，煎過更香口，送飯一流，不過個人認為咸咗少許味道ok，價錢合理，總括來說覺得都唔錯。