伊藤 (已結業)

馬肉唔酸的，帶好強的肉味，但唔似牛的味。toro好肥，真正入口即溶，牡丹蝦連頭上，用上次學番來的食法去食。秋刀第一次刺身，味道好特別，另外兩種介紹的刺身唔記得叫咩名。杯內兩兜鼻涕，啡色的係八爪魚，送的在華蘭路間日本麵度食過，好咸。橙色的名叫唔記得，係用某植物加某魚類內臟。帶甜帶草味。馬肉本來多幾件的，但唔覺意食左。熱麵用雞肉同冬菇做湯底，好食過凍麵。最唔好的算係個北極貝，都唔係啡色的。

呢度舖位細細，地點又幾偏僻～若果唔係嚮呢頭返工，真係唔知有間咁o既料理。閒日o既晚上成九點，估唔到已經滿座，仲有幾多日本人一家大細咁幫襯添。我地等o左約5分鐘都有位。第一次幫襯，大路D，叫o左個雜錦壽司，唔錯o播，幾新鮮。但印象最深係D wasabi，食得出係即磨，攻鼻攻到o丫，好鬼正！再望下個menu，原來都有幾多特別o野食，好似辣麵豉尤魚sashimi，莫久來Shiokara，生白飯魚sashimi，自家製蒜香吞拿茶漬飯，白石溫麵，讚歧烏冬，盛岡冷麵咁。呢味盛岡冷麵($70)我地之前嚮東京食過，覺得唔錯，今次嚮度encore，依然好味啊！好煙韌o既冷麵，配冰凍kimchi同辣湯底，夏天食就至o岩！另一半要食飯，所以叫多個tonkatsu set($90)，味道okay啦～整體幾滿意，有機會一定再去試下menu其他o野。