令和鍋物酒場

营业中

休息中

約左老同學飯聚，今次選擇左係尖沙咀厚福街食，因為放工大家出來尖沙咀都方便。食日本野既可以傾計又適合飲下酒，就去左呢間令和酒場。全場日本酒半價，非常吸引。五花腩片，d腩肉好鬆軟，皮又滑，做頭盤唔錯。燒粟米，d粟米好甜，雖然日式唔加牛油，但又有另一種風味。日式串燒，有雞翼、雞肉同雞腎，本身有少少鹽，夠晒味，再加d檸檬汁，又醒胃又好食同老同學一邊飲啤酒傾住計、一邊食串燒，人生樂事。焗蠔好鮮甜，而且仲有好多蠔汁，唔會太乾，好味。石燒澳洲和牛，睇住個伙記係你面前即刻燒，夠晒新鮮同熱，可以加海鹽/燒汁食，重點係唔好熟晒，七成左右剛剛好，太生d油未溶化、牛味就唔出，太熟又會無汁，依家啱啱好夠肉汁、有牛味，又夠晒淋，推介。當然唔少得啤酒啦，有三得利生啤🍻🍺正！！炸雞估唔到外脆內滑，仲好juice,再加埋個芥末醬，有少少甜甜地，送酒一流。最後呢個係天婦羅蝦，d蝦好爽，個粉又脆，正！總結成餐飯非常愉快，d食物送酒一流，串燒、天婦羅、炸雞、石燒牛肉，樣樣都好好食，下次一定再來試下火鍋同魚生。

喺社交平台已經聽聞過呢間餐廳，一直都好想試呢度嘅芫莤湯底👅先黎一個開胃嘅前菜，一向都鍾情於鮟鱇魚肝，口感順滑，加埋酸汁同香蔥，酸酸地幾開胃。終於到主角出場，出到嚟個顏色好靚好綠😍鍋底可以自選配搭其中一款肉類，我哋就揀咗M6澳洲和牛。套餐會有齊蔬菜、日本豆腐同埋葛絲，我哋另外追加咗生蠔同埋烏冬。本身都擔心唔夠食，但最後我哋兩個女仔都食到捧住個肚咁走。M6澳洲和牛肉味重👍🏻👍🏻蔬菜籃食材豐富，尤其係葛絲口感香滑，又掛到湯，好好味，如果份量再多少少就好啦😻生蠔都算新鮮。清酒有半價優惠👍🏻👍🏻我麻麻哋飲酒，就另外叫咗一杯巨蜂乳酸梳打，比想像中冇咁甜，very good!

研究咗好耐堂煮壽喜燒同鍋物壽喜燒有咩分別，首先留意到前者貴$100但多50g A4和牛。 其次就係鍋物上枱時已經連湯底一齊，好似打邊爐咁，而堂煮壽喜燒就有專人燒肉，計返人工只係$40，好抵。 壽喜燒湯底好濃郁，250g和牛有多無少，可以話係我喺日式餐廳叫鍋物食過最高質嘅牛，絕對係成晚最好食嘅菜式。雜錦天婦羅淨係蝦天婦羅已經有三舊，猶豫緊叫大蝦天婦羅定雜錦天婦羅嘅唔使考慮，直接揀雜錦就得喇。 炸粉好薄，啱啱炸起唔算好油膩，野菜天婦羅種類都多，最鍾意茄子炸得好腍。令和刺身爆丼係師傅發板今晚有海膽、三文魚、帆立貝、赤蝦、拖羅蓉同三文魚籽。 拖羅蓉同三文魚籽撈飯一流，全部料都好靚，海膽最驚喜，如果定價再高d我都會叫，物超所值。鮮檸檬酸燒酌梳打每次黎都必叫，一大疊高聳入雲嘅檸檬片好搶鏡，雖然唔方便督檸檬，但隨住檸檬冰融化都好濃味。手作梅酒果凍一見到原粒酸梅已經好期待，梅肉夠酸甜，伴果凍一齊食好正。 酒味唔算好濃，易入口得黎又食到梅酒獨有嘅香味，質感亦都比一般嘅啫喱煙韌，係幾有誠意嘅甜品。臨走見到清酒做緊半價，下次約大班朋友黎再戰。

餐廳佈置洋溢東瀛色彩，天花掛滿七彩繽紛日式紙燈籠，客人進入餐廳時，侍應立即敲打鼓聲，歡迎客人光臨， 賓至如歸的感覺。澳洲M6和牛(一人前石板燒) $168澳洲M6和牛肥厚嫩紅， 先放下和牛肉在石板上， 即時發出吱吱聲， 更傳來陣陣的肉香，熱燙燙的和牛肉， 入口軟嫩，牛味突出， 再沾上甜燒汁，鮮 味加倍提升，讓人樂在其中。 雜錦天婦羅$68即叫即製雜錦天婦羅十分豐富，有蕃薯、 南瓜、秋葵 、 粟米及大蝦， 每件新鮮炸起，香噴噴， 令人垂涎，炸蝦天婦羅外皮香口酥脆， 蝦肉鮮味爽彈。 秋葵和粟米天婦羅清甜爽脆，秋葵營養豐富， 健康有益。 特別喜歡蕃薯和南瓜天婦羅，入口香甜綿密， 純天然的甜香， 讓人回味。鰻魚飯$118白飯上面鋪上肥美的鰻魚， 份量十足， 鰻魚表面佈滿甜甜的 醬汁， 惹味吸引， 咀嚼時， 軟嫩的鰻魚肉， 慢慢沁出豐富的魚油，鮮味在口中綻放， 別有一番滋味。鹽燒白鱔一串$48肥美的白鱔， 外皮燒至微微 焦脆， 香噴噴 ，魚肉雪白彈牙， 加上豐盛的油香，衝擊 味蕾，口舌生香。 燒廣島生蠔兩隻$48挺身肥美的廣島蠔， 燒到油光亮澤， 香氣四溢 ， 入口鮮味 柔軟， 連埋鮮甜的蠔汁一

厚福街可說是尖沙咀區著名的「食街」，今次就來到令和鍋物酒場吃日式料理。內裡燈籠高掛，加上木系裝潢，真有幾分置身在日本的錯覺。卡位私隱度甚高，予人舒適自在的感覺。餐牌選擇極多，只需Like餐廳社交平台、 又或者持有大新信用卡亦可享正價MENU有8折、清酒半價優惠。下單後就會奉上小碟冷盤前菜，不另收費。螢光魷魚漬 $48螢光魷魚經醬油醃漬後，依然保持刺身口感，經過一段時間發酵，讓鮮味昇華。體型一口一隻，送入口咀嚼時，外層帶爽脆感，鮮美的汁液一湧而出。來到居酒屋又怎能錯過串燒和燒物呢？！即點即燒，風味十足。明太子醬免治雞肉棒 $28免治雞肉棒將雞肉切碎混合雞軟骨搓成棒狀，因此咬下去可以感受到雞軟骨特有的韌度，讓口感更有嚼勁，明太子醬微辣鹹鮮。燒冰火菠蘿 $25燒菠蘿蒸發了生果中的水分，令酸甜天然果香更加突出。日本紅豆燒年糕 $38年糕質地QQ軟糯，配合大粒飽滿的紅豆蓉，味道亦不會過甜。令和玉子燒 $42玉子燒將蛋漿層層捲起，每一口裹滿濃郁蛋香，厚切堆疊的蛋皮帶來綿密彈性。玉子燒吃下有厚實的質感，享受香甜蛋香的滋味。燒明太子 $68明太子其實是助惣鱈魚的魚卵，加入辣椒粉等調味料醃漬而成用來辟腥

話說每個月都會定期約班姊妹食飯今次就揀咗呢間係旺角尖沙嘴都有分店既日式居酒屋🏮當係偽旅行去咗轉日本都唔錯🇯🇵menu選擇頗豐富，鍋物/刺身/串燒乜都有！.🔺️令和刺身爆丼 特盛 $188 | ⭐️: 4.5/5份量十足，刺身新鮮！已經好耐無食過刺身、所以有得食覺得好幸福🥰 有三文魚/海膽/魚子/牡丹蝦/吞拿魚蓉/八爪魚/帶子 🍣 飯量適中唔算大，不過刺身鋪得好🈵️ .🔺️鍋物壽喜燒 M7 澳洲和牛 $228 | ⭐️: 4.3/5壽喜燒個汁真係唔會唔好食、除非佢個汁開得好淡啦 ʅ（◞‿◟）ʃ 嗌呢個set，餐廳已附有一個野菜鍋，有晒豆腐/生菜/ 葛絲🥬M7和牛方面有200g（總共4大塊）由於狸貓係唔食牛肉既🤷🏻‍♀️ 好難評論好唔好食啦～ 不過朋友就有再encore 150g牛肉🤞🏻我地另外有嗌咗兩個烏冬，索晒壽喜燒個汁，超級jeng！果然食壽喜燒一定要嗌烏冬！.🔺️炸豆腐 $228 | ⭐️: 3.8/5比較普通，唔算太特別。不過見到佢熱辣辣，D 木魚碎係到豆腐上面跳舞，覺得好Q (≧∀≦).🔺️黑松露野菌鍋 配沖繩黑豚肉 $268 | ⭐️: 2.0/5唔推薦這個湯底🙅🏻‍♀️😹 雖然佢係有好香既蘑菇味

男朋友好中意食日本野，特別係壽喜燒，之前係屋企玩過肉屋薩摩和牛壽喜燒，一試難望😋，但價錢唔平，唔可以成日食🙈。咁岩比我搵到呢間居酒屋價錢唔貴，仲有職員燒埋比客人食，加上Openrice訂枱有8折，即刻book左😏。當日星期五，要7點半前離座先有8折，所以我地好早去到。我地被安排坐卡位，三邊都有竹䈴遮住，隔離又未有其他客人，有自成一角嘅感覺。堂煮壽喜燒$398包括日本 A4黑毛和牛250g、日本蛋、蔬菜盤(少少粗粉絲)；和牛份量都唔少，大大塊，燒完加埋甜甜地嘅壽喜汁，再沾上蛋汁令牛肉更滑溜🤤。識食一定加白飯，連汁都撈埋。石板燒A4和牛200Gg $268份量唔少，有12塊咁多，而且唔算薄身，可惜，比切肉師傳攪禍哂，大眾都知切肉要逆紋切咁嘛🤔，除左靚D外，重點係順紋切會痴牙、會影響肉質😫。即使油花咁重嘅A4牛，我地食果陣都痴牙😥…..真係幾失望😣。唔知職員係咪唔想比我地見到D牛切成咁🤔，個石板一上枱，佢連盤牛都唔放上枱比我地望下就準備燒😯。我即刻截停佢比我影張相先知原來切到咁🙄。芝麻雞翼$38呢個同平時放題果D差唔多，但勝在炸得幾脆，雞肉嫩同滑，而且價錢抵。整體食物質素唔差，職員主動，不過

令和居酒屋已經食過兩次，對令和出品都幾有信心。 今次不諱言係衝住壽喜燒而來，實在餓咗好耐，但香港食壽喜燒就算午市人均都幾百，尋尋覓覓終於搵到性價比之王。堂煮壽喜燒 ($398)店員親身逐塊咁燒，點埋蛋汁再放埋落碗，服務非常好，有種喺日本當地享受緊嘅感覺，物超所值。 A4和牛比想像中靚，輕輕燒幾秒未至於全熟都好放心嘅級數。 油花分布好平均，入口軟腍幼滑，牛味好夠，食完真係有幸福感。及後加埋野菜豆腐盤係壽喜燒湯底，非常入味，蔬菜雜菌都好新鮮，連豆腐都係高質日本豆腐，好有誠意。令和刺身爆丼 ($188)海膽好鮮甜，其實淨係呢兩片已經值回票價。 帶子同蝦都好甜好新鮮，基本上成個飯都係我最鍾意嘅材料，質素幾喜出望外。味噌廣島蠔鍋 ($88)廣島蠔幾肥美唔會腥，味增湯底仲加咗海帶、大蔥等等熬製，幾清甜，如果廣島蠔可以煮耐啲再入味啲就好喇。芫荽豚肉卷 ($28)非常之茜，人生未試過一時間放咁多芫荽入口，好彩係燒得熟透嘅。 作為平時走芫荽嘅人來講味道都幾得意接受到，愛好者必試。 柚子鹽黑豚肉串燒 ($28)就燒得比較乾身，類似五花肉嘅油脂燒到乾透，夠哂香口。燒冰火菠蘿 ($25)甜到痴線仲要爆汁，表面

最近男朋友話好耐冇shabu shabu，屋企附近個間又轉咗做其他嘢，一於就趁放工出去搵下嘢食啦！呢間令和鍋物酒場喺厚福街間素食店前少少，行一層樓梯上，地方好闊落、環境幾舒服！  打開Menu又見到有串燒，好似都幾正咁！我哋就揀咗兩款魚，分別係多春魚同白鱔，記得趁熱就食咗先啦！鹽燒簡單調味，用嚟送酒一流！  而家嗌清酒仲有半價𠻹！好抵呀！當然唔少得今日嘅目標 — 豬骨海鮮鍋！有虎蝦、蜆、廣島蠔、三文魚同埋帆立貝。跟Set仲有一份蔬菜雜菇，都幾豐富㗎！廣島蠔同帆立貝都好大粒！唔夠飽仲可以另外再加其他配料，因為己經食咗少少串燒所以只加一份安格斯牛肉～細細份咁嗌唔會眼闊肚窄，牛肉冇雪到梗晒，入口都軟林！Good！

今日小弟同女友人黎左厚福街, 我地行過見到有間餐廳大sell自己芫茜食品, 咁我就同女友人去試下啦佢內裝好有居酒屋feel, 都幾靚好有和風我一坐底就即刻叫左杯主打既芫茜菠蘿冰試下。 味道真係好fresh 好清新, 比我想象中吸引。女友人就叫左杯奇異果乳酸梳打， 我試左啖都幾好，幾清甜前菜就叫左個鹽焗牛舌， 少少份量礡礡地幾開胃佢個芥末八爪魚好爽口同好濃烈滑沙bie味呢個芫茜鍋底又係不得了. 超重茜味，岩晒我呢d芫茜控食， 我發現原來芫茜湯配和牛都幾奢華, 本身和牛已經好肥膩，但配上芫茜湯就有d消滯既功效叫左個200g石燒日本A4 和牛佢有專人係你面前燒個成品都燒得好靚， 同埋真係貨真價實既A4, 口感好juicy,極盡奢華！！女友人就叫左個燒原條茄子， 我試左啖有d入口鬆化既感覺唔錯最後食左個蜜柑鯛10片， 佢點埋個秘制柚子汁食好鮮味好有咬口

尖沙咀厚福街食肆林立，林林種種真係唔知入去邊間食野好😅 後來入左“令和” 芫荽系列，有創意，口味新鮮，試左芫荽田園梳打～ 芫荽味好清香，芫荽魚片湯就飲得多，真係好第一次試芫荽飲品，味道不錯👍 剌身有咁多款，真係有選擇困難😅咁就吾諗啦～交俾師傅發板😛 三文魚，油甘魚，甜蝦，帆立貝，劍魚，八爪魚和蜜柑鯛😍 劍魚腩肉質細膩、口感嫩滑厚實、鮮甜美味，令人垂涎三尺! 蜜柑鯛沒有魚腥味，而且還帶有淡淡橘香～ 剌身新鮮甘甜，不錯的選擇👍 安康魚肝又稱海中肥鵝肝，真是價廉物美😍安康魚肝一啲都吾腥，口感滑嫩，係我嘅favor 😅 吞拿魚腩丼吞拿魚蓉夠軟綿，油脂豐富，魚味濃郁，配粒粒脹卜卜嘅珍珠，冇得輸😋😋😋 侍應溫馨提示，用大新信用啱Menu正價有八折，清酒仲半價添，真可惜。。。我冇😛 下次搵埋有大新咭嘅朋友，再來一次，試試石板燒先得😉

今日同男朋友去到尖沙咀呢一間居酒屋入面超級好氣氛 聽到個個食客都好開心咁我哋一坐低我哋就叫嘢食首先佢送咗一個蕃茄沙律嘅前菜咁我哋就叫咗個壽喜燒鍋我哋仲叫咗M7澳洲和牛啲牛肉非常之新鮮 配搭埋壽喜燒湯底真係非常之夾除此之外我仲添加左葛絲葛絲吸收晒成個湯底嘅精華而男朋友就叫咗碗日本白飯而加日本蛋充滿着蛋香 然後包住舊牛肉即刻冇咁油膩之後我哋仲叫咗個慢煮A4和牛筋和牛筋超級香濃 再加埋用味增煮入口即溶真係一流之後我哋仲叫咗兩杯嘢飲我覺得金鑽鳳梨冰幾好飲

同朋友gathering walk-in 揀咗間日本野食，尖沙咀店裝修好靚呀☺️要行上樓梯先到餐廳，沿路都充滿住日本既居酒居感覺🙌🏻壽喜燒set既肉就得好少，如果唔夠飽就要追加😉湯底啱啱食就幾甜，但後尾就偏鹹😖個碟千島醬燒蠔超好味😋醬重味得黎都有keep住蠔既鮮味👏🏽👏🏽反而串燒🍢就好高質素，我哋最鍾意就係燒菠蘿，四個人食咗八串🤣🤣🤣我諗食到間餐廳都記得我哋🤣🤣🤣👍🏼💯飲品方面就帶咗有酒精嘅特飲，但個酒精味都好重😖女仔就比較難入口啦📍 令和鍋物酒場 (尖沙咀)尖沙咀厚福街9號豪華閣地下-1樓

呢間野食裝修only，又貴，咁嘅價錢可以食好多更好質素嘅。服務又差，入座茶都冇杯，叫完之後真係全程得一杯茶，因為d侍應太忙見你唔到。最嬲係被騙了，叫日本A4和牛，小心狡猾嘅menu好聰明你吹佢唔脹，你以為係入口即溶嘅肥牛，點知係牛柳🤬👎🤬 $268/200g，完全普通，真心自己買自己煎好過。日本象拔蚌，$88就係得呢張相嘅小塊，你又係吹佢唔脹，因為menu冇例明，係爽口嘅。最好笑，日本餐廳冇壽司食。所以叫咗剌身同丼，冇乜特別又唔係特別有鮮味：帆立貝$72兩切，三文魚$28三件，三文魚爆丼$128唯一signature嘅，就係飲品-檸檬燒酌梳打$58。又貴，又普通，服務差，試一次已夠。

以往對於日式居酒屋的印象總覺得價格不便宜，但令和鍋物酒場價位親民，別以為便宜沒好貨，令和鍋物酒場食品品質講究，服務到用餐環境都是一流，令和鍋物酒場是近年所吃到的優秀居酒屋。首先上桌的是我很想吃的慢煮A4和牛筋，挺少居酒屋供應，慢煮A4和牛筋花費多時慢煮，牛筋煮得軟腍，醬汁鹹香味融入牛筋中，相當厲害。日式炸豆腐外頭香酥，內在豆腐燙燙的，口感軟嫩幼滑，即使放了一段時間，日式炸豆腐仍溫暖酥酥的，搭配甜香醬汁和木魚絲，日式炸豆腐格外美味。摩薩雞肉串經過炭火燒烤，讓雞肉多了一股迷人的焦香氣，高溫鎖住雞肉串雞汁，包裹的肉汁流在口中，品嚐到摩薩雞新鮮原味及嫩度，一下子就被秒殺。一般明太子口味蠻鹹的，令和鍋物酒場把青瓜，蘿蔔蓉結合起來，厚切的明太子經過炭烤釋放出它的鹹香，青瓜獨有的爽甜使燒明太子不會過於死鹹，簡直絕配。柚子鹽黑豚肉讓人蠻驚艷的，黑豚肉厚薄度適中，外表焦脆，吃時頗有彈性，不會過於油膩，很會烤呢，黑豚肉醮上柚子鹽吃更具風味。北海道花魚一夜干外皮烤得酥酥的，上桌時看到魚皮因滾燙的溫度在滋滋作響，魚肉呈現出美麗的焦糖色，花魚骨刺不多，肉質細緻滑嫩，鹹鮮的一夜干灑上檸檬汁後嚼感更細膩。隨著秋冬季