當日星期五，要7點半前離座先有8折，所以我地好早去到。我地被安排坐卡位，三邊都有竹䈴遮住，隔離又未有其他客人，有自成一角嘅感覺。
堂煮壽喜燒$398
包括日本 A4黑毛和牛250g、日本蛋、蔬菜盤(少少粗粉絲)；
和牛份量都唔少，大大塊，燒完加埋甜甜地嘅壽喜汁，再沾上蛋汁令牛肉更滑溜🤤。
識食一定加白飯，連汁都撈埋。
石板燒A4和牛200Gg $268
份量唔少，有12塊咁多，而且唔算薄身，可惜，比切肉師傳攪禍哂
，大眾都知切肉要逆紋切咁嘛🤔，除左靚D外，重點係順紋切會痴牙、會影響肉質😫。即使油花咁重嘅A4牛，我地食果陣都痴牙😥…..真係幾失望😣。唔知職員係咪唔想比我地見到D牛切成咁🤔，個石板一上枱，佢連盤牛都唔放上枱比我地望下就準備燒😯。我即刻截停佢比我影張相先知原來切到咁🙄。
芝麻雞翼$38
呢個同平時放題果D差唔多，但勝在炸得幾脆，雞肉嫩同滑，而且價錢抵。
整體食物質素唔差，職員主動，不過動作太快，D野一上枱就即刻煮😦，我覺得可以比少少時間等客人望下影下相。環境舒服，當晚時間尚早，所以亦算安靜。唯一美中不足就係果盤順紋切和牛，令我耿耿於懷😐。
