令和鍋物酒場

营业中

休息中

今日約咗朋友厚福街嗰度搵日本嘢食，見到有人喺度派傳單講一間好似新開嘅居酒屋，睇落去個menu好吸引，真係我哋二話不說直接衝咗上去。雖然要行樓梯，但係我哋對於美食都唔抗拒。我哋坐低一入到去望向右手邊，見到一排排嘅汽水櫃放咗好多清酒。雖然我哋唔係好飲酒，但係都畀個氣氛吸引住。入到去嘅時候，佢哋仲會打鼓，真係好有氣氛。而個menu五花八門有好多唔同嘅嘢，有刺身廚師發板壽司、串燒、揚物、鍋物，真係數都數唔曬。我哋就嗌咗明太子雞軟骨棒雞軟骨串仲有燒五花腩， 串燒上嚟檯面嘅時候見到佢哋都燒得好香口，顏色都好靚，五花腩啲油脂分佈好好，食落去唔會好油膩 ，明太子雞軟骨棒有明太子嘅鮮味再加埋雞軟骨棒入面嘅脆口，而雞軟骨燒得啱啱好唔會影響到佢個口感。之後我哋仲嗌咗炸墨魚咀，一個好新穎嘅豆乳火鍋，同埋一個二人前既刺身廚師發板，炸墨魚咀食落去真係香脆得嚟又唔會損失到去過墨魚味，而豆乳火鍋一上到嚟已經上咗個蔬菜拼盤。裡面有生菜、娃娃菜、冬菇、金菇、京蔥仲有洋蔥，豆乳火鍋我哋揀咗日本鴨胸，侍應叫我哋等火鍋滾起嘅時候用竹籤撩起佢哋嘅腐皮 可以試咗先。我哋試咗一下個豆乳湯真係相當之濃沃得嚟又唔會覺得好重味精。試咗下啲

近尖沙咀地鐵站嘅餐廳，一入到餐廳嘅時候成個氣氛好有日本感覺，有客入嚟嘅時候仲會打鼓🤣餐牌上主要係食一啲鍋物，亦都有石版燒等等，但嗰日我同朋友兩個人唔係好肚餓，所以淨係嗌左啲串燒同小食。嗰日我哋嗌左三款串燒，雞軟骨燒完之後唔會好乾身，味道調得啱啱好，唔會好咸。明太子醬免治雞肉棒都幾好食，明太子唔會好鹹，雞肉棒亦都好有咬口。不過我覺得最好食一定係佢嘅柚子鹽黑豚肉串，呢個燒得好食，仲有少少脆身。以佢哋嘅味增廣島蠔鍋都幾好食，個湯底本身有少少紫菜，味道適中，啲蠔仲要好大隻，有成七八隻咁多。以佢嘅唐揚墨魚咀如果送酒精飲品都幾夾，口感好好！

裝修日系風, 桌面完全夠大, 座位舒服, 令和玉子燒(42$)玉子燒夠厚, 小甜, 口感比較鬆軟.我覺得食日系餐廳,玉子燒必試, 價錢也不算貴.日本黑毛和牛鍋燒烏冬(88$)牛肉質素唔算高, 而家太多都稱自己既牛係和牛, 但我食落至少Grade應該唔高,低angus 水平一級左右, 烏冬用稻庭, 係唔錯口感上 比較滑同好食.湯底醬油湯小咸 湯底做得唔錯,  算是飽肚, 因為我地不打算叫飯吃, 所以叫了一烏冬.石燒美國安格斯(168$)呢個感覺係最抵食既石燒牛, 店員會幫手燒, 所以燒得好好, 我地無諗到有人幫手燒,所以呢個加分好多, 牛肉比較軟易入咬易入口, 牛肉7成熟,本身angus 牛肉味都夠重,angus 係cp值我覺得最高既牛, 如果無特別想食可以選呢個.梅酒(38$)梅酒可以試下, 呢到梅酒幾好像, 微甜, 酒濃度算比較高, 食左野先再飲會好d ,  以免飲到全臉紅晒!整體黎講服務唔錯, 地方舒服, 價錢合理, 算抵食!

📍 令和鍋物酒場 Reiwa ShabuShabu & Sake🌍尖沙咀厚福街9號豪華閣地下-1樓📝整體評分：８／１０之前新開張都試過佢地既鍋物，緊係要飲梅酒，同埋試埋其他野！今次主要為左佢地既優惠Ｌｉｋｅ　社交平台正價Ｍｅｎｕ有8折同埋清酒半價。🥢自家製梅酒🥢冷冰冰甜梅酒飲落口，暖在身，飲完好爽！🥢鹽燒白鱔🥢 白鱔好難唔好食，原汁原味不添加醬料就好講究食材既新鮮，魚皮肥美，肉質爽滑。🥢石燒日本A4和牛🥢 100g好食到喊，和牛雪花多，脂肪分怖好均勻，食落既肉質勁柔軟，卻唔會勁油膩，不過再食多Ｄ就會，少食多滋味。🥢 蒲燒鰻魚爆丼🥢 需候時15分鐘左右，連埋飯盒去加熱，令你食到暖烘烘既飯，鰻魚無骨好嫩滑。🥢三文魚爆丼🥢成個份量就唔多，三文魚量就勁多，包你啖啖飯都有魚。

今日我們去了尖沙咀我們今日去了厚福街食日本料理，尖沙咀出名的美食街！今日去了"令和"是樓上店，門口小小，上到店面別有洞天，好似去了日本當到餐廳。一入門口店野會打鼓歡迎。我們入坐了卡位，好有私隱的感覺。我們點了壽喜燒澳洲和牛日本黑毛和牛鍋燒烏冬令和刺身爆丼菠蘿梳打自家制梅酒壽喜燒澳洲和牛有200g 的牛肉，蔬菜藍牛肉肉味香濃😝🤤🤤😋😋日本黑毛和牛鍋燒烏冬烏冬彈牙爽口，牛肉香濃。令和刺身爆丼好豐富，有三文魚，吞拿魚，𩶘魚，帶子，蝦，三文魚子。圖中有海膽和蛋，但實物沒有！😞我好喜歡食海膽😤味道不錯，材料好新鮮！菠蘿梳打～正常自家制梅酒～好香酸酸甜甜😋😋

雖然餐廳個門口唔算大, 但勝左有個好搶眼既招牌, 好易搵到!一入到餐廳就俾佢既環境吸引左! D壁畫好sharp, 裝修亦好和風~影相打卡一流~一入門口侍應會打鼓歡迎~好有氣勢~呢度主打刺身、石燒、鍋物、爐端燒、一品、炸物,基本上滿足哂我地既肚仔！我地每款都叫D，樣樣都試下！芫荽豚肉卷D肉汁滲哂入芫荽度, 好香~鹽燒雞翼 & 鹽燒雞雞軟骨雞翼一D都唔會燒到好乾, 好香口; 雞軟骨always my favorite~池魚唐揚炸物食落一D都唔會好油膩, 薄脆既外層包住啖啖肉既池魚~好食!石燒澳洲M6和牛(150g)一見到件件都咁厚切流哂口水, 仲有專人幫我地燒~聽到D肉肉放落石板度既聲音真係好治癒~落D岩鹽同醬汁再燒多陣~已經好香! 食落好juicy, 啖啖肉!日本黑毛和牛鍋燒烏冬天氣凍, 食返碗熱辣辣既鍋物就最岩喇~個鍋燒烏冬都幾足料架~三文魚爆丼真係名副其實係爆丼, 三文魚鋪滿哂成個飯面, 而且每食一啖都咬到三文魚!燒冰火菠蘿菠蘿上面有D糖, 燒到有少少焦糖, 脆脆地~邊食邊飲最開心, 叫左2杯無酒精飲品~巨峰提子乳酸梳打 & 蜜桃乳酸梳打Overall好鍾意呢度, 真係好似返左日本咁

經openrice 訂位單點8折，即管試試。訂7點，同朋友早左到都可以安排位置。其中選擇係因為有壽喜燒，問職員壽司燒有啲乜，首先有份牛同埋有個火鍋壽喜燒，可以再追加火鍋配料，我問職員壽喜司既牛可以加？職員A答：有呀！啱啱講左後面既火鍋配料🙄 我：我知，我係問壽喜燒牛，唔係火鍋果隻職員A答：哦！有呀可以，到時講未食火鍋，要加就得好啦！咁再叫埋其他嘢食（燒菠蘿，廚師發板刺身）點餐完-職員A將壽喜燒醬料工具擺好，期待中... 主角日本和牛到（共6片）..壽喜燒鍋都到埋..起鍋唔係用牛肥膏...肉多過膏...佢將紫洋蔥放落去......😑牛都未食.... 之後佢開始煮第一片牛，好似唔錯啦，倒豉油喺片牛再沾蛋汁，期待既牛....一咬....咁咸...我未講之時，職員A話去換豉油🤬拎錯醬料，之後返黎冇講任何野照繼續用番個鍋煮...大佬啲豉油咸架....搞到成鍋錯晒...佢煮完第4片問要唔要一陣先再整，我叫佢放低，之後我自己燒...當食完叫左職員B換火鍋，問職員B，可唔可以換過新鍋先做火鍋，因為你同事啱啱用錯豉油，咸架，同埋啲紫洋蔥唔食得....職員B聽後馬上換新鍋。整體專業欠奉，食物新鮮，燒菠蘿讚

一直都好想喺香港食啲高質嘅壽喜燒🍲終於比我食到喇🤩餐廳嘅環境仲好靚 真係十足去咗日本咁🍴誠意推介💛好食到同妹妹兩個人都忍唔住嗌咗好多🧍🏻‍♀️.📌鍋物壽喜燒 為咗同大家有好嘅𝗿𝗲𝘃𝗶𝗲𝘄 一次過試晒佢地三款嘅牛😈湯底甜甜地 冇蓋過牛濃郁嘅牛味 真係絕配🙌🏻 嚟到必食𝗔4日本黑毛和牛100𝗴($128) 油脂分佈平均 口感軟淋 入口即融💕大概50𝗴一塊 好大塊好厚肉 碌一碌成塊放入口 真係好幸福🤩𝗠7澳洲和牛200𝗴($228)同美國安格斯牛肉100𝗴($88)牛味就差唔多 前者油香味會重啲同淋身少少🤏🏻但個人認為兩者分別唔算太大 想抵食啲揀後者就夠😌鍋物仲會配野菜豆腐盤有:雜菌, 豆腐, 娃娃菜, 生菜, 紅蘿蔔, 葛絲🥰好豐富呀 第一次食葛絲 好有咬口又煙韌 仲好索汁👍🏻.📌一人前石板燒 淨係食火鍋邊到夠 呢到仲有石板燒 專人嚟燒調埋味比你食 高級享受😎試咗澳洲𝗠6和牛 100𝗴($148)同日本𝗔4和牛200𝗴($268)😚石板燒嘅𝗔4都唔係好啱我地食 油脂感太重好油膩 好漏🥺但係佢唔洗點調味 加少少岩鹽就可以吊到佢個牛味😌反而𝗠6就好驚喜 熟度啱啱好 加埋燒肉汁 幾好食😍不過就間

最近係尖沙咀番工，放工想同老友聚下，老友介紹我試令和鍋物酒場。近近地，上到去坐位好寛闊，同老友食，坐得舒服都好緊要。我哋叫左好多野食，首先係鳥唐揚，雞肉好嫩滑，好Juicy ，正。之後食既燒廣島蠔，好惹味，千島醬好濃味，但都有蠔既鮮味。鹽燒雞翼都好有水準。之後叫左一樣特別d，沖繩五花腩，唔係一般五花腩，肥瘦比例均勻，值得一試。食得日本野點都有大蝦天婦羅，炸粉適中，水準預期之中，相當唔錯。食左好多野壓軸就是石燒澳洲M6和牛，即燒即食，牛味十足，記住7成熟，唔會太乾。而且好抵食，CP值好高，大家一定要試。另外仲叫串燒同粟米，水準都唔錯。好友傾計，點都要飲下啤酒，500ml 剛剛好。另外要一提既係，呢度清酒半價，大家可留意。呢度位置方便，水準又好，會再嚟。👍🏻

呢條街幾時變咗做食街?!  開餐時間條街佈滿食客，想食日本嘢就諗起呢間居酒屋，門口放住清酒半價嘅宣傳架，相當易搵上到去被一列酒櫃吸引，提供唔同種類日本酒類，歡喜呢類酒嘅人士有福了........................牆上貼住各式酒類招紙，變成另類裝飾今晚叫咗呢杯出場率偏高嘅檸檬HIGHBALL ($58)，杯中放置了廿片冰凍檸檬片，夠霸氣啦卦?!  威士忌加梳打水嘅結合，變得容易入口，淡淡酒香味，冰凍爽呀!!友人今晚"唔酒"，呢杯甜美可口嘅荔枝乳酸梳打 ($33)就岩佢啦，飲杯..................無理由"剩飲"咁單調，叫呢款佐酒小食，池魚唐揚 ($38)即叫即炸，入口熱辣辣，BB池魚仔成條食，點埋沙律醬就更惹味， YEAH................近期愛上咗食燒花魚，呢度有北海道花魚一夜干 ($88)醃好略風乾後再燒，魚肉份量都唔少，收呢個價錢相當超值魚肉入口仍帶肉汁，咸咸香香，肥美可口，唧D檸檬汁加上蘿蔔蓉，趁熱食食唔停口呀!天氣忽然轉涼了，又係火鍋擔當，多款鍋類中仍然鍾情壽喜燒鍋，三款肉質比你選擇，呢度嘅M7澳洲和牛 (200g)都只係$228，仲有

尖沙咀厚福街出名勁多好野食！但估唔到原來有間💛 黃店居酒屋💛 ！佢哋嘅位置都幾隱世，就正正喺💛 鉄火堂💛 隔離，有條長樓梯！一上去就係啦！不過佢哋係開🕰下午4點🕰，要留意呀～～1️⃣堂煮壽喜燒（A4和牛 + 野菜豆腐）（$398）估唔到呢到竟然有壽喜燒！職員👩‍💼重會教你煮！幫你煮2塊，之後留比你自己煮！和牛入口即溶，加埋蛋汁同壽喜燒汁，更加滑！重好好玩！必食 item！煎完和牛就食野菜煲，一次過滿足2個願望好正！2️⃣師傅發板（2人刺身）（$288）3️⃣北海道花魚一夜干（$88）煎得好香！好脆又好香！咸咸地！送酒一流！4️⃣清酒生蠔🦪（$28@隻）第一次試呢種配搭！將生蠔放入清酒！浸一陣，再勁加檸檬🍋！令生蠔🦪鮮味提升！又帶有清酒味！重可以飲埋清酒！有生蠔🦪味嘅酒都係第一次飲！5️⃣Suntory White （$68）6️⃣ 野莓乳酸梳打（$33）7️⃣ 自家梅酒（$38）💛令和鍋物酒場💛地址: 尖沙咀厚福街9號豪華閣地下-1樓電話: 21523988=====================分店地址：💛令和鍋物酒場💛地址: 旺角彌敦道613號飛達商業中心1樓電話: 24811388

自從冇去日本之後今日越嚟越掛住日本今日又去到日本餐廳去紓解去日本嘅旅行情懷去到尖沙咀之後完完全全比呢個氣氛感動左因為真係好似去咗日本嘅居酒屋咁唔單止一入到去店員喺門口嘅太鼓簡直係好似去咗日本咁之後我哋就叫咗令和怪物就係非常之大嘅清酒生蠔估唔到肥肥美美生蠔再加上清酒味道簡直會將生蠔嘅新鮮感覺完完全全咁擴大跟住就叫咗刺身五點呢度去刺身非常之肥美令人食指大動唔單止三文魚升起帝王大蝦都非常之咁爽口彈牙之後之後再叫咗呢度最出名嘅日本燒肉今次我點左日本嘅A四和牛油花非常之咁充足而且食落口中充滿咗牛肉嘅味道而家最令人驚喜嘅就係唔會剩係得牛油油即係嘅味道而且仲有牛肉的肉質感覺而且份量仲非常之咁多只係二百幾蚊就已經有成八片另外再加上海鹽同埋胡椒，已經令人食得非常之咁開心

疫情期間都好少出街食飯，不過今次朋友約我有呢間令和鍋物酒場，頭號日本料理粉絲嘅我又點會錯過呢🤗首先講吓餐廳環境，佈置非常之有日本氣息，呢期冇得去旅行都可以感受下猶如置身其中👍呢間酒場燒物，刺身，鍋物，丼飯，天婦羅等等嘅日式料理都一應俱全，今日大家都想食啲熱辣辣嘅嘢，就叫咗個火鍋鍋底，湯底方便隻隻都好吸引，有一款幾特別嘅就係為咗鍾意食芫荽嘅朋友而設嘅，芫荽白雞湯，不過我同我老友都唔鍾意食芫荽，最後揀咗個店長推薦嘅活龍蝦湯底。火鍋配料係包埋嘅，有啲雜菜同埋豆腐冬菇等，都好新鮮，仲有一份薯粉。火鍋湯底送到埋嚟嗰陣時已經聞到勁濃郁嘅龍蝦味，湯底唔係水汪汪嗰隻，有啲杰身，未放食物之前試咗一啖，好鮮甜好濃郁，放埋啲野菜落去就好似鮑片扒生菜果種感覺，不錯👌肉類我就配搭左美國安格斯牛肉，牛肉嘅口感比較有嚼口，脂肪比例比較少唔會影響湯底，而且有一定嘅厚度，咬落去肉汁慢慢滲出，牛味濃郁，感覺非常奇妙，因為一日口嘅時候湯底嘅味道比較搶，然後你慢慢咬嘅時候濃郁嘅牛肉味就出曬嚟👍不過份量唔算好多，所以我哋追加左啲小食，本身諗住叫一份清酒生蠔，不過當日售罄，所以叫咗燒廣島生蠔，廣島蠔10分推薦，上面有千島像燒過之

香港人愛吃日本菜已是不爭的事實, 有需求就自然有供應, 所以香港有為數不少的日本餐廳, 包括有居酒屋、鉄板燒、日式燒肉、日式串燒、刺身及壽司等等。個人也不會例外, 都是日本菜的忠實粉絲。最近收到好友傳來的信息, 介紹了一間在尖沙咀的居酒屋給我, 對於喜歡吃日本菜的我，也立即抽空來看看。七時許來到，已坐了多枱客人, 店子裝修簡單，在暖色燈的照射下，以淺色木為主調的舖面感覺是柔和的,滿有日式風味。除設有散座外, 也設有幾間獨立貴賓房, 很適合一班朋友相聚。飲品方面, 來杯Suntory啤酒, 色澤金黃亮麗，麥味香濃，入口冰凍順喉, 用來佐串燒和燒物也是不錯之選。到了串燒環節, 先來鹽燒雞翼串, 燒得雞皮脆身還帶點焦香, 雞肉口感很嫩滑，燒香後撒上鹽去調味, 吃起來就更加惹味。再來燒栗米,師傅燒得外層微焦, 口感帶點點糯口，粒粒金黃色、飽滿的粟米散發出牛油香味，每一口咬下去都係甜美, 爽口非常。店員將石燒日本A4和牛(150g)拿上檯, 附上一個石燒爐, 由店員幫手燒烤, 逐片逐片和牛放上石燒爐去加熱來燒，等到外層變色再帶點焦香時就可以入口了, 店員燒出來的和牛火候剛好，和牛油脂分佈細緻平均

收工同男朋友去食野，一坐低已經見到張枱仲有幾粒飯粒，再望一望，張櫈都有啲炸物碎，咁我自己攞紙巾抹咗佢就算。侍應見到就幫我抹多次張枱，但係佢唔係向自己方向抹，係向兩張櫈嘅方向抹，啲蛋絲掃哂落我件衫度😰跟隻睇menu嘅時候就見到隻曱甴bb，已經驚驚地，咁好彩成餐飯都冇再見到呢啲小動物出現。跟住我地嗌咗個刺身丼，因為見到張圖有海膽，但係隔離又寫住師傅發板，所以我地都有問侍應係咪有海膽，佢話係我地先嗌。點知個飯黎到冇海膽，咁就問返佢地，佢話因為今日海膽冇貨，所以師傅轉咗做油甘魚…但我地明明係想食海膽先嗌…食完飯搭緊車返屋企途中，見到個紙袋入邊竟然有隻曱甴仔😰，但係呢個紙袋我除咗放喺張櫈度，我就冇放過喺地下同埋車嘅櫈上面，所以都幾肯定隻曱甴仔係喺餐廳爬入我紙袋🤮🤮🤮 同一個位已經有兩隻曱甴出現，廚房唔敢想像🤢總結：侍應有禮貌，食物冇乜特別，唔係話超好食但亦都唔係難食，但係衛生環境惡劣。