令和鍋物酒場

营业中

休息中

這家位於尖沙咀的鍋物酒場，果然如其名， 一行入去就已經見到超巨型嘅酒櫃… 真係咩種類都有，尤其是日本清酒，各適其適、任君選擇。 先來一客刺身： 新鮮的北寄貝加上牡丹蝦牡丹蝦超級大隻， 肉身甜美黏口。當然亦都要吃這裏 signature 鍋物。 我們選了海鮮鍋。 二人份的海鮮鍋，分量十足足夠三至四人吃。北海道蟹腳，新鮮嘅帶子，蜆，魚類都齊備。海鮮鍋裏面的魚肉竟然用上刺身。 👏🏻👏🏻 沙白超級 juicy 帶子肉身又厚又甜

今日去咗尖沙咀The One行街，行到咁上下，夜晚就去咗厚福街覓食，見到街尾新開左一間 之前旺角成日見到好多人排隊嘅日式居酒屋 一於試試佢喺睇餐牌嘅時候，店員俾咗個前菜我哋 一邊品嚐 一邊點餐佢係一個有黑醋汁 凍食嘅番茄 味道 清甜開胃我哋嗌左一杯蜜桃乳酸梳打 味道平均 乳酸味唔會蓋過左蜜桃味一杯金鑽鳳梨冰 唔會太甜 而且入邊有啲一粒粒嘅鳳梨 有咬口師傳發板刺身（二人前）佢既刺身有六款，甜蝦、鮑魚片、拖羅、吞拿魚、油金魚、鯛魚 ， 唔係講笑真係好新鮮 呢間日式嘅居酒屋用嘅刺身食材係師傅每日精心挑選出嚟 最好嘅刺身食材 值得推介我哋仲嗌左幾樣一品料理鹽焗牛脷 味道幾特別少少鹹香、芝麻雞翼 熱辣辣啖啖肉、螢光魷魚漬 個人覺得普通、鹽燒雞軟骨 燒得啱啱好、清酒煮蜆 中規中矩最後值得推介嘅 就係我哋嗌左一個M6澳洲和牛壽喜燒嘅打邊爐佢標示係M6級數嘅澳洲和牛，但係佢既油脂油花分布 我覺得有M8-M9既級數 加埋蛋汁沾一沾 一啖擺落口 濃濃嘅味道充斥着係口腔裏面嘅感覺 真係好滿足 可能我個人比較大食我仲加咗碗白飯埋齋 最後仲encore左多一碟和牛

可以同朋友食飯傾計真係好開心, 🔸令和鍋物酒場🔸個環境好靚又好似好多貓貓佈置, 所以就Book 咗呢個地方。上到去就安排咗我地坐包廂卡位, 好喜出望外呀! 成間餐廳嘅佈置都好日式, 氣氛好好!🫓 香蔥拖羅蓉配鍋巴片拖羅蓉係好新鮮的, 不過老實說, 同鍋巴片個質感好唔夾。🥗 霜降和牛洋蔥沙律和牛好Juicy, 肉質軟腍, 配合埋帶有酸酸地味道嘅洋蔥真係好Fresh。🍢 串燒(柚子鹽黑豚肉 & 大蔥荀豚肉串)串燒燒得剛剛好, 肉質保持嫩滑, 好適合用嚟餸酒食。🍥 日本黑毛和牛鍋燒烏冬黑毛和牛係半生熟咁上枱, 靠熱辣辣嘅壽喜燒湯慢慢浸熟d, 充滿牛肉香味。烏冬唔會好粉, 粗幼適中, 好彈牙。將半生熟嘅雞蛋拌勻一齊食, 口感再幼滑d。🥃 蘋果汁個外表可以假扮飲酒🙃 蘋果汁唔會太甜/ 酸, 有香香嘅蘋果味。整體食物同飲品都Ok, 而環境真係好好, 坐得好舒適, 好適合同朋友傾計。

嗰日同同事收工搵到依間食野，入去嘅時候侍應安排坐喺門口張枱，我哋詢問侍應有冇其他枱，我哋周圍行睇吓有冇其他位置好啲，就問起可唔可以坐間房，侍應有少少睇唔起嘅感覺話間房要幾多幾多錢低消🤨最後我哋坐咗入間房裏面，侍應對於佢哋嘅產品唔係大過了解，問啲乜嘢就答啲乜嘢，冇好主動咁樣推銷或者解釋有乜嘢係比較多人嗌。最後我哋嗌左個刺身拼盤，嗌咗兩塊鐵板燒A5,，嗌咗啲清酒（8折優惠），想鐵板嘅時候侍應打算一次過燒晒，就同佢講我哋想慢慢燒傾下計，個男仔就話塊鐵板會凍。放底就關門走左。總括來講嘢食係不過不失，但係服務就可能可以有進步嘅空間😌

令和，可以話已經變成我嘅其中一個飯堂今日老友生日，一於同佢去令和慶祝！平時去開旺角嘅令和，今日就試試尖沙咀既令和尖沙咀既令和都幾多打卡位，一入門口條樓梯已經可以慢慢影喇清酒櫃裡有大量清酒，都係做緊半價優惠甫坐下，店員便送上前菜鮮檸檬燒灼梳打 $58每次去令和都一定會叫既飲品，燒灼愛好者必試！鹽味枝豆 $28佐酒必備食品，不用多介紹明太子醬免治雞肉棒 x2 $56鹽燒牛舌 $48加了明太子的免治雞肉棒十分惹味，咸咸地送酒都一流燒牛舌又是食串燒必點燒物之一，牛舌咬下口感彈牙野菜天婦羅 $58入面有南瓜、秋葵、蕃薯、冬菇等等，天婦羅是剛炸好的，真正的外脆內軟石燒澳洲M6和牛 200G $188店員會幫忙燒，仲問我地想食幾成熟，我地就揀左食7成熟7成熟既和牛真係岩岩好，咬落口仲有肉汁溢出鍋燒烏冬 $78石窩上既烏冬熱辣辣，入面仲有天婦羅蝦、冬菇、魚蛋、金菇等等食完個人當堂暖曬埋單每人大約$300，每次去令都飽到捧住個肚走

呢到既環境吸引到我黎、而且我見到好多正評、推介。所以聖誕節假期黎左、因為book左位所以去到就有得入、同時有對情侶walk-in但職員已經話冇位、但係我同男朋友成程食周圍都好多位🤷🏼‍♀️🤷🏼‍♀️。我地叫左$398壽喜燒，追加$28烏冬。果然係熱門推介，好好味😋男朋友勁like啲牛。另外一定一定要食清酒生蠔！$28@1，浸落清酒真係好好味、我同男朋友都encore左😆😆好鮮甜。但刺身方面就不過不失、冇咩特別不過對呢到職員服務有啲失望，明明唔算多顧客，我每次舉手好耐 都成日都唔見有職員行過黎。甚至要行出去搵職員😟總括而言，整體食物/環境都推介👍🏻👍🏻👍🏻但服務一般😿

餐牌食物都幾多元化 有日式鍋物 爐端燒 串燒 刺身 天婦羅炸物 丼飯 石燒牛… 亦有酒類提供 形式類似於日式嘅居酒屋 但係就冇壽司提供一坐低職員就為我們送上餐前小食 涼拌鮮蕃茄 蕃茄已經去皮 清甜又多汁 味道酸中帶甜 是一道開胃又清新的前菜三文魚爆丼 三文魚刺身覆蓋整個丼飯 片片是厚切的 肉眼睇刺身已經好新鮮 呈現鮮亮橙色 肥瘦度也適中 這樣剛剛好 太肥的話會越食越漏 餐廳選用珍珠米 米飯粒粒分明 煙韌有咬口 亦有醋味 加點點日式是由已經很提鮮軟殼蟹天婦羅 原隻軟殼蟹炸至金黃酥脆 上枱嘅時候還是冒煙的呢 脆漿很薄很鬆化 與軟綿綿嘅軟殼蟹形成強烈對比 外脆內軟 蟹肉味道鮮甜而且多汁鹽燒牛舌 本人非常推介 牛舌質感爽彈 有厚度所以食落有質感 ， 柚子鹽黑豚肉串 豚肉片一層脂肪一層肉 所以食落一啲都唔鞋口 反而有種入口即溶嘅效果 柚子鹽味道清新 有助消除油膩感 整齊串燒拿捏火候與時間很好 食物依然能保持肉汁鹽燒白鱔 魚皮燒到好脆 帶點焦香 魚肉夠厚而且夠肥 充滿魚油香味 而且肉質非常彈牙由於今次我係有訂位嘅 所以餐廳安排咗我哋坐小包廂 包廂與包廂之間亦有竹簾作為阻隔 相對私隱度比較高 梳化

呢間餐廳成日係朋友口中聽到，今次終於自己黎試試。餐廳坐位都幾多，而且仲有卡位，私隱度大大提高!呢度基本上咩都可以食到，今次就先試試串燒和鍋物。燒明太子，整條明太子燒到外層脆口，內裡軟綿，咸咸辣辣，再加上青瓜一齊食，味道又幾清新。特濃豆乳鍋配野菜豆腐盛，呢款鍋物用上豆乳做湯底，先煮一陣，就會出現腐皮，可先用竹籤食腐皮同飲一碗湯，再開始火鍋。這個鍋物還附有日本雞肉300g，雞肉嫩滑又juicy。還有一鍋蔬菜和豆腐，非常健康又美味。雞胸軟骨丸，肉丸內有大量軟骨，口感非常豐富。M6澳洲和牛(100g)，和牛油脂分佈平均，肉質鬆軟，牛肉味濃！奇異果乳酸梳打，有清新的奇異果味，再加上乳酸的味道，很開胃！

Happy Friday,放工後約左朋友仔食晚飯。朋友仔知我鍾意食日本菜，訂了令和鍋物酒場餐廳食飯，地方闊落，環境舒服，而且係尖沙咀B2出口步行幾分鐘就到達，非常方便。餐廳環境係日系居酒屋佈置，掛住一盏盏日系燈籠和櫻花折紙裝飾，一入門口，侍應會擊鼓兩聲加日本語歡迎客人光臨。牆壁掛住特色小黑板，寫住時令推介食物，如刺身、海膽。朋友極力推介要品嚐一人前石板燒，就點左一份美國安格斯扒，侍應除了以石板燒烤形式上哩款食物外，重點係會幫我地亨調成塊美國安格斯扒，煎好切好才給我地品嚐，非常細心，美國安格斯扒每塊厚切肉汁juicy。小食方面點左兩款炸物：芝麻雞翼、唐揚鱿魚圈，兩款炸物都相當惹味，炸得脆口不油膩。另外點左A5和牛炒飯，令我十分驚喜，A5和牛份量多炒得不乾身，飯粒分明，炒飯來講十分有水準。飲品方面我飲可樂，侍應會俾埋一杯冰底加一粒青檸我，朋友仔就飲菠蘿乳酸梳打。座位同餐臺闊落，坐得舒適又放鬆，最重要價錢抵食，下次會再來品嚐其他日本野食。

令和這間餐廳去過旺角兩間分店多次，今次來到尖沙咀分店，座位較多而且較闊落左，坐得舒適！餐牌上鍋物、串燒、石板燒、刺身等多款食物可以選擇，而且價錢亦不會太貴！霜降和牛洋蔥沙律 ，和牛稍稍燒過個邊，味道濃郁，洋蔥和沙律菜有滿滿的酸汁，食落非常開胃！鹽燒雞翼、鹽燒牛舌、明太子醬免治雞肉棒 ，鹽燒雞翼外皮燒到脆口，雞肉嫩滑juicy，牛舌厚身又juicy，雞肉棒上有明太子醬，咸咸辣辣，加上有雞軟骨係雞肉棒入面，口感豐富！令和刺身爆丼，這個刺身丼包括有帶子、甜蝦、三文魚、八爪魚、海膽、吞拿魚蓉，刺身新鮮，份量都幾多，非常豐富！燒冰火菠蘿，我們還點了燒菠蘿作甜品，酸酸甜甜的焦糖菠蘿，令人開胃又滿足！菠蘿乳酸梳打，有酸味味的乳酸和菠蘿味，味道又不會好甜，有種清新的感覺!如果想飲酒的話，他們的清酒還做緊半價，非常抵飲！

置身於厚福街，有種行夜市嘅感覺，【令和】呢間居酒屋係我一直想去食，星期五happy hour 就約左朋友嚟試吓。和風設計、日本壁畫裝修，好似有種返咗家鄉嘅感覺。和風炒雜菜🥬，有椰菜、紅蘿蔔絲、芽菜、洋蔥、青椒，口感清甜爽脆。豆乳鍋配黑豚肉🐷，湯底用了日本豆乳，香濃順滑，黑豚肉肥瘦均勻，口感嫩滑，配有一籃蔬菜，山菜、娃娃菜、金菇、香菇、洋蔥、豆腐、粉絲，纖維好豐富。大蝦天婦羅🍤，隻隻手掌咁長，外層炸粉夠薄，入口鬆脆，厚肉彈牙的大蝦。燒一夜干🐟，燒得魚身金黃，肉質嫩滑，調味也剛剛好，好食得剩返條骨。明太子伴青瓜🥒，鹹香的明太子配上清爽青瓜，剛好平衡明太子的鹹感。配返杯鳳梨冰，香甜爽口，Oshi 呢🍹

呢日黎到旺角呢間令和，成個環境好舒服，仲有好多野食！清酒仲有半價，可以不醉無歸～～我地都叫左好多野食，黎得呢間酒場梗係要叫酒嘆下，我地叫左一杯黑啤，另一杯就叫番冇酒精既荔枝梳打！～野食都叫左好多，因為每樣都好吸引！我地叫左花魚一夜干，師傅發板2人刺身，雞泡魚乾，和牛洋蔥沙律，令和刺身飯，燒茄子，鹽燒雞翼，芥辣八瓜魚～真係超正！一夜干燒得唔會乾，仲食到好juicy! 個皮仲要好脆，食埋個皮都冇難度！師傅發板2人刺身夠哂肥美，有我最愛既三文魚，全部魚都好有油香，食完一舊忍唔住再食第2舊！和牛沙律既牛肉夠哂牛味，食落感覺好好！雞泡魚乾送酒一流！我地叫左唔少串燒，全部都好好食，都係岩哂飲番杯！

令和已經食過好多次, 今次佢係尖沙咀開新分店當然要去捧場😆, 新店環境好大, 天花掛滿燈籠🏮, 怖置好有日式居酒屋嘅感覺, 每次一有客人嚟就會擊鼓, 非常有氣氛!🌟自家梅酒梅酒入口梅味濃郁, 甜度比平時飲嘅無咁甜, 幾岩小妹口味🌟自家清酒🍶清酒用左個好靚嘅酒樽裝住, 入面仲有冰粒🧊等d酒keep住凍, 飲落味道較甜, 容易入口🌟北寄貝刺身北寄貝味道鮮甜, 口感爽彈, 上面撒左少量菊花🌼, 所以食落會帶微微菊花香🌟清酒生蠔E個每次都係小妹必食之一, 將生蠔放入清酒入面約一分鐘再食, 之後乾埋杯酒, 蠔肉清爽鮮甜好好味!🌟北海道花魚一夜干一夜干燒得好香, 肉質厚實, 夾起上嚟唔鬆散, 味道咸咸鮮鮮好惹味, 佐酒一流🍶🌟濃厚豆乳鍋豆乳鍋可以揀鴨胸肉, 日本雞肉同冲繩黑豚肉, 小妹揀左黑豚肉, 除此之外, 另外仲會附上是日新鮮蔬菜, 日本豆腐同葛絲! 豆乳鍋湯汁呈奶白色, 質感濃稠, 極濃豆乳味, 豚肉同配料碌完之後都沾滿湯汁, 食落味道不錯!

等到冬天天氣終於凍，好想食啲暖笠笠嘅熱食，所以就嚟到尖沙咀最多野食嘅厚福街，令和呢間日式居酒屋，有得打邊爐添！門口見到餐廳做緊promotion 清酒半價就知無揀錯餐廳！堂煮壽喜燒（$398)這款壽喜燒採用了先燒後煮的食法，而店員會親自在旁邊烹煮，燒好的A4和牛會撈埋蛋汁，靚嘅牛肉就可以做到入口即融嘅感覺。而且套餐仲包埋一盆野菜，所以性價比都幾高，菜嘅份量都幾多，兩個人食都夠。除咗食牛肉，我地仲散叫左一碟雞肉。雞肉本身都好嫩口，就算煮耐左一陣都唔大問題，而且吸收左壽喜燒湯底嘅精華，食落都幾入味。然後就點了幾串串燒過過口癮。分別係燒粟米、燒白鱔、明太子燒雞肉棒。最好食係燒粟米，外面唔會燶左又夠香。而燒白鱔就比較失望，雖然魚皮幾脆，但略嫌太鹹。最後點了餐廳特選的梅酒啫喱！$35超大杯，兩個人share都有點多。但梅酒的確超香，第一次嘗試都比好評啊！

前一段時間，在附近吃飯的時候，發現了這裏也有令和酒場，今晚便專程來到。清酒生蠔$28杯，生蠔的尺寸不算很大，不過肉質鮮甜味美，味道濃郁，只要吃的時候，放在清酒內一會，便可以吃到帶了清酒味道的蠔肉。油甘魚$35(3切)$105，刺身厚切，啖啖都可以吃到魚肉的甘香味道，令人回味無窮。味噌廣島蠔鍋$88，味噌湯底濃度十足，廣島蠔份量十足，吃完刺身再喝一碗熱湯，令胃部非常舒服。燒冰火菠蘿$25，表面的焦糖香脆無比，菠蘿酸酸甜甜，非常開胃。Suntory (500ml) $68，冰凍的日本啤酒，非常配合日本料理，如置身於日本。原來現在正做信用卡優惠：大新信用卡可享正價MENU有8折及清酒半價，可惜沒有申請這張信用卡，下次要和有這卡的朋友一起來的時候，再享用這個優惠。