人和荳品廠 (已搬遷) 新店位置

上堂前想快快催催食d 野, 去咗路邊人和荳品廠, 叫咗碗涷薑汁豆腐花, 同碟炒麵. 薑汁豆腐花薑味夠辣, 好岩而家轉天氣食, 可以潤下喉嚨, 豆花夠滑!! 炒麵有d太乾, 但係辣椒醬好味, 配炒麵一流!食緊野嘅時候時不時就會有人黎買外賣, 想必呢都一定係唔少街坊常捧場嘅舖頭

星期日 5 點幾鐘 o係 CWB 放學, 正當等緊晚餐之際...靈機一觸去 o左人和到食番碗豆腐花頂下肚先~平時久唔久都會去食, 因為真係好滑, 好正!坐底諗都唔洗諗例牌叫左碗熱豆花竹先 後來又望見魚肉煎豆腐 o岩o岩煎起, 忍唔住叫左一碟~豆花保持一貫水準, 一個字 - 『滑』魚肉煎豆腐略嫌佢淡口左少少, 要加 d 豉油~

人和在渣甸街不經不覺也很多年了、今日走在這條街的原址，竟然找不上、原來正正搬在(對面)街，抬頭四出張望才發現地方光猛咗，食物水準依舊好味、叫上一個紅豆沙豆腐花紅豆沙單獨比較甜，但混上(超班絕滑的豆腐花身上)、，倒是一個原美配合論在今時今日銅鑼灣這個吋金呎土之地、老闆也不會坐地起價，$15.之良心交易、絕對接受。

經過CWB俾同行朋友拉左入去食Tea佢勁力推介果度D豆腐花咁好, 陪佢食一碗朋友叫左普通熱豆腐花我就叫凍薑汁豆腐花侍應一放低我就唔客氣即刻呷左啖嘩嘩嘩 ....... 辣到呢~我太睇小佢D薑汁我加返好多黃糖先頂得順嗯 .... 食落覺得普通丫~唔算得上好好或者下次再試試其他東西

很久也沒有去食人和荳品廠了, 今天一時興起, 想去食午餐。環境：呢間比以前對面嗰間更光亮闊落，最喜愛地下階磚的懷舊味道。食物：豆卜炒麵，不太鹹，撈埋甜醬一齊食，味道啱啱好。魚肉煎豆腐，外皮煎得金黃香脆，唯魚肉稍為少了一點。豆漿香滑，但稍甜，下次要試吓無糖豆漿。服務：街坊式服務，又同其他熟客打牙骹，十分親切。價錢：抵食又有營養。

在食肆林立的CWB, 竟然比我找到了"平宜"近人的人和我一見到MENU有杏仁豆腐花 而且只係$12所以便一心入去試一試1. 杏仁豆花-不是日本食開的那種, 而是在豆花上加上杏仁醬, 味道淡淡不錯2. 薑汁豆漿- 十分薑的豆漿, 跟我兒時食過的味道一樣為了薑汁豆漿 我一定會再來,另外一提, 店員十分親切見天氣有點冷所以建議了我們飲暖口的豆漿

整體食物以清淡為主．煎魚肉豆腐　－　味道較”公和”清淡但皮更金黃鬆脆．各有特式．豆卜炒麵　－　豉油味不重．OK環境乾淨，服務有禮．P.S: 廚師及伙計記性超強：每2秒一個Order都能應付自如．又快又準！I've been frequenting this type of bean curd & tofu shop since high school, which was quite a long while ago. There are a number of these shops scattered around Hong Kong. They sell nothing but bean products such as fried tofu with fish paste, soya bean milk and sweet bean curd soup. Most of these shops also do simple fried noodles, peanuts congee and may even sell their home made chilly sauce o

在銅鑼灣行到很累，想找些清淡不太飽肚的東西吃吃，就來到這處。今晚點了凍豆漿，熱豆腐花，抄麵，煎釀豆腐等。這裹的豆漿夠晒冰凍，豆味雖不濃，幸好甜味不重。熱豆腐花幾滑，都係豆味不重，還可以。我很喜歡食這裹的抄麵，有很多芽菜，豆卜，自己加上甜醬辣醬捲撈，很好味。煎釀豆腐，我反而喜歡他們的豆腐沒有釀太多魚肉，豆腐面層煎得微焦時再加上甜辣醬，正。

通常午飯吃得不多的話,總會在下午找個機會偷空去補償一下.晚上八時許才晚飯這時間吃多一點應不會影響正餐吧!對豆品店來說這裡的選擇可不算少.煎釀豆腐----面層煎得金黃微焦,內裡非常幼滑!魚肉沒腥味彈性十足.配上這裡辣度不高帶點蒜香的辣椒醬來吃著實不錯.豆漿----意料之外地是比起這條街上其它店鋪所賣的還要差,只是一杯全無豆味的白色糖水.炒麵----除芽菜外還加入了些豆腐卜作配料,吃起來味道略淡不太喜歡這種半濕不乾的炒麵.下次來還是專心吃吃豆腐算了.

以前係附近番學，就算出埋黎做野都keep住過黎食連個Waiter都無變！仲係個個好似廖偉雄既waiter!hahahahhahaha我同BF無食lunch, 甘就4點過左黎食TEA我叫左：魚肉煎豆腐，炒麵同豆漿佢叫左：魚肉煎豆腐，炒麵同豆腐花好正！！D煎豆腐仲係KEEP住甘正個炒麵唔油WOR～加辣醬同埋甜醬好好味埋單56蚊兩位～

本來以為衛生唔係太好,但係我今日去發現都okay呀...起碼比我想像中好同埋佢來野來得超快~3分鐘都唔洗就有野食啦!今次我試左魚肉荳fu.荳張.抄麵我覺得最好食同最抵食都係個抄麵~加埋D海鮮醬~超正!!而且真係可以食得飽....魚肉荳fu就冇咩驚喜啦~可能我咩醬都冇放...所以好似冇咩味荳張我就覺得都okay~好sweet!

炒麵和原味豆腐花是我的最愛.炒麵有銀芽, 豆卜, 唔會好油, 加點甜醬, 好食.豆腐花: 又白又滑, 豆味OK, 食完皮膚都好D.座位唔多, 人多果時較迫; 反正只是想吃個輕盈午餐 (豆腐花只有100 卡路里, 炒麵多D) 食完便走.

是日不很熱，經過銅鑼灣想吃豆腐花，第一時間想起人和，才發現搬到對面了．坐在冷氣勁大的舖頭裡，要了熱豆花．端上原來的時候感覺一陣蒸氣，的確是很熱的，　豆花做得一貫的滑，但豆味的確差少少，要多下點糖才算吃得點味來．下次再來，還是要凍豆漿，解解渴算了．

一直也不只喜歡去一些豆腐老店吃豆花，但有時突然想吃，也真的沒什麼辦法，如今天，本來想去吃老銅買ABC Cake吃豆漿蛋糕的，誰不知找了大半天也拔不到，找不到就打個電話給老闆，原來說租約期滿沒有開了，遲些會另覓地點重開，但此時，真的走也走到口乾了，沒有豆漿蛋糕吃，就喝杯豆漿又如何！來到坐低後，快手的點了凍豆漿，因為真的很渴，凍豆漿真的很夠冷，而且入口順滑，丁點豆渣也沒有，甜度也是剛好，不太甜，合我的口味，至於豆味？不可以說是沒有的，但就是寥勝於無。喝過了解渴的豆漿，就也吃多碗豆腐花，豆腐花看得出算是有心機舀的，但始終旁邊還有很多點點的豆花碎，要說舀豆花的功夫，九龍城的公和是舀得不錯的，再吃一口又如何？豆腐花的豆腐撞得很滑，純以滑度來說絕對是前列位置，但論豆味就只吃到丁點，真的不用心吃也不知，至於甜度就剛好，雖然個人來說可以吃得再淡一點，但這個甜度也不錯。吃過了豆花喝過了豆漿，立時不再口渴了，甚至是成肚水的感覺，另外再買了杯凍豆漿行街給女友，也是二十二元，在市區吃豆花，這個價錢又不是太貴。

係附近行過.....竟然比我見到有杏仁荳花食~諗都唔諗就入去試啦~我叫左熱荳花$10.......朋友叫凍杏仁荳花$12......出面好難先食到杏仁荳花,通常得普通和生果荳花,果然無失望....杏仁味很濃.....荳花都好滑~而熱荳花比凍荳花大碗,超滑.....唔落糖都夠甜,因為本身已經有糖水....糖水份量啱啱好....唔太甜~正