人人和平小飯店 (已結業)

價錢不是最平，中價水準服務、食物上等質素。燒味出名，個人覺得除左燒味外，其他食物普遍都好味，唔一定只叫燒味。午餐外賣餐牌上全部都試過，基本上都好味，冇伏。好欣賞個高效率嘅外賣system，打電話落單就得，電話同名都唔駛留，佢係來電顯示度睇到電話寫落單度。落單後10來分鐘就已經ready，去到攞單去櫃枱俾錢就可以拎外賣走，十分方便。外賣packing好企理，完全唔會成個盒都係醬汁。如果係湯飯/餸汁分開會好味d嘅項目，會分開兩盒，返到屋企都會keep到個味道同口感。有次叫肉絲炒麵，個炒/炸麵外賣盒蓋係特地剪左個洞，令到回家時唔會因為焗住/倒汗水而令到個麵冧左。好欣賞佢嘅細心。西多又係好好味，足料夠蛋香。所以已成功俘虜左我地個胃，久唔久就會心思思想食。

因為夜晚冇堂食，唯有買外賣。去開北角，醒起同事話衣問小店嘅燒味唔錯，所以買了半隻燒鵝試。另因仍係下午茶時段，買了四粒炸鯪魚球。回家先吃鯪魚球，幾彈牙，味道唔錯，但跟嘅蜆介就普通，味夠香。跟住食主菜，燒鵝皮脆肉嫩好味。

之前去左間中菜小館，野食不錯，份量多。4位成人慶祝生日，成餐加埋$1000內。環境光猛，服務好，仲好有良心，前排疫情超市米缺貨，義務巿價賣米比街坊。.🔷家家和平四人餐($798)平均分數: (7.3/10)份量大，我地食唔哂，夠5個成人食。真係有鮑魚，有帶子，有蝦蟹，又有鵝，抵哂。.🔸新會古井燒鵝(下庄+$30).🔸蟹肉魚肚羹.🔸百花炸釀脆蟹鉗.🔸璧玉蝦仁帶子.🔸鮑魚滑雞煲.🔸柚子蜜桃骨.🔸砂鍋鵝汁炒飯.🔷紅燒乳鴿($48)分數: (7.3/10)由於壽星好鐘意食乳鴿，一開波就嗌左隻。唔會燒得太乾，皮薄肉多。

同屋企人兩個人食，分別嗌咗晚市套餐嘅燒味雙拼、琵琶豆腐、皮蛋一客。服務唔錯，佢啖茶值得一讚，唔係普通嘅普洱茶佢係帶啲陳皮味，我覺得比起一般小菜餐館呢一點解係優勝嘅。先講燒味雙拼飯，燒肉拼燒鵝。聽屋企人講佢嘅燒鵝出名，但係有對比之後覺得燒肉反而更加出色，超級脆皮唔會話太多肥膏而油膩，咬落去肉係鬆軟唔會實的的。 燒鵝正常，睇你要同咩舖頭比，個同好出名嘅燒鵝店比可能佢冇咁出色，但依然做到皮脆有鵝香。琵琶豆腐，原本見到menu上面寫要預訂，所以本身想叫鵝汁浸鵝肝，但係平日嘅晚上反而佢冇，一問之下發現原來今晚會做琵琶豆腐當然要試一試。外皮炸得香口，但係裏面依然嫩滑，個汁的調味亦好好，送飯好。皮蛋裏面有啲流心，本身我唔係特別好皮蛋，至少我放落口佢冇嗰陣可怕嘅石油味。據屋企人話皮蛋都唔錯。呢間餐廳我會encore, 會同屋企人去試午市同晚飯，因為其他嘅小菜同埋佢砂鍋飯我都有興趣。

晚上6點半入座......全店已滿座.....仲有好多外賣.....好彩有訂位......唔係應該要等成個鐘先有得食.......真的超人氣.....由於第一次來......慢慢研究個餐牌.....最後決定要一個2人餐.....再加點其他菜式.....應該也夠3人食......一舉手......就有店員留意到......哩個男店員不知是老闆定經理......十分熱誠.....隔咗咁耐......仲叫得出我的姓氏.....真的十分驚喜.......得獎蜂蜜叉燒（2人餐）.......明顯選用梅頭肉.....肉質較腍.....甜甜蜂蜜.....比起麥牙糖....冇咁膩.....好想食燒鵝髀.....可惜冇晒下庄.....唯有上庄都照叫啦......哩度啲燒鵝係去脂版......皮與肉之間既肥糕已清了......皮真的幾脆.....仲有點暖暖的.....蜜桃冰梅紐西蘭魚柳（2人餐）甜甜酸酸幾開胃.....個甜酸汁是剛掛汁的......做得不錯......紐西蘭魚柳.....幾厚肉.....沒雪味.......魚肚粟米羹（2人餐）魚肚同粟米也不少......不會太杰身.....百花釀蟹鉗（2

假期黎食，好彩訂左位，同埋早食，超滿座！ 仲有好多人叫外賣，雖然好忙，但服務都唔錯，keep住加水，嘢食都好快。食物方面，叫左蝦炒飯、燒鵝、菜、椒鹽鮮魷同「燈」湯，（突然唔記得點寫），全部都好滿意、長輩都話好食，我地咁啱又有卡位坐，都幾舒適，有機會一定會再黎。重點係，唔算貴！性價比高！仲有好多嘢想試，遲啲叫埋多啲一齊食就可以試多啲款。因為openrice 好煩又未夠200字，又要被迫打廢話，呢個規定唔知邊個諗出笑，勁無謂。

山上看完日落下來超累又不太會路，經過見到店名很有趣，坐位很闊又不用等，就進來休息。由於很累，二話不說的叫了二人餐，事後細看菜單，料看似很滿足0 0蜂蜜叉燒別看它切得厚，其實都很嫩，肉邊不硬，口感剛好，而且有蜂蜜味，很開胃~如果還有時間，旁邊的黃豆也很入味~~食完後先喝個熱茶，它的茶壺是經過加熱的~~令用餐過程高檔了些~魚肚粟米羹很足料，味濃~~~魚肚嫩，很值得食~蜜桃冰梅紐西蘭魚柳橙紅色的脆外皮，又是橙色的水果肉~~還有酸甜汁，這是咕嚕肉吧？我第一個反應是這樣的XD當然，食下去是鮮魚肉啊~~~百花炸釀脆蟹鉗真的，就是兩件~~~但，食到這裏，肚子都滿了大半~~可以當成小休的去品嚐蟹肉~~台灣櫻花蝦海皇炒飯飯上的蝦米，很吸睛！很有份量！因為廚子把蝦米放滿整個飯面！！蝦米的蝦味不重不淡~~~蝦的香味也飄進鼻來~~小蝦米就有點脆的~~多了層口感~但飯就有點干~~飯內放了不少的蝦肉~~~這個真的很有氣勢XD最後食得很飽又滿足的離開了XD

［北角］人人和平小飯店💛.叉燒飯食剩指數 10/100近排唔知係豬肉貴左定咩原因食到既叉燒好多都好柴呢間算係唔太差起碼肉唔柴有蜜糖既甜味同埋都唔係得幾舊份量算係幾多！Lunch 包例湯同飲品都係5x$外賣仲有9折～

五一黃金周，男朋友話夜晚唔煮飯出街食，就去咗北角間人人和平飯店，6點半左右去到已經坐無虛席，好彩唔洗等幾耐都有位~本身諗住散叫，但見到有二人餐就唔諗咁多，二人餐望落都唔錯~一黎就係炸蟹拑同炸蟹拑一人一隻，肉質夠爽彈又香脆。而冰梅魚塊，雖然唔知D 冰梅係邊，但勝在個魚塊炸得好香口，加上個好似咕嚕醬嘅汁酸甜剛剛好，好惹味。之後上黎係粟米魚肚羹。唔會好似出面酒樓咁濃味，反而清清地有粟米香，而且啖啖魚肚，正！本身個餐有叉燒，但因為叉燒賣晒，問我地轉唔轉雞或者燒鵝，我自己唔多食雞，所以轉咗燒鵝，不過燒鵝都等好耐，老闆都問咗我地幾次驚我地等得耐不如轉雞，但因為個炒飯都未黎，所以我地都決定等落去~決定等係值得嘅，初時以為都幾得幾件肉，點知佢黎個「上莊」，個燒鵝真係燒得非常靚，皮光肉滑夠Juicy，油香真係無得頂，真心齒甲留香。而且仲有少見嘅蜜糖棧豆，第一次食呢個豆，甜甜地有蜜糖香唔會死甜，已經愛上咗~其實個櫻花蝦炒飯都唔差，大大碟飯底炒得夠乾身，粒粒分明。而且除咗滿滿櫻花蝦之外，仲有中size 蝦仁，不過呢二人餐黎講碟飯都真係幾大碟，差D 食唔晒~食到最後準備賣單，先知有紅豆沙送。紅豆沙都算沙，而且

已經有成年冇去食過，但上星期晚剛剛經過，又正想食燒鵝，於是馬上入去，叫左個燒鵝上庄.希望可以滿足一下口福😋但今㳄的經驗實在令人太失望。皮算脆，但好肥，食落成口油燒鵝肉好”諗” 什至”梅”。似食鴨，冇鵝肉的口感及香味 😞

近排多咗機會黎港島，可以試更多嘢食。先係北角，俾我感覺係人口好密集嘅地區。上小小斜路，去到堡壘街，人少好多。呢度有間食中菜，決定同家人一齊叫外賣自取。叫嘅時間已經係5點幾就黎6點，已經無哂午餐同下午茶。呢個五一黃金週好多人，有啲已經買完等攞啦。懶得諗，依家呢個係最好，分到兩家人食。不過我個人覺得啲餸排法唔係咁好，好易令人以為一行係一個餸，多字放最底，上面就兩行並排會清楚啲（職業病）。仲有母親節套餐，都幾抵食。根據依家openrice上文嘅速度，我諗上得都已經過左。蕃茄紫菜羹，好多，有兩兜，而且份量好足又夠哂濃，仲有蝦米。咕嚕魚塊，唔係講笑，係真材實料，舊舊魚肉，好簿嘅粉，完全無「呃秤」。掛汗都唔錯，呢個有驚喜。另一邊家人就分左要燒味，叉燒併腩仔，都幾多。家人話燒得剛剛好，腩仔返到屋企都係脆。另外一個餸要蝦仁炒蛋，蛋滑，蝦都大隻同彈牙。佢哋再另外叫左櫻花蝦炒飯，不過俾左炒麵，都ok嘅。炒得夠哂香，家人話整體係好食。餐仲有一個白飯，其實兩個人食都幾飽，加左菜，都真係可以3至4個人。補張餐廳相，我地都企左幾耐等餐，都陸陸續續見到好多家庭黎食飯。行動不便，可能要搭小巴或的士上黎，始終有斜路。

好少可會去到北角堡壘街食飯，朋友介紹個到有間小菜館，主打食古法燒味同埋古井燒鵝，門外同menu上都有蒙羅麗莎圖片，都幾特別.蜂蜜叉燒拼燒腩仔 7/10叉燒半肥瘦，食落唔會好乾同埋幾鬆軟，蜜汁帶有甜香，燒腩仔個皮幾脆身，唔會過咸同過肥，不錯👍🏻.菠蘿咕嚕肉 6/10我覺得$92得幾舊咕嚕肉係有點唔值，雖然整得幾好食，但份量真係太少，每人分一至兩件就冇哂😖不過味道幾好，炸得唔錯，啖啖肉，炸粉唔會太厚.蜜椒薯仔牛柳粒 7.5/10薯仔入味，外脆內軟，但唔太夠鑊氣，冇炒到有焦邊，不過牛柳軟腍適中，醬汁都幾惹味，配飯一流

因為食開北角嗰間喜旺已經冇做夜市，但我前日真係好想食燒鵝，諗起和平小飯店，之前食過都幾好食，又話係荔枝柴燒，於是滿懷希望，馬上開車去食。去到當然要食燒鵝，我哋叫左一碟燒鵝”上裝” 同埋一個福建炒飯。燒鵝嚟到賣相唔錯，但食落就唔多掂，皮算脆，但脂肪多，肉質太諗，冇彈性，而且帶羶味，似鴨多過似鵝。佢價錢亦唔平，只係茶餐廳格局，啲位郵集後面張枱啲人又嘈。我哋叫左一碟燒鵝同埋一個福建炒飯，又要收茶錢，又要加一，兩個人就食左二百六十幾蚊，咁嘅品質實在令人失望！

點了一個三餸一湯家庭餐：韮黃叉燒抄蛋非常有功架，有火候有韮香有蛋汁有蛋味。叉燒拼燒肉，叉燒軟而有咬口，同是蜜香不會過濃，燒肉肉嫩皮脆，更有美味蠔油豆拌碟。魚香茄子，肉碎汁上飯一流，茄子也不過軟。粟米羹黏度適中，粟米清淡而香。以外賣可以比美堂食，值得再去。

今日經過北角堡壘街，見到呢間人人和平小飯店。比佢地門口宣傳吸引住，原來佢地既燒鵝係燒鵝比賽no.1, 赢晒 x記，y記，z記😲 (xyz係咩？有興趣自己放大幅圖睇)雖然唔知佢宣傳話古井燒鵝有咩來頭，但即本斬料，外賣下庄做餸試下。燒鵝最基本係隻鵝要得，大家睇相應該見到肉質肥瘦適中，皮下有小小肥，啱啱好。食落口，肉嫩又有口感。皮可能唔係即食，唔算好脆，睇相都見到好光滑。味道真係得，醃料入味，配上佢地個酸梅醬，夠酸，更係一絕。👍另外, 見佢地個小菜菜單都好豐富, 疫情過後一定要搵機會堂食試下.