人人和平小飯店 (已結業)

Enjoy your Sunday!星期日放假出去食lunch見到餐牌有個黯然消魂飯,原來係招牌叉燒+煎雙太陽蛋 叉燒勁"林" 隻蛋煎到好完美, 外脆內嫩 勁好食!忍吾住嗌左個黎試下,真係同‘食神’一樣lol...嗌多左個四寶飯 但完全被比下去 叉燒太乾太"鞋"仲有個中式焗鵝肝 但坦白講有D失望係因為以為真係同西餐有D似但完全係唔同! 似食蠔仔蛋多過食鵝肝...個主角錯哂因為可能焗過頭, D蛋無哂質感 ! 呢個被列入廚師推介 的確有點失準!早知嗌黑松露炒帶子 我相信會更有睇頭!

門面靚Lunch menu -叫咗個黑松露醬珍珠帶子炒飯好重黑松露味，正-枝竹鹹菜胡椒豬肚湯飯呢個湯飯非常足料，好多豬肚！胡椒味亦重-小食，子薑皮蛋-加多兩杯餐飲。2個人食岩岩好！-大合照-全單$136。無需加一

北京堡壘街有間和平小飯店，兩個人去食，友人啱啱先病好，一於食得清淡啲啦！叫咗個上湯亞拉斯加皇帝蟹伊麵底 $288，佢仲有得轉做芝士底😳🤤 但我想食吓皇帝蟹嘅鮮味，所以就唔叫芝士底了。如圖所見，其實蟹腳份量都唔少，足夠cover哂成個麵嘅表面，上枱時蟹殼都已經開哂，一路食嘅時候就可以無後顧之憂，可以一啖伊麵，一啖蟹肉，真係啖啖肉😋 蟹肉都好新鮮，上湯清清哋吊吓味就剛剛好。略嫌環境似舊式茶餐廳咁，如果執執個設計，可能會更多人食！

之前都尼過依間餐廳⋯食下午茶好抵⋯因爲依到既燒味都幾好食，所以如果肚餓就叫炒粉、炒飯都唔錯。燒味款式都多⋯所以以下午茶尼計都幾抵食。不過每次咁岩同朋友尼食既時候都係唔肚餓既時候。所以只係叫西多士餐，$28。味道都幾正宗⋯所以我覺得幾好食⋯糖醬係自己落既⋯有兩小包獨立包裝，唔想食咁甜既落一包都得。地方好大，坐得好舒服，我地7個人⋯有方枱、圓枱比我地揀⋯

其實啲野食都幾油，因為有朋友一齊去完肚痛，但係味道係好好的！ 尤其個叉燒真係勁好味，唔太肥但亦唔太瘦，甜甜地！ 係拎獎嫁個叉燒，名不虛傳！ 其實個炸四季豆都好好味，有啲咸蛋黃味道，好夾！ 炸豆腐啲豆腐勁滑，外脆內軟，又係正呀！ 茄子魷魚兩樣野放埋一齊就有啲奇怪🙈 牛肉果啲都冇咩特別，但都係偏油，去到最後成碟都係油其實都幾驚。我地四個人叫左咁多野就好飽好夠！ 不過環境就傳統茶餐廳樣，但落單個叔叔都好nice 同肯幫手嘅！ 笑笑俾叉燒的！

和平小飯店 (北角).⚜️胡椒豬肚雞煲⚜️.胡椒豬肚湯味道濃郁，有酸菜，雞件同埋豬肚係入邊，酸酸辣辣非常惹味勁開胃！.⚜️海味雜菜煲⚜️.諗住叫個菜食，所以就叫左呢個海味雜菜煲，入邊有蝦米🦐，小棠菜，西蘭花🥦香菇，粉絲等好大煲而且個湯底好鮮！ ⚜️金銀蒜蓉蒸海蝦陳村粉⚜️.呢個set不得不推介大家食！ ！ (⁎⁍̴̛ᴗ⁍̴̛⁎)海蝦開邊再用蒜蓉去蒸，係底嘅陳村粉吸晒蝦嘅鮮味同埋蒜蓉嘅香，$118而且份量都非常之足料！😋💕💕.⚜️叉燒粒蝦仁炒飯⚜️.叉燒蝦仁炒飯非常之乾身，飯粒粒粒分明，蝦仁大大粒，推介嘅煮食！ —————————————————————-環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️ 大推！ (⁎⁍̴̛ᴗ⁍̴̛⁎) .📌和平小飯店 (北角)北角堡壘街6-8號A地舖

在北角返工，午膳的時候無意中經過，眼見裡面座位鬆動，所以入去試下看了餐牌良久才決定食叉燒燒鵝飯，意想不到會有驚喜叉燒和出面餐廳的差不多，燒鵝我覺得比出面餐廳好食一些，還有值得稱讚是廚師斬了脾位給我

🍳🍳🍳黯然銷魂飯 ($53)蜂蜜叉燒加埋香煎走地雞蛋真係好邪惡😈蛋汁撈落啲飯到真係好好食蜂蜜叉燒嘅香味亦都好重53蚊食到呢個質素真係超值👍🏻👍🏻👍🏻🍵🍵🍵意大利礦泉水燉湯蘋果桃膠雪蓮子燉豬展湯 ($108)十分真材實料👍🏻🤤飲得出好清甜既味道細盅燉湯大概有四碗🥰可供3-4個人飲養生推介🤓🤓🤓🥒🥒🥒懷舊小黃瓜 ($38)黃金豆腐粒 ($45)兩款小食都好開胃😻😻特別要讚下個豆腐粒係我食過最高質素嘅小食豆腐唔會同脆皮分開 有200分咁嫩滑😻🤤🍊🍊🍊純西西里血橙汁 ($25)午餐跟餐嗌 可以加$5就轉到呢杯橙汁🤤好新鮮 同埋飲得出係原汁原味冇加糖嘅🥰

#雙冬羊肉飯 $72大大碟既羊肉上碟🤣而且會有埋少量配菜。羊肉大大舊，但都炆煮得很軟好淋，沒有羊騷味👍🏻而且份量頗多。價錢合理，性價比頗高。.#和平四寶飯$64見到好多人叫呢個🤤味道果然有保證。呢款和平四寶飯一碟會有齊燒鵝，貴妃雞，招牌蜜汁叉燒同咸蛋🥚。一碟飯滿足四個願望呀🤣燒鵝外表香脆，鵝肉入味之餘仲保持嫩滑，好正！下次再黎可能會直接叫半隻🙈.🏠和平小飯店 (北角)北角堡壘街6-8號A地舖

其實之前嚟過好幾次食午餐，我覺得呢度好特別，因為佢會例咗好多材料嘅來源，譬如：走地雞蛋、礦泉水等等😂。事先聲明，呢度少飯就等於沒有少到🤣，仲有好多。👆🏻午餐牌我地叫咗三碟🐷黯然銷魂飯（$53）😅🤣有一碟嘅叉燒就好靚，其餘兩碟就一般，但係都好味嘅😋有一碟嘅蛋黃穿咗😅。其實我嗰碟切雞飯走汁，但係師傅搞亂咗，兩碟黯然銷魂飯同埋個碟叉燒燒腩肉飯走咗汁，而我嗰碟就無走到汁😓😪。呢碟🐷雙拼叉燒燒腩肉飯（$60）就靚啦（燒腩肉同燒鵝要加$4）。十足份量嘅叉燒同埋燒腩肉👍🏻，叉燒半肥瘦，燒腩肉腍，唔會太多肥膏☺️我對呢碟🐔雙拼切雞飯（$56）有點失望，首先係因為無走汁，其次係因為雞嘅份量比我想像中少，雙拼應該有多D，呢碟好似單拼嘅份量😓但係係好味嘅，我要求雞胸，唔韌。👍🏻🥦白灼菜心（加$12）份量剛剛好👌🏻夠腍。其實呢間餐廳嘅食物質素唔錯，只不過係服務無咁親切，而且師傅漏三漏四😅希望係呢方面可以改善😊。

黎到北角搵朋友傾project，要搵一個唔太吵、坐得耐又舒服的地方，我就想成呢個「蒙羅麗莎」。呢間野食燒味飯好出名，特別是燒鵝同叉燒。門口已經放曬啲得獎消息。2個人食，唔想諗，簡單啲，就叫個「人人甜蜜」2人套餐。首先是招牌叉燒，果然是招牌，香甜好食。湯是有瑤柱的！咕嚕魚柳正呀，personally 唔鐘意咕嚕豬肉因為好肥，今次喺魚柳，食得好放心！櫻花蝦炒飯都好香蝦味。甘蔗蝦棒都好有特色。晚市去，人不是太多，靜靜地幾好，唔會比人趕走。環境都好舒服。最後仲有紅豆沙送，好開心呀！

食評讚到上天，又話東張西望又話自己勁過鏞記，前晚第一次來，兩個字中伏！肯定係歷史上最難食嘅冬至飯！所謂東張西望燒鵝又乾又鞋，其他餸菜完全無味，20分鐘出一道！再仔細看看，每個食評都是同一套路！冬至流流都坐唔滿⋯⋯你懂的！真係對唔住屋企人，6位套餐2088完全唔值！呢個故事嘅教訓係，唔好盲信媒體食評，尤其是話自己勁過鏞記，不如我話自己好打過甄子丹，好嗎？當然也要佩服欽敬他們成功的marketing！茶餐廳的裝修和服務，（洗手間是90年代茶餐廳標準😱😱）快餐店的質素，可以包裝到天下無敵，香港係會有明天嘅！

去到北角但唔知食乜，所以就周圍行。點知就搵到呢間餐廳，見到出面有好多上報同埋獎。所以就入去試下。咁岩有午餐，仲要有我最鍾意食既燒味，我就即刻點左個叉燒燒腩飯。男朋友就三心兩意，又想食黯然銷魂飯。不過我話其實係叉燒蛋飯，我又已經有叉燒，所以唔好吧。最後佢揀左咖喱羊腩飯。中間有個小插曲，就係見到有人點左個鵝脾，個樣超級出色，因爲我地本身唔肯定係乜，然後我地忍唔住捉個店員問。不過價錢都唔平，所以都係唔叫。燒味個樣一黎到已經覺得好出色，d色水好靚，食落仲要肥美均衡，非常正。不過男朋友就話佢個咖哩飯比較普通。另外午市有除左跟飲品，仲有跟汨，好飽肚。我地食緊時咁岩轉茶餐，不過對比過個menu，都係午餐抵食d！有樣得意野就係有得餐飲加$3x，升級做Stella，價錢算係好抵啊！btw店員好nice好有禮貌，真係要比足5粒星。埋單total大約$150，算抵食啊！

尋日一早外出行山， 行到半路中途客人急call要落山開會，我唯有轉車回北角等待客人。在等待客人之際，行山友介紹我去人人和平 heping restaurant 食個香港地道lunch。 燒鵝燒味香港人人愛，我又點會例外呢～我叫來燒味雙拼，燒鵝叉燒湯米粉，燒鵝肥美，皮脆肉嫩。 叉燒甜香厚身，啖啖肉不黐牙。同行行山友叫了雙腸煎蛋飯， 黑椒臘腸及潤腸很新鮮， 切得非常薄片，油香四溢，絕不可缺配白飯一口一口，大啖食，不鹹只覺很香口，行山後的Quote完全還了給食物上。午市套餐價錢合理，套餐包湯及餐飲，每人都都$50蚊左右，食物質素好，性價比算高。

下午茶時間去，見到午餐餐牌呢個黯然銷魂飯，加上好肚餓，即刻叫左～～黎到，蛋係煎雙蛋，蓋住叉燒，叉燒有啲有燶邊，相對都厚切。我幾鍾意篤穿蛋黃撈飯食，所以幾鍾意！叉燒都好足料，但略嫌有啲瘦，有返少少肥既話會更好！總括來講係唔差既～～成日諗！點解間間黯然銷魂飯都冇個精髓-洋蔥！唔通加左係會唔好食？