京都勝牛 (AIRSIDE)

营业中

休息中

⁂⁎◝#啟德🇭🇰 京都過江龍吉列牛 白飯沙律任添 ⁎◜⁂.喺Airside見列呢間京都過江龍都幾受歡迎好多人食 所以決定試吓 價錢唔算貴而且白飯同椰菜都係任添 唔會怕食唔飽😗.✧京都豚·牛二味御膳 $𝟏𝟕𝟖✧牛西冷·青唐辛子味噌御膳 $𝟏𝟕𝟖吉列牛炸粉唔會好厚 可以放上鐵板燒自己控制熟度 豚肉係京勝豚 而牛肉就係穀飼西冷豚肉唔鞋口 同牛肉一樣咁嫩套餐包括白飯、京椰菜、味噌湯 可以任添😆.下次會想試吓佢地既招牌四品牛魔御膳可以試晒四種唔同部位嘅吉列牛🥩🐮..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 3.5/5𝘙𝘦𝘷𝘪𝘴𝘪𝘵: Yes*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍京都勝牛🗺️九龍城啟德協調道2號AIRSIDE B1樓B129號舖..#mytaste_啟德#mytaste_日本菜

呢間京都嚟嘅過江龍一路都聽過佢嘅大名，可惜抽唔出時間來試，今次終於約到朋友去食！四品牛魔御膳 $328一共有四款唔同嘅牛肉，包括有穀飼西冷、菲力牛、翼板牛以及醬味薄牛。整個套餐仲有湯、白飯、椰菜、溫泉蛋，飯同埋椰菜仲可以refill！當然唔少得調味醬料，比如有醬油、咖哩汁等可以轉換口味。除咗醬味薄牛，另外嗰三款上枱時候都只係整咗三至五成熟，不過仲會有個煎pan畀客人自己調節熟度，西冷油脂最明顯，菲力牛、翼板牛肉質就相對結實啲，醬味薄牛事先調味過，肉質軟淋有味道。牛肉愛好者必試呢一款！勝牛喜燒鍋膳 $188另一款就揀咗常見到嘅壽喜燒，套餐同樣有湯、白飯。壽喜燒鍋本身入面擺咗唔少蔬菜，比如有豆腐、粉絲、椰菜、菇菌等，牛肉片就分開上，俾客人慢慢涮熟，記得要點生蛋汁，牛肉片加蛋汁，口感滑順，送飯一流特濃抹茶小豆流心蛋糕 $52好鍾意呢款蛋糕，側邊有雪糕同埋忌廉，抹茶蛋糕上面有紅豆，蛋糕本體係熱！帶有明顯嘅抹茶香氣，配合冰涼嘅雪糕食，冰火兩重天好正沖繩黑糖雞蛋布丁 $58布丁表面淋上黑糖醬，平時食開嘅布丁口感滑溜，但係今次食嘅呢款雞蛋布丁相對比較綿密，但同樣美味！！山楂荔枝乳酸 $38期間限定飲

呢間日本出名嘅吉列牛料理，而家Airside都可以試到！除咗佢哋招牌嘅吉列牛，餐廳仲提供多款日式料理set，佢嗰啲套餐裏面嘅白飯、味豉湯都可以追加🤩，一定夠飽，唔怪得平日晚市都係全場爆滿！-——————————————🍱◖鰻魚大海老御膳◗ $208有兩大嚿炸鰻魚同大大隻炸蝦，炸鰻魚幾香口，外皮酥脆，充滿魚油香，入口即溶，但就略嫌炸蝦唔夠新鮮，未夠彈牙鮮甜～炸物可以點上他他醬，食落更加惹味，伴碟嘅椰菜沙律啱啱好可以消下膩😗🥘◖勝牛壽喜燒鍋膳◗ $188牛肉大大片，浸落壽喜燒鍋到至呈粉紅色，再蘸上蛋漿，口感嫩滑肉味濃郁；醬汁口味就偏鹹，一定要同飯一齊食～🧁◖特濃抹茶小豆流心蛋糕◗ $52蛋糕質感有少少似心太軟，抹茶嘅茶香同回甘味都幾濃，同埋唔會覺好死甜，推介！🍮◖沖繩黑糖雞蛋布丁◗ $58布甸嘅質感相對上硬淨，用日本雞蛋製作，蛋味特別濃郁，配埋焦香嘅黑糖，唔會話太甜，個人覺得都唔錯～🫐◖藍莓巨峰乳酸梳打◗ $48🥝◖奇異果熱情果梳打◗ $48兩杯梳打都唔錯，建議可以揀少甜，有啲梅果嘅味道，酸酸甜甜夠晒清爽！🌟Encore指數：8.5/10

我地叫咗四品牛魔御膳同京勝牛鍋膳，兩款都豐富好味。四品牛魔御膳包括咗四款唔同嘅牛肉：吉列醬味薄牛、吉列穀飼西冷、吉列菲力牛同埋吉列板翼牛。所有吉列牛都已經炸好，亦中可以喺個小爐上面再燒翻熱佢。吉列醬味薄牛，薄身味濃。吉列穀飼西冷肉質嫩滑。吉列菲力牛肉質細膩，肉汁豐富。吉列板翼牛牛肉質結實，咬落去有嚼勁，配上特製醬料，味道好惹味。四款牛肉各有特色。京勝牛鍋膳嘅一粒粒漢堡肉波波真係驚喜。每一粒漢堡肉波波都係用上等牛肉製成，金黃香脆，咬落去肉汁滿滿。食完主菜，當然要試下佢哋嘅甜品。試咗特濃抹茶小豆流心蛋糕同沖繩黑糖雞蛋布丁。特濃抹茶小豆流心蛋糕，蛋糕外層鬆軟，抹茶味濃郁。沖繩黑糖雞蛋布丁質感幼滑，甜度適中。

於日本號稱「關西第一」的吉列牛專門店，精心挑選最佳品質的牛肉部位，以190度油溫炸60秒的煮法，將牛肉炸至酥脆金黃，而內裡保維持鮮嫩口感。招牌「四品牛魔御膳」，包含四個不同的牛部位：翼板牛及醬味薄牛帶有均勻油花的滋味，喜歡嫩滑肉質的話可以嘗試西冷及菲力牛。更提供多種沾醬和調味品，包括牛扒特製醬汁、和風醬油、柑柚沙律醬、青唐辛子味噌、山椒鹽及京咖喱蘸醬。厚切豬排，厚實軟嫩口感，外層鬆脆多肉汁，完全冇油膩的感覺，搭配新鮮香濃的日式滑蛋。雞蛋布丁滑溜香甜，充滿蛋香、奶香及黑糖香微甘抹茶蛋糕茶味清香不膩，加入清甜細膩的北海道十勝紅豆，令整體口感更為豐富。

同朋友喺airside 揾嘢食，見到呢間餐廳都多人幫襯，就入咗嚟食。🥩 四品牛魔御膳 $398呢個御膳包括四種不同部位的吉列牛，包括：穀飼西冷、菲力牛、翼板牛和醬味薄牛，每款都各有特色。牛肉嫩滑，特別係西冷，肉質最腍。如果想食熟啲，餐廳仲會提供煎pan俾你自己再煎熟。呢個御膳配有白飯、沙律菜同湯，唔夠仲可以再添，係任添嘅！🥓 熟成厚切豚肉鍋膳 $158呢個厚切豚肉鍋膳份量十足，豬扒炸得香脆，底層嘅蛋汁滑嫩，非常好味！呢個餐同樣配有任添嘅白飯、沙律菜和湯。🍰 特濃抹茶小豆流心蛋糕 $52抹茶蛋糕有少許嘅流心效果，味道香濃，再搭配一球雲呢拿雪糕，冰涼嘅雪糕同溫暖嘅蛋糕口感對比下，有冰火交融嘅口感。🍓 草莓小豆雪糕三文治 $58三文治外層炸得酥脆，裡面包住一球雲呢拿雪糕，軟滑嘅雪糕同酥脆的三文治形成特別嘅口感對比，旁邊仲有士多啤梨味雪糕球做伴碟。🍵 紅豆宇治冰抹茶 $36呢杯紅豆抹茶好有驚喜！本來驚會好甜，點知完全唔洗怕，抹茶無落糖，散發住天然甘香味道！無糖嘅抹茶中和咗底層嘅紅豆甜味，絕對適合所有抹茶愛好者！

啟德Airside有唔少美食成日經過都好想試呢間京都勝牛今日終於有機會試吓佢嘅吉列牛～-四品牛魔御膳有四款唔同嘅吉列牛每一款都有唔同嘅口感分別有菲力牛 翼板牛 穀飼西冷 醬味薄牛牛肉嘅熟度，仲可以自己調校 旁邊有個鐵板 店員先會會幫你用牛油擦過個鐵板大概燒1分鐘左右就可以開始燒牛菲力牛同穀飼西冷就係我最愛😍牛肉嘅份量都幾多 再加上呢個套餐沙律菜、味噌湯同埋飯都可以refill完全唔使驚唔夠食～對得住價錢-勝牛壽喜燒鍋膳怕食太多炸野 仲可以叫個壽喜燒中和下呢個壽喜燒湯底濃郁平時有好多餐廳都放埋落去啲牛過熟呢到牛肉竟然係另上加分～仲有日本無菌蛋 可以安心沾黎食我哋仲叫咗兩杯特飲-藍莓巨峰乳酸梳打-熱情果蝶豆花有汽特飲甜度都有得調校 少甜對我嚟講就啱晒甜品方面-草莓小豆雪糕三文治雪糕三文治，外面炸到脆卜卜包住個雪糕兩種唔同嘅口感 ～-沖繩黑糖雞蛋布丁我最愛嘅雞蛋布丁 布丁上面淋咗啲黑糖但係唔會覺得好甜 黑糖好香而雞蛋布丁味道都好濃郁👍🏻

四品牛魔御膳黎到吉列牛門店，梗係要試下他們的招牌——四品牛魔御膳！這款套餐包括四種牛肉（穀飼西冷、菲力牛、翼板牛、醬味薄牛），所有牛肉的熟度均為 Medium Rare*。可以用鐵板再燒熟牛肉 。！此外，套餐還包含溫泉蛋，而飯、椰菜和湯更可以無限添加。四品牛魔包括1. 翼板牛如其名，口感最具韌性，咀嚼間能感受到牛肉的纖維，卻不會過於難咬，反而越嚼越香，非常適合喜歡有嚼勁的食客。2. 菲力牛外層酥脆的吉列外衣包裹著粉嫩的牛肉，入口瞬間，牛肉的油脂香氣在口中爆發。口感滑嫩，幾乎不用咀嚼就能化開，令人回味無窮。3. 穀飼西冷牛味濃郁，肉質緊實但不失嫩度，韌性適中，適合喜歡濃郁牛香的食客。建議搭配店家特製醬汁，能夠將風味提升到另一層次。4. 醬味薄牛經過醬汁醃製的薄切牛肉，口感軟糯，醬汁的甜鹹恰到好處，不會搶走牛肉本身的風味，而是更添層次感。勝牛壽喜燒鍋（$188） 壽喜燒鍋內包含冬菇、椰菜、金針菇等豐富配料，配上薄切牛肉，燙熟後牛肉吸滿湯汁，非常入味。搭配雞蛋醬和白飯一起吃，真是一流的享受！甜品推介1. 特濃抹茶小豆流心蛋糕抹茶味濃郁但不苦澀，流心內餡甜度適中，搭配綿密的紅豆，口感豐富，為整

🐮 Airside人氣吉列牛 🍱-體育園開咗之後多咗嚟啟德做嘢🏀 今次食咗呢間喺日本有超過50間舖嘅吉列牛排專門店 好食得嚟價格唔離地👛 食完即刻bookmark咗第日可以嚟team lunch呀🫂-🐮四品牛魔御膳 $328(菲力牛 翼板牛 穀飼西冷 醬味薄牛)經典嘅吉列牛套餐 可以試曬四個部位👏🏻 肉類都係medium rare 出面包住金黃麵衣😳 可以自己再用煎pan調節🍳 翼板牛係肩胛位置 口感扎實得嚟嫩滑 而西冷就厚身啲有彈性😋 薄牛肉牛味濃郁 而我就最鍾意菲力牛 肉質腍得嚟充滿牛香味🥹 份量足料架 兩個人分享每款食到2-3塊😉 仲有跟咗唔同嘅調味料 每一塊都可以轉口味 非常推薦就咁加wasabi食😆-🐟吉列蔥吞拿魚腩卷御膳(季節限定) $148用紫菜包住蔥吞拿魚蓉 做到外脆內軟 估唔到可以咁樣整😗 食落冇肉類咁膩 係比較輕盈嘅選擇☺️ 每款御膳包咗附白飯 味噌湯同椰菜絲沙律 食曬可以添架🍚 必試枱上面嘅甘筍沙律汁 味道有啲似羅宋湯咁 好特別😏 -🍹熱情果蝶豆花有汽特飲 $48 / 紅豆宇治抹茶 $36兩款特飲味道都唔錯 熱情果酸酸甜甜夠清新☀️ 抹茶味道幾香喎 仲有大大粒嘅紅豆🫘

四品牛魔御膳 呢個套餐可以一次過試曬4款牛肉包括：菲力牛，翼板牛，穀飼西冷同醬味薄牛最鍾意菲力牛，肉質比較軟嫩，有濃郁既牛味一開始所有牛肉都係半熟狀態自己可以係鐵板燒到想要既熟度套餐配埋唔同既醬汁，可以食到唔同風味既牛肉勝牛喜燒鍋 壽喜燒鍋湯底幾清甜配料非常豐富，有牛肉同多款蔬菜例如椰菜，冬菇，豆腐，金針菇，皇帝菜等等另外，仲有無菌蛋，可以直接點牛肉或者倒入鍋内煮冲繩黑糖鷄蛋布丁 布丁口感順滑，配埋黑糖汁一啖接一啖，食唔停口草莓小豆雪糕三文治 酸甜既草莓雪糕同香甜綿密既紅豆再配搭埋炸三文治口感非常豐富值得一讚呢間餐廳可以無限refill白飯，椰菜絲同味增湯店員都好熱情細心，服務態度好

京都勝牛餐廳已進駐九龍城啟德協調道2號Airside B1層,餐廳裝修簡約以木系為主調,設計帶有日本色彩,環境舒適座位寬敞,餐廳主打日本菜,以吉列牛最出色,服務員招呼熱誠有禮。四品牛魔御膳四品牛魔御膳有菲力牛,穀飼西冷,醬味薄牛和翼板牛,御膳配有椰菜絲,紫菜,麵豉湯,溫泉蛋,醃蘿蔔,白飯和幾款醬料,吉列製作的牛肉上桌時已半熟,肉色粉嫩,菲力牛口感比較嫩滑,穀飼西冷肉味濃比較有口感,醬味薄牛經廚師醃製過,鹹甜口感,肉質軟糯,翼板牛有咀嚼感,肉味濃,飲品有奇異果熱情果有汽特飲。鰻魚大海老御膳御膳配有他他醬,檸檬,醃蘿蔔,椰菜絲,白飯和麵豉湯,巨大的海老吉列製作,入口爽彈鮮甜,吉列鰻魚食落外脆內嫩,魚肉味濃,點埋他他醬更美味可口,飲品有熱情果蝶豆花有氣特飲。特濃抹茶小豆流心蛋糕流心蛋糕甜度適中有口感,小豆微甜,有雲呢拿雪糕和忌廉,士多啤梨水果作點綴。草莓小豆雪糕三文治草莓雪糕口感酸酸甜甜,小豆微甜,特色三文治內有雲呢拿雪糕,三文治口感酥脆。

四品牛魔御膳有翼板牛、菲力牛、穀飼西冷同醬味薄牛。四種牛肉都超級軟熟，真係食到你唔想停。呢啲精緻的牛肉配上多樣嘅配菜，牛肉鮮嫩得嚟又滑，仲有特製醬汁襯。除咗外脆內嫩，吉烈牛扒外層通常煎到金黃色、酥脆，但裡面仲保持咗多汁柔嫩。每一口都感受到酥香同肉汁完美融合。肉香濃郁，牛肉經過適度調味，煎嘅過程中放出咗誘人嘅肉香，真係叫人食指大動。味道層次分明，除咗牛肉本身嘅鮮香，仲可能搭配唔同嘅醬汁或者香料，增加咗鹹香、微甜或者辛香嘅感覺，食落去好過癮。勝牛壽喜燒鍋膳壽喜燒嘅湯底香醇，肉片喺鍋中煮到啱啱好熟，吸收咗湯汁嘅精華。蔬菜都係新鮮嘅。菠蘿白桃蒟蒻冰茶飲品清爽可口，菠蘿同白桃嘅香甜交織，配埋涼爽嘅蒟蒻，係夏天嘅最佳選擇。熱情果蝶豆花有汽特飲特飲色彩靚到爆，熱情果酸甜同蝶豆花非常襯，仲有汽泡，真係為飲品加分。草莓小豆雪糕三文治呢個甜品真係唔同凡響，值得一試。外面熱熱，而內裡係凍凍嘅小豆雪糕，包住咗四圍！沖繩黑糖雞蛋布丁（日本蛋）布丁滑順細膩，黑糖香氣濃郁，搭配雞蛋嘅鮮香，真係淋到你心坎入面

之前喺日本🇯🇵食過「京都勝牛」令人回味😋最近行 Airside發現原來香港都開咗！🤩可惜每次都人太多唔想等今日早放工，終於食到啦🎉未到七點，已經全場爆滿呢度主打食吉列定食不過仲有其他湯類鍋類等主食我哋點咗：🐮 四品牛魔御膳$328套餐包括四種不同部位嘅牛肉：菲力牛、翼板牛、穀飼西冷和醬味薄牛。上枱時，牛肉為半生熟，侍應詢問我哋是否需要爐具，可以自行煎煮，調整至啱自己口味。套餐還跟幾款醬料同鹽，包括咖喱醬同味噌，除了美味還覺得好好玩🐂 菲力牛：肉質嫩滑，脂肪分布均勻，口感香醇🐂 翼板牛：帶有一定的嚼勁，肉味濃郁🐂 穀飼西冷：味道鮮美，肉質結實，能夠展現牛肉的原汁原味🐂 醬味薄牛：牛肉經過醃製，帶有濃郁的醬香每種牛肉都有其獨特的風味和口感👍🏻套餐還有麵豉湯、酸蘿蔔同溫泉蛋🍤 鰻魚大海老御膳$208鰻魚同海螺老用吉烈方法烹調海老非常大隻，肉質實淨，附有莎莎醬鰻魚本身有燒汁味道，外層用吉列包裹住，還是第一次這樣食，好特別兩個套餐都有跟椰菜同白飯，仲可以任添椰菜可以加蔴醬汁，或者另一款比較清新嘅醬汁（有紅蘿蔔洋蔥等等），非常開胃白飯用了日本米，好好食，不過太飽添唔到飯🤪🍵 特濃抹茶小豆流心蛋糕$

夜晚有Tasting menu, 可以係御膳，鍋膳，甜品，飲品和選兩款。🐂 四品牛魔御膳一盤四重奏，酥脆吉列炸衣包裹穀飼西冷、醬味薄牛、翼板牛、菲力牛，入面仲係粉紅色，如果覺得太生可以自己係鐵板上燒到中意既熟度。一 Set 可試晒四款部位，肉質層次豐富，各有特色。配有咖哩汁，燒汁，鹽，味增等醬汁調味送飯唔錯，中意椰菜絲有得 refill , 加埋芝麻醬好 refreshing又開胃。🥩 和牛肩關西壽喜丼 (季節限定)壽喜燒風味濃郁，和牛肩煮得剛剛好，肉質軟嫩，蛋黃液包裹飯粒，鹹甜平衡一流，推介。💜 熱情果蝶豆花汽水 – 顏值超高，蝶豆花夢幻漸層與熱情果酸甜融合，清新解膩。🍓 山楂荔枝乳酸 – 微酸微甜，非常開胃，仲可以全走冰俾我，冇咁凍養生啲。🍓 草莓小豆雪糕三文治 – 外層炸皮酥脆，內裡是雲呢拿雪糕，旁邊有草莓雪糕與甜甜小豆，口感豐富。🍵 特濃抹茶小豆流芯蛋糕– 抹茶香濃帶少少苦澀，正是這份甘香中和甜度。

好耐冇食吉列牛，於是同朋友嚟咗Airside呢間京都勝牛。我哋平日晚市嚟都係全場滿座，一入去已經聞到好香吉列牛嘅味道。四品牛魔御膳 $328我哋叫咗餐廳最受歡迎嘅呢款四品牛魔御膳，有齊4種唔同部位嘅吉列牛，包括穀飼西冷、菲力牛、翼板牛同醬味薄牛。牛肉經過60秒快炸去到3至5成熟左右，肉嘅中心仲係非常粉嫩，但係完全唔會有血水流出嚟。如果想食熟d，餐廳仲會提供煎pan可以自己再煎熟少少d牛肉。西冷肉質最腍身，菲力同翼板肉味較濃。至於薄牛有少少免治嘅口感，醬汁非常入味。吉列牛食嘅時候可以點咖喱汁、味噌醬、牛扒汁、山椒鹽又或者醋汁食，每款都有唔同特色。御膳除咗吉列牛，仲有溫泉蛋同任添嘅白飯、京椰菜同味噌湯。勝牛壽喜燒鍋膳 $188我哋另外仲叫咗個壽喜燒鍋，除咗有牛肉，仲有金菇粉絲，椰菜、豆腐，冬菇等配料。牛肉都幾腍嫩，點埋生雞蛋一齊食就更加滑溜，充滿蛋香。鍋膳同樣都有白飯同麵豉湯。特濃抹茶小豆流心蛋糕 $52除咗吉列牛，呢度都有甜品食。呢款抹茶流心蛋糕，蛋糕抹茶味好香濃之餘，入面仲有抹茶軟心，配埋雲呢拿雪糕，味道甘甜。草莓小豆雪糕三文治 $58呢款雪糕三文治，用脆炸外皮包住雪糕，外脆內軟嘅口感