京笹居酒屋

营业中

休息中

說是飯堂是有點過分啦，京笹的價格絕對算不上平便。但數一數我和朋友來的次數，多得像當了這裡是飯堂啦 無他，京笹的食物很地道。環境舒適，不會令人太拘謹。事實上有很多日本人放工也來這兒喝一杯。氣氛不錯。今次跟老公在平日的晚上來，餐廳大約8分滿。剛坐下職員就遞上餐前小食，今次是栗子加南瓜。注意喔，這個是小食收錢的。不過我和老公也沒所謂，反正每次坐下時就餓得要命 栗子和南瓜加在一起，香甜軟綿，我把自己那一小碟很快就吃完了。青瓜新鮮爽脆，沙律醬也很足，包著每一樣食材。(愛吃沙律的朋友一定明白，沙律醬不夠總有點失色)整個沙律吃上去清新並有豐富的口感三文魚腩肥美，魷魚刺身鮮甜。很喜歡這兒會把青瓜卷進魷魚，魷魚的煙韌加上爽脆的青瓜令人欲罷不能對喜歡明太子和烏冬的我，這個絕對是大滿足。烏冬是煙韌多於彈牙，不錯=)牛舌是我常點的菜式，依然做得香脆油潤。但比起以前分量是少了。來過好多次都未有點過茶碗蒸。今次倒是pleasantly surprised. 足料程度基本上差不多每口都有蛋以外的食材，有冬菇有銀杏有魚肉等等。吃得我和老公“嘩嘩聲”。滿足的一餐之後就去下一站填飽甜胃了

同事介紹黎呢度食, 話d set 好抵  12:40到達, 滿座了~~蒙豬眼哥哥話好快有位, 叫我地等一陣, 果然5分鐘左右已經有了仲要係~ 廂~房~ 岩哂我地, 咁嘈... 哈哈  menu都好多choice, 有魚生飯, 有定食, 有麵我地叫左: 1.) 炸蠔定食 2.) 牛肉火鍋定食 3.) 蒜片牛柳粒定食好快食物就到了, 先來既係蒜片牛柳粒, 好好好香蒜味, 食落口亦都好林, 份量也不小呀~~好味! 跟住就到炸蠔同牛肉鍋, 蠔有4隻大及1隻蠔bb~~ 呢個價錢係超值喎, 仲好好味~~ 而牛肉鍋就不過不失, 牛肉份量都算多, 反而菜相對地小左d~每個set故包括了麵豉湯同飯, 好鬼大碗食完真係好滿足特別一讚門口的蒙豬眼哥哥, 好好人~~又有禮貌 like~

之前在亞士厘道吃東西，吃飽後周圍看了一下別的餐廳，經過京笹時，日籍店長正在整理店外餐牌。他跟我們傾談一會，便派了他的"卡片"給我們，是一張過了膠的顔色紙，上面寫了他的資料，背後是憑此九折優惠。因為這張優惠卡片，我們一星期後走去幫襯。原來是非常非常熱鬧，大量的人在門口等待叫號，幸好店家玄關位夠大。 十五分鐘後入座，同事A見鰻魚飯不算貴很多，所以點了。糖不甩試了少少，鰻魚也很肥美。 糖不甩的牛肉粒分量很大。另一同事叫了午餐定食，以為有很多餸菜款式可以試，來到竟然是飯盒樣子，而且前菜多過餸菜。哈哈，千祈不要點啦。結帳時要把店長的卡片收走，我們有點不開心，哈哈。

冰和友人到位於尖沙咀海防道的京笹居酒屋，享用一頓價錢合理，質素挺高的晚膳。餐廳由日本人開辦，內裡大部份侍應均為日本人，但均能以廣東話溝通，落單等對答並沒困難。冰的友人能說日語，所以不用冰去操心。冰點了一客奄列飯 (HKD78) 。飯旁有雜菜沙律，沙律醬配在旁邊，可按個人喜好拌在雜菜中。雜菜份量充足，平衡整客飯的菜肉比例。噢，這客飯不是只有雞蛋嗎？肉在哪兒？雞肉粒就在蛋包飯中。飯用茄汁炒香，配以雞肉粒，豐富口感層次，亦提高營養價值。雞蛋烹調時間恰到好處，保存香滑口感。飲品是非常特別的桃子jelly清酒。飲用前先稍稍搖勻，以便倒出jelly。酒味不算很濃，容易入口。一支酒同時滿足飲酒和食jelly的欲望，煞是滿足。每人一客飯麵，另外叫了一客炸物、上圖的jelly sake，加一後每位只需$140，冰覺得非常抵食的哦。

I know this bistro sets itself amidst the low-priced restaurants where the taste and prices are more important. But the service was really appalling to the extent I would not recommend it no matter what. The staff refused to give us tea (for a third person who's in the washrooms) and insisted on bringing tea when she was seated. When the person does sit down and ask for tea, it took repeated reminders before the tea arrived. And when I asked to have refills, the waiter yelled (YES, YELLED) "you

星期五晚在尖沙咀想食日本菜, 但又唔想食太貴. 於是想起亞士厘道既京笹居酒屋. 人好多. 只係得番一張吉枱係升降機旁. 冇所謂啦, 因為太餓......裝修簡單, 牆上貼了日文菜單, 加上日本食客及侍應, 感覺十分似在日本的居酒屋.前菜 - 老實說, 唔知係乜不過估計係魚. 味道都唔錯雕魚 - 本來想要劍魚腩但係賣晒. 雕魚都新鮮燒多春魚 - 燒得香脆炸豆腐 -  表面炸得脆, 入面夠滑, 個汁都好好味燒牛舌/燒五花腩肉 - 牛舌很爽有嚼勁, 五花腩都香. 本來諗住得兩串, 點知份量咁多.麻醬中華冷麵 - 口感唔錯. 一定唔係一般既公仔麵 . 個醬唔"芝麻"得黎仲有D清新既感覺, 開胃.茶碗蒸 (冇相....) - 十分滑, 用料十足.不算是什麼豪華大餐和超上等食材. 但以呢個價錢在尖沙咀食到咁多好食既野, 都十分滿足了......

臨時約左好友食飯、竟然完全諗唔到食乜！最差係連食咩菜都諗唔到最後諗起朋友介紹過京笹、我就向朋友提議了呢間和海港城某西餐廳朋友就擇左未試過既京笹餐廳門口已有餐牌、等你可以望下0岩唔0岩食先！無人會出黎煩住你、可以睇幾奈都得…讚！當然好飢渴既我都係甘易望兩眼、確實唔係天價食物就標左入去一入到去、有個好熱心既侍應 (其實可能係老勢！)招待我們、帶到我們一個二人位、呢度既枱与枱之間較窄！基本上完全聽到隔離講乜  見到裡面有些細房、應該係俾訂左位、同埋多人既！幾正甘喎！環觀四周有兩三枱食客以及一兩個侍應都係日本人呢度既侍應服務態度幾好、但有個問題就係佢地分工有點過份仔細……拿！第一次就當我問錯人、我問左個有少少像南亞裔人士野、我想問佢隔離個枱食緊既係乜 "  賣相好吸引甘、甘佢話唔知啦！搵人黎答我之後既每一次落單、同問野(我們做左問題少女、因為太多菜式名字唔知係乜) 都不可以第一次就搵到人幫、佢地都會叫你等陣、再去搵人！可以落單問野既人又經常不在附近我們兩個人、食左都好多野、叫左四樣野如果個餐牌可以多點圖會好點、因為睇落好多名都唔知係乜、同埋個餐牌好像茶餐廳果d甘、過完膠就算每枱都會有碟炸雞皮

又是假日的下午……本身想去食泰國菜，去到先知已經關門大吉在尖沙咀徘徊一會之後決定試呢間日本野:^)雜錦魚生飯其實一上桌見到零落既魚生已經覺得伏，真係連紫菜都唔多條不過諗住如果好食就算啦，同埋唔算勁貴，過得去啦先試海膽，只係挖出一小口試就見到佢入面係好似半溶咁質感就不提了，但味道似乎有點腥氣三文魚既外表好乾，就咁睇似煙燻多過刺身外表就算啦，食落都正常既三文魚籽……一開始睇到好似好黏同埋扁扁地皺皮有D失望結果同我想像中一樣，雖然係橙紅色且晶瑩剔透，但黏口之餘帶腥炸雞飯炸雞夠熱，肉質偏老但唔算好乾，感覺不太油膩另外有D蔬菜同蘿蔔蓉令整體更清新套餐會包埋味噌汁，偏鹹白飯好淋身同埋痴牙，食完覺得好劑日式燒餅上到黎見到好細咁，算啦我中意食，所以都係一試姐一切開不出所料，真係好薄同埋冇咩料咁味道都正常既，但真係失望左d 

 上月跟友人到尖沙咀晚飯對用餐地點毫無頭緒之下到處逛逛走到亞士厘道見到這家不起眼的日本餐廳於是看看餐牌是否合口味..竟然見到日本字的餐牌！大家都帶點驚訝的對望一下然後決定嚐嚐因為我們深信只有多日本人到的餐廳才會有日文餐牌而多日本人到的應該都不太差吧甫進店子就聽到一句句的日文坐在附近的連同待應生大部份都是日本人除子一本主餐牌外還有數張推介及一本飲品餐牌花了些時間才能篩選到想試的菜式但兩個女生還是點了放滿四人桌子份量的菜由於食物有水準之餘還坐得舒適當天還即場預訂了平安夜打算帶其他友人分享刺身沙律酸酸的非常惹味開胃醬油冷麵味道都不錯，帶點薑味挺新穎沙甸魚乾不腥、惹味，佐酒一流連平常不吃魚的我都搶著吃，絕對推介！炸軟殼蟹肉質結實不會"梅"，比平常餐廳吃到的好吃得多！蠔粥用料充足而且鮮味，嗜蠔者必試！配上薑茸一碟，待應生非常細心講解，隨個人喜歡加配茶碗蒸雖然$38一個並不便宜，但滑溜非常，值得一試！還有其他菜式例如泡菜鍋、蛋包飯、清酒煮蜆、燒物都不錯！飲品方面兩次均選擇了冰球酒，無論哪種口味一樣不錯初初喝的時候完全嚐不出有酒精成份，就像普通沙冰一樣但喝到後來有點面紅紅的，重點是冰球內有果肉而友人

朋友介紹去食好野, 地點非常方便, 仲諗住以後可以多個食飯地方, 點知.........食左燒八爪魚魚餅 - 無八爪魚味, 無魚味, 無任何香味, 唔熱, 得個甜字,蝦膏炒飯- 好香蝦膏味, ok 好味, 但上左果飯之後好耐都無其他野食, 食曬碟飯都已經飽左七成燒牛柳粒 – 有樣你睇, 無色水, 無牛肉味, 好碎, 超多肋, 每食一粒都要”了”一次牙, 中伏了, 仲話係推介喎燒牛舌 - 一般, 有幾片燒到乾曬燒尤魚 – 正常, 六十蚊, 抵食海膽壽司 - 海膽ok 多, 但D紫菜一上台已經淋曬, 好難先咬得開, 食到好”呢hea”, 明顯係做起左之後放左好耐先拿出來.三文魚腩壽司 – 無三文魚味, 好似食緊一堆肥膏咁, 咬左一口已經頂佢唔順,清酒 – 免費的, 好淡, 易入口, 涷涷地都幾好 

在尖沙咀廣東道工作的白領，每日都要捱貴LUNCH，糧頭想食得好D，分分鐘要OVER$150先叫食得好食得飽。跟同事膽粗粗走入呢間黑媽媽的居酒屋食LUNCH，估唔到招呼我地既係日本哥哥，仲識講好地道既廣東話。入去時已經有5-6人在等位，日本哥哥就好落力咁幫我地搵枱同指揮人快D執枱。十分鐘左右，我地五人便被安排到座位。只見裡面裝修係好地道既日本餐廳，LUNCH MENU好多選擇，價錢比起其它同類型餐廳平10%-20%，我叫左個蒜片牛柳粒LUNCH SET。等唔夠十分鐘，大大碟熱辣辣既牛柳粒已經到左，牛柳粒入口夠嫰，蒜片夠香口，份量亦非常足，價錢承惠69蚊(講真，我好擔心佢會蝕本)，希望佢地長做長有。

晚上，打算在亞士厘道吃日本菜，透過Openrice的Mobile Apps搜尋再加上我們實地在每家餐廳門外翻閱餐牌研究，最後決定選了京笹居酒屋。它位於亞士厘道盡頭與海防道交界的一條樓梯旁，位置不算顯眼。我們時常走那條樓梯，但都沒有留意到它的存在。走進居酒屋，店員熱情地招呼我們，他們大部份是日本人。我們坐在一個二人卡座，鄰座的食客大部份是日本人，邊談天說地，邊喝Asahi啤酒。餐廳以棕色的木材設計為主，牆身貼滿以日語手寫的餐牌，再加上我們聽到四周的食客以日語交談，這一刻令我們忘記自己身在香港，感到自己已身處日本的傳統居酒屋一樣。另一方面，牆身貼上一張寫有Free Wifi帳號及登入密碼的小告示，這是我們第一次在食肆遇到這種告示的，這個細緻的安排十分貼心，令人感到店主是用心對待客人。但不足的地方是座位狹窄，枱與枱之間的距離亦很接近。當我們看餐牌之際，服務員送來前菜，是兩客螺肉(原來每碟$22)。我們決定好食物並點菜，日籍店員略懂廣東話和英語，亦會努力和我們溝通。我們吃了以下食物：紫薑蕃茄沙律 ($48)蕃茄切開10片整齊地排列好，下面鋪了洋蔥絲和茨汁，上面有紫薑和蔥花。蕃茄非常潔淨和新鮮，

位於亞士厘道盡頭的京笹, 盡管附近的餐廳不停轉換, 但此店依然存在。数年前在附近上班時已留意此店, 每次經過都想試, 終於数年後和老公光顧。當晚沒有訂位, 去到時有10多人等位, 很快我們被安排坐店門外的坐位, 但坐位位於升降機及厠所旁邊, 寧願等耐一點, 也不想在這環境食日本菜。最後10分鐘後安排坐於店內。店內裝修簡潔, 沒有華麗的裝修, 只有貼在牆上的日文menu。店內坐滿食客, 當中不少是日本人客, 加上老闆和部份店員都是日本人, 令人覺得身處日本居酒屋一樣。menu款式衆多, 令人眼花撩亂。店員先送來前菜- 凍蓮藕甜甜的味道, 而且十分爽口。上面灑了芝麻, 令味道変得更加香。以為只有中菜館先會收前菜錢, 這兒也收, 每人一碟, 仲要$20一小碟!! 関東煮唔知是否缺乏人手, 関東煮送來時是暖的 款式不太多, 每樣只有一只, 而味道是淡淡的日式蛋卷食落好熱好軟, 有蛋香但味道實在很淡。銅鑼灣的 "一門"依然是香港最好味的日式蛋卷雜錦串燒有4款 (x2): 冬菇、雞肉大蔥、雞軟骨、免治雞肉棒送到的雞肉未熟, 店員很快拿走, 再燒給我們串燒上汁甜甜的, 幾好味。但食物味道偏淡。池魚刺

日式居酒屋是一種很有趣的餐廳品種, 他們建基於日本人愛在工餘時候以酒建立兩者關係的種習性與文化。在西方, 他們有酒吧, 但酒吧並無居酒屋如此多精巧的食物; 在中國我們上館子吃飯, 但也沒居酒屋般著重酒類的服務與選擇。在日本, 居酒屋可能比餐廳還要多, 去的人也多, 在入面飲酒高興, 互相認識, 可是現代人情冷, 在大城市中的居酒屋也開始變型。他們不再是小店的相互融洽, 而是隔開一小一小撮一小撮人的那種"有目的"的聯誼。感覺像日本澡堂的那種融洽感, 在大城市味道淡得很。這店保留日式居酒屋那種風光, 清酒燒酎的選擇不少, 不過獨欠了一個有無限可能的吧枱。然而剛才說居酒屋比酒吧更重食物質素, 這是一點都沒錯。居酒屋老闆通常將自己拿手的菜式放在餐牌上, 有些是串燒, 有些是關東煮, 有些是鍋物, 有些是醋漬小吃或是一些地道時令食品等等...... 精巧仔細。而這店也不例外, 食物味道很不錯, 可是今次來沒有多喝酒, 只是吃我喜愛的"那個"。前菜是一些用醬汁炆得稔滑的豬肉, 香而不膩, 不是開胃菜但也可細味數巡。這次專程為"那個"而來, 它便是還是時令的秋刀魚刺身。十月至十一月是秋刀魚季, 吃的

一直都好想介紹這間餐廳。座上客十居其九都是日本人，你就知道有幾地道啦。還有其他忘了拍照的食物也想推介，如鹽燒花魚、關東煮、串燒、蠔粥和泡飯等等。他們的老闆是日本人，係一個四眼男人，胖胖圓圓的，他的廣東華麻麻地，成日落錯單架，hehe。侍應當中有香港人、日本人，也有菲律賓人，中文日文英文都搞得掂。建議訂位，因晚市多數滿座。叫餸最好叫果位靚仔日本哥哥，最好招呼又醒目。本人去過無數次，每次兩個人去都要五六百蚊落樓，叫埋刺身拼盤分分鐘八九百蚊，係少少貴，但值得的!如想平食，中午去就最抵，每人一舊水已食到水準。不過，餐廳超嘈，只適宜去食野，傾偈談心可能會叫破喉嚨對方都聽唔到囉。