京笹居酒屋

营业中

休息中

Stumbled upon this place while walking around looking for a place for lunch. Place is authentically Japanese, with excellent food at very reasonable prices. Had the tuna belly with rice (that came with soba) while my girlfriend had the sukiyaki set. Total came up to 176HKD. One of the most value for money meals I've had in HK thus far.

An ill-timed dinner impulse for red meat sent us hurtling into the showers and to our dismay, the steakhouse had closed down. Fortunately this Japanese restaurant nearby was open for business, and we visited it despite some reservations on the part of my fellow diner. We started with minced tuna sashimi rice with crispy seaweed and preserved turnip slices - sashimi was fresh and matched the sushi rice quite well. Then came the stir fry beef with onions which was quite succulent and well marinate

Warm service. The food is well prepared. Staff took time to explain every dish to us. The environment is comfortable.The A5 wagyu sashimi is only so so though, it oesn't worth its high price.

呢度係典型日式居酒屋格局，聽講係日本開，好多侍應都講半咸淡廣告話，唔知係扮日本人定真日本人呢。入坐每人一小碟前菜，有2隻大蝦，比起好多出面居酒屋俾幾條醃菜有誠意。去居酒屋又點少得清酒，不過呢度賣既清酒大部分係大支同巨大支裝，想淺嘗既選擇比較少，一檯時已經入清酒樽，講真都唔知佢俾左咩我飲。雖然今次吹水為重，食野為次，打開個餐牌，頁頁都係店長推介，對有選擇困難症既我真係唔知叫咩好。最後朋友發板叫左芥末墨魚、清酒煮蜆、串燒大路野。份份細細碟，好似屋企煮出黎咁，推介燒豬腩肉，勁香

岩岩約左一位朋友食晚餐，我大概7:05到達，當時店員好有禮貌問我有冇訂位，由於冇訂位關係，店員好清晰話我知8:00要交返張枱。如是者我打畀我朋友，原來佢早左到，已經入座。坐低未夠5分鐘，有位女店員行埋黎話我地要落單喇，話我地8點前要交枱。之後我地拿拿臨睇menu，點知......都未決定到嗌乜就畀個店員講第二次話我地要8點還枱。當時已經打個凸，諗都未諗就嗌蔥吞拿魚腩卷、牛肉鍋、明太子雞翼、刺身盛合等。之後想再睇多次menu，第三次「我地8點前要交枱」又再喺果位店員口中講出......我同我朋友就問佢野食叫住咁多先，一陣再嗌野飲得唔得？佢竟講第四次「我地8點前要交枱」，仲話冇得加單，要即時落埋野飲。之後嘅過程，食物質素已經唔重要喇，我同朋友7:57執好野，準時8:00離場。整個服務可以講得係完全唔及格，送幾多coupons都唔會再返黎幫襯。

朋友生日，諗住搵好味食品慶祝一下雖然食物質素係好，可惜員工態度差，成間鋪得一壺茶等fill 茶都要時間即叫我們点飲品由於口渴，只好点飲料可能我們不是日本人，不是遊客所以不受歡迎希望你們生意興隆，長做長有

忙裡偷閒搵老公食晏，同埋朋友一行3個人點半多啲入座，唔洗等位，仲有間房仔添！午市定食1號餐sold out咗，一個set有好多嘢食好吸引，下次要食一定要早啲！我哋分別點咗泡菜豬腩肉飯（小妹嘅），燒汁牛飯（老公嘅），仲有牛柳飯（朋友嘅），每個餐都跟個麵豉湯 小妹覺得自己個豬腩肉飯唔錯，豬腩片個皮有少少脆，味道剛好唔會太咸 ；老公同朋友都覺得自己果份唔錯，咁應該都唔錯啦！哈哈！間店應該真係由日本人開，入店時打招呼同埋單都係日本人負責...下次要搵機會預留定份1號定食試吓！（唔知可唔可以呢！）

同朋友3人做團年，其中一個朋友提議這間日本餐廳，佢之前同日本朋友食過，我呢啲偷人當然冇反對啦。訂位訂了8點，早了大半個鐘去到，剛到時沒什麼客，過了8點後開始多人。日本店員，部分應該在香港多年了，廣東話英語都流暢，點餐冇問題。碟碟野食都好精致，好好味。但對大食嘅人黎講就真係太細碟。酒水一定唔少得，點了一支sake，自帶了一支日本梨酒。野食方面主要點了些佐酒小食如雞泡魚乾，雞軟骨，簿片洋蔥沙律，超辛辣魚腸，鹽燒銀杏，燒青椒仔等等。刺生方面就點了個細雜錦刺生，原條池魚刺生，條池魚骨仲幫我地攞去炸來送酒添。最後點返啲飽肚野食，牛肉蔥卷，三文魚子壽司，碎吞拿魚腩卷。前前後後18碟，埋單2千零5十幾，每人700。送了幾張coupon, 下次送雪糕。

好耐之前同朋有行完街經過一試、現在成為了我們的飯堂。幾年來每次去的前菜都不一樣、而且每款味道都很捧。食物水準也一直保持沒有下降。和朋友每次去必點的有海膽壽司、他們的海膽很新鮮。一向很喜歡他們的燒物如雞泡魚干、燒牛舌和燒雞軟骨。環境氣氛不錯、適合和朋友飲酒聊天。因為有coupon 還贈送雪糕或一支清酒、因為朋友不飲酒因為選了雪糕。員工服務態度也不錯、親切友善。不過有時結帳有少少慢、可能因為人太多。

經常嚟食午市，$70-$100 ，抵食之餘選擇多，最近幾次試埋夜市，都一樣抵食，地方大，位多，好多時唔使訂位都入到座。晚上Menu 好多野揀，魚生、壽司、串燒、鍋物⋯⋯，而且味道好地道，唔怪得次次都撞到日本人嚟幫襯。今次無食特別野，主要揀自己鍾音人食嘅野：食咗納豆、蝦羔炒飯、蕃薯天婦羅、清酒大蜆、雞肉京葱串燒，仲有啤酒同燒酙hoppy尤其喜歡蝦羔炒飯，好香，每粒飯都有蝦味。其他食物都無失望，雖然都係居酒屋基本會出現嘅食物，做得好就係真功夫。日本人店員每次都好誠懇招待，會繼續支持！

話說已經encore 過呢間餐廳的午市好多次，因為lunch都係 $70，好抵食。居酒屋環境好舒服，可以慢慢坐，就決定生日飯要同男友係度食，果然冇令我地失望！池魚刺身（$150）刺身係整條上！條魚唔算好大條，但真係好新鮮，睇隻魚眼就知！刺身切片，拌上蔥及少許薑絲，以去除鯹味，刺身味道微甜。赤貝刺身（2隻$140）本身錫住男友荷包，唔唸住叫，覺得只有兩隻好唔抵！但男友好想食，咁我就一於奉陪啦！原來好大隻架，份量也不少呢！賣相滿分！非常精緻！赤貝一樣好新鮮，味道鮮甜，比平日吃的更爽口，很出色呢！雜錦天婦羅炸皮厚薄適中，個人覺得蓮藕、芋頭最特別。蓮藕薄薄爽脆，感覺清新。芋頭好靚，少少粉，充滿芋頭香。鮮蝦就略欠彈牙，而且比較細隻。總結覺得呢間餐廳好有心思，食材新鮮，價格可以接受，環境舒適，值得推介！

weekday放工同朋友一齊來，依間店已經來了好幾次，最喜歡係員工甚至客人都有好多是日本人，感覺很正宗，氣氛都不錯。是夜，叫左個雜錦壽司，海膽最好味，一啖放入口，海膽溶化係口中再來最愛既腸仔炒麵，自從第一次來叫過之後，就每次都好想再食，配菜(紫菜同蔬菜)配合埋腸仔，一流！食唔停最後炸軟殼蟹都係水準之作，一上枱就好快清了依度最好是沒有限時，近年太多90分鐘限時，每次都趕頭趕命。但依度就可以慢慢食，慢慢傾，以後還是會再來的。

未食過, 只係每都會在附近打邊爐。今日我見到有兩位年紀老邁食客光顧完, 其中一位更行動不便, 服務完首先把助行架抬到樓梯底, 再扶嗰個行動不便的食客落梯級。 之後另一位食客給了打賞服務員, 但服務員無要, 仲叫她攞去做善事就得啦！而家呢d青年好少有架啦！ 比著係九龍中心d看更已收下了打賞了。讚!讚!讚!

今曰同hubby 看過有關日本料理的電影，晚上便急不及待勁食日本嘢。這餐廳中低價定位，好日本地道風味，絶對可勁食一番。海膽壽司：嘩！好甜呀！絕對無腥味！以六十元兩件實在超值了！比上次去高級鮨店吃的更好食！真心推介！免治雞肉捧：唔會太鹹太乾，燒到剛剛好！雞肉之中有軟骨，囗感不錯！燒牛舌：味道對位，但肉質有點韌，也由於是薄切的關係，囗感麻麻。炸蝦天婦羅：有五大隻蝦！好脆，炸皮鬆化，炸得唔油，時間拿得好準！迷你牛肉鍋：牛肉唔會太肥或太瘦，湯汁是壽喜燒汁，味道甜甜的，蔬菜十足，加理旦汁牛肉拌白飯，一流！但食過後有點口乾，是味精嗎？之前食晏食過幾次，估唔到晚飯的選擇咁多，價錢合理而味道不錯，推介！

This restaurant is hosted by Japanese. Quite local japanese restaurant. Felt like I was actually back to the time travelling in Tokyo. Good thing is that they provide english/chinese menu, so you dont have to worry about language. Food Quality: Good. I tried sashimi there and beef pot and also some other dishes. All good I would say.Service: Nice with quick responseValue for Money: A little bit higher than expect. Guess probably because of the location - TST.