享樂烘焙

营业中

休息中

早前，在兩個尖沙咀飯局中，食友好姊妹 A 很客氣，送上購自她新蒲崗公司附近新麵包店 <享樂烘焙> 出品的麵包！多謝她的心意！小山園特濃抹茶焦糖三角有成3吋厚，無花無假！雖然這是一件巨型的超厚多士，仍然容易拿上手！包質綿密，滲出抹茶清香及帶出焦糖的甜美！食一件都夠飽，不是講笑！芝麻 Bagel包質綿密煙韌，包身本身已混合黑芝麻碎，切開芝麻 Bagel，原來內裡也有黑芝麻蓉，令我很驚喜呢！我依然塗上 Cream cheese，微鹹少甜共融，是不錯的口味！

放工後來到新蒲崗上堂，經過享樂烘焙店內長長的人龍，發現原來6點半後有85折。早前在收音機亦聽到DJ試食介紹，因此便入內挑選一個麵包在課後回家慢慢品嚐。揀了朱古力紅莓貝果因為平常不是太多麵包店可以買到貝果。這個朱古力紅莓貝果不會太甜，朱古力和莓味十分配合，帶點清新感覺，而且口感很有彈性，不會只有空氣，值得推介下次再買其他款式試試，這樣每星期上課更加開心，因為有不同口味麵包等著我試。題外話，即使沒有85折都值得買！！！

上次想買麵包，但是遇上關門。今日下午經過，終於可以一試這間麵包。麵包種類很多，喺千挑萬選之下，揀咗紫薯同法包。去到收銀，前邊那個男人俾錢搞了很久，之後才知他用支付寶同優惠。到我用支付寶俾錢，收銀話支付寶手機壞咗，要我Scan那一個QR code. Scan 完輸入42元，要求收銀把兩個麵包包在一起，佢只係話要比一蚊，其實我希望環保一點，二個包放在一起，而不是獨立包裝再加一個袋。最終算了。回家試了，很多只紫薯蓉，不太甜，但缺少面包香氣。 以這價錢，偶一為之。

因為係新蒲崗到學拉柸，所以隨便搵埋有咩好西食🥰呢間麵包店可以話係新蒲崗人氣之最！梗係要試試佢！👉🏿✨紅莓乳酪軟包 Hkd 28 💸📌入面有多款麵包可以試食😍真係超加分！而且麵包款式多到數之不盡，大概以後每次黎新蒲崗都一定會黎呢到買麵包🥳📌唔知點解次次一有紅莓加芝士既麵包都一定會買佢😂可以見到佢入面都係爆晒餡！好足料架！酸酸甜甜既紅莓搭上忌廉芝士，食落都唔會咁快膩，早餐食半個已經飽嚕～👉🏿✨湯種手工芋泥貝果 Hkd 15 💸📌見到最多人食佢呢走貝果！芋頭控既我點可以錯過😆一打開都可以見到有芋泥既，不過如果芋泥分量再多啲就好喇！貝果食落煙un得黎又帶點軟熟，唔會硬梆梆！而且佢既芋泥係甜甜地（有啲似天仁既芋頭😂個人係超級愛！唔係死甜個隻所以我個人好中意！Ps😳本身諗住買埋佢最出名既冰心麵包，點知佢話暫時都唔會再出了...灰😭

-麵包 ~ 對一般人嚟講都唔係陌生，好多時早餐、下午茶或者宵夜都會諗起麵包做首選。 依家麵包嘅價錢相對以前的都越來越貴，款式亦都越嚟越多。當然，我哋作為做食客嘅......對麵包嘅要求亦都會越嚟越高。呢輪放工咁啱都會經過新蒲崗，每逢經過呢間麵包鋪，咁啱又做緊八五折。所以都會買定個麵包預備聽日做早餐。 買咗起碼十次，每次都買唔同嘅款式，果然每次都冇令我失望。 就算隔咗一日，朝早攞去微波爐輕輕叮十秒鐘，結果同新鮮出爐嘅差唔多。 呢兩個係我呢期愛上嘅：意大利桔皮朱古力（$24）+ 鹽可頌（$10）__________地址：新蒲崗大有街3號萬迪廣場地下E舖

相請不如偶遇😍🥯無計劃地行經現時火紅包店-「享樂烘焙🧁」，之前已經見好多人大讚過🤤🤤 #麵包控 召集💪🏾 最後簡左個芋泥🥯‼️—————-👉🏻講返個芋泥🥯，不太重手，質感不屬好硬淨，唔實心得黎帶小軟，一個大概105 g ‼️比相象中細🙈👉🏻由於新鮮，只要簡單焗熱就可，焗完外有脆皮，個包入面口感都似麵包，唔太🥯！👉🏻至於個餡真唔多，有一半都吉的‼️芋泥係明顯調教過，都幾甜，變左反而唔好太多先平衡到個包！👉🏻整體唔係唔好食，但唔驚喜，屬好普通！有點期望過高😅😅😅👉🏻其實入到店內幾多款式，包既擺放都好整齊，有幾款麵包重有好大方的試食，可以試埋先買！👉🏻試食了兩舊，但反而幾驚喜🥰🥰🥰可惜我不太愛cream cheese ，如果食一個我唔得，果兩舊好似藍莓乳酪同紅莓乳酪包✨✨✨好鐘意cream cheese 既朋友可戰😇‼️

芋泥bagel ($15)bagel 既面脆脆地好似法包既外皮咁，只係外皮有d韌唔係個bagel煙韌，可能係用湯種既方法，所以包好軟熟，係我食過最似麵包既bagel。要讚既係內餡既芋泥超多，多到爆左岀黎，但唔知點解有d 果jam既甜味令芋泥既味d複雜😂抹茶紅豆麻糬QQ($26)一個好大個，要同朋友開心share🤣 麻糬少到好似冇咁，剩係得紅豆餡😂驚喜麵包煙煙韌韌，都有抹茶味但唔算濃。特濃抹茶焦糖三角($18)多士皮比較厚，有點像danish toast既感覺，面頭撒上砂糖，小心d會食到成枱都係🤣 內裏好軟熟，橫切面見到組織好靚，仲有濃郁既抹茶味，用上小山園抹茶粉係唔同d既🤤三個入面呢個最好食既！

作為一個專業麵包控，平時既早餐多數都係會食麵包！ 而且，最鐘意既就係周圍去搵唔同既麵包食！ 呢間麵包鋪都book mark左好耐，呢排不停係網上見到佢地既報道，而且好多人都話好食，趁今日黎開呢頭食飯，終於試到！收工之後去，差唔多7點都仲係有好多人買包，可見佢既名氣真係幾大。佢地都包既款式都幾多，而且都幾吸引！本身想買抺茶焦糖三角，但去到已經賣晒！好彩bagel 仲有好多！最終買左一個黑白頌，一個芋泥bagel同埋芝麻bagel! 黑白頌個底有層焦糖芝麻，好脆身好好味，而且麵包質地帶點煙韌，咁多個之中呢個最好食。本身對啲bagel好大期望，因為上網睇到好多人勁讚。又話用湯種既方法整，配合香港人口味，但結論係兩頭唔到岸。先置聲明，我本身係鐘意煙韌有咬口既bagel,但同果你用湯種方法，整得好軟熟好味，我當然歡迎。但係，呢間既bagel質地真係介乎兩者中間，唔係煙韌，但亦唔軟熟，反而仲有啲乾，真心一般般。

早幾天見到介紹，新蒲崗有間麵包店，款式甚多，特地去看看。各式各樣的麵包，很特別，有我以前超喜歡的忌廉芝士餡。店內有試食，讓我想起已經不存在的胖達人。極濃抹茶奶油包雖然賣相有點假，但敵不過好奇心。聽到店員介紹冰心麵包，幾有趣，好奇是不是八天堂的忌廉包般，不過第一次來，還是先買一個試一試。把插在上面的抹茶汁揤上忌廉，留了最後一滴直接放入口試，幾甘。咬一口麵包，韌。乾又韌，不新鮮的口感，已經不想吃了。吃到忌廉（應該不是忌廉），滑潺潺，但很厚，想了很久這有點難受的口感像甚麼。終於想到，是牛油。抹茶kit kat味的牛油，不算太甜，但抹茶味很假，沒有想要的茶味，更遑論茶甘。食牛油的感覺實在不好受，但買了$20又不想浪費，只是苦了自己。唯一可取，是麵包上面的少少脆皮，像菠蘿包般，有不甜的茶味。慶幸沒有買多個。吃完之後，沒胃口了一整天。

好鍾意食麵包 會買嘅麵包種類 第一位通常都係麻糬波波其次就係bagel 呢兩種都唔易搵同埋好難整得好味唔係食空氣 就係實的的而今晚我搵到佢!!!!!舖頭比起其他麵包舖我覺得已經叫做大麵包種類亦算多兜咗一個圈 好多都好吸引不過 最後都係決定買bagel 🤣仲要一買就買咗三個一個原味一個朱古力紅莓一個藍莓乳酪三款包都帶比人不同的感覺如果原味係簡單清純的初戀咁朱古力紅莓就係一段驚天地 泣鬼神 熾熱的激情而藍莓乳酪就係一段細水長流 帶著淡淡然幸福感的感情其實 每個bagel都好足料 唔會得幾粒莓 或者係空心空氣包而且 回彈力十足 煙韌但鬆軟亦無話硬同實到可以扔死狗口感一流三個字形容晒極！出！色！如果係純粹想好好咁感受麵包嘅味道 簡單直接 原味啱晒如果係想食濃味d 霸道d嘅朱古力味啱你如果係想食到麵包嘅味道又唔想太寡 想有其他味道點綴清清地嘅 就應該揀藍莓而我一定會再試埋其他🤤😍

素聞這家新開不久的麵包店很高質😯於是趁著前幾日有空就去拜訪了🤤🍵抹茶紅豆麻糬QQ$26🍵名牌介紹👉🏻使用了小山園抹茶粉😍看上去份量不小，重量也不輕❤️買完即食，於是叫店員幫忙把包切半~一咬下去，口感的確很鬆軟😍可惜抹茶味不濃，也沒有回甘🤭麻糬夠煙韌，不過麵包餡料不多，紅豆存在感有點弱~.在享樂買的第二個麵包，這個有驚喜😍🍞裸麥提子合桃包$15🍞無蛋、奶、油、糖！但吃下去味道豐富🤤口感依然鬆軟，不會乾爭爭~提子提升了麵包的甜度，合桃就加添了粒粒口感❤️飽肚感都足夠，8點左右吃，到了1點多才有一點點餓~雖然不算很便宜，但會想回購這款呀，健康又好味👍🏻.🍞意大利桔皮朱古力$24🍞可可味幾出，夾雜著桔皮既果香🥰雖然無餡，但齋食包都唔覺得好寡~咬落鬆軟，不過可能隔左一日先食，質地偏乾🙈.食物質素: 🌕🌕🌕🌘🌑食物顏值: 🌕🌕🌕🌕🌑性價比: 🌕🌕🌕🌘🌑回頭率: 🌕🌕🌕🌗🌑.

Bagel可以話係近年最熱門既麵包之一經過新蒲崗就見到呢間麵包店幾有特色店內放滿近排所有好hit既包類但我只係想試下佢既bagel佢地一個 $15-20蚊比台灣黎既好x貝果平左30蚊，緊係要買黎試試啦我買左3個，有藍莓乳酪貝果、黑芝麻貝果、紫薯貝果佢地3款bagel既餡料都好滿，好豐富而且每啖都可以食到，叮後個包皮好彈牙 (唔係講笑)我最鍾意既係藍莓乳酪貝果每粒乳酪都同藍莓好夾~藍莓都好大粒，酸酸甜甜同乳酪係絕配而個黑芝麻貝果食落就好似食緊擂沙湯丸咁呢種bagel好特別，同唔會太油因為食芝麻餡好易油份要足，不過呢款唔油而且同麵包好夾係一個新嘗試，價錢又合理~推介:  /5

6/11/2018 作為一個極為鐘意食麵包的人來講 一直都有收藏了一些用心麵包店checklist心血來潮好想食麵包 就決定去新蒲崗呢間睇下有咩麵包好食 收工時分來到都好多人 一入到店面 真係琳琅滿目 真係有好多麵包款式人人都係係麵包架前面走來走去 再睇真D原來有得試食可以比我呢D心大心細的人試下買邊款返去 最後買了 伊思妮明太子牛角 ($16)、鹽可頌($10) 同湯種藍莓乳酪貝果 ($15) 思妮明太子牛角 當晚返到屋企就即食 不過都係淋左咬開入面的氣孔如下圖 第二朝早餐好貪心咁食埋另外兩個在收銀處拎左張麵包翻熱方包 由於無焗爐 我用的係B方法︰電飯煲！！！ 翻熱左的鹽可頌 好鬆軟 牛油融左有少少鹽香至於湯種藍莓乳酪貝果 唔好睇佢細細個 其實佢實的的 入面仲有半條乳酪份量剛剛好 唔會太漏 好味！ 用心的小店值得支持 與其食坊間輕飄飄的麵包 不如幫襯下用心用靚料的小店

陪太太去新䈬崗，因為佢約咗朋友練歌。同佢去咗五芳街之後，自己一個諗住去Mikki Mall kill time，淨係識e度😜。點知五芳街一轉角，就見到這麵包店，已經覺得很特別，再睇清楚，原來攞過獎。我本身好種意食麵包，係食麵包當飯個種。即刻衝入去，嘩，好多好靚呀，重有試食。試食咗紅豆包，好有咬感（煙銀🤪）。最後買咗法包，擺過奬架嗎 😁。價錢合理，好脆好食。一路行去Mall一路食，又係咁，好食同我種意嘅都係食完先醒起要打卡。以後要記得要改😂

最近同好友飯聚，老友見我「麵包王」呢個銜頭（都喺虛銜而已），分別送我兩款麵包，同樣嚟自新蒲崗嘅一家小店「享樂烘焙」。先介紹其中一款：「特濃抹茶焦糖三角」（$18），友人將店家嘅產品名牌都影埋俾我做參考，真喺唔話得。未食都知啱我心水，皆因有焦糖成份，而且，從名牌所見，採用日本「小圓山」抹茶粉，自不然有更大嘅期望。成件三角即喺一大件厚三角多士，估計喺灑上沙糖嚟再烘焗過，所以，兩邊側面摸上手有少少黏，但大大口咬落去，外皮有份煙韌感，包心軟綿之餘，既有焦糖香，又有幽香嘅抹茶味，兩者幾有火花，再唔使又喺紅豆搭抹茶喇！另一款麵包喺貝果包：「湯種黑芝麻貝果」（$15），細細個賣成15蚊，都唔便宜架。貝果包我唔算多食，亦叫唔到有心得，但幾喜歡佢嘅柔韌感。個貝果包跟平常晌啲咖啡店所見嘅都無乜兩樣，喺叫表面有多少少黑芝麻，不過，咬開就變得不一樣。先講個包本身，撳落去有回彈力，口感煙韌有咬口，唔喺港式包軟軟熟熟一陣風咁；內裡散發陣陣芝麻香，因為填有芝麻蓉，不過，就未至於好似名牌咁講有流沙嘅感覺，或者輕輕翻焗一下可能會做到咁嘅效果。兩個包，分咗兩日做早餐，沖杯咖啡或花茶，喺醒神一日嘅好開始。獨享樂，不如眾享樂