享樂烘焙

营业中

休息中

之前成日經過元朗分店都大排長龍，買唔到！今次去新蒲崗店，好闊落又可以慢慢揀😎麵包選擇多，花多眼亂、最後揀左4款🥖明太子牛角酥🥐$20唯一一個咸包牛角酥室溫都仲好酥，拎上手唔會成手油，加熱一定仲好食，不過明太子真係偏咸😂要飲多啲水肉桂捲 $12包體好鬆軟，肉桂味濃郁，比一般肉桂捲無咁甜，面頭有啲杏仁片，多左一層口味，$12個絕對要再回購😋宇治抹茶蜜瓜包🍵$18好濃抹茶味，除左抹茶包，入面仲係滿滿抹茶餡，甜甜地仲有回甘👍🏻下次要買埋伯爵茶蜜瓜包試下特濃抹茶焦糖三角$18室溫拎上手好油，食落麻麻地，拎番屋企翻焗，表面焦糖焦焦地，麵包鬆軟，但抹茶味相對少啲，不過不失🫢

🇭🇰 享樂烘焙 ·台灣紫薯麻糬包$14 l 麻糬波波$18/4個佢個紫薯麻糬包我想試好耐架啦 但係次次都賣晒 今次我地下奏去就終於買到😍😍佢入邊真係超多紫薯蓉 軟糯得黎好甜 之後佢入面舊麻糬都好大舊而且好軟熟 不過佢面頭嗰個紫薯cream我自己就一般般啦🍠🤣🤣之後佢個麻糬波波我見冇乜人講 純粹係我自己好鍾意食 排隊俾錢嘅時候見到就夾咗幾個 點知超有驚喜😈😈佢好鬆軟 而且食落好煙煙韌韌 尤其係佢個朱古力係溶溶地咁樣 口感好正🍫🤤🤤·📍新蒲崗大有街3號萬迪廣埸地下E舖#rby💛·#rbyeat #rby好去處#rbybakery#rby新蒲崗

每次經過，都忍不住入去買麵包。～～～～～～～～～～～～～～～～～～～🍞特濃抹茶拿鐵小吐司 $35⭐️⭐️⭐️⭐️見到是抹茶，已經很有好感😍還要特濃🥰🥰不買對不起自己！回家急不及待立即吃，嘩，原來裏面還有麻糬😋😋😋喜歡這店的麻糬餡，煙韌之餘不會黐牙，既好味又吃得自在。這吐司很大個，一點也不小；而且甚有分量；用上丸久小山園抹茶，味道濃郁微甘，麵包軟熟好味，放過夜翌日吃也不會變腍變濕，非常好！🍞湯種擂沙芝麻小吐司 $28⭐️⭐️⭐️打開膠袋芝麻的香味已經四散👍🏻👍🏻裏面充滿擂沙芝麻，店子用料非常慷慨，這點是我經常回頭來買包餅的原因之一。麵包都是一貫的軟糯，正！🍞橙丁檸檬乳酪軟吐司 $28⭐️⭐️因為珠玉在前，比較起來，這款略為遜色。其實都是心思之選，裏面有橙皮，分佈均勻。味道酸酸甜甜的，夾著橙香，又帶點清新的味道，但檸檬乳酪在哪裏？～～～～～～～～～～～～～～～～～～～這店還有很多款式的包點：牛角包、果撻、bagel、鬆餅⋯⋯要逐款慢慢試😁

有一日特登出新蒲崗覓食，咁當然要去埋享樂啦☺️買埋呢個抹茶Combo✨ ⭐️宇治抹茶蜜瓜包（$18） CLS呢個包勁好食😱 首先個包體自己抹茶味好香又鬆軟，上面嘅蜜瓜皮氣炸後超級脆😍 重點係入面嘅奶酥超級多，抹茶味突出得嚟微甜🤤 應該係人人都接受到嘅口味👍🏻 成日見人講呢個包包，今日食到終於明白點解咁多人讚佢喇🥺 呢個價錢有咁嘅質素真係冇得輸👍🏻 下次再遇到佢嘅話我一定買多幾個🤣 ⭐️特濃抹茶焦糖三角（$18）一聽就知好邪惡🤤 氣炸表面嘅焦糖脆脆哋，入面係軟熟嘅抹茶味麵包，而且抹茶味好香👍🏻 我配埋乳酪一齊食當甜品覺得幾正🤤⭐️抹茶麻糬貝果（$20）一如既往嘅好食👍🏻 包體都幾彈同埋香抹茶味，應該已經滿足到普遍抹茶粉絲，呢個價錢嚟講真係好高質☺️ 而且中間嘅麻糬加熱後拉曬絲，配埋奶酥真係好正😍 一定會再買！

成日都黎買，好好味。即刻食當然好味，但就算拎返屋企第二日用焗爐焗返熱黎食口感依然咁香脆😋😋😋 可以話係全港數一數二出色既牛角包🥐。希望一直都可以維持咁好既質素同水準。其他麵包個人覺得都好食：北海道芝士粒長包/方包，法包，score(有超多口味 朱古力 咖啡 原味 芝麻 仲新出左北海道🧀芝士）etc 價錢：可以接受比一般麵包略貴都覺得正常注意⚠️早上比之前岩岩開既時候冇咁多選題，我一般都係中午之後先去。

宇治抹茶蜜瓜包 $18抹茶皮甜味為主，抹茶味不濃，酥皮能夠緊貼麵包體，唔會咬一啖就脆碎甩皮，成個包的抹茶味來自抹茶奶酥，呢個奶酥係靈魂，抹茶奶香味濃，無抹茶甘苦味，甜味為主，奶酥量都唔少，可以每一啖有包有皮有馅，我覺得係雞尾包加菠蘿包的變奏版，麵包體亦軟熟，係好食😋抵佢有咁多人讚👍🏻推薦度4.5/5桔皮朱古力包 $18呢個包都幾大個，麵包軟熟，外表黑黑的係Oreo 碎，外層唔甜，將麵包一開二內裡就係呢個包個重點靈魂好甜好濃的朱古力醬，而橙色一粒粒係桔皮有一種叮一聲的感覺，桔皮嘅清新味道可以中和好甜嘅朱古力，整體都係好甜，食哂成個都好膩，如果你係朱古力包愛好者，亦愛吃甜，呢個包你一定中意👍🏻推薦度4/5享樂烘焙 (新蒲崗)新蒲崗大有街3號萬迪廣埸地下E舖

享樂烘焙又出咗新嘢啦😍呢款宇治抹茶蜜瓜包茶香味濃。菠蘿皮鬆脆咬落口唔會跌到周圍都係，入面有抹茶奶酥餡，濃郁得嚟帶點奶香🤟🏻食落唔會太甜仲有少少回甘～放落微波焗爐翻熱返味道會更好～

喺提到出名整Bagel嘅舖頭，相信享樂烘培一定榜上有名。但係今次我就唔食佢地既Bagel，發掘下有冇其他更加好食嘅麵包🥯其實享樂烘培都有其他唔同特色嘅麵包，例如佢哋整麻糬等等都非常之出名同埋好味😋今次實比我試吓佢其他品種嘅麵包啦(´▽｀)～～～～～～～～～～～～～～～～～～～～◐ 黑糖地瓜麻薯 + 紫薯拉絲包 $24/2 (8.5/10)首先佢黑糖嗰個包好多麻薯啦，呢個已經係值得一讚，而且佢同出邊麵包舖相比，地瓜嘅份量都多💕 紫薯拉絲份量都冇得彈啦！◐ 明太子麻薯包 $16 (7/10)但係呢一個明太子就唔算話非常之濃，識落係有依啲煙韌嘅口感，但係比我預期中嘅淡味道。◐ 特濃抹茶拿鐵小吐司 $35 (8.5/10)但係呢一個就比我預期中有驚喜，雖然都睇過價錢好貴，但係其實佢好大份✨✨呢度如果大食嘅，可能都要兩個人先食得晒💕而且麻糬份量好多，掂😇～～～～～～～～～～～～～～～～～～～～總結就係，如果佢近我啲嘅話，就會成日買～可惜就係佢暫時都係得三間分店🥲

中午食完lunch 周圍行下，路過這間麵包店，睇舖入面人山人海，於是入去八卦一下。發現很多人都買bagel，於是我就買了幾個口味的麻薯bagel，包括綠茶，焙茶，伯爵茶及紫薯。bagel 整體不錯，特別是焙茶及紫薯，很有焙茶味及紫薯未。雖然偏甜，但整體還算不錯，價錢也算是合理，大概$18-$20 一個bagel。店內其實還有很多不同種類的麵包，也有scone，全部都睇落很吸引，下次會試下買其他種類的麵包。

每次路過都一定要買 今次買咗藍莓乳酪 抹茶麻糬 同朱古力紅莓bagel強烈建議一定要係佢新鮮出爐食如果攞返屋企嘅話一定要整熱先食口感味道真係差好多 抹茶真係我永遠嘅no. 1 茶味好香濃 再加埋好煙韌嘅麻糬 無得輸

我發現到依間麵包店系因為見到依間鋪特別多人，望一望招牌就發現原來佢就系大名鼎鼎嘅享樂烘焙😳就即刻衝埋入去買返啲麵包☺️💙湯種台灣大甲芋泥貝果💙💵$18享樂烘焙其中一個招牌就系佢哋嘅bagel-~作為芋頭控嘅我就買咗個芋泥bagel嚟試下🥰bagel都幾有彈性，唔會太實～芋泥餡料好足😍口感綿滑，好香芋頭味又唔會過甜🥰$18嚟講性價比真系好高😳💚湯種日本焙茶貝果💚💵$20依個口味相比起芋泥口味就比較遜色🫢焙茶系有嘅不過唔算好突出，焙茶餡料比較少，令到整體比較乾，無乜太太特色～💕overall💕好多麵包款式都好想試🥺下次要試下傳說中嘅特濃抹茶拿鐵麻糬吐司😤

路過幾次，隔著玻璃看見林林種種的麵包，幾次都想買，但每次都有事要辦，不想拿著一袋麵包周圍去⋯⋯有時見裏面人多⋯⋯直至這天，終於有機會了😁麵包果然款式多，有小巧的、有大大個的、有bagel、scone、蛋糕🍰、果撻等。見到都開心🥳🥳這次看中紅莓乳酪軟包，買一個試試，太多怕吃不完，放多日變濕好難食。～～～～～～～～～～～～～～～～～～～🍞紅莓乳酪軟包🍞 $28⭐️⭐️⭐️⭐️大大個❣️❣️抵食。喜歡紅莓酸酸甜甜，麵包裏面有Cream cheese，不是乳酪，但好好味！麵包鬆軟，餡料配搭與味道俱佳。我切開一片片厚片來吃，很滋味，吃完一片又一片，一下子就吃了半個。下次會再去買其他款式試試。～～～～～～～～～～～～～～～～～～～因人多，付款有人龍，要排隊。

好多人嚟呢度都係為咗買Bagel, 我都係一樣🤣之前試過幾隻味都唔錯，好可惜今日五點幾嚟到已經冇咩味道選擇 ，得返焙茶，北海道芝士，同埋藍莓乳酪，所以我轉戰左麻薯包。麻薯包分別有兩款，一隻係紫薯麻薯包，另一隻係黑糖麻薯地瓜包，$14一個，$24兩個，咁梗係買兩個，好彩可以唔同口味，每隻味道一個😋紫薯麻薯包有紫薯蓉，而且仲食到紫薯嘅皮，麻薯煙靭，味道吾錯。而黑糖麻薯地瓜包嘅麻薯係黑糖味，好特別，甜甜地好正，加上入面有滑滑地瓜蓉，

享樂烘焙🧁📍 新蒲崗大有街3號萬迪廣場地 下E舖∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎開心大發現呀😂，最近咁岩經過新蒲崗，比我發現左呢間超好食既麵包店🥰，佢哋既麵包款式非常多，而且每一款都會令到你好想買晒返屋企🤩, 值得一試👍🏻。🌟北海道芝士司康 $16/個 ，$28/2個食落去好似英式鬆餅🧇，不過係重芝士味既。🌟蜜糖提子司康 $16/個 ，$28/2個我覺得呢個好食😋，口感就好似英式提子🍇鬆餅，有一粒粒提子乾，不過餅就冇咁乾身👍🏻，推介。🌟台灣紫薯麻薯包 $14/個，$24/2個鐘意食麻薯既，一定唔可以錯過😌，有紫薯蓉之外，底層仲有麻薯，超好食😋。🌟海苔蒜香可頌🧄 $18有好重既芝士蒜香味，係唔錯既，不過唔鐘意食蒜既，真係唔好試🤣， 好重蒜味。整體推介指數：❤️❤️❤️❤️🤍∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎

Foodies推薦既麵包店同Bagels多不勝數，但又有幾多間既Bagels係真係好食？可能係個人口味同有偏見，自己唔鍾意太鬆軟既Bagels，覺得同麵包冇分別，失去左Bagels既特色⋯亦唔鍾意太多餡料既Bagels，覺得變左三文治咁試過買另一間名店既Bagels，佢有韌性到可以稱之為「硬」，同事直接話難食相較起黎，享樂烘焙既湯種Bagels暫時係我食過最岩我口味既，佢煙韌得黎又唔會好硬，係我理想中既口感今次試左芋頭同伯爵茶Bagels，伯爵茶Bagels真係好出色，食完係會有齒頰留香既感覺而佢兩款Bagels既餡料都好適中，同麵團本身係好配合，相輔相成唔會有妹仔大過主人婆既情況出現總結黎講，享樂烘焙既麵包品質我會形容為對我住佢既名氣，係真係好食而不負期望，所以之後都會繼續幫襯同試其他款式