亞蘇爾 (形點) (已結業)

很久沒有和朋友聚餐，要吃的話一定要選優質的, 這次就揀選了風評很好的澳門菜「亞蘇爾」早已聽過它的大名, 難得朋友提起今次聚會, 一行三人就來這裡食澳門菜吧十月初五蝦籽松露意大利麵意粉軟硬適中, 不會太硬實, 迎合香港人口味, 充滿了忌廉和松露的香味, 份量適中，一個人吃會有點膩, 大家一齊分享剛剛好葡式香烤脆皮乳豬件配薯菜脆皮豬皮夠香脆，肉汁被鎖住。乳豬貪其脂肪較少，充滿嫩肉，名副其實啖啖肉。乳豬沒有嚡口，咬下「索索」聲，脆卜卜之外，肉質卻腍滑多汁，真是如吃豬手的，停不了口。椰香葡國雞配飯人人讚好的揶香葡國雞，當然要試啦, 香噴噴的椰香，嫩滑滑的雞肉，咖哩有陣椰奶香味及有獨特的葉香, 蠻有趣的。雞肉肉質熟度剛好, 幼細滑溜, 吸收了葡汁令調味與雞肉融和, 味道香甜, 吃一大片雞肉，絕對是享受!果然是招牌菜式。 享受一頓豐富的晚餐, 整體質素相當不錯, 尤以葡式香烤脆皮乳豬最難忘, 味道極佳。

元朗新開了很多特色食店，我最愛就是「亞蘇爾」店內裝潢富格調，適合三五知己好友聚餐，歡樂暢聚一下。東望洋鮮茄焗豬扒飯豬扒油光亮澤，香濃豬肉香味令人食指大動! 用刀緩緩切開，豬肉肉質軟腍，有別於一般的豬扒。餐廳用了焗方式烹調，我被鮮茄和芝士的濃郁香氣吸引，豬扒肉汁被鎖住使口感保持最佳狀態。豬扒甚有香味的肉質，飯吸收了香濃的肉味和茄味，滋味無窮，配搭甚佳。椰香葡國雞配飯每次食澳門菜，你會點是什麼呢?我本身很喜歡點總會是葡國雞，亞蘇爾黃澄澄的咖哩醬不是搶辣味，而是濃郁的香料，香葉和椰奶的味道，咖哩結合椰奶有令人意想不到的效果，令人食慾大增，店主加了薯仔，我十分喜愛愛薯仔的味道和質感。葡式香烤脆皮乳豬件配薯菜我被那香烤脆皮乳豬的香味所折服。 吃上一口，感覺好得出乎意料。皮脆肉嫩，混合了不同質感，乳豬溢著一股香濃的嫩肉道，不咸不淡，又有著微微的甜，順喉入胃之時，有一種說不出的爽。再咬一口蟹，感覺是肉脂豐腴的那一種，味道鮮美，咸淡適中，無需蘸料相佐，美味可口。「亞蘇爾」食物質素一定較優勝, 環境也坐得舒適多, 食得飽飽, 食物種類多，大家吃得開心。以後想食澳門菜，都會諗起「亞蘇爾」啦!

剛剛搬到元朗，樓下就有一個大型商場，行街食飯好方便😊，聽住在元朗朋友介紹呢間（亞蘇爾）的澳門菜幾好食，就帶住媽咪試下！入到去，牆上面寫了好多關於澳門特色食物名稱！坐位舒適！餐牌上的飯及麵種類不多，但樣樣都好吸引😍！呢個十月初五（松露意大利粉），加入黑松露味道好香好濃，配料亦很豐富，所以口感一流。葡式咖啡雞伴飯-薯仔煮得好淋好入味，雞肉入囗鮮嫩！👍🏻👍🏻炒野菜－平日食的炒野菜比較簡單，但呢一碟除了菜外，會加入菇菌，栗米仔，番茄仔和香蒜，口感豐富不少😋！

黃金周，內地的親戚朋友來港消費購物，就帶咗佢哋去元朗yoho 行街食飯，經過一間亞蘇爾，看看門口餐牌，大多數是澳門菜，幾有特色，就去試試。餐牌上有好多特色嘅澳門小食，樣樣都好吸引😍裝修簡約-地方好大，坐得好舒服😌吧枱的擺設整齊及好有條理👍澳門最出名的葡撻，這裏有三種味道，濃香咖啡葡撻，鮮橙檸檬葡撻，焦糖葡撻，我哋就選擇咗焦糖葡撻，食落熱辣辣，蛋撻皮很鬆脆，燉蛋好香甜。亞蘇爾小食拼盤-馬介休球外脆內軟，魷魚圈辣辣地好惹味，豬手爽口又好入味，正！華僑雞湯米-雞肉煎至金黃食，油炸鬼吸入濃湯好入味，口感一流😍

好耐冇過大海，又好想食下葡國菜，友人建議試下YOHO入面哩間餐廳，西鐵站上蓋超方便！葡式香烤脆皮乳豬件，超級推薦這道餸，乳豬皮好脆，肉不會過肥，好好味！❤️咸魚炒芥蘭，開頭友人揀這個菜本以為會好咸，點知又出奇地香口好味😌葡式檸檬白酒煮海蜆，鮮味十足，加了檸檬更清新😍芒果柚子沙冰同荔枝沙冰，好好飲，果味嘅甜，沒有糖水的假甜味小食拼盤，每樣少少，最適合為食咩都想試嘅我😝焗青口，喺云云美食中算比較普通的一款！係普通焗青口的感覺😝但食物新鮮焗起夠哂熱辣辣👍🏾

又在元朗食午飯， 朋友提議到阿蘇爾食葡國菜， 見到餐廳食評很多，值得推介， 便二話不說走進去。餐廳位於元朗yoho town一期商場 ，西鐵站落車行幾分鐘便到。因為開張不久 ，裝飾和檯凳新淨， 座位闊落之餘， 還可以選擇戶外坐， 一覽周圍翠綠景緻。餐廳主要提供葡國菜， 澳門菜，亞蘇爾小食拼盤，2人份量， 包括 芝心馬介休球， 辣肉腸芝士脆多士， 霹靂魷魚， 黑醋豬手和 香草烤意瓜。首先我們嘗試 霹靂魷魚， 小小一碟 魷魚冷盤 酸酸辣辣， 魷魚圈之外 還有少少橄欖 ，椒絲和沙律菜， 當作開胃菜，不錯。芝心馬介休球， 外層真的很脆， 裏面的薯蓉和中間的芝士又軟又滑， 口感豐富；芝士跟馬介休配合， 鹹香味道升級，是我今餐最愛。黑醋豬手亦很好吃， 豬手黑醋味濃 ，非常爽口，味道清新，一點肥膩感都沒有。辣肉腸脆多士則要盡早吃，否則不夠脆， 多士上面塗上少少黑松露碎，更惹味。當我們吃完兩大片香草烤意瓜，都已經飽了一半，証明這個拼盤的份量不差。至尊鵝肝焗鴨飯， 賣相有點像中式臘腸飯。 鴨塊和鵝肝混在焗飯中，鵝肝入口軟綿， 味道甘香，鴨肉沒騷味。 飯粒因吸收了鵝肝和鴨肉的油脂，所以分外黏膩 濕潤。 吃

今日接完小朋友放學，我同佢都非常肚仔餓，小朋友最近去左元朗學跳芭蕾舞，咁佢放學之後，就決定去附近的Yoho mall食飯啦。惹味非洲雞配薯菜$148一大隻既非洲雞，味道非常之好呀，果然同餐牌惹味兩字完全吻合，冇呃食客呢。非洲雞表皮抹左大量既香料，又濃味又好惹味，雞脾肉仲又腍又滑，食唔停囗。咖喱B牛坑腩$118有一段時間冇乜食咖喱，所以今餐就叫番個食下先。牛坑脹份量都唔少，有齊好腍既薯仔，結實既牛坑腩同洋蔥，咖喱仲可以簡配蒜蓉包或者白飯，配飯就更加掋食啦！

位於元朗的 亞蘇爾 ，是同區內少見的葡國菜餐廳。已經有一段時間沒吃葡國菜，連去澳門觀光也沒品嚐到葡菜，是日從大阪回來，便來回味一下吧。路氹香脆豬扒包$72葡菜的知名菜式，非豬扒包莫屬吧。香脆大大件的豬扒包，賣相頗為吸引。麵包鬆軟輕形，外皮乾脆，豬扒煙靭結實，調味略重，搭配粗薯條，大大滿足。焦糖葡撻$14鮮橙檸檬葡撻$14除豬扒包外，葡撻是我不二之選。這裡的葡撻有三種囗味可選，香脆的酥皮，和滑嫩QQ的蛋餡非常合配，一人兩個更加開心唷。

話說和朋友慶祝生日🎂因為平日晚上所以沒有限時，之前也見到這家店也有很多好評，所以就決定這家了！我們平日晚上八點入座，店𥚃也有一些客戶，平日來說也算人多！好啦！就看我們就叫了什麼🤔芝士馬介休球葡腸豬肉伴煎蛋🍳葡式烤乳豬🐷經典木槺布甸杏仁餅木糠布甸毎一様也挺不錯👍🏻店𥚃服務人員也很主動加水，這個不錯👍🏻環境也很舒服👍🏻不用過大海也可以品嚐到澳門菜，而且不比澳門差呀！可以值得一試！

YOHO MALL的餐廳選擇很多，這次便來了亞蘇爾吃澳門菜。餐廳環境不錯，而且原來面積也挺大呢。點了幾款食物和朋友一起分享。沙甸魚三文治。這份三文治是出乎意料的好吃！麵包烘得十分香脆，中間夾著沙甸魚，還有半熱熔的芝士，簡單的配搭，卻有豐富的味覺！旁邊還有沙律菜和薯角伴碟。豬扒包配馬介休炒蛋。好大一份豬扒包，外表看起來已經十分吸引。 豬扒包的麵包也是香脆，但又帶點韌勁。中間夾著大大塊煎豬扒，豬扒肉質很嫩，還保留肉汁。旁邊有炒蛋，炒蛋很滑溜，夾在麵包裏面一起吃更好吃！咖喱牛坑腩。很惹味的牛腩咖喱，咖喱香辣又濃郁。 牛腩肉質非常嫩又軟，牛味突出，果然是牛坑腩！配白飯一起吃，不消一會兒已經可以吃完整碗了。辣肉腸炒雜菜。同樣也是很惹味的炒雜菜，辣肉腸的鮮味完全滲到雜菜裏面。 雜菜整體帶著咸香的味道，也是送飯的佳品。整體來説，食物質素不錯，下次會再來試試看其他菜式的！

位於元朗大型商場—形點商場有好多菜式；例如泰國菜、越南菜、美國菜等等...餐廳，所以特別簡選很少地方主打的澳門菜，一起感受下不過海嘅滋味，哈哈！！很多菜式口味都好啱我哋嘅心意，而且如果掛住澳門都可以嚟呢一度食到係澳門食到嘅食物。點了小食拼盤、焦糖葡撻、路氹香脆豬扒包、葡式椰香雞。美好的一個晚上

今日同朋友約好左去元朗亞蘇爾食個飯去到好快店員就安排好入座,真係好肚餓埋位就睇餐牌啦,肥人唔餓得都好多野想食喎真係慢慢諗下先結果今日叫左乳豬,白酒蜆,咸魚芥蘭,小食拼盤,焗青口,芒果柚子沙冰,荔枝沙冰乳豬--皮脆肉嫩,好香口又有豬味白酒蜆--少少酒味反而帶起成個蜆既鮮味咸魚芥蘭--又唔會好咸喎,菜夠晒新鮮好爽口,咸魚個味唔太咸之外都幾香口小食拼盤--(芝心馬介休球,辣肉腸芝士脆多士,魷魚,豬手)炸物個脆漿唔會太厚,熱辣辣,而味道都幾好食焗青口--好香口既味道,焗出黎熱熱地係唔錯既芒果柚子沙冰,荔枝沙冰--都幾香果味,食落凍凍地都令人好舒服

襯今日假期去元朗yoho逛街，發現原來開了許多新餐廳，所以雖然商場人流多但食店都不用大排長龍。到了第一期二樓的床上用品店逛逛，買好了要買的東西後便直接到對面的亞蘇爾澳門菜吃個brunch!餐廳沒設午餐，所以跟晚餐一樣都是散點。小食拼盤 $162芝心馬介休球(配有辣醬、沙律醬)霹靂魷魚，凍食。黑醋豬手，好有咬口，爽口帶微甜酸。辣肉腸芝士脆多士，驚喜的是原來好重手好夠份量， 而且還有黑松露，做得好厚身，口感豐富，富香濃芝士、薯蓉和辣肉腸，配上黑松露，而且還能保持多士的脆感，好喜歡這個多士。多士底下有香草烤意瓜，好汁潤鮮甜。咖哩b牛坑腩 $118可選飯或蒜蓉多士，上桌時還是滾燙的，能保持熱度，牛腩好淋好入味，帶筋位好爽彈；薯仔好入味內裏中心都有咖哩香；蒜蓉多士非常鬆脆，蘸上咖喱汁，讓人食指大動。荔枝梳打 $42清凉冰爽，富荔枝香。

未食過正宗嘅葡國餐所以就黎到亞穌爾試一試啦。當日係星期日，就算過咗午餐時間，都仲有人排隊，我哋等左大約三四個字先有位。而且我哋走嘅時候，餐廳都仲係好full， 估計呢一間葡國餐廳喺元朗來講都幾受歡迎。當然啦食葡國野梗係要試吓佢嘅葡撻啦。所以我哋叫咗個焦糖葡撻，個葡撻真係無得輸啊，同平時嘅葡撻唔同，佢係真係好明顯有一層焦糖喺葡撻上面，食落去嘅口感當然係比平時嘅葡撻更加豐富啦，味道亦都比平時嘅更加令人難忘，同澳門出名葡撻嘅餐廳有得揮呀，以後唔使特登去澳門食葡撻啦！主菜方面，我哋分別叫咗椰香雞湯米同鵝肝焗鴨飯，兩樣嘢食都煮得十分之有誠意，真係要大贊。先講椰香雞湯米，湯底十分之出色，椰香味好出，至於雞方面，亦都好入味同滑，大家真係要試一試呢碗野啊！至於鵝肝焗鴨飯，焗飯上枱時熱辣辣，即刻聞到香味。鵝肝，鴨嘅味道都冇令到我哋失望，而個焗飯亦都好有心思，加咗橄欖同埋其他嘅調味粉落去，令個飯食落去更加好味道同埋有層次。

走進繁華喧鬧的商場，偶爾遇見寧靜的餐廳，三五知己聚首一堂食個簡單晚餐，就這樣走進了這間~亞蘇爾。坐下後，上網做個簡單搜尋，原來這間餐廳是正宗澳門菜(不過與其說是澳門菜，應該說是葡國菜才對)，單看餐牌已令人聯想到像去了澳門的法x度、山x士、船x等等的出名葡國菜館。說到出名葡國菜，必試一定是馬介休這個有芝士做涵，加埋馬介休薯泥，冇得輸白酒煮蜆，葡國名菜，還帶有陣陣檸檬香味鹽燒沙甸魚，預了多骨，但味道剛好，不會太咸或冇味馬介休炒芥蘭，即係咸魚炒芥蘭?不會太咸，好香燒乳豬，外脆肉厚，配料好食鵝肝鴨肉飯，可以媲美西班牙炒飯，香濃鴨味，軟飯，每一粒飯都入味。4個人食咗700蚊左右，又唔算貴。可以一試