亞婆豆腐花

营业中

休息中

第一次食<阿婆豆腐花>已經是係舊舖的時候, 當時仲係祖安帶我去食的. 食完之後我都覺得好好味, 不過食0左砍次就話結業啦, 可惜可惜. 不過前排聽實實梨講, 話<阿婆豆腐花>會重出江湖, 今次真係等到啦. 而冇變的是豆腐花依然好滑, 同埋都係同祖安一齊去食的. 1. 豆腐花 ($5) ~ 我地每人叫0左一碗熱0既豆腐花, 價錢都冇變喎!!! 我食豆腐花是不會落糖漿的, 而只是落黃糖. 因為黃糖有口感, 而且唔夠又可以逐d 加, 食到最後的時候, 又唔會太甜, 真是恰到好處的食法!!! 整體評價：食完, 已經又想再食了!!!

以豆腐花為主的甜品店中，亞婆豆腐花必定是街知巷聞的。同時，係大埔仲開左幾間渾水摸魚既豆腐花小店, 都是打正阿婆豆腐花既名號, 不過只要大家一食就知個分別, 希望佢地吾好再呃到人。我和朋友 點了一凍一熱既豆腐花, 各一碗.熱既豆腐花~ 細細碗，暖笠笠，好暖胃。豆腐花的質地是滑滑的，同時豆味濃郁。唔係好似有 d 渾水摸魚既豆腐花小店咁買 d又稀又吾滑又沒有豆味既豆腐花。這個亞婆豆腐花果真名不虛傳, 實在令人吃得感動!凍既豆腐花~ 一樣好滑，凍既豆腐花凍冰冰, 吃時 味道 會 較 熱既豆腐花更香甜， 夏天來吃一碗凍既豆腐花，定必透心涼。事實上，五元一碗的亞婆豆腐花，一試令人回味， 豆腐花不但香滑而且豆味濃郁， 真的是經濟又實惠，難怪有好多慕名而至!

話說亞婆豆腐花是大埔的名物,我直接說在大埔食豆腐花當然要選擇阿婆豆腐花吧,這間店鋪最初也在附近,是一個非常迫擠的店鋪,在小時候也常常經過這間店鋪,很多住大埔的人也會來食一碗豆腐花,一月一日新的一年新的開始,在深圳食了海鮮早餐,回港後也想在大埔食一點東西,選擇亞婆豆腐花.由舊址換了一店較大的店鋪.店內有數個位置坐.中午時份也非常多人食豆腐花,而亞婆的女兒和孫子在店鋪前忙碌地賣豆腐,店內則忙著制作豆腐花,還賣著豆漿,以及南乳來的目當然是它的名物,但要了凍豆腐花,自己加少許黃糖,其實不加黃糖也有甜味.,坐下慢慢享受,慢慢看著這間家族店鋪,凍凍的豆腐在夏天的確是涼透心,在冬天也欣然接受,食下去非常滑溜,多年沒有改變,食到少許豆味,份量不少,食完一啖又想食多一啖,進食期間不忙和亞婆談了一會兒.八十歲的亞婆也非常健康,自己也會幫手.少食豆腐花的自己很快食完這碗豆腐花,隨即還來一杯豆漿,可能食了豆腐花關係,感覺豆漿則較淡口,還幫家人買一碗回家,臨走時還向亞婆說聲再見五元一碗豆腐花食完非常回味

之前突然消聲匿跡左一段時間...　期間... 係大埔仲開左幾間渾水摸魚既豆腐花店... 打正阿婆豆腐花既名號...不過一食就知個分野........... 然而佢地仲呃到好多慕名而至既人........ 直至有一天...係新聞組見到... "亞婆豆腐花 reopen @ taipo" !!!網友話... 開左係"快樂街"對面.... 搵晒中原地圖... 再問埋住大埔既女友... 都唔知快樂街係邊..................(後記... 原來快樂街係一家機鋪名.... )新店有埋檯同櫈可以坐係度食... very goooood!!!豆腐花依舊香滑... 豆味依舊濃郁...5蚊一碗............ 實在是多麼的經濟實惠 亞婆豆腐花... 請不要再離我地太遠...

難得field trip入到大埔.點都要係附近揾下野食.先充實先上open rice揾左幾間食店.星期6完左field trip就開始揾食啦!黎到亞婆豆腐花.嘩.未到就見到有人龍排哂隊!不過亞婆.仲有個後生仔手腳好長..唔洗3分鐘,我地就買到碗凍豆腐花啦! $5先望1望.用ga碗係舊式藍碗.唔.唔錯唔錯.幾有feel.食落去.嘩.好滑!未食清個味.d豆腐花就溝左落喉嚨!但食真d....就會發覺..得個滑字...但其實無豆味...anyway,我都覺得$5 1碗都食得過..因為真係好滑,企係街邊食又有另1番風味呢!

16/11 上個星期日 和女友行過大埔虛新街市, 看到人頭擁擁的排隊買 阿婆豆腐花o 一堆人拿著"古老青花碗" 站在路邊吃得津津有味o 好奇心起, 我們一於做羊群, 排隊買了3 個回家吃o 嘩, d 軟豆腐滑到, 吞左都唔知 正正 !! 豆味也不錯 !!!女友和我都覺得是吃過最 滑的豆腐花, 比什麼 xx和的要好的多o 價錢只是5 大元 (外賣6元) 所以名氣大不一定好吃 !!!! 下次要再來4 碗 !!! (熱的, 比凍的更香更滑)

搬來搬去的阿婆，終於不用再寄人籬下。新店人龍依然，價錢不變。星期日與妹妹在午飯前先過來吃碗豆腐花。豆花依然很滑，只是沒有往時那種濃濃的豆香。

週日天氣清涼,大人忽有趁墟雅興,約齊阿姨表妹齊齊走到大埔遊玩,愛吃的月巴人當然奉陪!走過街市對面紅綠燈已見對面某店人頭湧湧,原來就是阿婆豆腐花所在之處,一場來到跟表妹鑽進人群裡買了2碗,大家就在店前立食起來。豆腐花真的很滑溜,輕輕一啜已滑進喉嚨,真的滑不留口!不過豆味稍為薄弱,要從沒加糖的豆腐花才可品嚐得出,加了糖水或黃糖後就較難發現了!! 阿婆的糖水甜度頗高,只加少許已是頗甜哩!! 豆腐花流量高,熱度也很高,一不小心會像我般燙到舌頭哩!! 只可惜今次用了普通的膠碗盛載,而不是像KC兄那款藍白色瓷碗,我跟表妹也覺得稍欠風味哩。阿婆老當益壯,看她密密手的片豆花,雖然人流不絕也應付得來,協助她的年青人也同樣的敏捷,利害!!

九月廿五‧晴這裡之前還在蛇王海隔離，現在那邊換了間椰汁店，而豆腐花舖就搬了過這邊。這裡大一點，還有一張窄窄的長檯，不用再捧著豆腐花在街邊吃了。 本來也打算在舖外吃，但見有位，當然坐下來會比較舒適一點。要了碗凍的，非常滑溜，淡淡的豆味。己代下糖水的，卻已是相當之甜，如果下次來，似乎「少甜」會比較適合我。 來吃豆腐花的人客也真不少，人人都是吃完就走，我當然也是。 埋單5蚊，仍然是經濟抵食。

去大埔墟食群記和逛街市成為我最近週末的“飛佛”行程 (e.g.在大埔墟街市可以一次過買到阿蘇介紹做瑞士雞翼的鉅X醬油、聲稱全港最貴的頤X園本地製醬油、以及另一間本地製作的大孖豉油，仲可以在樓上食埋魚蛋粉添呀但無論食完群記或者魚蛋粉，又或者手中已買到一袋二袋都好，點都要在這兒食碗豆腐花才捨得打道回府。因堂座地方太細，每次都見到有一大班人，拎住碗豆花圍住間舖在街上吃，雖然豆腐花的豆味只是一般，但的確是超級滑溜；又雖然她的凍豆花通常都唔夠凍（可能因去貨太快雪唔切），但配合清甜的糖水，食完一碗立即暑氣滯氣全消，忍不住順口一句“再來一個吖，唔該！”現場所見，$5一碗的豆腐花真是薄利多銷，兩位打理舖面的哥仔收錢收到手軟，希望他們繼續努力，保持水準，我一定繼續支持(雖然每次最多只是10個大洋咁大把)

相信住大埔的朋友一定會食過或聽過阿婆豆腐花，之前曾經結業既佢又再開張。新鋪空間較大，有位子可以比人堂食，可以食得較為舒服。豆腐花如以前一樣，依然都係咁滑咁香，而個人覺得冇以前咁碎，口感更加好。同時買了一支細豆漿($7)，剛剛新鮮整好，豆味香濃，最緊要只有很少糖分，天然健康呢!同埋價錢依然都係$5(外賣加$1)，係平價甜品之選!

尋日經過大埔大光里2A地下,發覺"阿婆豆腐花"首日重新開張,我即時入去支持 , 豆腐花依舊咁滑,雖然豆味冇以前濃郁,但坊間始終好少做到咁滑,我認為依然值得山長水遠走一趟,新鋪大些及多了少量座位堂食,最難得豆腐花沒有加價,依然價廉物美$5碗(堂食),外賣$6碗,不過我寧靜願她們加價錢$1,$2,佢現在鋪位大咁多,租金一定貴過以前,雖然腐乳有加價少少,但只靠賣豆腐花,豆漿,腐乳都唔知夠唔夠交租,希望佢地可以繼續做落去啦!