亞婆豆腐花

营业中

休息中

這間店經過數次，一直沒打算幫襯，男友說過這間老字號不錯，於是來一試。想不到，又真的幾好，會再來的，它的豆腐花，想起也想再吃。個人喜歡吃滑滑的，入口即溶的豆花，多於充滿豆香但結實的豆花。大嶼山、長洲、人和一類較合我兒，這兒的豆花也做得到，即使已經冰過，依然非常軟滑，很想即時多吃一碗。是水準之作。

大埔人幾乎無人不知的亞婆豆腐花出名平靚正難得係出名後依然有禮食物質素可保持附近咁多好野食食完正餐過黎食碗豆腐花...好開懷不過, 唔知有冇記錯, 好似加左價, 由五蚊變六蚊但都係超值之選

去大埔行,見到好多人排住隊食豆腐花咁一定要試下la個度d人既速度好快,三兩下手就整好一碗間鋪都好細心,有凍熱俾你選擇,仲有黃糖同糖漿俾你自己加$5一碗,食落仲要好滑好滑,一定係食落口就即溶既感覺如果特登上山食山水豆腐花既人,不如黎呢度食好過

星期日扮吓乖陪媽咪行街街, 經過"亞婆豆腐花", 心思思想食番碗! 唔知係咪買餸時間,人都幾多,都要排住約5分鐘隊. 因為天氣開始涼, 叫左兩碗熱騰騰既豆腐花依然好滑!! 但正如網友所講豆香有點不足. 不過講開豆香, 其實佢地既面豉醬就反而好有豆香的, 唔似出面超市貨咁味道死鹹, 媽咪買左罐, 即晚整左碟"面豉燴茄子", 好好味!

去完嘉道理農場，見近大埔，所以去大埔覓食，所以就試左Open rice 榜首的 亞婆豆腐花，叫左一碗熱豆花，好滑但我都同其他openrice 之友一樣覺得唔夠豆香，但都算好食唔知幾時再有機會食呢，因為都幾遠，另外有無其他openrice 之友可以提供那裡的豆腐花好香呢，等我試下先。

在OR看見大埔人氣最旺的就是阿婆豆腐花，當然要試試，到達時是下午茶時間，人客不少，人氣真盛! 叫了一碗熱豆花坐下慢慢吃，店員細心地叫我小心熱，吃一口，豆花滑不留口，自動滑入喉嚨，感覺良好! 再吃就覺豆香不足，豆花沒豆香，怎會不扣分? 但是5元一碗，還要冷熱同價，可以接受了。

上次午飯時間嚟，排長龍所以冇食到。今日見唔使排仲有位坐，於是的起心肝試吓。叫咗兩碗熱豆花，心急試味，差啲脷都淥熟~~食落真係好滑，但係除咗滑之外，冇特別喎。尤其豆香、豆味失奉...想食滑o既豆腐花，呢度合格有餘。但想食香滑好味o既豆腐花，我唔會揀呢度囉。

豆腐花滑! 但係實在被吹捧過度!相比全香港其他豆腐花，豆味極淡，豆香欠奉!我係柴灣食一碗外賣堂食冷熱都$4的豆腐花，豆味濃郁，豆香撲鼻~btw, 唔難食，但冇坊間講得咁好食 咁天花龍鳳姐 $5 碗買得過黎嘗鮮!

豆腐花很幼滑!!!價錢便宜啱哂做飯後甜品xd!!!一家大細都一齊食,甜的程度可以鐘意自已落幾多糖,老闆婆婆又親切,尤其係住大埔的朋友一定要去食呀!!!嚟開大埔啲朋友都要試試ya

柴灣路痴在大埔~去完鐵路博物館, 跟住GOOGLE MAP, 搵到"阿婆豆腐花"~ =D真係好多人買, 去到有3個人排前面, 熱豆腐花 堂食 $5~哇塞, 名不虛傳!!! 真係好滑!!! 唔計盒裝豆腐花, 呢個係食過最滑既豆腐花~ *見到個奇景, 一棟幾盤豆腐花~ *見唔到"阿婆"~ 見到後生仔~

亞婆豆腐花!!! 無花無假!! 滑過第家!!!豆腐花:::非常軟滑,滑得來又唔會好似水輕盈,又緊密既結構!!豆味亦都濃郁.而且只需5元一碗!!!對5元有咁既水準係屬於物超所值!!!

去完鐵路博物館, 熱很汗流浹背之際,誤打誤撞黎到亞婆豆腐花門前。其實真係好多人企係到食, 見到....成30幾度..更係食凍!!!亞婆白滑豆腐花正常size, 但係5蚊感覺真係好平,食落口真係滑左落個肚到啦已經薑汁既味又冇cover到豆既香味..岩岩好啦 , 5蚊 要求唔高既 !! 最緊要連渴都解埋!!!好多人企係到食, 但係都唔算叫污租... 讚讚 !! 下次再食!!

阿婆的...唔錯...好滑...不過...就係出名滑得黎冇味...不過今次好似如好D...有少少豆味算係香港數一數二...好味GE...

黎開fanling, 就又去下大埔搵食, 貪得意來試下豆腐花. 發現勁多人, 好彩都有4粒堂食位, 唔駛立食.豆腐花好滑, 糖膠任落, 天熱食碗凍豆花, 正! 才$5, OK!

2010年4月8日 ( 亞婆豆腐花 - 1 ) 今天行山遇上連場大雨，幸好早有準備，把傘逛遊九龍坑山後，下午茶時段，回到大埔，想吃點東西，隨即想起亞婆，聽說她的豆腐花頗有名氣，便前往試試了，最後嚐過了豆腐花及豆漿。豆漿(5元)：Johnny從小愛飲豆漿，小時候經常光顧街市中的豆漿舖，當年總覺豆漿非常美味，現在很多舊式的豆腐舖已經沒落了，超市的興起，現成製作的豆漿多了，但很多種豆漿的味道也是不行的，經常帶著粉粉的口感，即使最好的百福也難有我喜歡的豆香味，至於這裡的豆漿，雖然豆味不濃，但仍屬好飲的，講到豆漿：仍然是喜歡深水埗公和的味道。豆腐花(5元)：這裡的豆腐花，非常軟滑，滑得來質感不錯，豆味亦濃，卻還欠豆香！雖然是這樣，這碗豆腐花也屬驚喜之作，也許是我近年在香港遇上最欣賞的豆腐花。最近佛誕假期，Johnny到過廣寧縣-寶錠山(竹鄉農家特色美食)，德慶縣-金林水鄉(金林水鄉腐竹坊)，德慶縣-盤龍峽(山水豆腐花)，三處的豆腐花也試過，水準也不及這裡的豆腐花；然而，我仍然懷念在深圳( 梧桐山水庫 )的豆腐花，特別是那濃濃的豆香味呢！